ಸಂಪುಟ
ಗುಜರಾತ್ ಮೆಟ್ರೋ ರೈಲು ನಿಗಮ ನಿಯಮಿತ (ಜಿ ಎಂ ಆರ್ ಸಿ)ಯ ಗಿಫ್ಟ್ ಸಿಟಿಯಿಂದ ಶಹಪುರದವರೆಗೆ ಹಾಲಿ ಇರುವ ಉತ್ತರ-ದಕ್ಷಿಣ ಕಾರಿಡಾರ್ ವಿಸ್ತರಣೆಗೆ ಕೇಂದ್ರ ಸಚಿವ ಸಂಪುಟ ಅನುಮೋದನೆ
ಪ್ರಕಟಣಾ ದಿನಾಂಕ:
24 FEB 2026 3:33PM by PIB Bengaluru
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ ಗಿಫ್ಟ್ ಸಿಟಿಯಿಂದ ಶಹಪುರದವರೆಗಿನ 3.33 ಕಿಲೋಮೀಟರ್ ಉದ್ದದ ಮೂರು ಎತ್ತರದ ನಿಲ್ದಾಣಗಳನ್ನು ಒಳಗೊಂಡ ಹಾಲಿ ಇರುವ ಉತ್ತರ ದಕ್ಷಿಣ ಕಾರಿಡಾರ್ ಮೆಟ್ರೊ ರೈಲು ಸಂಪರ್ಕ ವಿಸ್ತರಣೆಗೆ ಇಂದು ಅನುಮೋದನೆ ನೀಡಿದೆ. ಇದು ಈ ಯೋಜನೆಯನ್ನು ಸುಮಾರು ನಾಲ್ಕು ವರ್ಷಗಳಲ್ಲಿ ಪೂರ್ಣಗೊಳಿಸಲು ಉದ್ದೇಶಿಸಲಾಗಿದೆ.
ಯೋಜನೆಯ ಅಂದಾಜು ವೆಚ್ಚ 1,067.35 ಕೋಟಿ ರೂ. ಈ ವಿಸ್ತೃತ ಕಾರಿಡಾರ್ 2029 ರಲ್ಲಿ ಸುಮಾರು 23,702 ಪ್ರಯಾಣಿಕರಿಗೆ ಮತ್ತು 2041ರಲ್ಲಿ ಸುಮಾರು 58,059 ಪ್ರಯಾಣಿಕರಿಗೆ ಪ್ರಯೋಜನ ಒದಗಿಸುತ್ತದೆಂದು ನಿರೀಕ್ಷಿಸಲಾಗಿದೆ.
ಈ ಕಾರಿಡಾರ್ ಅಹಮದಾಬಾದ್ ಮತ್ತು ಗಿಫ್ಟ್ ಪ್ರದೇಶದ ನಡುವಿನ ಸಂಪರ್ಕವನ್ನು ಬಲವರ್ಧನೆಗೊಳಿಸುತ್ತದೆ, ಉದ್ದೇಶಿತ ಮಾರ್ಗದಲ್ಲಿ ನೆಲೆಗೊಂಡಿರುವ ಪ್ರಮುಖ ಬಹುರಾಷ್ಟ್ರೀಯ ಕಂಪನಿಗಳು, ಶಿಕ್ಷಣ ಸಂಸ್ಥೆಗಳು ಮತ್ತು ವಾಣಿಜ್ಯ ಕೇಂದ್ರಗಳು ನೇರವಾಗಿ ಪ್ರಯೋಜನ ಪಡೆಯುತ್ತವೆ.
ಹೆಚ್ಚುವರಿಯಾಗಿ, ಈ ವಿಸ್ತರಣೆಯು ವ್ಯಾಪಾರ, ಉದ್ಯೋಗ ಮತ್ತು ಶಿಕ್ಷಣಕ್ಕೆ ಸಂಬಂಧಿಸಿದ ಪ್ರಯಾಣದ ಅಗತ್ಯವನ್ನು ಪೂರೈಸಲು ಅಹಮದಾಬಾದ್ ಮತ್ತು ಗಿಫ್ಟ್ ಪ್ರದೇಶದ ನಡುವೆ ಪ್ರಯಾಣಿಸುವ ದೈನಂದಿನ ಪ್ರಯಾಣಿಕರಿಗೆ ಪ್ರಯೋಜನಕಾರಿಯಾಗಿದ್ದು, ಇದರಿಂದಾಗಿ ನೆಟ್ವರ್ಕ್ ಸಂಯೋಜನೆ ಮತ್ತು ಪ್ರಯಾಣಿಕರ ಅನುಕೂಲ ಗಮನಾರ್ಹವಾಗಿ ಸುಧಾರಣೆಯಾಗಲಿದೆ.
ಈ ಯೋಜನೆಯು ನಿರ್ಮಾಣ ಕ್ಷೇತ್ರದಲ್ಲಿ ಸುಮಾರು 1 ಸಾವಿರ ಉದ್ಯೋಗಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ. ಕಾರ್ಯಾಚರಣೆ ಮತ್ತು ನಿರ್ವಹಣೆಗಾಗಿ ಸುಮಾರು 250 ಜನರು ನಿರ್ಮಾಣದ ನಂತರದ ಹಂತದಲ್ಲಿ ಉದ್ಯೋಗ ಪಡೆಯುತ್ತಾರೆ. ಈ ಯೋಜನೆಯು ಮೇಲೆ ತಿಳಿಸಿದ ಸಂಖ್ಯೆಗೆ ಸಮಾನವಾದ ಗಮನಾರ್ಹ ಸಂಖ್ಯೆಯ ನೇರ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತದೆ. ಹೆಚ್ಚುವರಿಯಾಗಿ, ಇತರ ಚಟುವಟಿಕೆಗಳು ಇನ್ನೂ ಹೆಚ್ಚಿನ ಜನರಿಗೆ ಪರೋಕ್ಷ ಉದ್ಯೋಗಗಳನ್ನು ಸೃಷ್ಟಿಸುತ್ತವೆ.
ಈ ಯೋಜನೆಯನ್ನು ಭಾರತ ಸರ್ಕಾರ ಮತ್ತು ಗುಜರಾತ್ ಸರ್ಕಾರದ ನಡುವಿನ 50:50 ಹೂಡಿಕೆಯೊಂದಿಗೆ ಜಂಟಿ ಉದ್ಯಮವಾದ ಗುಜರಾತ್ ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಜಿಎಂಆರ್ ಸಿ) ಮೂಲಕ ಜಾರಿಗೊಳಿಸಲಾಗುವುದು.
ಹಿನ್ನೆಲೆ:
ಸದ್ಯ, ಗುಜರಾತ್ ಮೆಟ್ರೋದ 68.28-ಕಿಮೀ ಅಹಮದಾಬಾದ್ ಮೆಟ್ರೋ ಹಂತ-I {ಎಪಿಎಂಸಿ ಯಿಂದ ಮೋಟೆರಾ ಕ್ರೀಡಾಂಗಣ (ಉತ್ತರ-ದಕ್ಷಿಣ ಕಾರಿಡಾರ್) ಮತ್ತು ಥಲ್ತೇಜ್ ಗ್ಯಾಮ್ ನಿಂದ ವಸ್ತ್ರಲ್ ಗ್ಯಾಮ್ (ಪೂರ್ವ-ಪಶ್ಚಿಮ ಕಾರಿಡಾರ್)} ಮತ್ತು ಹಂತ-II (ಮೋಟೆರಾ ಕ್ರೀಡಾಂಗಣದಿಂದ ಮಹಾತ್ಮ ಮಂದಿರ ಮತ್ತು GNLU ನಿಂದ GIFT ನಗರ), ಒಟ್ಟು 53 ನಿಲ್ದಾಣಗಳನ್ನು ಸೆಪ್ಟೆಂಬರ್-2022 (ಹಂತ-I) ಮತ್ತು ಜನವರಿ-2026 (ಹಂತ-II) ರಿಂದ ಯಶಸ್ವಿಯಾಗಿ ಜಾರಿಗೊಳಿಸಲಾಗಿದೆ. ಈ ಮಾರ್ಗದಲ್ಲಿ ದಿನನಿತ್ಯ ಸುಮಾರು 1,60,000 ಜನರು ಪ್ರಯಾಣಿಸುತ್ತಾರೆ.
*****
(ಪ್ರಕಟಣೆ ಐ.ಡಿ.: 2232201)
ವಿಸಿಟರ್ ಕೌಂಟರ್ : 6
ಪ್ರಕಟಣೆಯನ್ನು ಇದರಲ್ಲಿ ಓದಿ:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam