કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે જણાવ્યું છે કે ઇન્ડિયા AI ઇમ્પેક્ટ સમિટ-2026 મોદી સરકાર હેઠળ પ્રાપ્ત થયેલા સીમાચિહ્નોના આધારે ભારતને નવા યુગમાં નેતૃત્વ માટે તૈયાર કરે છે.

X પ્લેટફોર્મ પર પોસ્ટ્સની શ્રેણીમાં, કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે જણાવ્યું હતું કે “ઇન્ડિયા AI ઇમ્પેક્ટ સમિટ-2026 મોદી સરકાર હેઠળ પ્રાપ્ત થયેલા સીમાચિહ્નોના આધારે ભારતને નવા યુગમાં નેતૃત્વ માટે તૈયાર કરે છે. વૈશ્વિક નેતાઓ અને ટેક જાયન્ટ્સના સૌથી મોટા સમૂહની યજમાની કરીને, ભારત સાર્વત્રિક સુખ અને કલ્યાણના પ્રાચીન મંત્ર સાથે નવા યુગ માટે નૈતિક દિશા નક્કી કરે છે.”

શ્રી અમિત શાહે કહ્યું “ઇન્ડિયા AI ઇમ્પેક્ટ સમિટ-2026 એ તેની નવીનતા અને લોકશાહીની અનંત શક્તિ દ્વારા માનવજાતની પ્રગતિની યાત્રાને સતત વેગ આપવા માટે ભારતનું વિશ્વને આપેલું વચન છે, જે તેની સંસ્કૃતિમાં ઊંડે સુધી વસેલી છે. ભવિષ્ય ઘણા લોકો માટે અદ્રશ્ય હોઈ શકે છે પરંતુ ભારતે પહેલેથી જ નિયતિનો હવાલો સંભાળી લીધો છે.”

કેન્દ્રીય ગૃહ મંત્રીએ જણાવ્યું હતું કે “ઇન્ડિયા AI ઇમ્પેક્ટ સમિટ-2026 માં મોદીજી દ્વારા રજૂ કરવામાં આવેલ ભારતનું AI વિઝન MANAV માનવતાની દિશાને ભૂલરહિત ભવિષ્ય તરફ નક્કી કરે છે. નૈતિકતા, જવાબદારી, રાષ્ટ્રીય ડેટા સાર્વભૌમત્વ, સુલભતા અને માન્ય પ્રણાલીઓના સિદ્ધાંતો સાથે વિશ્વ આગામી સભ્યતાના ઉછાળા (civilisational leap) માટે તૈયાર છે.”

શ્રી અમિત શાહે કહ્યું “ઇન્ડિયા AI ઇમ્પેક્ટ સમિટ-2026 માં પ્રદર્શિત Sarvam AI સાક્ષી આપે છે કે શા માટે આવતીકાલ ભારતની છે. 22 ભારતીય ભાષાઓમાં અત્યાધુનિક AI સોલ્યુશન્સ પૂરા પાડીને તે સુનિશ્ચિત કરે છે કે ટેકનોલોજી દરેક હાથ સુધી પહોંચે અને મોદીજીના વિકસિત ભારતના વિઝન માટે માર્ગ મોકળો કરે છે જ્યાં ટેકનોલોજી નાગરિકનો વિશ્વાસુ સાથી છે.”

SM/IJ/GP/JD