প্রধানমন্ত্রীগী লোইশঙ
সিবিল সর্বিসেস একজামিনেসন ২০২৫ দা মাইপাক্লবা কেন্দিদেতশিং প্রধান মন্ত্রীনা থাগৎপা ফোঙদোকখ্রে
থাগৎখিবা:
06 MAR 2026 8:27PM by PIB Imphal
সিবিল সর্বিসেস একজামিনেসন ২০২৫ দা মাইপাক্লবা কেন্দিদেতশিং প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে। মহাক্না হায়খি মদুদি মখোয়গী কৎথোকপা, খাংবা কনবা অমসুং হোৎনবা কন্নবনা মখোয়না মসিগী মাইপাকপা অসি পুরকপা ঙমখিবনি।
প্রধান মন্ত্রীনা হায়খি সিবিল সর্বিসেস একজামিনেসন লানবা অসি মীয়ামগী থবক তৌনবা মরুওইবা খোঙচৎ অমগী অহৌবনি। লৈবাক্কী সেবা তৌনবা অমসুং মীয়ামগী অনিংবশিং থুংহন্নবা লম্বীদা মখোয়গী খোঙচৎ হৌবগা লোয়ননা মাইপাক্লবা কেন্দিদেতশিংদা প্রধান মন্ত্রীনা য়াইফ পাউজেল পীখি।
একজামিনেসন অসিদা মাইপাকহৌদ্রবা কেন্দিদেতশিংদসু প্রধান মন্ত্রীনা মহাক্কী পাউজেল পীখি। অসিগুম্বা তাঞ্জাশিং অসি য়াম্না খুদোংথিগনি, অদুবু মসি হেন্না শাংবা খোঙচৎ অমগী অহানবা খোঙথাং অমনি।
প্রধান মন্ত্রীনা হায়খি মদুদি মাঙদা খুদোংচাবা কয়া তাদুনা লৈরি, তুংগী একজামিনেসনশিং অমসুং খুদোংচাবা কয়া অনিমক্কী খুৎথাংদা লনাই মীওই কয়ানা লৈবাক্কী থবক পাংথোকপা য়াগনি। মাঙগী লম্বীগীদমক মহাক্না মখোয়দা মহাক্কী য়াইফ পাউজেল পীখি।
প্রধান মন্ত্রীনা এক্সতা হায়খি;
“সিবিল সর্বিসেস একজামিনেসন ২০২৫ দা মাইপাক্লবা কেন্দিদেতশিং থাগৎপা ফোঙদোকচরি। মখোয়গী কৎথোকপা, খাংবা কনবা অমসুং হোৎনবা কন্নবনা মখোয়না মসিগী মাইপাকপা অসি পুরকপা ঙমখিবনি।
লৈবাক্কী সেবা তৌনবা অমসুং মীয়ামগী অনিংবশিং থুংহন্নবা লম্বীদা মখোয়গী খোঙচৎ হৌবগা লোয়ননা মাইপাক্লবা কেন্দিদেতশিংদা য়াইফ পাউজেল পীজরি”।
“সিবিল সর্বিসেস একজামিনেসন অসিদা মাইপাকহৌদ্রবা কেন্দিদেতশিংগী অসিগুম্বা খুদোংথিবা তাঞ্জাশিং ঐ খঙই। অদুবু, মসি হেন্না শাংবা খোঙচৎ অমগী অহানবা খোঙথাং অমনি। মাঙদা খুদোংচাবা কয়া তাদুনা লৈরি, তুংগী একজামিনেসনশিং অমসুং খুদোংচাবা কয়া অনিমক্কী খুৎথাংদা লনাই মীওই কয়ানা লৈবাক্কী থবক পাংথোকপা য়াগনি। মাঙগী লম্বীগীদমক ঐগী য়াইফ পাউজেল পীজরি”।
***
(রিলিজ আই.দি.: 2236525)
ভিজিতর কাউন্তর : 4
রিলিজ অসি মসিদা পাবীয়ু:
Malayalam
,
Bengali
,
Bengali-TR
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Tamil
,
Telugu
,
Kannada