اطلاعات و نشریات اور پارلیمانی امور کے وزیر مملکت ڈاکٹر ایل مروگن نے  راجیہ سبھا میں جناب دیپک پرکاش ،  جناب اجوول دیو راؤ نکم اور  جناب کیسری دیو سنگھ جھالا   کے سوال کے جواب میں  بتایا کہ  ویوز کا انعقاد  ’’  کرئیٹ ان انڈیا ، کریٹ فار دی ورلڈ ‘‘   پہل کے تحت  ، بھارت کو مواد کی تخلیق کا عالمی مرکز بنانے کے  حکومت کے ویژن کے مطابق کیا گیا تھا ۔  اس سربراہ کانفرنس نے  بھارتی تخلیق کاروں ، پروڈیوسروں اور اسٹارٹ اپس کو  100 سے زیادہ ممالک کے عالمی خریداروں ، سرمایہ کاروں ، او ٹی ٹی پلیٹ فارمز اور ٹیکنالوجی لیڈروں کے ساتھ  کام کرنے کے لیے ایک مربوط پلیٹ فارم فراہم کیا ۔

اینی میشن ، گیمنگ ، اے آر/وی آر اور میوزک جیسے زمروں میں  33 تخلیقی چیلنجوں کے ذریعے ملک گیر تخلیقی صلاحیتوں کی شناخت اور ان کی   صلاحیت میں اضافہ کرنے کی پہل کرئیٹ ان انڈیا چیلنجز (سی آئی سی) نے  ، دنیا بھر کے تخلیق کاروں کے ایک لاکھ سے زیادہ رجسٹریشن کو اپنی طرف  راغب کیا  ہے ۔ فاتحین کو میلبرن ، اوساکا ، ٹورنٹو ، ٹوکیو ، میڈرڈ ، بوسان اور کانز سمیت بڑے بین الاقوامی پلیٹ فارمز پر شرکت ، نمائش اور بی 2 بی میٹنگز کے لیے تعاون فراہم کیا جا رہا ہے ۔ یہ موقع انڈیا جوئے ، آئی جی ڈی سی اور آئی ایف ایف آئی گوا جیسے قومی پروگراموں میں بھی فراہم کیا گیا ، جس نے سی آئی سی کو تخلیق کار کی دریافت اور دانشورانہ املاک کی تخلیق کے لیے ایک اہم انجن کے طور پر پیش کیا ۔

ویو ایکس ، میڈیا اور تفریحی شعبے کے لیے اسٹارٹ اپ کی قیادت میں اختراع اور انکیوبیشن پلیٹ فارم روزگار کے مواقع پیدا کرنے اور صنعت کاری  میں مدد فراہم کرتا ہے ۔ اس وقت ویو ایکس فزیکل اور ہائبرڈ ماڈلز کے تحت 34 اسٹارٹ اپس کو انکیوبیٹ کر رہا ہے ، جس میں 100 سے زیادہ ایپلی کیشنز کی اضافی پائپ لائن ہے ۔ کلا سیتو اور بھاشا سیتو چیلنجوں کے تحت منتخب 10 اسٹارٹ اپ پہلے ہی سرکاری تنظیموں کے ساتھ پائلٹ تعیناتی پر عمل درآمد کر رہے ہیں ۔ ویو ایکس سے توقع کی جاتی ہے کہ وہ ٹی-ہب ، حیدرآباد اور ایف آئی ٹی ٹی ، آئی آئی ٹی دلّی کے ساتھ اپنی ادارہ جاتی شراکت داری کے ذریعے بڑے پیمانے پر توسیع حاصل کرے گا ، جس کا مقصد آئی آئی سی ٹی ، ایف ٹی آئی آئی ، آئی آئی ایم سی اور دیگر اداروں میں  شراکت دار انکیوبیٹرز کے ساتھ پورے  بھارت میں انکیوبیشن اور  تحقیق و ترقی ( آر اینڈ ڈی  ) کا عمل انجام دینا  ہے ۔

ویوز بازار کا   انعقاد ، پورے سال  جاری رہنے والے ڈیجیٹل بازار کے طور پر   کیا گیا ہے  ، جو  بھارت آڈیو ویژول مواد کے لیے بی 2 بی میٹنگز ، لائسنسنگ ، شریک پروڈکشن اور بین الاقوامی مارکیٹ تک رسائی کی سہولت فراہم کرتا ہے ۔ اس وقت ویوز بازار میں 6,000 سے زیادہ فروخت کنندگان اور 4,000 سے زیادہ رجسٹرڈ خریدار اور کمپنیاں  موجود ہیں ، جو 8,000 سے زیادہ بی 2 بی میٹنگوں کی سہولت فراہم کرتی ہیں ۔ اسے بازار تک رسائی اور کاروباری  عمل انجام دینے کے لیے ایک مستقل پلیٹ فارم کے طور پر جاری رکھا جا رہا ہے ۔ ویوز کے علاوہ ، چار بر اعظموں میں دس سے زیادہ بین الاقوامی بازاروں کے ذریعے ، ویوز بازار نے بی 2 بی میٹنگوں اور متعدد مفاہمت ناموں پر دستخط کرنے میں سہولت فراہم کی ، جس سے شریک پروڈکشن ، لائسنسنگ ، سرمایہ کاری کی شراکت داری اور عالمی مارکیٹ تک رسائی میں مدد ملی ۔

ویو ایکس انکیوبیشن مراکز کی توسیع اور  کرئیٹ  اِن  انڈیا  چیلنجز کا مستقل نفاذ ہنر مندی ، صنعت کاری اور روزگار کے مواقع کو مزید مستحکم کرنے کے لیے اہم اقدامات کئے جا رہے ہیں ۔ عالمی ماہرین کی طرف سے ماسٹر کلاسز ، ورکشاپس اور  معلوماتی اجلاس تخلیقی افرادی قوت کو ہنر مند بنانے میں نمایاں کردار رول کرتے ہیں ۔ ویوز بازار کے ذریعے مسلسل عالمی رسائی کا تصور تخلیقی صلاحیتوں کو پائیدار  روز گار  کے مواقع میں تبدیل کرنے اور  بھارتی آڈیو ویژول مواد کی برآمدات میں اضافے کے لیے کیا گیا ہے ۔

 .........................

) ش ح –   ش ب  -  ع ا )

U.No. 2372