উত্তর প্রদেসকী চীফ মিনিষ্টর য়োগী অদিত্যনাথ জি, কেন্দ্রগী মন্ত্রীমন্দলগী ঐগী মরুপ অশ্বনি বৈষ্ণব জি, জিতিন প্রাসাদা জি, উত্তর প্রদেস সরকারগী মন্ত্রীশিং, ফোক্সকোনগী সেমকন্দক্তর ব্যুজিনেস গ্রুপকী প্রসিদেন্ত বোব চেন, ঐচ.সি.এল তেক্নোলোজিসগী চিয়ার্মেন রোসনি নাদার জি, থৌরম অসিদা শরুক য়ারিবা উদ্যোগকী লুচিংবশিং, অতোপ্পা শক্নাইরবশিং, ইবেম্মাশিং অমসুং ইবুংঙোশিং!

ঙসি বিকসিত ভারত ওইনবা মাইকৈদা য়াংনা থবক পায়খৎলি। ভারত পোথানবগী মতম লৈতে হায়না লাল কিলাদগী ঐনা হায়খ্রে। চহি ২০২৬ হৌরকপদগী, ভারতনা মসিগী খোঙজেল য়াংখৎলে। জনুৱারি ১২ দা পাংথোকখিবা বিকসিত ভারত য়ং লিদরস দাইলোগতা লৈবাক অসিগী নহারোল লাখ কয়া শরুক য়াখি; জনুৱারি ১৬ দা ঐখোয়না নেসনেল ষ্টার্দঅপ দে পাংথোকখ্রে, থৌরমশিংনা ভারত্ত ষ্টার্দ অপগী অওনবদা থৌনা হাপ্লে, জনুৱারি থা অসিদা ইন্দিয়া ইনর্জি সম্মিৎকী খুৎথাংদা ভারতনা মালেমগী পুক্নিং চিংশিল্লে। বিকসিত ভারতকী বজেতনা লৈবাক্কী চাউখৎপদা অনৌবা ইনোৎ হাপ্লে, মসি তশেংনা ভারতকী পুৱারি ওইরবা চয়োল অমা ওইরে। গ্লোবেল এ.আই ইম্পেক্ত সম্মিৎতা, ভারতকী এ.আইগী থবকশিং য়েংনবা মালেমগী লুচিংবশিং, রাজ্যগী লুচিংবশিং অমসুং তেক্নোলোজিগী লময়ানবশিং পুনখি, ঐখোয়গী লৈবাক অসিগী মরুওইবা পান্দম মপুংফানা খঙলে অমসুং থাগৎনখি।

মরুপশিং,

ঙরাং এ.আই সম্মিৎ হেক লোইশিনখ্রে অমসুং হৌজিক ঐখোয় ভারতকী সেমিকন্দক্তরগী থবক মপাঙ্গল কনখৎহন্নবা অচৌবা থৌরম অসিগী শরুক অমা ওইরে।

মরুপশিং,

অনৌবা মালেম অসি হিংনবা দরকার ওইবা প্রোসেশিং পৱারদা, হৌজিক ভারত মালেমগী মকোক থোঙবা লৈবাকশিংগা লেপমিন্নবা হোৎনরি। হৌজিক ভারতনা সোফৱায়ার অমসুং হার্দৱায়ারগী হিরমশিংদা চপ মান্না থবক পায়খৎলি। ভারতকী সেমিকন্দক্তরগী থবক্ত উত্তর প্রদেসনা মরুওইবা মফম অমা ওইরক্কদৌরিবা অসিনা ঐখোয় খুদিংমক চাউথোক্নবগী মরম অমা ওইহল্লে। ঐচ.সি.এল অমসুং ফোক্সকোনগী অনৌবা ফেক্তরি অসিনা তেক্নোলোজি পৱায়রহাওস অমা ওইনা মখা তানা উত্তর প্রদেসকী অনৌবা শক্তম ফগৎহল্লগনি। উত্তর প্রদেসকী সংসদকী মেম্বর অমা ওইনা, রাজ্য অসি অওনবা পুরকপদা ঐ য়াম্না চাউথোকচৈ। সেমিকন্দক্তর ফেক্তরি অসিনা মরম ওইদুনা লৈবাক অসিগী নহারোল অমসুং উত্তর প্রদেসকী নহারোল থবক য়াম্না ফংলগনি। সেমিকন্দক্তর য়ুনিত লাকপদগী, মফম অসিদা দিজাইন হাওসশিং লাক্লে, আর অমসুং দি সেন্তরশিং লাক্লে, ষ্টার্দঅপ ইকোসিষ্টেমশিং শেম্লে। হৌজিক থবক খুদিংমক উত্তর প্রদেসতা পাংথোক্লগনি। ঐনা চীফ মিনিষ্টর শ্রী য়োগী অদিত্যনাথ জি অমসুং মহাক্কী অপুনবা কাংবু অমসুং উত্তর প্রদেসকী মীয়াম থাগৎপা ফোঙদোকচরি।

 মরুপশিং,

চৎলিবা দিগেদ অসি ভারতকী তেকগেদনি হায়না ঐনা য়াম্না তোইনা ফোঙদোক্লি। চহি ১০ অসিদা তেক্নোলোজিগী লমদা ভারতনা পায়খৎপা থবক খুদিংমক ২১শুবা চহিচাদা ঐখোয়গী পাঙ্গলগী য়ুম্ফম থোনগনি।মসি গ্রিন ইনর্জি, স্পেস তেক, দিজিতেল তেক্নোলোজি, মেনুফেকচরিং তেক্নোলোজি নত্ত্রগা আর্তিফিসিএল ইন্তিলিজেন্স ওইবা য়াই, তেক্নোলোজি খুদিংমক্ত ঙসিগী ভারতনা মমাঙদা অমুক্ত ওইখিদ্রিবা মওংদা শেন থাদবা অসিনা মীওইবা খুন্নাইগী মরাইবক লেপকনি। ভারত্ত অফবা সেমিকন্দক্তর শানবা থবক অমা পায়খৎলকপা অসি মসিগী অচৌবা খুদম অমনি। ভারতনা মসিগী সেমিকন্দক্তরগী খোঙচৎ থেংনা হৌরবসু, ঙসি ঐখোয় খোঙজেল য়াম্না য়াংনা মাঙলোমদা চঙশিল্লি। লৈবাক অসিগী সেমিকন্দক্তর মিসনগী মখাদা, হৌজিক ফাওবদা ভারতনা সেমিকন্দক্তর ফেব্রিকেসন অমসুং পেক্কেজিং প্রোজেক ১০ অয়াবা পীখ্রে। মখোয়গী মনুংদা, য়ুনিত মরি অথুবা মতমদা পোৎথোক পুথোকপা হৌরগনি।

মরুপশিং,

অদোম ময়াম্না খঙলে, মদুদি ২০শুবা চহিদা লৈবাকশিং থাউদগী নুংঙাই-য়াইফবা অমসুং শক্তি ফংখি। ২১শুবা চহিচাদা, মসিগা চপ মান্নবা শক্তি অপীকপা চিপশিং অমসুং মসিগা মরী লৈনবা লৌশিং অমসুং মচাকশিংদা লৈখি। কোরোনা লাইচৎ মনুংদা, অপীকপা চিপ অমগী সপ্লাই চেন কমদৌনা মপাঙ্গল শোন্থখিবগে হায়বা ঐখোয় উখ্রে। মতম অদুদা, চিপশিং পীবা লেপখিবদা, মালেমগী ফেক্তরশিং থবক লেপখি অমসুং শেন্মিৎলোনশিং কিন্থবা হৌরকখি। খুদোংথিবা অদু খুদোংচাবা অমা ওন্থোক্নবা ভারতনা পারা তমখি অমসুং চিপ শাবদা ভারতনা অত্মনির্ভর ওইনবা ৱারেপ লৌরে। মদুগীদমক, ভারত্ত সেমিকন্দক্তর ইকোসিষ্টেম অমা শেমগৎলে। ঙসিগী থৌরম অসিদা পান্দম অদুগী মমি তারে।

মরুপশিং,

ভারতনা অত্মনির্ভর ওইরবা মতম খক্তদা বিকসিত ভারত ওইবা ঙমগনি। মসিগীদমক, মেদ ইন ইন্দিয়া চিপ পুথোকপা য়াম্না মরুওই। মরম অদুনা ভারতকী চিপ ভারত্ত শারবা মতমদা, ঐখোয়গী অনৌবা খুৎলায়শিং শানবা ঐখোয়না অতোপ্পা লৈবাকশিংদগী লৈররোই। দিজিতেল ইন্দিয়া, এ.আই, ৫জি, ৬জি, ইলেক্ত্রিক গারিশিং, দিফেন্স, দরকার ওইবা পোৎলম খুদিংমক্কী থৱায় সেমিকন্দক্তর, চিপনা ওইরে। ঐখোয় ইশাগী চিপ লৈরবা মতমদা, অপনবা অমতা লৈতনা মখা তানা হিরম খুদিংমক্ত ভারতকী খোঙজেল য়াংখৎকনি।

 মরুপশিং,

ঙসি, ফোক্সকোনগুম্বা অচৌবা কম্পেনিশিং ভারত্ত লাকপা অমসুং চিপ শাবদা মতেং পাংলবা অসি মালেমদা পীবা পাউজেল অমনি। ভারতগুম্বা গনতন্ত্র চৎপা লৈবাক অমা মালেমগী থাজবা লৈরবা মরুপ অমনি। ভেলু চেন অমদা হেক্ত ভারতনা শরুক য়াবা হেনগৎলকপা অসি হায়রিবা ভেলু চেন অদুগী অৱাবা মায়োক্নবা ঙম্বা হেনগৎলকপনি। মরম অদুনা ভারতকী শক্তম অসি ভারতকী ফেক্তরিগুম্বনি অমসুং মসি ভারত অমসুং মালেমগী অতোপ্পা লৈবাকশিংগী মাইপাকপনি।

 মরুপশিং,

ঙসিগী মালেম্না ভারত্ত তুংগী তেক্নোলোজিগী মফম অমা ওইনা য়েংলি। মসিগী অচৌবা মরম অমদি ভারতকী হৈথোই-শিংথোইবা অসিনি। ভারতনা মসিগী চিপ দিজাইন তৌবগী লৌশিং পাকথোক-চাউথোকহনবা খক নত্তনা সেমিকন্দক্তরশিংগা মরী লৈনবা অতোপ্পা স্কিলশিংদসু মীৎয়েং চঙলি। ভারত সরকারনা চিপদগী হৌরগা ষ্টার্দঅপ থৌরম পায়খৎলে। মসিগী পান্দমদি সেমিকন্দক্তর মিসনগী অনিশুবা তাঙ্কক্কী বজেতশিংগা লোয়ননা চিপশিং অমসুং ষ্টার্দঅপ থবকশিংগীদমক অখন্নবা মীওই ৮৫,০০০ রোম ত্রেনিং পীবনি। ফেবশিং, অৱাংবা থাক্কী পেক্কেজিং অমসুং আর অমসুং দিগী মখল খুদিংমক্কী মপুংফাবা থবক ভারত্ত পায়খৎলে। সেমিকন্দক্তর অমসুং বেত্তরি শাবদা রিয়ার আর্থ মিনরেলশিং য়াম্না মরুওই। হিরম অসিদসু মশা মরোমদোম লেপচবা ঙম্নবা ভারতনা অচৌবা থবকশিং পায়খৎলে। লৈবাক অসিদা রিয়ার আর্থ কোরিদোরশিং শানবা চহি অসিগী বজেত্ত লাউথোক্লে। মসি সেমিকন্দক্তর সেক্তরগী অচৌবা পুক্নিং থৌগৎপা অমনি।

 মরুপশিং,

হৌখিবা চহি ১১ দা, থবক পাংথোক্নবা ঐখোয়না ৱারেপ লৌখিবা খুদিংমক ঐখোয়না পাংথোকপা ঙম্লে হায়বা ভারতনা হঞ্জিন-হঞ্জিন উৎলে। চহি খরগী মমাংদা, লৈবাক অসিনা মেদ ইন ইন্দিয়াগী ৱারেপ লৌবা মতমদা, মীওই খরনা চিংনবা ফাওখি। অদুবু ঙসিদি, মেক ইন ইন্দিয়া অকনবা ব্রান্দ অমা ওইরে। হৌখিবা চহি ১১ দা, ভারত্ত ইলেক্ত্রোনিক্স মেনুফেকচরিং শরুক তরুক হেনগৎলে। ইলেক্ত্রোনিক্স মপান্দা থাদোকপা শরুক নিপাল হেনগৎলে। লৈবাক অসিদা মোবাইল ফোনপুথোকপা শরুক ২৮ হেনগৎলে আমসুং মপান্দা থাদোকপা শরুক ১০০ হেনগৎলে।

মরুপশিং,

ভারতকী মেনুফেকচরিংগী মাইপাকপদা উত্তর প্রদেসনা অকনবা য়ুম্বী অমা ওইরকপদা ঐ অপেনবা ফাওই। করিগুম্বা ঐনা মোবাইল ফোন শাবগী মতাংদা ৱা ঙাংলবদি, হৌজিক লৈবাক অসিদা অপুনবা মোবাইল ফোনশিংগী তঙ্খায় অমা মফম অসিদগী পুথোক্লি। তুংদা, উত্তর প্রদেসকী তৌবা ঙম্বা মখা তানা হেনগৎলক্কনি। মরম অদুনা মফম অসিদা সেমিকন্দক্তর ইকোসিষ্টেম, ইলেক্ত্রোনিক্সকী মচাকশিং শারে। মসিনা মফম অসিদা মশিং য়াম্লবা থবকশিং ফংনবা খুদোংচাবশিং পীরগনি।

মরুপশিং,

ঙসিগী উত্তর প্রদেসতা মেনুফেকচরিংগী মরমদা খন্নরে। লুপা করোর লিশিং কয়া থাদরকপগীদমক উত্তর প্রদেস পাউদা য়াওরে অমসুং মফম অসিদা অনৌবা ফেক্তরিশিং লিংখৎলে। চহি ১০ গী মমাঙদা, অরানবা থবকশিংগীদমক উত্তর প্রদেসকী মমিং পন্নখি। খুল হোংখিবা, খুদোংচাবশিং ৱাৎপা অমসুং ফত্তবা থবকশিংনা লৈবাক অসিগী খ্বাইদগী চাউবা রাজ্যগী মরাইবক থিবা ওইখি। দবল ইঞ্জিন সরকারদা উত্তর প্রদেসকী মীয়ামগী থাজবা থম্বদা ঐ য়াম্না চাউথোকচৈ অমসুং মখোয়না হঞ্জিন হঞ্জিন বর কয়া পীবগী ফলশিং ঙসি উবা ফংলে। উত্তর প্রদেস এক্সপ্রেৱেশিংগী রাজ্য অমা ওইরে। উত্তর প্রদেস দিফেন্স কোরিদোরগী খন্নরে। লৈবাক অসিগী অমসুং মালেমগী মীয়াম্না উত্তর প্রদেস য়াম্না পাম্নবা লমকোয়ফম অমা ওইহল্লে।

মরুপশিং,

মখোয়না থাদখিবা শেনফম মপুংফানা হল্লক্কনি হায়বগী থাজবা অমা লৈবা অদু মখোয় খঙবদগী মালেমগী ইনভেষ্টরশিং উত্তর প্রদেসসতা লাক্লে। জেৱার ইন্তরনেসনেল এয়রপোর্ত অমসুং দেদিকেতেদ ফ্রেদ কোরিদোরশিংগুম্বা মালেম থাক্কী ইনফ্রাষ্ট্রকচর, এক্সপ্রেসৱেশিং, দিফেন্স কোরিদোরশিংনা অপুনবা লমদম অসি চাউখৎপগী অনৌবা থাকশিংদা পুখৎলে। হয়েং, লাক্লিবা নোংমাইজিং অসিদা, দিল্লি-মেরুত নমো ভারত ত্রেন কোরিদোর শঙ্গানবা ঐ চৎকনি। অসিগুম্বা অফবা থবকশিং পায়খৎলকপা মতমদা, উত্তর প্রদেস শোইদনা চাউখৎকনি। ঐনা অমুক হন্না ঐচ.সি.এল অমসুং ফোক্সকোন থাগৎপা ফোঙদোকচরি। সেমিকন্দক্তর য়ুনিত অসিনা মখা তানা উত্তর প্রদেসকী চাউখৎপা য়াংখৎহনগনি হায়বগী থাজবা ঐনা থম্লি।

অমুক হন্না ময়ামগী মফমদা ঐগী য়াইফ পাউজেল পীজরি।

অদোম ঙমখৈ লৈতনা থাগৎপা ফোঙদোকচরি।

***