প্রধানমন্ত্রীগী লোইশঙ
বিলদান দিবস লাকপদা প্রধান মন্ত্রীনা চন্দ্র সেখর অজাদকী মফমদা ইকায়খুম্নবা উৎখ্রে: মহাক্কী পুন্সিনা তম্বীখিবা পারাশিং ফোঙদোকপা সংস্কৃত সুভাসিতম অমা সিয়ার তৌখ্রে
থাগৎখিবা:
27 FEB 2026 9:13AM by PIB Imphal
মহাক্না লৈবাক্কীদমক থৱায় কৎখিবা নুমিত্ত ইমা ভারতকী থৌনা ফরবা মপারি, শক্নাইরবা য়াওল্লোয় চন্দ্র সেখর অজাদকী মফমদা প্রধান মন্ত্রী শ্রী নরেন্দ্র মোদীনা ইকায়খুম্নবা উৎখ্রে।
প্রধান মন্ত্রীনা হায়খি মদুদি ইমা ভারত মীনাই ওইবগী য়োৎহৌদগী মনিংতম্নবা অজাদনা মহাক্কী লৈজবা খুদিংমক কৎথোকখি অমসুং মসিগীদমক মহাকপু ঐখোয়না মতম পুম্নমক্ত নিংশিংদুনা লৈহৌরগনি।
মুৎপা নাইদ্রবা য়াওল্লোয় অসিগী পুৱারি নিংশিংলদুনা, প্রধান মন্ত্রীনা হায়খি মদুদি অরানবগী মায়োক্ত লেপ্না অচেৎপা ৱারেপ অমা লৌবা হায়বসি অশেংবা পাঙ্গলগী ফজবা মশক্নি হায়বা চন্দ্র সেখর অজাদকী পুন্সিনা উৎলে। ইমা লৈবাক্কীদমক মহাক্না কৎথোকখিবা অদু লৈবাক অসিগী তুংগী মীরোল খুদিংমক্ত মখা তানা ইথিল পীগনি।
প্রধান মন্ত্রীনা এক্সতা হায়খি;
“মহাক্না লৈবাক্কীদমক থৱায় কৎখিবা নুমিত্ত ইমা ভারতকী থৌনা ফরবা মপারি, শক্নাইরবা য়াওল্লোয় চন্দ্র সেখর অজাদকী মফমদা ঐনা ইকায়খুম্নবা উৎচরি। ইমা ভারত মীনাই ওইবগী য়োৎহৌদগী মনিংতম্নবা অজাদনা মহাক্কী লৈজবা খুদিংমক কৎথোকখি অমসুং মসিগীদমক মহাকপু ঐখোয়না মতম পুম্নমক্ত নিংশিংদুনা লৈহৌরগনি”।
“অশেংবা থৌনা ফবা হায়বসি অরানবগী মায়োক্ত লেপ্পা অদুনি হায়বা মুৎপা নাইদ্রবা চন্দ্র সেখর অজাদকী পুন্সিনা তাক্লে। ইমা লৈবাক্কীদমক মহাক্না কৎথোকখিবগী ৱারি মতম পুম্নমক্ত মীরোল খুদিংমক্না নিংশিংদুনা লৈহৌরগনি”।
न हि शौर्यात्परं किञ्चित् त्रिषु लोकेषु विद्यते।
शूरः सर्वं पालयति सर्वं शूरे प्रतिष्ठितम्”।।
“তাইবংপাল অহুম অসিদা থৌনা ফবদগী শেনবা পোৎশক অমতা লৈতে। থৌনা ফবা হায়বসি মালেমগী থৱায় পানবা অমসুং থৱায় পান্দবা য়োকখৎপা অমসুং ঙাক-শেনবা মরুওইবা শাফুনি। মালেমগী ইকায়খুম্নবা, নুংঙাই য়াইফবা অমসুং মথৌ পাংথোকপা হায়বসি থৌনা ফবা খক্তদা লৈগনি”।
***
(রিলিজ আই.দি.: 2233519)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Gujarati
,
Odia
,
Telugu
,
Kannada
,
Malayalam