প্রধানমন্ত্রীগী লোইশঙ
প্রধান মন্ত্রীনা সত্রপতি শিবাজি মহারাজগী জয়েন্তীদা হৈকৎ-লৈকৎ তমখ্রে
থাগৎখিবা:
19 FEB 2026 8:48AM by PIB Imphal
সত্রপতি শিবাজি মহারাজগী জয়ন্তিদা প্রধান মন্ত্রী শ্রী নরেন্দ্র মোদীনা মীৎয়েং শানবা লুচিংবা, থোইদোক-হেন্দোক্না হৈ-শিংলবা লৈঙাক্লোয়, স্ত্রেতেজিক থিঙ্কর অমসুং স্বরাজ্যগী খ্বাইদগী মকোক থোংবা অসিবু ইকায় খুম্নবা উৎখি।
প্রধান মন্ত্রীনা হায়খি মদুদি শিবাজি মহারাজগী থৌনানা মখা তানা ইথিল পিরি, মহাক্কি লৈঙাক অসিনা লমজিং মৈরা অমা ওইনা থবক তৌরি, অমসুং মহাক্কি অচুম্বা ৱায়েল অমসুং ইশাবু ইকায় খুম্নবগী ৱাখল্লোন অসিনা ঙসি ফাওবা খুন্নাই অসিবু মপাঙ্গল হেন্না কনখৎহল্লি।
মহাক্না অকনবা ৱাফম থমখি মদুদি সত্রপতি শিবাজি মহারাজনা মতম পুম্নমক্তা মীওই অমমমগী য়াইফনবা পুম্নমক্কি মথক্তা থম্লি অমসুং মখোয়বু ঙাকথোক্নবা মপুঙ ফানা কত্থোকখি। মসিগী ৱাশক অসিনা মরম ওইদুনা মহাক্কি পুন্সী অসি মীরোল কয়াদা ভারতকিদমক মঙাল অমা ওইদুনা লৈরি।
X কী তোঙান তোঙানবা পোশ্তসিংদা শ্রী মোদিনা হায়খি,
প্রধান মন্ত্রীনা হায়খি, “সত্রপতি শিবাজি মহারাজগী জয়ন্তিদা ঐখোয়না স্বরাজ্যগী মীৎয়েং শানবা লুচিংবা, এক্সেপ্টেনস এদমীনিস্ত্রেতর, স্ত্রেতেজিক থিঙ্কর অমসুং চেম্পিয়ন্ অসিবু ইকায় খুম্নবা উত্তুনা খুরুমজরি।
মহাক্কি থৌনানা ঐখোয়দা ইথিল পিবা ওইরসনু, মহাক্কি লৈঙাক্না ঐখোয়বু লমজিংবিবা ওইরসনু অমসুং মহাক্কি অচুম্বা ৱায়েল অমসুং ইশাবু ইকায় খুম্নবগী ৱাখল্লোন অদুনা ঐখোয়গী খুন্নাই অসিবু মপাঙ্গল হেন্না কনখৎহনবা ওইরসনু।”
***
(রিলিজ আই.দি.: 2230145)
ভিজিতর কাউন্তর : 13
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam