প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ই.তি নাউ গ্লোবেল ব্যুজিনেস সম্মিৎ ২০২৬ গী শক্তমশিং সিয়ার তৌখ্রে
থাগৎখিবা:
14 FEB 2026 11:29AM by PIB Imphal
প্রধান মন্ত্রী শ্রী নরেন্দ্র মোদীনা ন্যু দিল্লিদা পাংথোকখিবা ই.তি নাউ গ্লোবেল ব্যুজিনেস সম্মিৎ ২০২৬ গী শক্তমশিং সিয়ার তৌখ্রে। থৌরম অদুদা ৱা ঙাংবদা প্রধান মন্ত্রীনা গ্লোবেল ব্যুজিনেস সম্মিৎতা শরুক য়ারিবশিংদা য়াইফ পাউজেল পীখি অমসুং মীফম অসিগী থিম-‘অপনবা পীবা চহি ১০, অহোংবা পুরকপা চহিচা’ হায়বসিগী মতাংদা ৱা ঙাংখি। মহাক্না হায়খি মদুদি ২১শুবা চহিচাগী হৌখিবা চহি ১০ দা মালেমগী লাইচৎ, তোঙান তোঙানবা লৈবাকশিংদা মুক্নবা অমসুং লালশিং অমসুং মালেমগী খল কাইহনবা সপ্লাই চেনশিং লেপ্পা য়াওনা মমাঙদা অমুক্ত উখিদ্রিবা খুদোংচাদবা কয়া থেংনরে। অৱাবশিং অদুনা লৈবাক অমগী অশেংবা মপাঙ্গল উৎথোক্লে অমসুং হায়রিবা খুদোংচাদবশিং অসি থেংনরবসু, চৎলিবা চহি ১০ দা ভারত মমাঙদা অমুক্ত ওইখিদ্রিবা ফিবমদা চাউখৎলে, খুদোংচাবশিং মপুংফানা ফংহনবা অমসুং পায়খৎলিবা থবকশিংনা ঐখোয়গী গনতন্ত্র মপাঙ্গল কনখৎহল্লে। ভারতনা মালেমগী চাউখৎপদা লমজিংগনি অমসুং মালেমগী শেন্মিৎলোনগী অনৌবা ইঞ্জিন অমা ওইরক্লে।
এক্সতা পোষ্টশিংগী পরেং অমদা, প্রধান মন্ত্রীনা হায়খি;
“খুদোংথিবা ময়াম মরক্ত, চৎলিবা চহি ১০ দা ভারত মমাঙদা অমুক্ত ওইখিদ্রিবা ফিবমদা চাউখৎলে, খুদোংচাবশিং মপুংফানা ফংহনবা অমসুং পায়খৎলিবা থবকশিংনা ঐখোয়গী গনতন্ত্র মপাঙ্গল কনখৎহল্লে”।
“২১শুবা চহিচাগী চহি ১০ অসিদা, ভারত রিফোর্ম এক্সপ্রেস তোংলি”।
“কাইথোক্লিবা শেনফমদা মীৎয়েং চঙবা খক নত্তনা ফংগদবা কান্নবদা মীৎয়েং চঙদুনা ঐখোয়না বজেত পুথোক্লে”।
“হৌখিবা চহি ১০ দা, ঐখোয়না তেক্নোলোজি অমসুং ইন্নোবেসন চাউখৎনবা মরুওইবা খুৎলায়শিং ওইনা লৌরে”।
“ঙসি, হৌজিক্কী ভারত্ত থাজবা লৈবা অমসুং মালেমগী ওইনা চাংদম্নবা শরুক য়ানবা থৌরাং তৌবদগী মালেমগী লৈবাকশিংগা ঐখোয়গা ললোন-ইতিক্কী য়ানবশিং লৈরে”।
***
(রিলিজ আই.দি.: 2228069)
ভিজিতর কাউন্তর : 12
রিলিজ অসি মসিদা পাবীয়ু:
Malayalam
,
English
,
Urdu
,
Marathi
,
हिन्दी
,
Assamese
,
Bengali
,
Gujarati
,
Tamil
,
Telugu
,
Kannada