প্রধানমন্ত্রীগী লোইশঙ
প্রধান মন্ত্রীনা পি.এম. সুর্য় ঘর স্কিমগী মখাদা য়ুমথোং লাখ ৩০না রুফতোপ সোলর হাপখিবগী মাইলস্তোনবু থাগৎখ্রে
থাগৎখিবা:
23 FEB 2026 8:41PM by PIB Imphal
প্রধান মন্ত্রী, শ্রী নরেন্দ্র মোদীনা লৈবাক শিনবা থুংনা য়ুমথোং লাখ ৩০দা রুফতোপ সোলর পাৱর ফংহনবগী মায়পাকপা অদু ঙসি থাগৎলদুনা মসি ভারতকী ক্লিন ইনর্জীগী খোঙচৎতা থাগৎনিংঙাই ওইবা মাইলস্তোন অমনি হায়না মহাক্না হায়খি।
প্রধান মন্ত্রীনা রুফতোপ সোলর শীজিন্নখিবা কান্নবা ফংলবা মীওই পুম্নমকপু থাগৎপা ফোংদোক্লদুনা মহাক্না হায়খি মদুদি খোঙথাং অসিনা নাগরিকশিংগী মরক্তা শেল তুংশিনবা হেনগৎহনবা, সস্তেনেবিলিতী অমসুং মশা-মরোমদোম লেপচবা হেনগৎহল্লি।
শ্রী মোদীনা মখা তারদুনা হায়খি মদুদি স্কিম অসিনা ইনর্জী-সেক্যুর, গ্রীন অমসুং তুংলমচৎকীদমক শেম-শারবা ভারত অমা শেমগৎনবা সরকারনা হোৎনরিবা অসিগী অপুনবা শরুক অমনি।
কেন্দ্রগী মন্ত্রী শ্রী প্রলহাদ জোশীগী পোস্ত অমগী পাউখুম পীরদুনা প্রধান মন্ত্রীনা পোস্ত তৌখি;
“ভারতকী ক্লিন ইনর্জীগী খোঙচৎতা থাগৎনিংঙাই ওইবা মাইলস্তোন অমা!
স্কিম অসিদগী কান্নবা ফংলবা অমসুং রুফতোপ সোলর পাৱর শীজিন্নদুনা শেল তুংশিনবা, সস্তেনেবিলিতী অমসুং মশা-মরোমদোম লেপচবা হেনগৎহনখ্রবা মীওই পুম্নমকপু ঐনা থাগৎপা ফোংদোকচরি।
স্কিম অসি ইনর্জী-সেক্যুর, গ্রীন অমসুং তুংলমচৎকীদমক শেম-শারবা ভারত অমা শেমগৎনবা ঐখোয়না হোৎনরিবা অসিগী শরুক অমনি।
#30LakhsPMSuryaGhar”
***
(রিলিজ আই.দি.: 2231985)
ভিজিতর কাউন্তর : 5