প্রধানমন্ত্রীগী লোইশঙ
প্রধান মন্ত্রীনা তামিল নাদুগী হান্নগী সি.এম., জে. জয়ললিতাজীদা ইকাই খুম্নবা উৎখ্রে
থাগৎখিবা:
24 FEB 2026 9:33AM by PIB Imphal
প্রধান মন্ত্রী শ্রী নরেন্দ্র মোদীনা ঙসি, তামিল নাদুগী হান্নগী মুখ্য মন্ত্রী জে. জয়ললিতা জীবু মহাক্কী মপোক কুমওনগী থৌরমনা লাকপদা ইকাই খুম্নবা উৎখ্রে। প্রধান মন্ত্রীনা মহাকপু মীয়ামগী ৱাখল অমসুং পুক্নিংদা মতম চুপ্পগী মফম অমা কনবা ঙমখিবা শুমহৎনীংঙাই ওইবা লুচিংবা অমসুং অৱাংবা থাক্কী এদমিনিস্ত্রেতর অমা ওইনা নীংশিংখি।
শ্রী মোদীনা তামিল নাদুগী মুখ্য মন্ত্রী ওইনা মহাক্কী ত্রান্সফোর্মেতিব তেনরগী মতাংদা পনখি। মহাক্না নুপীশিংগী শক্তি লৈহনবা, সোসিএল জস্তিস অমসুং ইনক্লুসিব দিবেলপমেন্তদা অকনবা মীৎয়েং থমদুনা য়াইফ-থৌরাংগী লমদা লমজিংবা লৈঙাক্লোনবু শৌগৎখি।
প্রধান মন্ত্রীনা মহাক্কা ৱারী শানখিবা অদু য়াম্না নুংঙাইবা ফাওদুনা নীংশিংখি। শ্রী মোদীনা থা অসিগী মন কী বাত্তা মহাক্কী পুন্সি অমসুং থবকশিংগী মতাংদা মহাক্না পনখিবা অখন্নবা ৱাফমশিং অদু পনখি।
প্রধান মন্ত্রীনা Xতা ইখি:
"মহাক্কী মপোক কুমওন্দা জয়ললিতা জীবু নীংশিংদুনা.. মহাক্না মীপুম খুদিংমক্কী পুক্নিং অমসুং ৱাখলদা শুমহৎনীংঙাই ওইবা লুচিংবা অমসুং শিংথানীংঙাই ওইরবা এদমিনিস্ত্রেতর অমা ওইনা মফম অমা কনবা ঙমখ্রে। মহাক্কী পুন্সিগী খোঙচৎ অসি য়াম্না অখাং কনবা অমসুং ফিরেপ চেৎপা অমনি। তামিল নাদুগী মুখ্য মন্ত্রী ওইরিঙৈদা, মহাক্না নুপীশিংগী শক্তি লৈহনবা, সোসিএল জস্তিস অমসুং ইনক্লুসিব দিবেলপমেন্তদা অকনবা মীৎয়েং থমদুনা য়াইফ-থৌরাংগী লমদা লমজিংখি। মহাক অসি নুংশিবা অমসুং ৱাখল লৈবা অনিমক ওইরম্মি। ঐহাক্না মহাক্কা ৱারী শাখিবা অদু নীংশিংবদা য়াম্না নুংঙাইবা ফাওই।
ঐহাক্না থা অসিগী #MannKiBaat প্রোগ্রামদা মহাক্কী মতাংদা করি হায়খিবগে হায়বদু য়েংসি।"
***
(রিলিজ আই.দি.: 2232080)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam