উচ্চ শিক্ষা বিভাগৰ সহযোগত তথ্য আৰু সম্প্ৰচাৰ মন্ত্ৰালয়ে ২০২৬-২৭ চনৰ কেন্দ্ৰীয় বাজেটত ঘোষণা কৰা মূল পদক্ষেপসমূহৰ ওপৰত আলোচনা কৰিবলৈ "সবকা সাথ, সবকা বিকাশ-জনসাধাৰণৰ আকাংক্ষা পূৰণ: শিক্ষা, দক্ষতা, আৰু বিশ্ববিদ্যালয় টাউনশ্বিপ" শীৰ্ষক বাজেটোত্তৰ ৱেবিনাৰত অংশগ্ৰহণ কৰিব। এই ৱেবিনাৰত নীতি নিৰ্ধাৰক, উদ্যোগপতি, শিক্ষাবিদ, ষ্টাৰ্টআপ আৰু ছাত্ৰ-ছাত্ৰীসকলক একত্ৰিত কৰি ভাৰতৰ শিক্ষা, দক্ষতা আৰু ক্ৰিয়েটৰ ইকনমীৰ পৰিস্থিতিতন্ত্ৰক শক্তিশালী কৰাৰ বাবে ৰূপায়ণৰ পথসমূহৰ বিষয়ে আলোচনা কৰা হ’ব।

৯ মাৰ্চৰ পুৱা ১১:৩০ বজাত অনুষ্ঠিত হ’বলগীয়া উদ্বোধনী অধিৱেশনত প্ৰধানমন্ত্ৰীয়ে অংশগ্ৰহণ কৰিব, য’ত তেওঁ এভিজিচি—ক্ৰিয়েটৰ ইকনমীৰ বাজেট পদক্ষেপৰ আঁৰৰ দৃষ্টিভংগীৰ ৰূপৰেখা দাঙি ধৰি বিশেষ ভাষণ প্ৰদান কৰিব, য’ত সৃষ্টিশীলতা, সংস্কৃতি আৰু প্ৰযুক্তিয়ে একেলগে কাম কৰি বিকাশ, নিয়োগ আৰু ছফট পাৱাৰক লাভান্বিত কৰে।

দুপৰীয়া ১২:২০ বজাৰ পৰা ১:৫০ বজালৈ এভিজিচি কণ্টেণ্ট ক্ৰিয়েটৰ লেব সন্দৰ্ভত তথ্য আৰু সম্প্ৰচাৰ মন্ত্ৰালয়ৰ ব্ৰেকআউট অধিবেশন অনুষ্ঠিত হ’ব।

ৱেবিনাৰৰ অংশ হিচাপে তথ্য আৰু সম্প্ৰচাৰ মন্ত্ৰালয়ে "স্কুল আৰু কলেজত এভিজিচি কণ্টেণ্ট ক্ৰিয়েটৰ লেব"ৰ ওপৰত এক ব্ৰেকআউট অধিবেশন আয়োজন কৰিব। দ্ৰুতগতিত বৃদ্ধি পোৱা কমলাৰ অৰ্থনীতি পৰিপ্ৰেক্ষিতত এই অধিবেশনত সৃষ্টিশীল প্ৰতিভাক যত্ন লোৱা, ভাৰতৰ এনিমেচন, ভিজুৱেল ইফেক্ট, গেমিং আৰু কমিক্স (এভিজিচি) পৰিস্থিতিতন্ত্ৰক শক্তিশালী কৰা আৰু দেশৰ বাবে দক্ষ সৃষ্টিকৰ্তাৰ এক শক্তিশালী পাইপলাইন সৃষ্টিৰ লক্ষ্যৰে কেন্দ্ৰীয় বাজেটত ঘোষণা কৰা ১৫,০০০ বিদ্যালয় আৰু ৫০০ উচ্চ শিক্ষানুষ্ঠানত এভিজিচি কণ্টেণ্ট ক্ৰিয়েটৰ লেব (চিচিএল) স্থাপনৰ ৰূপায়ণৰ ওপৰত গুৰুত্ব আৰোপ কৰা হ’ব।

দিনৰ ১২:২০ বজাৰ পৰা ১:৫০ বজালৈ চলিবলগীয়া "স্কুল এণ্ড কলেজত এভিজিচি কণ্টেণ্ট ক্ৰিয়েটৰ লেব"ৰ ব্ৰেকআউট চেচনৰ আঁত ধৰে হুইছলিং উডছ ইণ্টাৰনেশ্যনেলৰ উপ-সভাপতি তথা মুখ্য কাৰ্যবাহী বিষয়া চৈতন্য চিঞ্চলিকাৰে। তথ্য আৰু সম্প্ৰচাৰ মন্ত্ৰালয়ৰ সম্পাদক সঞ্জয় জাজু ডাঙৰীয়াই এই পদক্ষেপৰ গুৰুত্বৰ ওপৰত আলোকপাত কৰি মূল ভাষণ প্ৰদান কৰিব।

ইয়াৰ পিছতে অধিবেশনত চৰকাৰী আৰু উদ্যোগ বিশেষজ্ঞসকলৰ সৈতে পেনেল আলোচনা অনুষ্ঠিত হ’ব, য’ত অতিৰিক্ত সচিব (বিদ্যালয় শিক্ষা আৰু সাক্ষৰতা বিভাগ), ড০ আশীষ কুলকাৰ্ণী (এফআইচিচিআই এভিজিচি ফ’ৰামৰ অধ্যক্ষ), ৰাজন নৱনী (জেটচিন্থেছিছৰ প্ৰতিষ্ঠাপক আৰু গ্ৰুপৰ চিইঅ’), আৰু শ্ৰীমতী সোণম ভগত (চিইঅ’, ব্যাগ্ৰা)ৰ লগতে আই আই চি টিৰ এগৰাকী ছাত্ৰ প্ৰতিনিধিয়ে অংশগ্ৰহণ কৰিব। মুঞ্জল শ্ৰফ (গ্ৰাফিটি মাল্টিমিডিয়া), বীৰেণ ঘোষ (টেকনিকোলাৰ গ্ৰুপ), মানবেন্দ্ৰ শুক্লা (লক্ষ্য ডিজিটেল), মালা শৰ্মা (এডোব ইণ্ডিয়া), প্ৰীতি ব্যাস (অমৰ চিত্ৰ কাহিনী), আৰু মাইভাৰতৰ দুগৰাকী যুৱ স্বেচ্ছাসেৱকৰ অন্তৰ্দৃষ্টিৰে আলোচনা সমৃদ্ধ হ’ব।

সামৰণি পৰ্বঃ বিয়লি ৪:৩০ৰ পৰা ৫:৪৫ বজালৈ

ৱেবিনাৰৰ ফলাফলসমূহ সামৰণি পৰ্বত সামৰি লোৱা হ’ব। তথ্য আৰু সম্প্ৰচাৰ মন্ত্ৰী শ্ৰী অশ্বিনী বৈষ্ণৱে সন্ধিয়া ৫:২৫ বজাত বিশেষ ভাষণ প্ৰদান কৰিব।

অংশগ্ৰহণ আৰু ৱেবকাষ্ট

শিক্ষানুষ্ঠান, উদ্যোগ সংস্থা, ষ্টাৰ্টআপ, ক্ৰিয়েটৰ, ছাত্ৰ, অভিভাৱক আৰু এভিজিচি খণ্ডৰ পেছাদাৰীসকলকে ধৰি সকলো অংশীদাৰক ৱেবিনাৰত যোগদান কৰাৰ লগতে আলোচনাত ভাগ ল’বলৈ উৎসাহিত কৰা হৈছে।

পোনপটীয়াকৈ চাব পাৰিব ৱেবিনাৰখন:

ইউটিউব লাইভ: httpshttps://youtube.com/live/seASZfw_G1Y?feature=share

ৱেবিনাৰখনে এভিজিচি কণ্টেণ্ট ক্ৰিয়েটৰ লেবছৰ পদক্ষেপ ৰূপায়ণৰ বাবে উপযোগী পৰামৰ্শ আৰু সহযোগিতামূলক কৌশল সৃষ্টি কৰিব বুলি আশা কৰা হৈছে। এই পদক্ষেপৰ লক্ষ্য হৈছে ভাৰতীয় যুৱক-যুৱতীসকলক সৃষ্টিশীল আৰু ডিজিটেল দক্ষতাৰে সজ্জিত কৰা আৰু ভাৰতক এভিজিচি খণ্ডত বিশ্বৰ আগশাৰীৰ দেশ হিচাপে স্থান দিয়া।

*****

Mahesh Kumar/ Aparajita Priyadarshini/DB