محترمِ عالی، وزیرِ اعظم مارک کارنی

دونوں ممالک کے مندوبین

میڈیا کے ساتھیوں،

نمسکار!

مجھے ہندوستان میں وزیر اعظم کارنی کا خیر مقدم کرتے ہوئے بے حد خوشی ہو رہی ہے ۔  وزیر اعظم کے طور پر ہندوستان کا یہ ان کا پہلا دورہ ہے ۔  ہم اسے ایک اہم سنگ میل کے طور پر دیکھتے ہیں ۔

گزشتہ سال کینیڈا میں جی-7 کے اجلاس میں انہوں نے میرا اور میرے وفد کا پرتپاک استقبال کیا تھا ۔  آج اسی پیار کے ساتھ ان کا استقبال کرنا میرے لیے اعزاز کی بات ہے ۔  دنیا میں بہت کم لوگ ایسے ہیں جن کے سی وی میں دو ممالک کی سینٹرل بینکنگ لیڈر شپ لکھی ہوئی ہو ۔

ہماری پہلی ملاقات کے بعد سے ہمارے تعلقات میں ایک نئی توانائی ، باہمی اعتماد اور مثبت پہلو رہا ہے ۔  میں تعاون کے ہر شعبے میں بڑھتی ہوئی رفتار کا سہرا اپنے دوست وزیر اعظم کارنی کو دیتا ہوں ۔

دوستوں ،

ہندوستان اور کینیڈا جمہوری اقدار میں غیر متزلزل یقین رکھتے ہیں ۔  ہم تنوع کا جشن مناتے ہیں ۔  انسانیت کی فلاح و بہبود ہمارا مشترکہ وژن ہے ۔  یہ وژن ہمیں ہر شعبے میں آگے بڑھنے کی ترغیب دیتا ہے ۔  آج ہم نے اس وژن کو اگلے درجے کی شراکت داری میں کیسے تبدیل کیا جائے اس پر تبادلہ خیال کیا ہے۔

ہمارا ہدف 2030 تک اپنی تجارت کو 50 ارب ڈالر تک لے جانا ہے ۔  اقتصادی تعاون کی مکمل صلاحیت کو کھولنا ہماری ترجیح ہے ،  اس لیے ہم نے جلد ہی جامع اقتصادی شراکت داری کے معاہدے کو حتمی شکل دینے کا فیصلہ کیا ہے۔  اس سے دونوں ممالک میں سرمایہ کاری اور روزگار کے نئے مواقع پیدا ہوں گے۔

کینیڈا کے پنشن فنڈز نے ہندوستان میں 100 ارب ڈالر کی سرمایہ کاری کی ہے۔  یہ ہندوستان کی ترقی کی کہانی میں ان کے گہرے اعتماد کی علامت ہے۔

آج ہم دونوں ممالک کے کاروباری رہنماؤں سے بھی ملاقات کریں گے۔  ان کی تجاویز ہماری اقتصادی شراکت داری کے لیے روڈ میپ طے کریں گی۔

دوستوں ،

ہم ٹیکنالوجی اور اختراع میں فطری شراکت دار ہیں۔  کینیڈا اور ہندوستان کی اختراعی شراکت داری کے ساتھ ، ہم فکری خیالات کو عالمی حل میں تبدیل کریں گے ۔

میں گزشتہ ماہ بھارت میں منعقدہ اے آئی امپیکٹ سمٹ کی کامیابی میں کینیڈا کے قیمتی تعاون کے لیے وزیر اعظم کارنی کا شکریہ ادا کرتا ہوں ۔  ہم اے آئی کے ساتھ ساتھ کوانٹم ، سپر کمپیوٹنگ اور سیمی کنڈکٹر میں تعاون بڑھائیں گے۔

اہم معدنیات سے متعلق آج کا مفاہمت نامہ لچکدار سپلائی چین کو مضبوط کرے گا۔  خلائی شعبے میں ہم دونوں ممالک کے اسٹارٹ اپس اور صنعتوں کو مربوط کریں گے۔

دوستوں ،

وزیر اعظم کارنی کے لیے  ماحولیات ایک الگ ایجنڈا نہیں ہے، بلکہ معاشی استحکام کا حصہ ہے۔  توانائی کے شعبے میں ہم نیکسٹ جنریشن پارٹنرشپ (اگلی نسل کی شراکت داری )تشکیل دے رہے ہیں ، جس میں ہائیڈرو کاربن کے ساتھ ساتھ قابل تجدید توانائی ، گرین ہائیڈروجن اور توانائی کے ذخیرے پر خصوصی زور دیا جائے گا ۔

ہمیں خوشی ہے کہ کینیڈا نے بین الاقوامی شمسی اتحاد اور عالمی حیاتیاتی ایندھن اتحاد میں شامل ہونے کا فیصلہ کیا ہے۔  اپنی مشترکہ کوششوں کو آگے بڑھانے کے لیے ہم اس سال بھارت-کینیڈا قابل تجدید توانائی اور اسٹوریج سمٹ کا انعقاد کریں گے۔

سول نیوکلیئر توانائی میں ہم نے یورینیم کی فراہمی کے لیے طویل مدتی ایک تاریخی معاہدہ کیا ہے ۔  ہم چھوٹے ماڈیولر ری ایکٹرز اور ایڈوانسڈ ری ایکٹرز پر بھی مل کر کام کریں گے۔

زراعت ، زرعی ٹیکنالوجی اور غذائی تحفظ میں ویلیو ایڈیشن ہماری مشترکہ ترجیحات ہیں ۔  اس سمت میں بھارت میں انڈیا-کینیڈا پلس پروٹین سینٹر آف ایکسی لینس قائم کیا جائے گا ۔

دوستوں ،

دفاع اور سلامتی کے شعبے میں بڑھتا تعاون ہمارے گہرے باہمی اعتماد اور تعلقات کی پختگی کی علامت ہے ۔  ہم دفاعی صنعتوں کو بڑھانے ، سمندری ڈومین بیداری اور فوجی تبادلوں پر کام کریں گے ۔  اسی مقصد کے ساتھ آج ہم نے بھارت-کینیڈا دفاعی مکالمہ قائم کرنے کا فیصلہ کیا ہے ۔

دوستوں ،

عوام سے عوام کے تعلقات ہمارے تعلقات کی اصل طاقت ہیں ۔  آج ہم نے انہیں مزید مضبوط کرنے کے لیے بہت سے اہم فیصلے کیے ہیں ۔  اے آئی ، صحت کی دیکھ بھال ، زراعت اور اختراع میں آج کئی یونیورسٹیوں کے درمیان نئی شراکت داریوں کا اعلان کیا جا رہا ہے ۔  ہم نے کینیڈا کی یونیورسٹیوں کے ذریعے ہندوستان میں کیمپس کھولنے پر بھی اتفاق کیا ۔

مقامی اور قبائلی برادریاں ہمارے مشترکہ ثقافتی ورثے کا ایک اہم حصہ ہیں ۔  ثقافتی تبادلوں کو بڑھانے کے لیے آج دونوں فریقوں کے درمیان مفاہمت نامے پر دستخط کیے گئے ہیں ۔

دوستوں ،

کینیڈا بحرہند و بحرالکاہل میں ہندوستان کا ایک اہم شراکت دار ہے ۔  ہم انڈین اوشین رم ایسوسی ایشن میں ڈائیلاگ پارٹنر بننے میں ان کی دلچسپی کا خیر مقدم کرتے ہیں ۔  اس سے ہمارے سمندری تعاون میں نئی گہرائی آئے گی ۔

ہم اس بات سے اتفاق کرتے ہیں کہ دہشت گردی ، انتہا پسندی اور بنیاد پرستی نہ صرف دونوں ممالک بلکہ پوری انسانیت کے لیے مشترکہ اور سنگین چیلنجز ہیں ۔  ان کے خلاف ہمارا قریبی تعاون عالمی امن اور استحکام کے لیے انتہائی اہم ہے ۔

دنیا میں چل رہے بہت سے تناؤ کے بارے میں ہندوستان کی سوچ واضح رہی ہے ۔  ہم نے ہمیشہ امن اور استحکام برقرار رکھنے پر زور دیا ہے ۔  اور جب دو جمہوریتیں ایک ساتھ کھڑی ہوتی ہیں تو امن کی آواز اور بھی مضبوط ہوتی ہے ۔

مغربی ایشیا کی موجودہ صورتحال ہمارے لیے گہری تشویش کا باعث ہے ۔  ہندوستان بات چیت اور سفارت کاری کے ذریعے تمام تنازعات کے حل کی حمایت کرتا ہے ۔  ہم خطے میں تمام ہندوستانی شہریوں کی حفاظت کو یقینی بنانے کے لیے تمام ممالک کے ساتھ مل کر کام کرتے رہیں گے ۔

عالی ،

آپ کے دورے نے ہمارے تعاون کے ہر شعبے کو نئی طاقت دی ہے ۔  میں ایک بار پھر آپ کو ہندوستان کے لیے آپ کے گہرے عزم اور وژن کے لیے دلی مبارکباد پیش کرتا ہوں ۔

بہت بہت شکریہ ۔

****

ش ح۔ش ب ۔  ش ت  

U NO:-3262