প্রধানমন্ত্রীগী লোইশঙ
প্রধান মন্ত্রীগী রিপব্লিক ওফ গ্রীশকি ঐচ.ই. হেলেনিক্কী প্রধান মন্ত্রী শ্রী কিরিয়াকোস মিতসোতাকিসকগী মীফম
থাগৎখিবা:
19 FEB 2026 7:15PM by PIB Imphal
প্রধান মন্ত্রী শ্রী নরেন্দ্র মোদীনা এ.আই. ইম্পেক্কী সাইদলাইন্দা হেলেনিক রিপব্লিক্কী(গ্রীশ)কী প্রধান মন্ত্রী ঐচ.ই. শ্রী কিরিয়াকোস মিতসোতাকিসকা লিশিং অনিগা কুন তরুক্কী, ফেব্রুৱারী তরামাপলদা উন্নখ্রে। গ্রীশকী প্রধান মন্ত্রীনা ন্যু দিল্লীদা পাংথোকখিবা ইন্দিয়া এ.আই. ইম্পেক্ত সমীত্তা শরুক য়ানবগীদমক্তা ভারত্তা লাকখিবনি। পি.এম. মিতসোতাকিসকা দিজিতেল গবর্নান্সকী মন্ত্রী শ্রী দিমিত্রিওস অমসুং মকোক থোংবা ওফিসিএলশিংগী মীহুৎ কাংবু অমগা লাকমিন্নখি।
লুচিংবা অনিনা বাইলেতরেল স্ত্রেতেজিক পার্তনর্শিপকি গেমৎ পুম্নমক য়েংশিনখি অমসুং পার্তনর্শিপ অসি তোঙান তোঙানবা লমশিংদা লেপ্তনা খোঙজেল য়াংনা চাওখৎলক্লি হায়বা পনখি। মখোয়না রিজনেল অমসুং মালেমগী ওইবা ইন্তরেস্তকি হিরমশিংদা ৱাখল্লোনশিং পিথোক-পিসিন তৌনবতা নত্তনা অনৌবা ইন্তরেস্তকি লমশিংদা তেংবাং পিনবা মখা তানা চেৎশিলহন্নবা মাংলোমদা চঙশিনবগী লম্বিসু খন্নখি। লুচিংবা অনিনা হন্দক্কী কনেক্তিবিতিগী ইনিসিয়েতিবশিং অমসুং মঙম অসি আই.এম.ই.সি. মখা তানা পাকথোক-চাউথোক্লিবা অসিবু থাগৎখি।
লুচিংবা অনিমক্না হন্দক্তা অৱাংবা থাক্কী খোঙচৎশিং পিথোক-পিশিন তৌনবনা স্ত্রেতেজিক পার্তনর্শিপতা অনৌবা থৌনা অমা পিরি অমসুং হন্দক্তা লোইশিনখিবা ভারত – ইয়ু এফ.তি.এ.না লৈবাক অনিগী মরক্তা ল্লোন-ইতিক অমসুং শেল থাদবগী অনৌবা লম্বিশিং হাংদোক্লগনি হায়বসিদা য়ানখি।
মসি পি.এম.মিতসোতাকিসনা ভারত্তা লাকপা অনিশুবা খোঙচৎনি; মহাক্না মমাঙদা লিশিং অনিগা কুনমরিগী ফেব্রুৱারিদা ভারত্তা রাজ্যগী খোঙচৎ অমা লাকখি, মসি চহি তরামঙাগী মতুংদা গ্রীশকি সরকারগী লুচিংবা অমনা ভারত্তা চৎখিবা অহানবা খোঙচৎনি। মসিগী মমাঙদা প্রধান মন্ত্রী শ্রী নরেন্দ্র মোদীনা লিশিং অনিগা কুনহুমদোইগী ওগস্ত কুনমঙাদা এথেন্সতা চৎখিবা মতমদা লৈবাক অনিগী মরি অসি স্ত্রেতেজিক পার্তনর্শিপতা পুখৎখি।
***
(রিলিজ আই.দি.: 2230764)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam