ಭಾರತ ಮತ್ತು ಪ್ರಪಂಚದಾದ್ಯಂತ ಯೋಗವನ್ನು ಉತ್ತೇಜಿಸುವಲ್ಲಿ ಪರಿವರ್ತನಾಶೀಲ ಕೊಡುಗೆಗಳನ್ನು ಗೌರವಿಸುವುದು ಈ ಉಪಕ್ರಮದ ಉದ್ದೇಶವಾಗಿದೆ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ದೃಷ್ಟಿಕೋನ ಮತ್ತು ನಾಯಕತ್ವದ ಮಾರ್ಗದರ್ಶನದಲ್ಲಿ, ಯೋಗವು ಇತ್ತೀಚಿನ ವರ್ಷಗಳಲ್ಲಿ ಅಭೂತಪೂರ್ವ ಜಾಗತಿಕ ಸಂಪರ್ಕ ಮತ್ತು ಸಾರ್ವಜನಿಕ ತೊಡಗಿಸಿಕೊಳ್ಳುವಿಕೆಗೆ ಸಾಕ್ಷಿಯಾಗಿದೆ. ತಡೆಗಟ್ಟುವ ಆರೋಗ್ಯ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವ ಸಮುದಾಯಗಳಿಂದ ಹಿಡಿದು ಯೋಗವನ್ನು ಸ್ವಾಸ್ಥ್ಯ ಪರಿಸರ ವ್ಯವಸ್ಥೆಗಳಲ್ಲಿ ಸಂಯೋಜಿಸುವ ಸಂಸ್ಥೆಗಳವರೆಗೆ, ಈ ಶಿಸ್ತು ದೈಹಿಕ, ಮಾನಸಿಕ ಮತ್ತು ಆಧ್ಯಾತ್ಮಿಕ ಯೋಗಕ್ಷೇಮಕ್ಕೆ ಸಮಗ್ರ ವಿಧಾನದ ಮೂಲಕ ದೇಶಾದ್ಯಂತ ನಾಗರಿಕರಿಗೆ ಪ್ರಯೋಜನವನ್ನು ನೀಡುತ್ತಲೇ ಇದೆ.

ಈ ಪರಿಕಲ್ಪನೆಯ ದೃಷ್ಟಿಕೋನದಿಂದ ರೂಪಿಸಲಾದ “ಪ್ರಧಾನಮಂತ್ರಿ ಅವರ ಯೋಗ ಪ್ರಶಸ್ತಿಗಳು – 2026”, ವಿಶ್ವಾದ್ಯಂತ ಯೋಗದ ಪ್ರಭಾವವನ್ನು ವಿಸ್ತರಿಸಿದ ನಿರಂತರ ಕೆಲಸ ಮಾಡಿದ ವ್ಯಕ್ತಿಗಳು ಮತ್ತು ಸಂಸ್ಥೆಗಳ‌ ಉತ್ಕೃಷ್ಠ ಸೇವೆಗಳ ಮಹತ್ವವನ್ನು ಇದು ಗುರುತಿಸುತ್ತದೆ. ಯೋಗದ ಅಭಿವೃದ್ಧಿ ಮತ್ತು ಪ್ರಚಾರವನ್ನು ಮುನ್ನಡೆಸುವಲ್ಲಿ ಶ್ರೇಷ್ಠತೆ ಮತ್ತು ಸಮರ್ಪಣೆಯನ್ನು ಗುರುತಿಸುವ ಮೂಲಕ, ಪ್ರಶಸ್ತಿಗಳು ಕ್ಷೇತ್ರದಲ್ಲಿ ವ್ಯಾಪಕ ಭಾಗವಹಿಸುವಿಕೆ, ನಾವೀನ್ಯತೆ ಮತ್ತು ನಾಯಕತ್ವವನ್ನು ಪ್ರೇರೇಪಿಸುವ ಗುರಿಯನ್ನು ಹೊಂದಿವೆ.

ಕೇಂದ್ರ ಆಯುಷ್ ಸಚಿವಾಲಯವು “ಪ್ರಧಾನಮಂತ್ರಿಯವರ ಯೋಗ ಪ್ರಶಸ್ತಿಗಳು – 2026” ಗಾಗಿ ಅರ್ಜಿಗಳನ್ನು ಆಹ್ವಾನಿಸಿದೆ, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಯೋಗದ ಅಭಿವೃದ್ಧಿ ಮತ್ತು ಪ್ರಚಾರಕ್ಕೆ ಅನುಕರಣೀಯ ಕೊಡುಗೆಗಳನ್ನು ಈ ಮೂಲಕ ಗುರುತಿಸುತ್ತದೆ.

ಅರ್ಜಿಗಳನ್ನು ರಾಷ್ಟ್ರೀಯ ಪ್ರಶಸ್ತಿ ಪೋರ್ಟಲ್  www.awards.gov.in. ಮೂಲಕ ಸಲ್ಲಿಸಬಹುದು.

ಪ್ರತಿಯೊಬ್ಬ ಪ್ರಶಸ್ತಿ ಪುರಸ್ಕೃತರು ಈ ಕೆಳಗಿನವುಗಳನ್ನು ಪಡೆಯುತ್ತಾರೆ:

• ಟ್ರೋಫಿ
• ಪ್ರಮಾಣಪತ್ರ
• ರೂ. 25.00 ಲಕ್ಷ ನಗದು ಪ್ರಶಸ್ತಿ

ಈ ಸನ್ಮಾನ ಸಮಾರಂಭವು ಅಂತಾರಾಷ್ಟ್ರೀಯ ಯೋಗ ಸಮ್ಮೇಳನದ ಜೊತೆಗೆ ನಡೆಯಲಿದೆ.

ಪ್ರಶಸ್ತಿ ವರ್ಗಗಳು

ವರ್ಗ–I: ಯೋಗಕ್ಕಾಗಿ ಪ್ರಧಾನ ಮಂತ್ರಿಗಳ ಪ್ರಶಸ್ತಿಗಳು – ವ್ಯಕ್ತಿಗಳು (ರಾಷ್ಟ್ರೀಯ/ಅಂತಾರಾಷ್ಟ್ರೀಯ)

• ಎರಡು ಪ್ರಶಸ್ತಿಗಳು

ವರ್ಗ–II: ಯೋಗಕ್ಕಾಗಿ ಪ್ರಧಾನ ಮಂತ್ರಿಗಳ ಪ್ರಶಸ್ತಿಗಳು – ಸಂಸ್ಥೆಗಳು (ರಾಷ್ಟ್ರೀಯ/ಅಂತಾರಾಷ್ಟ್ರೀಯ)

• ಎರಡು ಪ್ರಶಸ್ತಿಗಳು

ಅರ್ಹತಾ ಮಾನದಂಡಗಳು

ಯೋಗದ ಪ್ರಚಾರ ಮತ್ತು ಅಭಿವೃದ್ಧಿಗೆ ಗಮನಾರ್ಹ ಮತ್ತು ಅತ್ಯುತ್ತಮ ಕೊಡುಗೆಗಳನ್ನು ನೀಡಿದ ವ್ಯಕ್ತಿಗಳು ಮತ್ತು ಸಂಸ್ಥೆಗಳನ್ನು ಗುರುತಿಸುವುದು ಈ ಪ್ರಶಸ್ತಿಗಳ ಗುರಿಯಾಗಿದೆ.

ಅರ್ಜಿದಾರರು/ನಾಮನಿರ್ದೇಶಿತರು:

• ಯೋಗದ ಬಗ್ಗೆ ಶ್ರೀಮಂತ ಅನುಭವ ಮತ್ತು ಆಳವಾದ ತಿಳುವಳಿಕೆಯನ್ನು ಹೊಂದಿರಬೇಕು
• ವೈಯಕ್ತಿಕ ವಿಭಾಗದ ಅಡಿಯಲ್ಲಿ ಕನಿಷ್ಠ ಅರ್ಹ ವಯಸ್ಸು (ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ): 30 ವರ್ಷಗಳು
• ಯೋಗದ ಪ್ರಚಾರ ಮತ್ತು ಅಭಿವೃದ್ಧಿಗೆ ಅತ್ಯುತ್ತಮ ಕೊಡುಗೆಯೊಂದಿಗೆ ಕನಿಷ್ಠ 10 (ಹತ್ತು) ವರ್ಷಗಳ ಸೇವೆ.

ಅರ್ಜಿ ಸಲ್ಲಿಸುವ ಕಾಲಾವಕಾಶ

• ಅರ್ಜಿ ಸಲ್ಲಿಕೆಯ ಪ್ರಾರಂಭ: ಫೆಬ್ರವರಿ 21, 2026
• ಸಲ್ಲಿಸಲು ಕೊನೆಯ ದಿನಾಂಕ: ಮಾರ್ಚ್ 21, 2026

ಅಗತ್ಯವಿದ್ದರೆ, ನೋಂದಣಿ ಮುಕ್ತಾಯದ ನಂತರ ಕೊನೆಯ ದಿನಾಂಕವನ್ನು 15 ದಿನಗಳವರೆಗೆ ವಿಸ್ತರಿಸಬಹುದು. ಸಲ್ಲಿಕೆಯ ಕೊನೆಯ ದಿನಾಂಕದ ನಂತರ ಸ್ವೀಕರಿಸಿದ ಯಾವುದೇ ನಮೂದುಗಳನ್ನು ತಿರಸ್ಕರಿಸುವ ಹಕ್ಕನ್ನು ಕೇಂದ್ರ ಆಯುಷ್ ಸಚಿವಾಲಯ ಕಾಯ್ದಿರಿಸಿದೆ.

ಅರ್ಹ ವ್ಯಕ್ತಿಗಳು ಮತ್ತು ಸಂಸ್ಥೆಗಳು ನಿಗದಿತ ಸಮಯದೊಳಗೆ ರಾಷ್ಟ್ರೀಯ ಪ್ರಶಸ್ತಿ ಪೋರ್ಟಲ್ (www.awards.gov.in) ಮೂಲಕ ಅರ್ಜಿ ಸಲ್ಲಿಸಲು ಈ ಮೂಲಕ ಪ್ರೋತ್ಸಾಹಿಸಲಾಗುತ್ತದೆ.

*****