প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা ইন্দিয়া AI ইম্পেক্ত সম্মিত 2026 হৌদোকখ্রে
আর্তিফিসিয়েল ইন্তেলিজেন্সনা মীওইবা খুন্নাইগী পুৱারীদা অহোংবা পুরকপা পন্দুপ অমগী খুদম্নি: PM
ঐখোয়না AIবু দেমোক্রেতাইজ তৌগদবনি; মসি ইনক্লুজন অমসুং এম্পাৱরমেন্তকী খুৎলাই অমা ওইগদবনি, মরু ওইনা গ্লোবেল সাউথকীদমক্তা: PM
PMনা AIগীদমক M.A.N.A.V. ভিজন - মোরেল অমসুং এথিকেল ওইবা সিস্তেমশিং, একাউন্তেবল গবর্নান্স, নেস্নেল সোভরেনিতী, এক্সেসিবল অমসুং ইনক্লুসিব, ভেলিদ অমসুং লেজিতিমেতকী মতাংদা পনখি
ঐখোয়না মীওইবা অমসুং ইন্তেলিজেন্ত সিস্তেমশিংনা পুন্না শেম্বা, পুন্না থবক তৌমিন্নবা অমসুং পুন্না চাউখৎমিন্নবা মতম অমদা চংশিল্লি; AIনা ঐখোয়গী থবকশিংবু হেন্না স্মার্ত, হেন্না এফিসিয়েন্ত অমসুং হেন্না ইম্পেক্ত লৈবা অমা ওইহল্লগনি: PM
ঐখোয়না মালেমগী কমন গুদকীদমক AIগী অপুনবা ৱারেপ অমা শেমগদবনি: PM
AIদা, ভারতনা খুদোংচাবা অমসুং তুংলমচৎকী ব্লুপ্রিন্ত উরি: PM
থাগৎখিবা:
19 FEB 2026 11:36AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা ইন্দিয়া AI ইম্পেক্ত সম্মিত 2026 হৌদোকখ্রে। থৌরম অদুদা মীয়াম তিনখিবা অদুদা ৱা ঙাংলদুনা শ্রী মোদীনা হায়খি মদুদি মালেমগী খ্বাইদগী চাউবা অমসুং পুৱারী ওইরবা AI ইম্পেক্ত সম্মিত অসি মীওইবা খুন্নাইগী শরুক তরুক থোকপগী অমা ওইরিবা ভারত্তা পাংথোক্লি। মহাক্না হায়খি মদুদি ভারত অসি মালেমগী খ্বাইদগী চাউবা নহা ওইরিবা মীশিং, খ্বাইদগী চাউবা তেক্নোলোজী তেলেন্ত পুল, অমসুং তেক্নোলোজী-ইনেবল ইকোসিস্তেমগী য়ুম্ফমনি। ভারতনা অনৌবা তেক্নোলোজীশিং পুথোকপতা নত্তনা মমাংদা অমুক্তা ওইখিদ্রিবা মওংদা মখোয়বু শিজিন্নরি হায়না মহাক্না অকনবা ৱাফম থমখি। ভারত মচা কোতি 140না অনৌবা তেক্নোলোজী শিজিন্নবা পাম্মি হায়না প্রধান মন্ত্রীনা পনখি। মখোয়গী মায়কৈদগী মহাক্না সরকারগী মকোকশিং, মালেমগী AI ইকোসিস্তেমগী লুচিংবশিং অমসুং সম্মিত অসিদা শরুক য়ারিবা ইন্নোবেতরশিংদা নুংঙাইবা ফোংদোকখি। মহাক্না মখোয়গী মফমদা লাকপগীদমক থাগৎপা ফোংদোকখি অমসুং ভারত্তা সম্মিত অসি পাংথোকপা অসি লৈবাক অসিগীদমক্তা নত্তনা মালেমগী খা থংবা শরুক পুম্নমক্কীদমক চাউথোকচনীংঙাইনি হায়না ফোংদোকখি।
মীফম অসিনা মালেমগী লৈবাক 100 হেনবদগী মীহুৎশিং অমসুং মালেমগী মফম কয়াদগী শক্নাইরবা শরুক য়ারিবশিংগা লোয়ননা AI মালেমগী শক্নাইরবা মীশক কয়ানা মসিদা অমত্তা ওইনা পুল্লরে হায়না পল্লদুনা শ্রী মোদীনা মীফম অসিদা নহা ওইরিবা মীরোলনা মপাঙ্গল কন্না লৈবগী মতাংদা পনখি। অনৌবা তেক্নোলোজীশিং অসি অয়াম্বা মতমদা অহানবদা থাজদবা পোক্লবসু, মালেম শীনবা থুংনা লৈরিবা নহাশিংনা AIবু লৌশিনবা, মদুগী মপু ওইবা লৌশিনবা অমসুং শীজিন্নবগী খোঙজেল অমসুং থাজবা অসি মমাংদা অমুক্তা ওইখিদ্রি হায়না মহাক্না ফোংদোকখি। প্রধান মন্ত্রীনা AI সম্মিতকী একজিবিসন, মরু ওইনা নহা ওইরিবা তেলেন্তশিংগী শরুক য়াবগী মতাংদা পনখি। মহাক্না হায়খি মদুদি লৌউ-শিংউ, সেক্যুরিতী, ময়ামগা মীমান্নদ্রবশিংগী তেংবাং অমসুং লোন কয়া ঙাঙবা মীওইশিংগী মথৌ তাবশিং ফংহনবা অসিগুম্বা লমশিংদা পীরিবা সোলুসনশিং অসিনা 'মেদ ইন ইন্দিয়া'গী পাঙ্গল উৎলি অমসুং AIগী লমদা ভারতকী ইনোভেতিব কেপাসিতিশিং উৎলি।
মীওইবগী পুৱারীদা, চহি চা খরগী মতুংদা সিভিলাইজেসনগী মায়কৈ অদু অমুক হন্না শেমদোক্লিবা তর্নিং পোইন্ত অমা থোক্লকই হায়না প্রধান মন্ত্রীনা ফোংদোকখি। মহাক্না হায়খি মদুদি অসিগুম্বা তাঙ্ককশিং অসিনা চাউখৎপগী খোঙজেলদা অহোংবা পুরকই অমসুং ৱাখল্লোন, খঙজিনবা অমসুং থবক তৌবগী মওং মতৌদা অহোংবা পুরকই। অসিগুম্বা অহোংবা লাকপা মতমদা, তশেংবা ইম্পেক্ত অদু তঙাইফদনা খঙবা ঙমদে হায়না মহাক্না ফোংদোকখি। মহাক্না নিংশিংখি মদুদি নুংদগী মৈগী মৈরিকশিং খ্বাইদগী ইহান-হান্না পুথোকপা হৌরকপা মতমদা, মৈগী মৈরিক অদুমক্না সিভিলাইজেসনগী য়ুম্ফম ওইরক্লগনি হায়বসি কনাগুম্বা অমত্তনা খল্লমদে। শ্রী মোদীনা হায়খি মদুদি ঙাংলিবা লোল অসি অহানবা ওইনা স্ক্রিপ্তা ওন্থোকপা মতমদা, অইবা লৌশিং অসি তুংগী সিস্তেমশিংগী য়ুম্ফম ওইগনি হায়বসি কনা অমত্তনা খল্লমদে। মহাক্না মখা তারদুনা হায়খি মদুদি সিগ্নেলশিং অসি ৱায়রলেস ওইনা অহানবা ওইনা ত্রান্সমিৎ তৌরকপা মতমদা, নোংমদি মালেম পুম্বনা রিয়েল তাইমদা শম্নরগনি হায়বা কনা অমত্তনা খল্লমদে।
শ্রী মোদীনা হায়খি মদুদি “আর্তিফিসিয়েল ইন্তেলিজেন্সনা মীওইবগী সিভিলাইজেসনগী পুৱারীদা অহোংবা পুরকপগা চপ মান্নবা মওংদা অহোংবা পুরক্লি”, ঙসি উরিবা অমসুং মাংজৌননা পল্লিবা অসি মসিগী ইম্পেক্তকী অহানবা খুদম খক্তনি। মহাক্না হায়খি মদুদি AIনা মেছিনশিংবু ইন্তেলিজেন্ত ওইহল্লি, অদুবু হেন্না মরু ওইরিবদি মসিনা মীওইবগী তৌবা ঙম্বশিংবু শরুক কয়া হেনগৎহল্লি। প্রধান মন্ত্রীনা য়াম্না মরু ওইনা পনখি মদুদি হন্দক্কী মতাং অসিদা খেন্নরিবা হায়ববু মমাংদা অমুক্তা ওইখিদ্রিবা খোঙজেল অমসুং থাজরুদবা থাক্তা হেনগৎলকখিবা অসিনি। মহাক্না হায়খি মদুদি মমাংদা, তেক্নোলোজীগী ইম্পেক্ত অসি মশক তাকপদা চহী তরাগী খুজিং কয়া চঙখি, অদুবু ঙসিদি, মেছিন লর্নিংদগী লর্নিং মেছিন ফাওবগী খোঙচৎ অসি য়াম্না থুনা, য়াম্না কুপ্না অমসুং পাক চাউনা চত্থরি। মহাক্না হায়খি মদুদি মসিদা হেন্না চাউবা মিৎয়েং অমা অমসুং চপ মান্ননা হেন্না চাউবা থৌদাং অমা মথৌ তাই। শ্রী মোদীনা অকনবা ৱাফম থমখি মদুদি হৌজিক্কী জেনরেসনগা লোয়ননা, লাক্কদৌরিবা জেনরেসনশিংদা AIগী মওং-মতৌগী মতাংদা খন্নগদবনি। অশেংবা ৱাহং অসি AIনা তুংলমচত্তা করি তৌবা ঙম্বগে হায়বদু নত্তে, অদুবু মীওইবা খুন্নাইনা হৌজিক্কী ওইনা AIগা লোয়ননা করি তৌবা পাম্বগে হায়বদুনি হায়না মহাক্না ফোংদোকখি। ন্যুক্লিয়র পাৱরগা মান্ননা য়েংলদুনা প্রধান মন্ত্রীনা হায়খি মদুদি মীওইবা খুন্নাইনা মসিগী দিস্ত্রক্সন পোতেন্সিয়েল অমসুং মসিগী পোজিতিব কন্ত্রিব্যুসন অনিমক উবা ফংলে। মহাক্না হায়খি মদুদি AI অসিসু ত্রান্সফোর্মেতিব পাৱর অমনি - করিগুম্বা দিরেক্সন লৈত্রবদি, মসিনা অশোই-অঙাম থোকহল্লগনি, অদুবু অচুম্বা দিরেক্সনগা লোয়ননা, মসিনা সোলুসন অমা ওইগনি। শ্রী মোদীনা হায়খি গ্লোবেল AI ইম্পেক্ত সম্মিতৎ অসিগী মরুওইবা পান্দমদি AI অসি মতৌ করম্না মেছিন-সেন্ত্রিক ওইবগী মহুত্তা হ্যুমেন-সেন্ত্রিক ওইবা ওইহনগদগে অমসুং মসিবু মতৌ করম্না সেন্সিতিব অমসুং রেস্পোন্সিবল ওইহনগদগে হায়বদু খন্নবনি।
প্রধান মন্ত্রী মোদীনা হায়খি মদুদি AIগীদমক ভারতকী মিৎয়েং অসি সম্মিত অসিগী থিমদা ময়েক শেংনা উবা ফংলে। - সরবজন হিতায়, সরবজন সুখায় - পুম্নমক্কী য়াইফনবা, পুম্নমক্কী নুংঙাইবা। মসি ভারতকী বেঞ্চমার্কনি হায়না মহাক্না অকনবা ৱাফম থমখি। মীওইবশিং অসি AIগীদমক্তা দেতা পোইন্ত নৎত্রগা মচাক্কী পোৎলম ওইহল্লোইদবনি অমসুং মরম অদুনা AI অসি দেমোক্রেতাইজ তৌগদবনি হায়না মহাক্না চেকশিন্না হায়খি। মহাক্না হায়খি মদুদি AIনা মরুওইনা গ্লোবেল সাউথতা ইনক্লুজন অমসুং এম্পাৱরমেন্তকী মেদিয়ম অমা ওইনা মথৌ তৌগদবনি।
প্রধান মন্ত্রীনা হায়খি মদুদি AIদা অহাংবা অতিয়া অমা পীগদবনি, অদুগা মদুগী কমান্দ অদু মীওইবগী খুত্তা লৈগদবনি। মহাক্না মসি GPSগা চাংদম্নখি, মসিনা লম্বী তাকই অদুবু অরোইবা ৱারেপ অদু শীজিন্নরিবা মীদুনা লেপ্পী। ঙসি মীওইবা খুন্নাইনা AIবু লৌখৎলিবা মাইকৈ অসিনা তুংলমচৎকী মশক তাক্কনি হায়না মহাক্না ফোংদোকখি।
ন্যু দিল্লীদা পাংথোকপা AI ইম্পেক্ত সম্মিত্তা প্রধান মন্ত্রীনা AIগীদমক ভারতকী M.A.N.A.V. ভিজন অদু উৎখি। মহাক্না শন্দোক্না হায়খি মদুদি M.A.N.A.V. অসি:
• M - মোরেল অমসুং এথিকেল সিস্তেমশিং: AI অসি এথিকেল গাইদলাইনশিংদা য়ুম্ফম ওইগদবনি।
• A – একাউন্তেবল গোবর্নান্স: ত্রান্সপরেন্ত ওইবা কাংলোনশিং অমসুং মপাঙ্গল কল্লবা য়েংশিনবা।
• N - নেস্নেল সোভরেনিতী: দেতা অসি মসিগী হকথেংননা লৈবা মপুগীনি।
• A - এক্সেসিবল অমসুং ইনক্লুসিব: AI অসি মোনোপোলি লৈরোইদবনি, অদুবু মলতিপ্লাইয়র ওইহনগদবনি।
• V - ভেলিদ অমসুং লেজিতিমেত: AI অসি লোফুল অমসুং ভেরিফাই তৌবা ঙম্বা ওইগদবনি।
মহাক্না হায়খি মদুদি ভারতকী M.A.N.A.V. ভিজন অসি ২১শুবা চহিচাগী AIনা লমজিংবা মালেম অসিদা মীওইবা খুন্নাইগী য়াইফনবগীদমক্তা য়াম্না মরুওইবা লিঙ্ক অমা ওইরগনি।
প্রধান মন্ত্রী, মোদীনা হায়খি মদুদি চহী তরাগী মমাংদা, ইন্তর্নেত হৌরকপা মতমদা, মসিনা থবক কয়া শেমগৎলক্কনি হায়বসি কনাগুম্বা অমত্তনা খল্লমদে। মহাক্না হায়খি মদুদি ঙসিদি AIগী মতাংদসু মসি চুম্মি, মরমদি তুংলমচৎতা করম্বা মখলগী থবকশিং থোক্লক্কনি হায়বদু মাংজৌননা খঙবা ঙমদ্রি। মহাক্না হায়খি মদুদি AIদা থবক তৌবগী তুংলমচৎ অসি মাংজৌননা লেপথোকপা নত্তে, অদুবু মসি পুন্না ৱারেপ লৌবা অমসুং থবক পায়খৎপগী মখা পোল্লি। শ্রী মোদীনা হায়খি মদুদি তুংলমচৎকী থবক অসি অনৌবা খুদোংচাবা অমনি। মসিনা মীওইবশিং অমসুং ইন্তেলিজেন্ত সিস্তেমশিংনা পুন্না শেম্বা, পুন্না থবক তৌমিন্নবা অমসুং পুন্না চাউখৎমিন্নবগী মতম অমা ওইহল্লগনি। মহাক্না হায়খি মদুদি AIনা থবকশিংবু হেন্না স্মার্ত, হেন্না এফিসিয়েন্ত অমসুং হেন্না ইম্পেক্ত লৈবা ওইহল্লগনি। মসিনা হেন্না ফবা দিজাইন, হেন্না থুনা শাবা অমসুং হেন্না ফবা ৱারেপ লৌবদা মতেং পাংগনি।
শ্রী মোদীনা হায়খি মদুদি AIনা মীওই কয়াগীদমক অৱাংবা ভেল্যু, ক্রিয়েতিব অমসুং আর্থ লৈরবা থৌদাংশিং হাংদোক্লগনি। মসিনা ইন্নোবেসন, এন্ত্রপ্রেন্যুরশিপ অমসুং অনৌবা ইন্দস্ত্রীশিংগী খুদোংচাবা পীগনি। মহাক্না স্কিল্লিং, রিস্কিল্লিং অমসুং পুন্সি চুপ্পগী ওইনা তম্নবা অসি মীয়ামগী খোংজং অমা ওইহনবগী মরুওইবা অদু পনখি।
তুংগী থবক অসি ইনক্লুসিব ওইবা, থাজবা অমসুং হ্যুমেন-সেন্ত্রিক ওইগনি হায়না ফোংদোক্লদুনা প্রধান মন্ত্রীনা হায়খি মদুদি করিগুম্বা মীওইবা খুন্নাইনা পুন্না মাংলোমদা চংশিল্লবদি, আর্তিফিসিয়েল ইন্তেলিজেন্সনা মীওইবগী পোতেন্সিয়েলবু অনৌবা থাক্তা পুখৎকনি।
প্রধান মন্ত্রীনা হায়খি মদুদি ত্রান্সপরেন্সী অসি খ্বাইদগী চাউবা ঙাক্লৌনি, মহাক্না হায়খি মদুদি “নুমিৎকী মঙাল অসি খ্বাইদগী ফবা দিসইনফেক্তেন্তনি।” লৈবাক খর অমসুং কম্পেনীশিংনা AI অসি লান্না শেমগৎনবা স্ত্রেতেজিক এসেৎ অমা ওইনা লৌরবসু, ভারতনা AI অসি মীয়ামদা শেয়র তৌবানা মালেমদা কান্নবা পীগনি হায়না থাজৈ। ওপন কোদ অমসুং শেয়র তৌরবা দিবেলপমেন্তনা নহা ওইরিবা মীওই মিলিয়ন কয়াবু AIবু হেন্না ফবা অমসুং অসোই-অঙাম য়াওদবা ওইহল্লগনি হায়না মহাক্না অকনবা ৱাফম থমখি। মহাক্না AIবু গ্লোবেল কম্মন গুদ অমা ওইনা শেমগৎনবা অপুনবা ৱারেপ অমা লৌনবা হায়খি।
গ্লোবেল স্তেন্দর্দশিংগী তঙাই ফদবা অদু পল্লদুনা প্রধান মন্ত্রীনা হায়খি মদুদি দিপফেকশিং অমসুং ফ্যাব্রিকেত তৌরবা কন্তেন্তনা ওপন সোসাইতীশিংবু অসুম অসুম থুগাইরি। চিঞ্জাক্কী ন্যুত্রিসন লেবেলশিংগা মান্ননা, মহাক্না হায়খি মদুদি দিজিতেল কন্তেন্তনসু অশেংবা অমসুং AIনা শেম্বা মেতরিয়েলগী মরক্তা খেন্নবা থমদুনা অশেংবা ওইবগী লেবেলশিং লৈগদবনি। AIনা তেক্সত, ইমেজ অমসুং ভিদিওশিং কয়া পুথোকপগা লোয়ননা ৱাতরমার্কিং অমসুং ময়েক শেংলবা সোর্সকী স্তেন্দর্দশিংগী তঙাইফদনা মথৌ তাবা হেনগৎলক্লি হায়না শ্রী মোদীনা হায়খি লোইননা তেক্নোলোজীদা থাজবা হাববসি এক হৌবদগী হৌনা থমগদবনি হায়না মহাক্না য়াম্না মরু ওইনা পনখি।
অঙাংশিংগী সেফতীগী মরুওইবা অদু পল্লদুনা, প্রধান মন্ত্রীনা হায়খি মদুদি স্কুলগী সিলেবাই ক্যুরেত তৌবগুম্না, AI স্পেস অসি চাইল্দ-সেফ অমসুং ফেমিলী-গাইদেদ ওইগদবনি। মহাক্না হায়খি মদুদি ঙসিদি মীওই কাঙলুপ অনি লৈরে- মখোয় অদু AIদা অকিবা উবা মীওইশিং অমসুং ফোর্চুন উবা মীওইশিংনি। মহাক্না হায়খি মদুদি ভারতনা AIদা তেলেন্ত, ইনর্জী কেপাসিতী অমসুং পোলিসী ক্লিয়রিতীনা শৌগৎলগা ফর্চুন অমসুং তুংলমচৎ উরি। শ্রী মোদীনা ভারতকী কম্পেনী অহুম্না সম্মিত অসিগী মনুংদা মখোয়গী AI মোদেলশিং অমসুং এপশিং হৌদোকখিবা অসিদা নুংঙাইবা ফোংদোকখি। মোদেলশিং অসিনা ভারতকী নহারোলশিংগী হৈশিংবশিং উৎলি অমসুং মালেমগী AIগী লমদমদা ভারতনা মতেং পাংলিবা সোলুসনশিংগী মগুন অমসুং তোঙান তোঙানবা মখলশিং উৎলি হায়না মহাক্না হায়খি।
প্রধান মন্ত্রী মোদীনা হায়খি মদুদি ভারতনা সেমিকন্দক্তর অমসুং চিপ মেকিংদগী হৌরগা ক্বান্তম কম্প্যুতিং ফাওবদা রেজিলিয়েন্ত ইকোসিস্তেম অমা শেমগৎলি। মহাক্না হায়খি মদুদি সেক্যুর দেতা সেন্তরশিং, মপাঙ্গল লৈবা IT বেকবোন, অমসুং দাইনামিক স্তার্ত-অপ ইকোসিস্তেমনা ভারত অসি শেল চঙদবা, পাকথোক-চাউথোকপা ঙম্বা অমসুং সেক্যুর AI সোলুসনশিংগী মহৌশাগী ওইবা মফম অমা ওইহল্লি। শ্রী মোদীনা হায়খি মদুদি ভারতনা দাইভর্সিতী, দেমোগ্রাফী অমসুং দেমোক্রেসী লৈ। মহাক্না হায়খি মদুদি ভারত্তা মায় পাকপা AI মোদেল অমহেক্তা মালেমগী থাক্তা শীজিন্নবা য়াগনি। মহাক্না মালেম পুম্বদা: ‘দিজাইন অমসুং দিবেলপ ইন ইন্দিয়া। দিলিভর তু দ ৱার্ল্দ। দেলিভর তু হ্যুমেনিতী’ হায়বা খোল্লাও অসিগা লোয়ননা ময়ামদা চাবাউ পীখি। মহাক্না শরুক য়ারিবা পুম্নমক্তা মহাক্কী য়াইফ-পাউজেল পীদুনা ৱারোইশিন পীখি।
থৌরম অদুদা ফ্রেঞ্চ রিপব্লিক্কী প্রসিদেন্ত, হিস এক্সেলেন্সী শ্রী এমান্যুৱেল মেক্রোন, য়ুনাইতেদ নেসন্সকী সেক্রেতরী জেনরেল, লৈবাকশিংগী মকোক থোংবা, মন্ত্রীশিং, মল্তিলেতরেল ইন্সতিত্যুসনশিংগী সেনিয়র রিপ্রজেন্তেতিবশিং অমসুং তেক্নোলোজী অমসুং AI ইন্দস্ত্রীগী লুচিংবশিং য়াওনা অতোপ্পা দিগ্নিতরীশিংসু শরুক য়াখি।
বেকগ্রাউন্দ
2026কী ইন্দিয়া AI ইম্পেক্ত সম্মিতকী থিমদি সর্বজন হিতায়, সর্বজন সুখায় হায়বদি পুম্নমক্কী য়াইফ-থৌরাং, পুম্নমক্কী নুংঙাইবা হায়বসিনি। মসিনা ভারতপু AIগী লমদা মকোক থোংবা অমা ওইহন্নবা পান্দম থম্লি অমসুং AIনা মীওইবা খুন্নাইবু খুমাং চাউশিলহল্লগনি, ইনক্লুসিব গ্রোথ পুক্নিং থৌগৎলগনি অমসুং ঐখোয়গী অপুনবা গ্রহ অসিবু ঙাক-শেনগনি।
মীফম অসিদা ৱার্কিং গ্রুপ তরেৎনা থবক পায়খৎলি, মখোয়না য়ুম্বী অহুমদা য়ুম্ফম মীশিং প্লানেত অমসুং প্রোগ্রেস। গ্রুপশিং অসিনা সেক্তরশিংগী মরক্তা AIগী ইম্পেক্ত উৎলিবা কংক্রিৎ ওইবা মহৈশিং ফংহন্নবা থবক পায়খৎকনি। থিম তরেৎ অদুদি: ইকোনোমিক গ্রোথ অমসুং সোসিয়েল গুদকীদমক AI; AI রিসোর্সশিং দেমোক্রেতাইজিং তৌবা; সোসিয়েল এম্পাৱরমেন্তকীদমক ইনক্লুজন; সেফ অমসুং ত্রস্তেদ AI; হ্যুমেন কেপিতেল; সাইন্স; রেজিলিয়েন্স, ইন্নোবেসন অমসুং ইফিসিয়েন্সি।
সম্মিত অসিদা CEOs/CXOশিং য়াওনা গ্লোবেল AI লিদর 500 হেনবা, CEO অমসুং ফাউন্দর 100 রোম, একাদেমিসিয়ন অমসুং রিসর্চর 150, অমসুং CTO, VP, অমসুং ফিলান্ত্রোপিস্ত ৪০০ অমত্তা ওইনা পুল্লরগনি। মসিদা রাজ্য অমসুং সরকারগী মকোক 20 হেন্না অমসুং মন্ত্রী অমসুং উপ মন্ত্রী 60 রোম য়াওনা সরকারগী মীহুৎ 100 হেন্না শরুক য়ারগনি।
***
(রিলিজ আই.দি.: 2230332)
ভিজিতর কাউন্তর : 5