ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଦିଲ୍ଲୀରେ ଅନୁଷ୍ଠିତ ବାର୍ଷିକ ଏନସିସି ପିଏମ ରାଲିର ଝଲକ ସେୟାର କଲେ ପ୍ରଧାନମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ:
28 JAN 2026 9:02PM by PIB Bhubaneswar
ଦିଲ୍ଲୀର କାରିଆପ୍ପା ପରେଡ ଗ୍ରାଉଣ୍ଡରେ ଅନୁଷ୍ଠିତ ବାର୍ଷିକ ପିଏମ ରାଲିର କିଛି ଝଲକକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସେୟାର କରିଛନ୍ତି । ଏନସିସି ଦିବସରେ ସମବେତ ଜନତାକୁ ଶୁଭେଚ୍ଛା ଜଣାଇ ପ୍ରଧାନମନ୍ତ୍ରୀ କହିଛନ୍ତି ଯେ, ସୁସଂଯୋଜିତ କାର୍ଯ୍ୟକ୍ରମ ମାଧ୍ୟମରେ ଏନସିସି, ଏନଏସଏସ କାଡେଟ, ପ୍ରଜ୍ଞାପନ କଳାକାର, ଜାତୀୟ ରଙ୍ଗଶାଳାର ସହକର୍ମୀ ଏବଂ ସାରା ଦେଶର ଯୁବ ଅଂଶଗ୍ରହଣକାରୀଙ୍କ ଉଦ୍ୟମ ଜଳଜଳ ହୋଇ ଦେଖାଯାଉଛି ।
Xରେ ଏକାଧିକ ପୋଷ୍ଟ ସେୟାର କରି ପ୍ରଧାନମନ୍ତ୍ରୀ କହିଛନ୍ତି ଯେ,
‘ଆଜି ସକାଳେ ଏକ ବିମାନ ଦୁର୍ଘଟଣାରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାର ଓ ଅନ୍ୟ କିଛି ସାଥୀଙ୍କୁ ଆମଠାରୁ ଛଡାଇ ନିଆଯାଇଛି । ରାଜ୍ୟ ଓ ଦେଶର ବିକାଶ ଲାଗି ଅଜିତ ଦାଦା ଉଲ୍ଲେଖନୀୟ ଯୋଗଦାନ ଦେଇଥିଲେ । ମୁଁ ତାଙ୍କର ଶୋକସନ୍ତପ୍ତ ପରିବାର ପ୍ରତି ସମବେଦନା ଜ୍ଞାପନ କରୁଛି । ଏହି ଦୁଃଖଦ ଘଟଣାରେ ପ୍ରାଣ ହରାଇଥିବା ସେହି ସମସ୍ତ ବ୍ୟକ୍ତିଙ୍କ ପରିବାର ସହ ଆମେ ରହିଛୁ ।’
‘ଆଜି ପୂରା ଦୁନିଆ ଯୁବ ଭାରତର ଯୁବଶକ୍ତିଙ୍କ ଉପରେ ବହୁତ ଭରସା ରଖିଛି । ଦୁନିଆର ଏହି ଭରସା ପଛରେ ମାତୃଭୂମି ପ୍ରତି ଅପାର ଶ୍ରଦ୍ଧା ଓ କର୍ମଭୂମି ପ୍ରତି ଅପ୍ରତିମ ସମର୍ପଣ ରହିଛି ।’
‘ମଦର ଅଫ ଅଲ ଡିଲ୍ସ ଉପରେ ୟୁରୋପିଆନ ୟୁନିୟନର ଯେପରି ସହମତି ରହିଛି, ଏଥିରୁ ଜଣାପଡୁଛି ଯେ ୟୁରୋପର ସମସ୍ତ ୨୭ଟି ଦେଶରେ ଭାରତୀୟ ଯୁବକଙ୍କ ଲାଗି ଅବସର ରହିଛି ।’
‘ଅପରେସନ ସିନ୍ଦୂରରୁ ପ୍ରମାଣ ମିଳୁଛି ଯେ, ଆମର ସ୍ୱଦେଶୀ ହତିଆର କେତେ ଆଧୁନିକ ଓ ହାଇଟେକ । ଏଆଇ ଓ ପ୍ରତିରକ୍ଷା ଗବେଷଣା ଆମ ଫୋର୍ସକୁ ଆହୁରି ଆଧୁନିକ କରିଛି । ଏଥିରେ ଆମ ଯୁବ ସାଥୀଙ୍କ ଲାଗି ସମ୍ଭାବନା ଆହୁରି ସମୁଜ୍ଜ୍ୱଳ ହୋଇଛି ।’
‘ଯୁବ ମତଦାତାଙ୍କ ଲାଗି ଆମ ଦେଶରେ ଏକ ନୂଆ ପରମ୍ପରା ସୃଷ୍ଟି କରିବାର ରହିଛି । ଏହିକ୍ରମରେ ପ୍ରତିବର୍ଷ ଜାନୁୟାରୀ ୨୫ ଜାତୀୟ ମତଦାତା ଦିବସରେ ଏନସିସି-ଏନଏସଏସ ଓ ମେରା ଯୁବ ଭାରତ ସଙ୍ଗଠନରେ ପ୍ରଥମଥର ଲାଗି ମତଦାତାଙ୍କ ସମ୍ମାନ ଲାଗି ଏକ ଭବ୍ୟ ଆୟୋଜନ କରାଯାଇପାରେ ।’
‘ମା’ଙ୍କ ସମ୍ମାନ ଲାଗି ଗୋଟିଏ ଗଛ ଲଗାଇବା ଅଭିଯାନରେ ଏନସିସି ପକ୍ଷରୁ ପ୍ରାୟ ୮ ଲକ୍ଷ ଗଛ ଲଗାଯାଇଥିବା କଥା ମୋତେ ଖୁସି ଲାଗିଲା । ଯେଉଁ ଗଛ ଲଗାଯାଇଛି ତାହା ଯେପରି ବଢେ ସେଥିପ୍ରତି ଦୃଷ୍ଟି ଦେବା ବି ଆମର କର୍ତବ୍ୟ ।’
‘ଆଗାମୀ ଦିନରେ ଆମ ଯୁବକ କିପରି ଅଧିକା ଫିଟ ରହିପାରିବେ ତାହା ବି ଏକ ବଡ ପରୀକ୍ଷା । ସେମାନେ ଅନୁଶାସିତ ଜୀବନଶୈଳୀ ଆପଣେଇବାକୁ ମୋର ବି ଆନ୍ତରିକ ଆଗ୍ରହ ରହିଛି ।’
PBD
(ରିଲିଜ ଆଡି: 2227638)
ପରିଦର୍ଶକ କାଉଣ୍ଟର : 32
ଏହି ରିଲିଜ ପଢନ୍ତୁ :
English
,
Urdu
,
हिन्दी
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam