ప్రధాన మంత్రి కార్యాలయం
యువ శక్తికీ, సాంకేతిక ప్రగతికీ ఇండియా ఏఐ ఇంపాక్ట్ సమ్మిట్ ఒక ప్రమాణంగా నిలుస్తుందని ప్రశంసించిన
ప్రధానమంత్రి.. ఓ సంస్కృత సుభాషితాన్ని ప్రజలతో పంచుకున్న ప్రధాని
నాడు పోస్టు చేయడమైనది:
16 FEB 2026 8:29AM by PIB Hyderabad
భారత్లో నిర్వహిస్తున్న ఇండియా ఏఐ ఇంపాక్ట్ సమ్మిట్లో ప్రపంచ వ్యాప్త నేతలూ, నూతన ఆవిష్కర్తలతో పాటు నిపుణులు కూడా తరలివస్తుండడం ఎంతో గర్వకారణమని ప్రధానమంత్రి శ్రీ నరేంద్ర మోదీ ఈ రోజు అన్నారు. ఈ కార్యక్రమం అమిత ప్రాధాన్యం ఉన్న ఘట్టమని ప్రధాని చెబుతూ, ఈ శిఖరాగ్ర సదస్సు భారత యువతలో ఉట్టిపడుతున్న అపార దక్షతనీ, ప్రపంచ సాంకేతిక రంగంలో అంతకంతకూ ఎదుగుతున్న మన దేశ స్థాయినీ స్పష్టంగా ప్రతిబింబిస్తోందన్నారు.
సంస్కృత భాషలో ఓ ప్రాచీన శ్లోకాన్ని సామాజిక మాధ్యమం ‘ఎక్స్’లో ప్రధానమంత్రి పొందుపరుస్తూ -
‘‘ఇండియా ఏఐ ఇంపాక్ట్ సమ్మిట్లో పాల్గొనడానికి ప్రపంచం నలుమూలల నుంచీ పలువురు భారత్కు విచ్చేస్తుండటం మనకు ఎంతో గర్వకారణం. దీనితో మన దేశ యువత సామర్థ్యం కూడా స్పష్టమవుతోంది. మన దేశం సైన్స్, టెక్నాలజీ రంగంలో వేగంగా పురోగమిస్తోందనీ, ప్రపంచ అభివృద్ధిలో కీలక తోడ్పాటును అందిస్తోందనీ ఈ సందర్భం తెలియజేస్తోంది.
దానే తపసి శౌచం చ విజ్ఞానం వినయే నయే
విస్మయో న హి కర్తవ్యో బహురత్నా వసున్దరా’’ అని పేర్కొన్నారు.
(రిలీజ్ ఐడి: 2228673)
సందర్శకుల సూచీ సంఖ్య : : 10
ఈ ప్రకటనను ఇందులో చదవగలరు:
English
,
Urdu
,
Marathi
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Tamil
,
Kannada
,
Malayalam