মখোয় মখোয়গী ওর্গনাইজেসন মনুংদা ‘মেক ইন ইন্দিয়া ইন স্পোর্তস’ অমসুং ‘ইন্তরনেসনেল রিলেসন্স’ কম্মিতিশিং শেম্নবা শকখঙলবা নেসনেল স্পোর্তস ফেদেরেসনশিংদা য়ুথ এফেয়ার্স অমসুং স্পোর্তস মিনিষ্ট্রিনা পাউতাকশিং পীখ্রে।

শান্নবা ভারতকী মালেমগী থবকশিং ফগৎনবা পান্দম থম্লিবা ইন্তরনেসনেল রিলেসন্স কম্মিতিনা শান্নবগী নিয়মশিংদা অহোংবা লাকপা, গভর্নান্স ফ্রেমৱার্কশিং, মীখলশিং অমসুং শান্নরোয়শিং য়াইফনবা থৌরমশিং য়াওনা মরী লৈনবা ইন্তরনেসনেল ফেদেরেসনশিং অমসুং কন্তিনেন্তেল ফেদেরেসনশিংগী থবকশিং য়েংশিনগনি।

কম্মিতিনা লৈবাক অনিগী অমসুং মালেমগী লৈবাকশিংগী এম.ও.য়ুশিং, অপুনবা ত্রেনিং কেম্পশিং, একচেঞ্জ প্রোগ্রামশিং, লৌশিং শরুক য়ামিন্নবগী থবকশিং অমসুং ভারত্ত মালেমগী শান্নবগী থৌরমশিং য়ুম্বু ওইনবা খুদোংচাবশিং কোনশিনবা থৌরাংশিং কম্মিতিনা শেমগনি।

মসিনা ভারত সরকারগী থৌশিলশিং, ওলেম্পিক চার্তর অমসুং আই.এফ ষ্টেতুৎশিংগী মতুংইন্না মালেমগী থবকশিং পাংথোকপা ঙমহনগনি অমসুং অফবা লৈঙাক, এন্তি-দোপিং অমসুং শান্নরোয় ঙাক-শেনবগী ফিদমশিং ঙাক্না চৎহনবা ঙমগনি।

ভারতকী শান্নরোয়শিংদা খ্বাইদগী ফবা ত্রেনিংগী খুদোংচাবশিং অমসুং স্পোর্তস সাইন্সকী খুদোংচাবা পীনবা অতোপ্পা লৈবাকশিংগী নেসনেল ফেদেরেসনশিং অমসুং মালেমগী শান্নবগী থিজিনবা অমসুং মহৈলোয়শঙগা পুন্না থবক তৌমিন্নবগী খুদোংচাবা কম্মিতি অসিনা মখা তানা পীগনি।

ভারত্ত মালেমগী থৌরমশিং পাংথোক্নবা মতম চানা বিদ তৌবগী থবকশিং শরুক য়ানবা মিনিষ্ট্রিদা মাংজৌননা পাউ পীনবা অমসুং দরকার ওইরকপা মতমদা খন্ন-নৈনবা পাংথোক্নবা মসিনা ইন্তরনেসনেল ফেদেরেসনশিং অমসুং মরী লৈনবা বোদিশিংগা পুন্না থবক তৌমিন্নগনি।

স্পোর্তস কম্মিতিশিংগী মেক ইন ইন্দিয়ানা ভারতকী মেনুফেকচররশিং, ষ্টার্দঅপশিং, রিছার্স ইন্সতিতুসনশিংগা থবক তৌমিন্নবগী থৌদাং লৌগনি অমসুং মরী লৈনবা শান্নবগী পোৎথোকশিং চাংয়েং তৌবা, ত্রাইয়েলশিং অমসুং সর্তিফিকেদ পীবগী থবকশিং পাংথোক্কনি অমসুং মেক ইন ইন্দিয়াগী মখাদা লৈবাক অসিগী শান্নবগী পোৎলমশিং শাবা য়োকখৎকনি।

লৈবাক অসিনা পুথোকচবা পাম্বৈশিং শীজিন্নবা, থেংনরিবা খুদোংচাদবশিং অমসুং এন.এস.এফ মনুংদা খন্ননবা ৱারেপশিং অমসুং মেক ইন ইন্দিয়া অমসুং অত্মনির্ভর ভারত্ত মতেং পাংবগী মতাংদা মতম মতমগী রিপোর্তশিং কম্মিতিনা শেম-শাগনি।

মালেমগী ওইবা মরীশিংগীদমক:

কম্মিতিদা সেনিয়র ফেদেরেসন মেম্বরশিং, হান্নগী মালেম থাক্কী শান্নরোয়শিং, কোচশিং অমসুং মালেমগী শান্নবগী থবক-থৌরমশিং অমসুং কুতনিতিগী অখঙ-অহৈশিং য়াওগনি। পাউতাক অসি পীখিবা নুমিৎ ৩০ গী মনুংদা কম্মিতি অসি শেম্বা অমসুং তার্মস ওফ রিফরেন্স য়াওনা কম্মিতিগী অকুপ্পা মরোলশিং মিনিষ্ট্রিদা পীরক্কদবনি।

শান্নবদা মেক ইন ইন্দিয়াগীদমক:

কম্মিতিদা সেনিয়র ফেদেরেসন মেম্বরশিং, তেক্নিকেল এক্সপার্ত, হান্নগী মালেমগী শান্নরোয়শিং অমসুং শান্নবগী খুৎলায় নত্ত্রগা তেক্নোলোজি, মেনুফেকচরিং নত্ত্রগা ষ্টেন্দার্দশিংদা খঙলবা মেম্বর অমা য়াওহনগনি।  পাউতাক অসি পীখিবা নুমিৎ ৬০ গী মনুংদা কম্মিতি অসি শেম্বা অমসুং তার্মস ওফ রিফরেন্স য়াওনা কম্মিতিগী অকুপ্পা মরোলশিং মিনিষ্ট্রিদা পীরক্কদবনি।

***