નેટવર્ક પ્લાનિંગ ગ્રુપ (NPG)ની 109મી બેઠક ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (DPIIT) ખાતે યોજાઈ હતી. ઇન્ફ્રાસ્ટ્રક્ચર પ્રોજેક્ટ્સનું મૂલ્યાંકન કરવા માટે આ બેઠક બોલાવવામાં આવી હતી. બેઠકમાં PM ગતિશક્તિ નેશનલ માસ્ટર પ્લાન (PMGS NMP) સાથે સુસંગત મલ્ટિમોડલ કનેક્ટિવિટી અને લોજિસ્ટિક્સ કાર્યક્ષમતા વધારવા પર ધ્યાન કેન્દ્રિત કરવામાં આવ્યું હતું. NPG એ 02 રેલ પ્રોજેક્ટ્સ, 01 મેટ્રો પ્રોજેક્ટ અને 01 એરપોર્ટ પ્રોજેક્ટનું સંકલિત મલ્ટિમોડલ ઇન્ફ્રાસ્ટ્રક્ચર, આર્થિક અને સામાજિક નોડ્સ સુધી લાસ્ટ-માઈલ કનેક્ટિવિટી અને ‘હોલ ઓફ ગવર્નમેન્ટ’ અભિગમના PM ગતિશક્તિ સિદ્ધાંતો સાથેના અનુપાલન માટે મૂલ્યાંકન કર્યું હતું. આ પહેલોથી લોજિસ્ટિક્સ કાર્યક્ષમતા વધવા, મુસાફરીના સમયમાં ઘટાડો થવા અને પ્રોજેક્ટના કેચમેન્ટ વિસ્તારોમાં નોંધપાત્ર સામાજિક-આર્થિક લાભો મળવાની અપેક્ષા છે. આ પ્રોજેક્ટ્સનું મૂલ્યાંકન અને અપેક્ષિત અસરો નીચે મુજબ વિગતવાર છે:

પ્રોજેક્ટ્સનું ટૂંકું વર્ણન નીચે મુજબ છે:

જલંધર કેન્ટ-જમ્મુ તવી સ્ટેશન (પંજાબ, હિમાચલ પ્રદેશ અને જમ્મુ) વચ્ચે સૂચિત ત્રીજી લાઇન: રેલવે મંત્રાલયે પંજાબ, હિમાચલ પ્રદેશ અને જમ્મુ-કાશ્મીરમાં 210.750 કિમીની કુલ લંબાઈને આવરી લેતી જલંધર કેન્ટ અને જમ્મુ તવી વચ્ચે ત્રીજી રેલવે લાઇનના નિર્માણનો પ્રસ્તાવ મૂક્યો છે. સૂચિત સંરેખણમાં 27 સ્ટેશનો સામેલ હશે અને તે જલંધર, હોશિયારપુર, કાંગડા, પઠાણકોટ, કઠુઆ અને સાંબા જેવા મુખ્ય જિલ્લાઓમાંથી પસાર થશે. આ પ્રોજેક્ટનો ઉદ્દેશ્ય રેલ ક્ષમતામાં નોંધપાત્ર વધારો કરવાનો અને આ વ્યૂહાત્મક રીતે મહત્વપૂર્ણ કોરિડોર પર કનેક્ટિવિટી મજબૂત કરવાનો છે.

સૂચિત રેલવે લાઇન નોંધપાત્ર વ્યૂહાત્મક, આર્થિક અને સામાજિક મહત્વ ધરાવે છે. તે સરહદી પ્રદેશોમાં સંરક્ષણ કર્મચારીઓ, સાધનો અને પુરવઠાની ઝડપી અને વધુ વિશ્વસનીય હિલચાલને સક્ષમ કરીને રાષ્ટ્રીય સુરક્ષા માટે નિર્ણાયક ઇન્ફ્રાસ્ટ્રક્ચર સંપત્તિ તરીકે સેવા આપશે. આર્થિક દૃષ્ટિકોણથી, આ પ્રોજેક્ટ કૃષિ પેદાશો, બાંધકામ સામગ્રી અને આવશ્યક ચીજવસ્તુઓના પરિવહનમાં સુધારો કરીને વેપાર અને વાણિજ્યને વેગ આપશે.

જબલપુર (મધ્યપ્રદેશ અને ઉત્તર પ્રદેશ) માં માણિકપુર અને ઇટારસી વચ્ચે સૂચિત ત્રીજી લાઇન: રેલવે મંત્રાલયે ઉત્તર પ્રદેશ અને મધ્યપ્રદેશ રાજ્યોમાં 518.532 કિમીની કુલ લંબાઈને આવરી લેતી માણિકપુર અને ઇટારસી વચ્ચે ત્રીજી રેલવે લાઇનના નિર્માણનો પ્રસ્તાવ મૂક્યો છે. સૂચિત સંરેખણ ચિત્રકૂટ, સતના, મૈહર, કટની, જબલપુર, નરસિંહપુર અને નર્મદાપુરમ સહિતના મુખ્ય જિલ્લાઓમાંથી પસાર થાય છે, જે ઉત્તર અને મધ્ય ભારતને જોડતા મહત્વપૂર્ણ કોરિડોર પર રેલ કનેક્ટિવિટીને મજબૂત બનાવે છે. આ વિભાગ પ્રાદેશિક રેલ નેટવર્કનો આવશ્યક ઘટક બનાવે છે, જે પેસેન્જર અને ફ્રેટ (માલસામાન) ટ્રાફિકના ઉચ્ચ જથ્થાને સપોર્ટ કરે છે.

સૂચિત ત્રીજી લાઇન કાર્યકારી ક્ષમતામાં નોંધપાત્ર વધારો કરશે, નેટવર્કની સ્થિતિસ્થાપકતામાં સુધારો કરશે અને ટ્રાફિકની વધતી માંગને પહોંચી વળવા અને ભીડ ઘટાડવા માટે વધારાની ટ્રેન સેવાઓ શરૂ કરવામાં સુવિધા આપશે તેવી અપેક્ષા છે. જ્યારે હાલનું રેલવે ઇન્ફ્રાસ્ટ્રક્ચર પહેલેથી જ મુખ્ય આર્થિક કેન્દ્રો જેમ કે ઔદ્યોગિક હબ, ગુડ્સ શેડ અને પ્રખ્યાત પ્રવાસન સ્થળોને સેવા આપે છે, ત્યારે ભવિષ્યના ટ્રાફિક અનુમાન અને કાર્યકારી આવશ્યકતાઓને પહોંચી વળવા ક્ષમતામાં વધારો કરવો આવશ્યક છે. આ પ્રોજેક્ટ વધુ કાર્યક્ષમ અને વિશ્વસનીય રેલ કામગીરીને સક્ષમ બનાવશે, પ્રાદેશિક આર્થિક વૃદ્ધિને ટેકો આપશે અને આ વ્યૂહાત્મક રીતે મહત્વપૂર્ણ કોરિડોરની એકંદર પરિવહન કાર્યક્ષમતાને મજબૂત બનાવશે.

ડોલૂ, સિલચર (આસામ) ખાતે ગ્રીનફિલ્ડ એરપોર્ટનો વિકાસ: નાગરિક ઉડ્ડયન મંત્રાલયે આસામના સિલચરમાં ડોલૂ ખાતે ગ્રીનફિલ્ડ એરપોર્ટના વિકાસનો પ્રસ્તાવ મૂક્યો છે, જે વ્યૂહાત્મક રીતે નેશનલ હાઈવે NH-27 ની બાજુમાં આવેલું છે. આ પ્રોજેક્ટનો ઉદ્દેશ્ય પ્રદેશમાં હવાઈ મુસાફરીની વધતી જતી માંગને પહોંચી વળવાનો અને આધુનિક એવિએશન ઇન્ફ્રાસ્ટ્રક્ચર અને ઉન્નત પ્રાદેશિક તથા રાષ્ટ્રીય કનેક્ટિવિટી પ્રદાન કરીને હાલના સિવિલ એન્ક્લેવની ક્ષમતા મર્યાદાઓને દૂર કરવાનો છે.

એકવાર કાર્યરત થયા પછી, આ એરપોર્ટ કછાર જિલ્લા અને આસપાસના વિસ્તારોમાં સામાજિક-આર્થિક વિકાસ માટે મુખ્ય ઉત્પ્રેરક તરીકે કામ કરે તેવી અપેક્ષા છે. સુધારેલી હવાઈ કનેક્ટિવિટી વેપાર, પ્રવાસન અને વ્યવસાયના વિકાસને ટેકો આપશે, જ્યારે રસ્તાઓ, લોજિસ્ટિક્સ, હોસ્પિટાલિટી અને શહેરી ઇન્ફ્રાસ્ટ્રક્ચર જેવા સંલગ્ન ક્ષેત્રોમાં ગુણક અસરો પેદા કરશે, જે પ્રદેશના ટકાઉ વિકાસમાં યોગદાન આપશે.

સરોલીથી મુંબઈ-અમદાવાદ હાઈ સ્પીડ રેલ (HSR) કોરિડોર (ગુજરાત) સુધી સુરત મેટ્રો કોરિડોર II ફેઝ-I નું વિસ્તરણ: આવાસ અને શહેરી બાબતોના મંત્રાલય (MoHUA) એ ગુજરાતમાં સરોલીથી મુંબઈ-અમદાવાદ હાઈ-સ્પીડ રેલ (HSR) કોરિડોર સુધી સુરત મેટ્રો કોરિડોર II (ફેઝ I) ના વિસ્તરણનો પ્રસ્તાવ મૂક્યો છે. 4.4 કિમીના એલિવેટેડ વિસ્તરણમાં ત્રણ સ્ટેશનોનો સમાવેશ થાય છે, જેમાં ભવિષ્યના બે સ્ટેશનોની જોગવાઈ છે, અને તેનો ઉદ્દેશ્ય સુરતના પ્રાદેશિક અને રાષ્ટ્રીય પરિવહન નેટવર્ક સાથેના એકીકરણને મજબૂત કરવાની સાથે શહેરી ગતિશીલતા વધારવાનો છે.

આ પ્રોજેક્ટ મુંબઈ-અમદાવાદ HSR કોરિડોર માટે ડેડિકેટેડ ફીડર તરીકે ડિઝાઇન કરવામાં આવ્યો છે, જે સીમલેસ લાસ્ટ-માઈલ કનેક્ટિવિટી પૂરી પાડે છે. ડાયરેક્ટ મેટ્રો-HSR લિંકેજ, ફીડર બસ સુવિધાઓ અને નોન-મોટરાઇઝ્ડ ટ્રાન્સપોર્ટ ઇન્ફ્રાસ્ટ્રક્ચર સહિત સંકલિત સ્ટેશન આયોજન મુસાફરોની સુવિધામાં સુધારો કરશે, મોડલ એકીકરણને પ્રોત્સાહન આપશે અને એકંદર પરિવહન પ્રણાલીની કાર્યક્ષમતા અને ટકાઉપણું વધારશે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com