NHRCના હસ્તક્ષેપ બાદ MEAને થાઈલેન્ડમાં નોકરીદાતા દ્વારા બંધક બનાવીને અત્યાચાર ભોગવી રહેલા 6 ભારતીય કામદારોને બચાવવામાં સફળતા મળી

રાષ્ટ્રીય માનવ અધિકાર પંચ (NHRC) ના સ્વેચ્છાએ હસ્તક્ષેપ બાદ, કેન્દ્રીય વિદેશ મંત્રાલય (MEA)એ છ ભારતીય કામદારોને બચાવવા માટે ઝડપથી કાર્યવાહી કરી, જેમને છેલ્લા છ મહિનાથી થાઇલેન્ડમાં તેમના માલિક દ્વારા કેદ અને ત્રાસ આપવામાં આવ્યો હતો. NHRCએ MEAને જાણ કર્યાના બીજા દિવસે, 20 ફેબ્રુઆરી, 2026ના રોજ તેમાંથી ચારને ભારત પરત મોકલવામાં આવ્યા હતા. તેઓ બેંગકોકથી તેમના માલિક દ્વારા બુક કરાયેલ ફ્લાઇટમાં કોલકાતા પહોંચ્યા હતા.

MEAના દક્ષિણ વિભાગે જણાવ્યું છે કે તે બાકીના બે બચાવાયેલા કામદારોને થાઇ ઇમિગ્રેશન અધિકારીઓ સાથે પરત મોકલવા માટે કાર્યવાહી કરી રહ્યું છે, કારણ કે તેઓ તેમના વિઝાની મુદત કરતાં વધુ સમય રોકાયા હતા.

એ યાદ રાખવું જોઈએ કે 20 ફેબ્રુઆરી, 2026ના રોજ કમિશને મીડિયા અહેવાલની નોંધ લીધા પછી, MEA પાસેથી ટિપ્પણી માંગી હતી કે શું તે છ બંધક કામદારોના પરિવારોને કોઈ સહાય પૂરી પાડી શકે છે. NHRCનો સંદેશ મળ્યા પછી, MEAના દક્ષિણ વિભાગે થાઇ અધિકારીઓને તેમને બચાવવા માટે વિનંતી મોકલી અને તે કંપનીના માલિકનો પણ સંપર્ક કર્યો જ્યાં છ કામદારો કામ કરતા હતા.

17 ફેબ્રુઆરી, 2026ના રોજ મીડિયાએ એક વિડિયો પર અહેવાલ આપ્યો જેમાં ઓડિશાના કેન્દ્રપાડા જિલ્લાના કામદારોએ વિડિઓ દ્વારા તેમની આપવીતી વર્ણવી હતી. તેમને તેમના માલિકે બેંગકોક નજીકના એક વિસ્તારમાં એક ફેક્ટરીમાં બંધક બનાવીને શારીરિક અને માનસિક ત્રાસ ગુજાર્યો હતો. તેમને પ્લાયવુડ ફેક્ટરીમાં કોઈ પગાર કે યોગ્ય ખોરાક વિના 12 કલાક કામ કરવાની ફરજ પાડવામાં આવી હતી. સાથે જ તેમના માલિકે તેમના પાસપોર્ટ પણ જપ્ત કરી લીધા હતા.

SM/DK/GP/JT

`

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com