প্রধান মন্ত্রী, শ্রী নরেন্দ্র মোদীনা ঙসি রাজ্য সভাদা রাস্ত্রপতিগী ৱারোলগী থাগৎপগী মোসনদা পাউখুম পীখ্রে। হাউস অদুদা ৱা ঙাংলদুনা, প্রধান মন্ত্রীনা রাস্ত্রপতিগী ৱারোল অদুগীদমক থাগৎপা ফোংদোকখি। মহাক্না হায়খি মদুদি থাগৎপা ফোংদোকপগী মোসন অদুদা মতেং পাংদুনা মহাক্কী ৱাখল্লোনশিং অদু ফোংদোকপা অসি মহাক্কী খুদোংচাবা অমনি। মহাক্না হায়খি হৌখিবা চহি অসি চাউখৎলবা ভারত অমগী খোঙচৎতা খোঙজেল য়াংনা খুমাং চাউশিল্লকপগী চহি অমনি। লৈবাক অসিনা অচুম্বা মাইকৈদা য়াম্না থুনা খুমাং চাউশিল্লকপগা লোয়ননা সেক্তর খুদিংমক্তা অমসুং খুন্নাইগী সেক্সন খুদিংমক্তা অহোংবা উবা ফংলে। শ্রী মোদীনা ফোংদোকখি মদুদি রাস্ত্রপতিনা হীরমশিং অসি সেন্সিতিবিতী অমসুং ক্লিয়ারিতী অমগা লোয়ননা ফোংদোকখি।

শ্রী মোদীনা হায়খি মদুদি রাস্ত্রপতিনা মিদ্দল ক্লাস, লৱর মিদ্দল ক্লাস, লায়রবশিং, খুঙ্গংশিং, লৌমীশিং, নুপীশিং, সাইন্স, তেক্নোলোজী অমসুং লৌউ-শিংউগী মতাংদা কুপ্না ঙাংখি। মহাক্না হায়খি মদুদি রাস্ত্রপতিনা নহাশিংনা ভারতকী শক্তিবু মতৌ করম্না খুমাং চাউশিলহল্লিবগে হায়বদুসু পনখি। মহাক্না হায়খি মদুদি সেক্সন খুদিংমক্কী তৌবা ঙম্বশিং অদু ফোংদোকখি। মসিগা লোয়ননা ভারতকী মঙাল লৈবা তুংলমচৎকী থাজবা পীখি। মসি পুম্নমক পুক্নিং থৌগৎনিংঙাইনি।

শ্রী মোদীনা মখা তারদুনা হায়খি মদুদি ২১শুবা চহিচাগী অহানবা ক্বার্তর লোইখ্রে, অমসুং মমাংগী চহিচাগী অনিশুবা ক্বার্তরনা ভারতকী নীংতম লানফমদা য়াম্না মরু ওইবগুম্না, অনিশুবা ক্বার্তর অসিসু চাউখৎলবা ভারত অমা শেমগৎপদা চপ মান্ননা শক্তি লৈগনি অমসুং খোঙজেল য়াংনা চৎকনি। মহাক্না হায়খি মদুদি নাগরিক খুদিংমক্না লৈবাক অসিনা মরুওইবা তাঙ্কক অমদা য়ৌরে হায়না খল্লি। মসিদা নীংহন্নবা নৎত্রগা তুং হন্না য়েংবগী ৱাফম লৈতে, খোঙজেল য়াংনা মাংলোমদা চংশিল্লি, পান্দম ফংলি, অমসুং পান্দম অদু ফংলবা মতুংদা খক নুংশিজবা অমসুং লৈবাক অসিনা মায়কৈ অসিদা খুমাং চাউশিল্লি।

ভারতনা হৌজিক খুদোংচাবা ফীভম কয়া থেংনরিবা অসি অঙকপা অমনি হায়না পল্লদুনা প্রধান মন্ত্রীনা হায়খি মদুদি মসি য়াম্না অফবা মরী অমনি। মহাক্না হায়খি মদুদি মালেমগী খ্বাইদগী ধনী ওইবা লৈবাকশিং অসি চহি য়ামশিল্লকপগা লোয়ননা, ভারতনা চাউখৎপগী অনৌবা থাক্তা য়ৌরক্লি অমসুং হেন্না নহা ওইরক্লি, চাউখৎলক্লিবা নহা ওইরিবা মীশিং লৈবা লৈবাক অমা ওইরক্লি। শ্রী মোদীনা হায়খি মদুদি ভারতকী তেলেন্ত পুলগী মালেমগী ওইবা শকখঙবগা লোয়ননা ভারতকী মায়কৈদা মালেমগী পুক্নিং চিংশিনবা অসি য়াম্না হেনগৎলে। মহাক্না হায়খি মদুদি ভারতনা মঙলানশিং, পুক্নিং চিংশিনবা অমসুং তৌবা ঙম্বগী মতিক লৈবা নহা ওইরিবা তেলেন্তশিংগী মরুওইবা পুল অমা লৈরি। মসি মহাক্না অনিশুবা লাইবক ফবনি হায়না ফোঙদোকখি।

প্রধান মন্ত্রীনা হায়খি মদুদি ভারত অসি মালেমগী ওইবা শিংনবশিংদা সোলুসন পীদুনা, আশাগী মঙাল অমা ওইনা থোরক্লি। মহাক্না হায়খি মদুদি ভারতকী শেন্মিৎলোনগী অৱাংবা গ্রোথ অমসুং অৱাংবা ইনফ্লেসনগী অপুনবা মওং অসিনা মসিগী রেজিলিয়েন্স অদু উৎলি। মহাক্না নিংশিংখি মদুদি মহাক্কী সরকারনা থবক তৌবগী খুদোংচাবা ফংলবা মতমদা, ভারত অসি 'ফ্রেজাইল ফাইব'গী মনুংদা লৈরম্মি। লৈবাক অসিনা নীংতম্বা ফংলবা মতমদা খ্বাইদগী চাউবা ইকোনোমীগী তরুকশুবা মফমদা লৈরম্লবসু, ঙসিদি ভারত অসি খ্বাইদগী চাউবা ইকোনোমীগী অহুমশুবা মফমদা লৈনবগী মায়কৈদা য়াম্না থুনা খুমাং চাউশিল্লি।

শ্রী মোদীনা হায়খি মদুদি ভারতনা সাইন্স, স্পেস, স্পোর্তসকী সেক্তর খুদিংমক্তা থাজবা থম্মি। কোবিদ মতুংগী মালেম অসিদা, মালেমগী অৱা-অনা হেনগৎলকপগা লোয়ননা, অনৌবা মালেমগী চৎন-কাঙলোন অমা শেমগৎলক্লি হায়না মহাক্না ফোংদোকখি। ভারতনা মালেমগী য়াইফনবা খোংজেল য়াংনা হোৎনদুনা লৈবাক কয়াগী থাজবা য়াবা পার্তনর অমসুং মরুপ অমা ওইরে হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি ভারতনা মালেমগী ওইবা প্লেৎফোর্মশিংদা গ্লোবেল সাউথকী মপাঙ্গল লৈবা খোঞ্জেল ওইরক্লি অমসুং মরুওইবা লৈবাকশিংগা লোয়ননা তুংলমচৎকীদমক্তা শেম-শারবা ত্রেদ দিলশিংদা চঙশিল্লি। লৈবাক ২৭ না শরুক য়াবা য়ুরোপিয়ন য়ুনিয়নগা লোইননা "মদর ওফ ওল দিলস" হায়না মরুওইবা ত্রেদ এগ্রীমেন্ত নিপান নৌনা খুৎয়েক পীনখ্রে হায়না মহাক্না পনখি। লৈবাক অমত্তনা ললোন-ইতিক্কী য়ানচেদা শরুক য়াবা পামদবা ভারতবু থাদোকখিবা মমাংগী সরকারশিংবু মহাক্না কুপ্না য়েংশিনখি। হৌজিক ওইরিবা ফীভম অসিদদি চাউখৎলবা লৈবাকশিংনা ভারতকা খুৎশম্নবা পাম্মি হায়না মহাক্না হায়খি।

গুজরাত্তা মহাক্কী এক্সপরিয়েন্স অদু নৌহৌননা নীংশিংলদুনা শ্রী মোদীনা হায়খি মদুদি ঙসিদি ভারতনা লৈবাক অমা ওইনা অসিগুম্বা মপাঙ্গল অদু উৎলি। মহাক্না হায়খি মদুদি মসি ইকোনোমিক পাৱর, সিতিজেন ইনর্জী অমসুং মপাঙ্গল কনবা মেন্যুফেকচরিং ইকোসিস্তেম লৈরবা মতমখক্তদা ওইথোকপা য়াই। মহাক্না ভোৎ বেঙ্ক পোলিসীবু হায়রিবা মরুওইবা হীরমশিং অসি নাথৈবীবগীদমক অমসুং ওপোজিসন গবর্নমেন্তশিংদা ভিজন, ৱিলফোর্স অমসুং ৱাখল্লোন লৈতবা, মসিনা লৈবাক অসিবু অৱাবা কয়া মায়োক্নহনখি হায়না নিন্দা তৌখি।

শ্রী মোদীনা মীয়ামদা সেবা তৌজনবগী খুদোংচাবা পীরকপগীদমক থাগৎপা ফোংদোকখি। মহাক্না হায়খি মদুদি মহাক্কী সরকারগী ইনর্জী অয়াম্বদি হান্নগী অশোইবশিং চুমথোক্নবা অমসুং ভারতকী মালেমগী ইমেজ অমুক হন্না শেমগৎনবা হোৎনবদা চৎখ্রে। মহাক্না হায়খি মদুদি ভারত অসি হৌজিক পোলিসীনা লমজিংলি, এদহোকিজম্না লমজিংদে, অমসুং 'রিফোর্ম, পর্ফোর্ম, ত্রান্সফোর্ম'গী মন্ত্রনা লৈবাক অসিবু 'রিফোর্ম এক্সপ্রেস'তা পুখৎলে। মেনুফেকচরিং মপাঙ্গল কনখৎহন্নবা, ওন্ত্রিপ্রেন্যুওরশিং শক্তি লৈহন্নবা অমসুং ভেল্যু এদিসন ফংহন্নবা পান্দম থমদুনা স্ত্রকচরেল, প্রোসেস অমসুং পোলিসী রিফোর্মশিং মহাক্না অকুপ্পা মরোল পীখি। মহাক্না হায়খি মদুদি ভারত অসি হৌজিক মালেমগী থাক্তা অথোই অহেন তাননবা মপুং ফানা শেম-শারি।

গ্লোবেল সি.ই.ও. ফোরমশিংনা হৌজিক্তি ভারতকী ওন্ত্রপ্রিনরশিংবু মান্ননা উরে হায়না পল্লদুনা শ্রী মোদীনা হায়খি মদুদি রাজনিতীগী ওইবা পার্তী পুম্নমক্কী মীহুৎ কাঙলুপশিংনসু মপান লমদা মান্ননা উবা ফংখি অমসুং মখোয়না চাউথোকচবা ফাওদুনা হল্লকখি। মহাক্না ভারতকী এম.এস.এম.ই. নেৎৱর্ককী মপাঙ্গলদা অকনবা ৱাফম থমখি, মসিনা মতম শাংনা ইকোনোমিক পাৱর ফংহল্লি। মহাক্না পনখি মদুদি এয়রক্রাফকী কম্পোনেন্ত কয়া অমা ভারতকী অপীকপা এম.এস.এম.ই.শিংনা পুথোক্লি, মসিনা মালেমগী থাজবা ফংহল্লি। প্রধান মন্ত্রীনা হায়খি মদুদি হোৎনরিবশিং অসিগী মহৈ অদু উবা ফংলে, মরুওইবা লৈবাকশিংনা ভারতকা লোইননা ললোন-ইতিক্কী মরী শেমগৎনবা কন্না হোৎনরি। ইন্তর্নেস্নেলদা পাক শন্না থাগৎপা ফংবা য়ুরোপিয়ন য়ুনিয়নগী ত্রেদ এগ্রীমেন্ত অমসুং য়ুনাইতেদ স্তেৎসকা লোইননা নৌনা য়ানখিবা অদু মহাক্না পনখি। মহাক্না ফোংদোকখি মদুদি ই.য়ু.গী য়ানচে অসিনা মালেমগী স্তেবিলিতী লৈহনগনি হায়না থাজবা পীখি, অমসুং য়ু.এস.কী য়ানচে অসিনা মালেমগীদমক পোজিতিব সিগ্নেল ওইনা মথৌ তৌরিবা, খুমাং চাউশিনবগী ৱাখল্লোন অদু মপাঙ্গল কনখৎহনখি।

প্রধান মন্ত্রী মোদীনা হায়খি মদুদি হৌজিক লৈরিবা খুদোংচাবশিংগী খ্বাইদগী চাউবা কান্নবা অসি ভারতকী নহারোলশিংদা ফংহনগনি। মহাক্না হায়খি মদুদি নহারোলগী মতাংদা মহাক্না হায়রকপা মতমদা, মসিদা মিদল ক্লাসকী নহারোল, অর্বানগী নহারোল, খুঙ্গংগী নহারোল, ইচিল ইনাওশিং য়াওরি। মহাক্না হায়খি মদুদি মালেমগী কৈথেল অসি হৌজিক মখোয়গীদমক হাংদোক্লবনিনা, মফম খুদিংমক্তা খুদোংচাবশিং ফংহন্দুনা, লৈবাক অসিনা নহারোলশিংগী শক্তিদা চাউথোকচবা পোক্কদবনি। শ্রী মোদীনা নহারোলশিংবু পুক্নিং থৌগৎখি। মহাক্না মখোয়গা খূৎশম্নদুনা লেপমিন্নখি। লৈবাক অসিনা মখোয়বু মতেং পাংলি অমসুং মালেম অসিনা মখোয়গী থৌদাং অদুগীদমক ঙাইদুনা লৈরি। প্রধান মন্ত্রীনা হায়খি মদুদি ভারতকী প্রোফেস্নেলশিং, কেয়রগিভরশিং য়াওনা মালেমগী ওইনা মথৌ তাবা হেনগৎলক্লি। কম্পেনীশিংনা ভারত্তা অখন্নবা ওফিসশিং লিংখৎতুনা ক্বালিফাই ওইরবা তেলেন্তশিং থবক পীরি। মসিনা মালেমগী ওইনা ভারতকী প্রোফেস্নেলশিংগীদমক খুদোংচাবশিং য়াম্না লৈ হায়বা উৎলি।

শ্রী মোদীনা হায়খি মদুদি রাজ্য সভা অসিনা রাজ্যশিংবু মহুৎ শিল্লি, অদুম ওইনমক মহাক্না উখিবা দিবেৎকী থাক অসি হেন্না ৱাংখৎকদবনি, মরুওইনা চহী কয়া লৈঙাক্লম্বা মীওইশিংগী মরক্তগী, অদুবু মখোয়না খুদোংচাবা অসি মাংহনখি, লৈবাক অসিনা মখোয়দা মতৌ করম্না থাজবা থম্বা য়াগনি হায়বগী ৱাহংশিং থোরকখি। মহাক্না ইকোনোমিক ইক্বেলিতিগী মতাংদা ৱা ঙাংবদা মশানা মশাবু নিংথৌনি হায়না চাউথোকচবা মীশক অমনা লৈবাক অসিনা থেংনরিবা অসি অসিগুম্বা চয়েৎনবা অসি ওইগদ্রা হায়না ৱাহং হংলকপদা নুংঙাইতবা ফোংদোকখি। প্রধান মন্ত্রীনা নোংচুপ বেঙ্গলগী লৈঙাক্লিবা পার্টিবু নিন্দা তৌখি। মরমদি মখোয়গী লৈঙাক অসিনা মীপুম খুদিংমক্কী মরক্তা অনৌবা রেকোর্দশিং থুগাইদুনা তৌহৈদবা কয়া তৌরি, মখোয়না অতোপ্পশিংদা ৱা ঙাংদুনা মীয়ামগী তুংলমচৎ অমম্বা অমদা পুশিল্লি। মহাক্না ইলিগেল ইন্ফিল্ত্রেতরশিং ঙাক শেনবগী ৱাফম কন্দেম তৌখি। মহাক্না হায়খি মদুদি অসিগুম্বা ইন্ফিল্ত্রেতরশিংনা ভারতকী নহাশিংবু মখোয়গী হকশিং, হিংনবগী লম্বী, ত্রাইবেলগী লমশিংদগী লৌথোকই অমসুং মীওই কয়াগী পুন্সিদা খুদোংথীবা নংহল্লি, অদুগা নুপীশিংগী মায়োক্তা চত্থরিবা ফত্তবশিং অসি লেপ্পা লৈতনা চত্থরি। মহাক্না হায়খি মদুদি ইনফিলত্রেতরশিং ঙাকথোক্নবা কোর্তশিংদা প্রেসর পীরিবা মীওইশিং অসিনা ভারতকী নহাশিংবু হুন্দোক্লি, অমসুং অসিগুম্বা থবকশিং অসি মাংহন্দবা য়ারোই।

প্রধান মন্ত্রীনা মখা তানা শেঞ্জা থুমজা অমসুং অহেনবা থৌওংশিংদা য়াওরিবা মেম্বরশিংবু নিন্দা তৌখি। মখোয়গী লৈঙাকশিং অসি নুংশিদবা উৎপগী খুদম ওইরক্লি হায়না মহাক্না পনখি। মহাক্না হায়খি মদুদি ওপোজিসন পার্তী পুম্নমক কেন্দ্র অমসুং রাজ্যশিংদা চহী তরাগী খুজিং কয়া লৈঙাক পায়দুনা লাক্লি, অদুম ওইনমক মখোয়গী শক্তমদি শেঞ্জা থুমজা অমসুং মায়থিরবা লৈঙাক্কী শক্তম অদুমক ওইরি। মহাক্না হায়খি মদুদি ঙসি বিলশিং খন্ন-নৈনবদা মখোয়শিং অদুগী মতাংদা চাউথোকচবা পোকই, অদুবু মমাংদা, দিলশিংগী মতাংদা খন্ন-নৈনবদা বফর্স দিলগুম্বা স্কেন্দেলশিং খক্তমক পুথোকখি, মরমদি সরকারশিং অদুনা মখোয়গী শেঙ্গাওশিং মরাং কায়হনবদা মীৎয়েং চংখি, নাগরিকশিংগী পুন্সি ফগৎহনবদা নত্তে।

শ্রী মোদীনা বেঙ্কিং সেক্তরবু ইকোনোমীগী গ্রিদনি হায়না শন্দোক্না তাক্লদুনা মসিগী খুদম পীখি। মহাক্না নিংশিংখি মদুদি ২০১৪গী মমাংদা 'ফোন বেঙ্কিং'গী মতম লৈরম্মি, মদুদা লুচিংবশিংগী কোলশিংনা লুপা করোর কয়াগী শেনফম কাইথোকপগী ৱারেপ ওইরম্মি অদুগা লাইরবশিংবু ইকায়খুম্নবা ফংখিদে অমসুং পীবিখিদে। মহাক্না হায়খি মদুদি পোপুলেসনগী ৫০% হেনবনা বেঙ্ক অমত্তা উখিদ্রি, অদুগা মতমদুগী লৈঙাক্লোনগী লুচিংবশিংনা শেল বিল্লিয়ন কয়া মখোয়গী মরী লৈনবশিংদা পীখি, মখোয়না শেল অদু মখোয়গী লন্নাইগী পোৎশক ওইনা লৌখি। মহাক্না হায়খি মদুদি মতমদুদা লৈরম্বা দিসপেন্সন রুলগী মখাদা, অমসুং হৌজিক ওপোজিসন এলাইন্সনা লৈঙাক্লিবা স্তেৎশিংগী মখাদা, বেঙ্কিং সিস্তেম অসি থুগাইবগী পনখৈদা লৈরে। মহাক্না অহানবা ওইনা প্রধান মন্ত্রী ওইরকপদা, মপান লৈবাক্কী লুচিংবা অমনা রিফোর্ম তৌদ্রিঙৈদা ভারতকী বেঙ্কিং সিস্তেম নৈননবা মহাক্কী মফমদা পাউতাক পীখিবা অদু শ্রী মোদীনা নীংশিংখি। মহাক্না অকনবা ৱাফম থমখি মদুদি মমাংগী সরকারশিংনা এন.পি.এ.শিংবু অৱাবা কয়া মায়োক্নহন্নবা লেপ্পা লৈতনা খন্ন-নৈনখি। মসিনা বেঙ্কিং সিস্তেমগী মীৎয়েং থাদোকপা অমসুং ফত্তবা মেনেজমেন্ত উৎলি।

প্রধান মন্ত্রী শ্রী নরেন্দ্র মোদীনা হায়খি মদুদি শিংনবসি য়াম্না চাউই, অদুবু সরকারনা বেঙ্কিং সিস্তেমগী স্তেকহোল্দর পুম্নমকপু থাজবগা লোয়ননা লৌশিং লৈনা থবক তৌখি। মহাক্না হায়খি মদুদি রিফোর্মশিং অসি তঙাইফদে অমসুং ত্রান্সপরেন্ত সিস্তেম অমা শেমদুনা থৌনা লৈনা পাংথোক্লি। মহাক্না হায়খি মদুদি বেঙ্কিং রিফোর্ম কয়া অমা পায়খৎলে, অমসুং মথৌ নীংথিনা পাংথোকপা ঙমদবা অশোনবা পব্লিক সেক্তর বেঙ্কশিং অসি মপাঙ্গল লৈরবা বেঙ্কশিংগা পুনশিন্নখি। করিগুম্বা মোদী সরকারনা মসি পাংথোকপা ঙম্লবদি, মসি ভারতকী ওইনা অচৌবা রিফোর্ম অমা ওইগনি হায়না ইকাই খুম্নরবা মীওই অমনা মতম অমদা ইরম্বা অদু শ্রী মোদীনা নীংশিংখি। মহাক্না ওফিস পায়রকপগা লোয়ননা মসি পাংথোকখি হায়না মহাক্না অকনবা ৱাফম থমখি। মসিনা মরম ওইদুনা বেঙ্কশিং অসি য়াম্না কুপ্না হৌরক্লবা লায়না অসিদগী কোকহল্লে, মখোয়গী ফিভম অসি লেপ্তনা ফগৎলক্লি অমসুং হৌজিক মখোয়না খোঙজেল য়াংনা খুমাং চাউশিল্লি হায়না প্রধান মন্ত্রীনা ফোংদোকখি। মহাক্না হায়খি মদুদি বেঙ্কশিং ফগৎলকপগা লোয়ননা ত্রাঞ্জেক্সনশিং হেনগৎলক্লি, মীশিংনা ফন্দশিং ফংবা ঙমহল্লি, অমসুং মীচম প্রজাশিংনা শেল ফংবা ঙমহল্লি। শ্রী মোদীনা হায়খি মদুদি মতম অমদা বেঙ্কতা চঙবা ঙমদবা লায়রবশিংদা লোন ফংহল্লে। মহাক্না মুদ্রা য়োজনাগী মায় পাকপগী মতাংদা পনখি, মসিনা নহারোলশিংদা মখোয় মশানা লেপচবা ঙম্নবা শক্তি পীরি অমসুং মখোয়বু ৱা ঙাংবদা নত্তনা অশেংবা মতেং পীদুনা মখোয়বু মশাগী থবক ফংহনবদা পুক্নিং থৌগৎলি। মহাক্না হায়খি মদুদি মুদ্রা য়োজনাগী খুত্থাংদা লুপা করোর লাখ ৩০ হেন্না নহারোলশিংদা গেরেন্তী য়াওদনা পীখি। মসিনা মখোয়দা মখোয়গী ব্যুজিনেসশিং পাকথোক চাউথোকহন্নবা খুদোংচাবা পীখি। প্রধান মন্ত্রীনা অকনবা ৱাফম থমখি মদুদি সেল্ফ হেল্প গ্রুপকী খুত্থাংদা খুঙ্গংগী নুপীশিংনা হৌজিক চাউনা অমসুং নীংতম্না খোংজেল য়াঙনা চংশিল্লি। নুপী কোতি ১০না হকথেংননা শেলগী তেংবাং ফংলি। মহাক্না মখা তাখি মদুদি এম.এস.এম.ই. সেক্তরদা লোন মরাং কায়না ফংহনখি। শ্রী মোদীনা হরাওবা ফোংদোকখি মদুদি ২০১৪গী মমাংদা এন.পি.এ. য়াম্না ৱাংনা লৈরম্বা অদু হৌজিক্তি বেঙ্কশিংগী হকশেলবু মপাঙ্গল কনখৎহন্দুনা চাদা অমগী মখাদা হন্থরে। বেঙ্কশিংনা মমাংদা অমুক্তা ওইখিদ্রিবা লন-থুমশিং ফংলি, মসিনা ইকোনোমী মপুংফানা মপাঙ্গল কনখৎহল্লি হায়না মহাক্না ফোংদোকখি।

পি.এস.য়ু.শিংগী খুদম পীরদুনা প্রধান মন্ত্রীনা হায়খি মদুদি মতম অমদা মখোয়শিং অসি মাইপাকপা, নীংথিনা লৈতবা, নৎত্রগা থিংজিনখিবা ইন্সতিত্যুসনশিংনি হায়না লৌনরম্মি। মহাক্না হায়খি মদুদি ৱাখল্লোন অসি তশেং-তশেংনা ওইরিবা ফিভমদা য়ুম্ফম ওইদুনা মায় পাক্না হোংদোক্লে। শ্রী মোদীনা পি.এস.য়ু.শিংগী মতাংদা নেগেতিবিতী শন্দোক্লিবা মীওইশিংবু কুপথনা ফোংদোকখি। মহাক্না মখোয়গী থবকশিংবু পি.এস.য়ু.শিংগী থোংগী মপান্দা থবক শুবা মীওইশিংবু লান্না লমজিংখিবা অর্বান নক্সেলশিংগা মান্নখি। মহাক্না হায়খি মদুদি এল.আই.সি., এস.বি.আই. অমসুং ঐচ.এ.এল.গুম্বা ইন্সতিত্যুসনশিং অসি মমাংগী সরকারশিংগী মখাদা ফত্তবা মওংদা চলাইরম্মি, অদুবু মহাক্কী সরকারনা থৌনা উৎখি অমসুং লেপ্তনা রিফোর্মশিং পায়খৎখি। মহাক্না হায়খি মদুদি এল.আই.সি.না খ্বাইদগী ফবা পর্ফোমেন্স পীরম্মি, অমসুং মতম অমদা ওপোজিসনগী লৈঙাক মখাদা থিংজিল্লকখিবা পি.এস.য়ু.শিংনা হৌজিক লন-থুম ফংলি। শ্রী মোদীনা হায়খি মদুদি পি.এস.য়ু.শিংনা হৌজিক্তি মেক ইন ইন্দিয়াবু কেতালাইতিক এজেন্ত ওইনা পুখৎলি, রেকোর্দ থম্বা থবক পীরি, অমসুং দোমেস্তিক অমসুং ইন্তর্নেস্নেলদা অচৌবা ওর্দরশিং ফংদুনা মালেম শীনবা থুংনা পাকথোক চাউথোক্লি। পি.এস.য়ু.শিংনা হৌজিক্তি লৈবাক কয়াগী চাউখৎ-থৌরাংগী খোঙচৎতা শরুক য়াবা হৌরে। মসিনা মরুওইবা চহি ২৫গী মতম অসিদা ভারতনা চাউখৎপগী মশক থোকপা খোঙথাং অমা উৎলি হায়না মহাক্না পনখি।

হেক্তর অনিদগী তাবা লম লৈবা অপীকপা লৌমী কোতি ১০বু মীৎয়েং চঙবীদনা থম্বগী ৱাফম পল্লদুনা প্রধান মন্ত্রী মোদীনা ওপোজিসনবু লৈবাক অসিগী লৌমীশিং ফাওবা নাথৈবীখিবগী মরাল শিখি। মহাক্না হায়খি মদুদি ওপোজিসন্না অপীকপা লৌমীশিংবু ইগনোর তৌরগা অচৌবা লৌমী খরবু মেনেজ তৌবা সিস্তেমদা থাজবা থমদুনা চলাইখি। শ্রী মোদীনা হায়খি মদুদি মহাক্কী সরকারনা অপীকপা লৌমীশিংগী অৱাবা অদু খঙই অমসুং তঙাইফদবা ফিভমশিং অদু খঙনা প্রধান মন্ত্রী কিসান সম্মান নিধি স্কিম হৌদোকখি। মহাক্না হায়খি মদুদি অতেনবা মতমগী মনুংদা লুপা করোর লাখ ৪ হকথেংননা অপীকপা লৌমীশিংগী একাউন্তশিংদা ত্রান্সফর তৌখ্রে। মসিনা মখোয়দা অনৌবা শক্তি অমসুং হেন্না চাউবা মঙলান ফংবা ঙমহনখ্রে। মহাক্না থাজবা থমখি মদুদি লৌমীশিংনা ভারতকী আশাগী মতুং ইন্না মহৈ-মশিং ফংলগনি।

প্রধান মন্ত্রীনা ইমপ্লিমেন্তেসনগা মরী লৈননা চৈখিবা কয়া পনখি। মহাক্না ফোংদোকখি মদুদি মেম্বর খরনা মখোয়গী এল্লাইন্স অদু ফোংদোক্তুনা কমপ্লেন্টশিং পুখৎনবা মাংজৌননা লেপখ্রবনি। মহাক্না থৌদোক অমা শন্দোক্না তাকখি, মহাক্না ফেক্টশিং খক্তমক পুথোক্লি হায়না ময়েক শেংহনখি। সেনিয়র ওপোজিসন লুচিংবা অমসুং হান্নগী প্রধান মন্ত্রী মশামক্না প্লান্নিং কম্মিসনগা লোয়ননা লান্থেংনখিবা অদু নীংশিংখি। প্লান্নিং কম্মিসননা চীংগী লমদমশিংগীদমক তোঙানবা স্কিমশিং দিজাইন তৌনবা য়াখিদে। অশোয়বা থবক তৌবগী চৎন-লোনচৎ অসিবু মশক খঙলবসু, মদু শেন্নবা খোঙথাং অমত্তা লৌখৎখিদে হায়না শ্রী মোদীনা অকনবা ৱাফম থমখি। মহাক্না পনখি মদুদি প্লান্নিং কম্মিসন অসি চহী তরাগী খুজিং কয়াদগী মথৌ পাংথোক্তুনা লাক্লি, মসিনা মীওইশিংবু ২০১৪ ফাওবদা অৱাবা কয়া মায়োক্নখি। শ্রী মোদীনা পনখি মদুদি মহাক্কী সরকারনা লৈঙাক পায়রক্লবা মতুংদা প্লানিং কম্মিসন মুত্থৎখি অমসুং নীতি আয়োগ লিংখৎখি, মদু হৌজিক য়াম্না থুনা থবক তৌরি। মালেমগী ইন্সতিত্যুসনশিংনা চাউখৎলক্লিবা লৈবাকশিংগীদমক চাউখৎ থৌরাংগী মোদেল অমা ওইনা শকখঙলিবা এস্পিরেস্নেল দিস্ত্রিক্তকী মাইপাকপশিং মহাক্না পনখি। মহাক্না হায়খি মদুদি হান্ননা মাংলোমদা চংশিল্লি হায়না লৌনরম্বা জিলাশিং অসি হৌজিক অহোংবা লাক্লি। শ্রী মোদীনা মমাংগী মতমগী দিস্ত্রিক্তশিংদা ওফিসরশিংবু পেনাল পোস্তিং, ফত্তবা ফিভমশিংদা থম্বগী চৎনবীবু কুপ্না য়েংশিনখি। মহাক্না হায়খি মদুদি মহাক্কী সরকারনা চহি অহুমগী ওইনা নহা ওইরিবা, হৈথোই-শিংথোইরবা ওফিসরশিং খল্লদুনা, ৱারেপ লৌবা য়াবা খোঙথাংশিং লৌখৎতুনা মসি হোংদোকখি। মতম অমদা এস্পিরেস্নেল দিস্ত্রিক্ত অমা ওইরম্বা ছত্তিসগরগী বাস্তরবু মহাক্না পনখি। হৌজিক্তি বাস্তর ওলিম্পিক্সকীদমক লৈবাক শীনবা থুংনা শকখঙনরে। শ্রী মোদীনা হায়খি মদুদি অহোংবা অসিনা লৈবাক অসিগী অনৌবা মাইকৈ অদু উৎলি।

প্রধান মন্ত্রী শ্রী নরেন্দ্র মোদীনা হায়খি মদুদি এস্পিরেস্নেল দিস্ত্রিক্তশিং অসি অশেংবা ইমপ্লিমেন্তেসন হায়বসিনা করিনো হায়বগী থোইদোক হেন্দোকপা খুদম্নি। অসিগুম্বা খুদমশিং অসি চা কয়া লৈরবসু, মহাক্না মসিগী খুদম অসি পনখি। মহাক্না হায়খি মদুদি ওপোজিসনগী লুচিংবশিংনা ইমপ্লিমেন্তেসনগী মতুং ইন্না অহোংবা পুরকপা অদু উবা ঙমদে। মখোয়না অরিবা প্লান্নিং কম্মিসন মোদেলগী জিপ অমসুং মুলশিংদা লেপতুনা লৈরি। শ্রী মোদীনা নীংশিংখি মদুদি মহাক্না পোক্ত্রিঙৈগী মমাংদা, সরদার বল্লভভাই পতেলনা নর্মদা তুরেলদা দাম অমা শেম্নবা ৱাখল্লোন থমখি। মদুগী উরেপ উয়ুংসু শ্রী জৱাহরলাল নেহরুনা থমখি, অদুবু মহাক্না প্রধান মন্ত্রী ওইরবা মতুংদা উরেপ উয়ুংসু তমখি। মসিনা মমাংগী সরকারশিংনা থবক পায়খৎপদা মায় পাকখিদবা অদু উৎখি। মহাক্না হায়খি মদুদি মহাক্না মুখ্য মন্ত্রী ওইরিঙৈদা গুজরাতকী লৌমীশিংগীদমক সর্দার সরোবর দাম শাবদা মতেং পাংনবা নুমিৎ হুমনিগী ওইনা চোকথবা থমখি। মহাক্না মশামকপু মাং-তাকহনখি অমসুং সেন্ত্রেল গবর্নমেন্তপু থবক পায়খৎনবা হোৎনখি। ঙসিদি বি.এস.এফ.কী পর্সোনেলশিং স্তেসন তৌরিবা কচ্ছকী খবদা ফাওবা নর্মদাগী অশেংবা ঈশিং য়ৌরকপা অসিদা মহাক্না চাউথোকচবা ফোংদোকখি।

প্রধান মন্ত্রীনা ওপোজিসনবু রাজনিতীগী কান্নবা ফংনবগীদমক প্রোজেক্তশিং লাউথোকপদা, মৈ থাবদা অমসুং নুংশিৎ থাবদা অদুবু মদুগী মতুংদা করিগুম্বা অমত্তা তৌদবগীদমক কুপ্না মরাল শিখি। মহাক্না হায়খি মদুদি থবক তৌবগী চৎনবী অসি হোংদোক্নবগীদমক মহাক্না প্রগতি কৌবা তেক্নোলোজী প্লেৎফোর্ম অমা শেমখি। মসিনা লেপখ্রবা প্রোজেক্তশিং য়েংশিনগনি। মহাক্না হিমাচল প্রদেশকীদমক পার্লিয়ামেন্ততা লাওথোকখিবা ত্রেনগী খুদম পীরম্মি, উনা ওইরম্বা য়াই, মহাক্না লাকপা ফাওবদা মসিগী দ্রাইব অমত্তা শেম শাখিদে, অদুবু ইলেক্তোরেল এদভান্তেজকীদমক্তা লাওথোকখি। শ্রী মোদীনা ফোংদোকখি মদুদি প্রগতিগী খুত্থাংদা মহাক্না প্রোজেক্তশিং অসি করিগীদমক্তা লেপখিবনো, করম্বা দিপার্তমেন্তশিং অদুগী থৌদাং লৈবগে, রাজ্যশিংনা করি খুদোংচাদবশিং মায়োক্নবগে, অমসুং করিগুম্বা অমা ফত্তবনা মরম ওইদুনা শেনফম লুপা করোর ৯০০দগী করোর ৯০,০০০দা মতৌ করম্না হেনগৎলকখিবগে হায়বদু নৈনখি। মহাক্না হায়খি মদুদি মহাক্না মশামক্না থা খুদিংগী প্রোজেক্তশিং অসি য়েংশিনবা, অসিগুম্বা মীফমশিং অসি ইপিসোদ ৫০ মপুং ফাহন্নবা অমসুং স্তেতশিং শরুক য়াদুনা, মহাক্না খুমাং চাউশিনবা ফংহনখি। প্রধান মন্ত্রীগী থাক্তা কুপ্না য়েংশিনবনা মরম ওইদুনা লুপা কোতি লাখ ৮৫গী প্রোজেক্তশিং অসি শঙ্গারকপা অমসুং খোঙজেল য়াঙখৎপা ঙম্লে হায়না মহাক্না চাউথোক্না ফোংদোকখি। রেলৱেজ, লম্বী-থোং, ইরিগেসন অমসুং রুরেল ইনফ্রাস্ত্রকচর পুম্নমক অসি মেকানিজম অসিগী মখাদা খন্নখি হায়না মহাক্না মখা তাখি।

শ্রী মোদীনা জম্মু-উধমপুর-শ্রীনগর-বারামুলা রেল লাইনগী খুদম পীরদুনা হায়খি মদুদি প্রোজেক্ত অসি চহী তরাগী খুজিং অহুম, জেনরেসন অনিগী মতম শাংনা লেপখিবনি, অদুবু মহাক্কী সরকারনা মসি মপুং ফাহনখি। মহাক্না ভাইরেল ওইরিবা ভিদিও অদু পনখি, মদুদা বন্দে ভারত ত্রেন অসি উন্না  কুপ্লবা লমদম অমদা চেনবা উবা ফংখি। মসিদা মীয়াম্না হায়খি মদুদি মসি মীয়াম্নদি মপান লম মাল্লমগনি, অদুবু মসি ভারতনি। মসি ইমপ্লিমেন্তেসনগী শক্তিনি হায়না মহাক্না অকনবা ৱাফম থমখি।

প্রধান মন্ত্রীনা অসামগী মতাংদা পনখি। মহাক্না চহি কয়াগী মমাংদগী অরুনাচল অমসুং অসামগা শম্নহল্লিবা বোগিবিল থোং অসি শাবা লোইশিনখিদে হায়না পল্লদুনা ওপোজিসনবু মরাল শিখি। মহাক্না হায়খি মদুদি মহাক্কী সরকারনা মসি প্রগতিগী মখাদা য়েংশিনখি অমসুং লোইশিনখি। মসিনা আসাম অমসুং অৱাং নোংপোক্কী মফম পুম্নমক্তা চাউনা কান্নবা ফংহনখি।

শ্রী মোদীনা হায়খি মদুদি মহাক্কী সরকারনা প্রোজেক্তশিং মতম চানা লোইশিনবতা নত্তনা অয়াম্বা মতমদা সেদ্যুলগী মমাংদা লোইশিনখি। মহাক্না হায়খি মদুদি ভারতনা ২০৩০ ফাওবদা সোলরগী পান্দম খরা ফংনবা অচেৎপা ৱাফম থমখি অদুবু মখোয়শিং অদু ২০২৫ ফাওবদা ফংলে। মতৌ অসুম্না, ইথানোলগী পান্দমশিং অসি চহি অনিদগী অহুম ফাউবা মাংজৌননা ফংখি। মসিনা মহাক্কী সরকারগী থবক পায়খৎপগী মপাঙ্গল অদু উৎলি হায়না মহাক্না অকনবা ৱাফম থমখি। মসিনা মতমগী মাংওইননা মহৈ ফংহন্নবা ৱাশকশিং অদুগী ৱাংমদা চৎলি।

প্রধান মন্ত্রী শ্রী নরেন্দ্র মোদীনা অকনবা ৱাফম থমখি মদুদি শিংনবশিং অমসুং সোলুসনশিংগা মরী লৈননা মহাক্কী পার্তীগী থৌওং অসি ওপোজিসনগী থৌওংদগী তঙাইফদনা খেন্নৈ। মদুদি নুংশিৎ অমসুং পৃথিবীগা মান্ননা অচৌবা খেন্নবা অমনি হায়না মহাক্না ফোংদোকখি। মহাক্না হায়খি মদুদি সরকারগী থাজবা অসিদি নাগরিক কোতি ১৪০না শিংনবশিং অসিগী সোলুসনশিং পীবা ঙম্মি, অমসুং মীয়ামদা থাজবা অসিদি দিমোক্রেসিগী অশেংবা পাঙ্গলনি। মসিগী ওন্ন-তৈনবদা, ওপোজিসন্না নাগরিক মশামকপু প্রোব্লেম ওইনা লৌই হায়না মহাক্না ফোংদোকখি। মমাংগী মতমগী খুদম অমা পল্লদুনা, প্রধান মন্ত্রীনা হায়খি মদুদি মসিনা মহাক্কী সরকারগী ৱাখল্লোনগী ওন্ন-তৈনবদা, ভারতকী মীয়ামগী মনুংদগী সোলুসন করোর ১৪০ লৈ হায়বা ৱাখল্লোনগী ওন্ন-তৈনবদা, প্রজাশিংবু প্রোব্লেম ওইনা উবা ৱাখল্লোন অমা উৎলি। মহাক্কী সরকারগীদমক্তা, নাগরিকশিং অসি সপোর্তিব কেপিতেলনি, ভারতকী শিংথানীংঙাই ওইরবা তুংলমচৎকী আর্কিতেক্ত অমসুং দ্রাইভরনি, অমসুং মখোয় অসি প্রোব্লেমশিং ওইনা লৌবা য়ারোই হায়না মহাক্না অমুক হন্না ফোংদোকখি।

শ্রী মোদীনা হায়খি মদুদি মীয়ামবু উইশিত থওইদবা হায়বসি ওপোজিসনগী মহৌশা অমসুং কলচরগী শরুক অমা ওইরে। মহাক্না হায়খি মদুদি ওপোজিসন্না ইকুই কুইদ্রিঙৈদা ভারতকী রাস্ত্রপতিবু ইকায় খুম্নখিদে, অমসুং মীখলগী মতুংদা শীজিন্নখিবা ৱাহৈশিং অদু ফজদবা অমনি। লোক সভাদসু রাস্ত্রপতিগী ৱারোলগী মতাংদা খন্ন-নৈনবা ঙমখিদে হায়না মহাক্না পনখি। মহাক্না হায়খি মদুদি মসি সংবিধানগী খ্বাইদগী ৱাংবা ওফিস অদুদা ইকায়খুম্নবা মাংহনবা অমনি। মহাক্না অকনবা ৱাফম থমখি মদুদি লাইরবা, ত্রাইবেল ইমুং অমগী নুপী অমনা খ্বাইদগী ৱাংবা কন্সতিত্যুস্নেল পোজিসন অমদা য়ৌরকপা মতমদা, মহাকপু ইকায় খুম্নবসি মহাকপু ইকায় খুম্নবতা নত্তনা ত্রাইবেল কম্ম্যুনিতী, নুপী, সংবিধান অমসুং লৈবাক অসিবু ইকায় খুম্নবনি।

প্রধান মন্ত্রীনা লোক সভাদা আসামগী মীহুৎ অমনা প্রিসাইদ তৌবদা চে চাং চাইখিবা অমসুং তেবল কাখৎখিবা নুংঙাইতবা থৌদোক অদুসু পনখি। মসিনা অৱাং নোংপোক অমসুং মসিগী প্রজাশিংদা ইকায় খুম্নবা উৎপিরোইদ্রা হায়না মহাক্না হংখি। মহাক্না মখা তাখি মদুদি অন্ধ্র প্রদেশকী দলিত ইমুং অমগী মচানুপা অমা চেয়রদা লৈরিঙৈদা, মহাকসু ইকায়খুম্নবা উৎখিদে। মসিনা লাপথোক্লবা কাংলুপশিংদা য়েংলিবা ওপোজিসনগী মীৎয়েং অদু উৎখি। শ্রী মোদীনা ফোংদোকখি মদুদি ওপোজিসন্না আসামগী মীয়ামগী মায়োক্তা নুংশিনদবা পোকহল্লি, মরমদি মখোয়না হংগোইবদু উৎলি। মহাক্না ভারত রত্ন ভুপেন হাজরিকাবু য়াম্না ইকাই খুম্নবা উৎখি। মহাক্কী ৱাঙাং অমসুং ময়েক শেংনা লৈবাক অসিবু অমত্তা ওইনা পুনশিনখি। অসাম, লৈবাক শিনবা থুংনা লৈরিবা আর্ত লভরশিং অমসুং হাজারিকাগী লেগেসীবু ইকায় খুম্নবা অমনি হায়না মহাক্না হায়খি।

শ্রী মোদীনা ওপোজিসনগী লুচিংবা অমনা শিখ পার্লিয়ামেন্তকী মীহুৎ অমবু 'মীরোৎ মীচেন' হায়না কৌখিবা থৌদোক অদুদা অৱাবা ফোংদোকখি। মহাক্না হায়খি মদুদি লুচিংবা কয়ানা ওপোজিসন থাদোকখ্রে, অদুবু শিখ এম.পি. অসিদা নত্তনা কনা অমত্তবুসু মীরোৎ মীচেন হায়না কৌখিদে। মহাক্না মসিবু শিখশিং, গুরুশিংবু ইকায় খুম্নবা উত্তবনি হায়না ফোংদোকখি। মহাক্না অকনবা ৱাফম থমখি মদুদি নাগরিক অমবু, মরুওইনা লৈবাক অসিগীদমক্তা কত্থোকখিবা ইমুং অমগী মীওই অমবু ত্রেতর কৌবা য়াদে।

প্রধান মন্ত্রীনা মসিগী চাংদম্নবা অসি সদানন্দন মাস্তরগী খুদমগা চাংদম্নখি মহাক্না রাজনিতীগীদমক হোৎনবদা মহাক্কী খোঙ অনীমক কত্থোকপা তাখি অদুবু মহাক্না মীনুংশি অমসুং অৱাবা লৈতনা লৈবাক অসিগী সেবা তৌরি। মহাক্না সদানন্দনজীনা মহাক্কী অহানবা ৱা ঙাংবদা হাউসতা মহাক্কী খুৎশেমগী খোংনা কাখৎলকখিবা মতমদা লৈবাক অসিগীদমক্তা য়াম্না পুক্নিং নুংশিনিংঙাই ওইবা অমসুং ইথিল পীনিংঙাই ওইবা অমনি হায়না ফোঙদোকখি। শ্রী মোদীনা খুন্নাইনা ইকায় খুম্নরিবা নহা ওইরিবা ওজা অমগী মথক্তা অসিগুম্বা হিংসাগী থৌওং থোকহনবগীদমক ওপোজিসন এল্লাইন্সপু নিন্দা তৌখি। মহাক্না সদানন্দন মাস্তরবু অকনবা লান্দাবা থেংনরবসু মহাক্কী সেবাগী অচেৎপা ফিরেপ মখা চত্থবগীদমক থাগৎপা ফোংদোকখি অমসুং মসি চাউথোকচনীংঙাই অমনি হায়না ফোংদোকখি। অসিগুম্বা মীওইশিং অসি কত্থোকপা অমসুং সেবা তৌবগী ৱাখল্লোনগী মশক অমনি হায়না মহাক্না ফোংদোক্লদুনা লোইশিনখি। মখোয়গুম্বা মশিং য়াম্লবা শিন্মীশিংগী থৌনাগী খুত্থাংদা লৈবাক অসিনা ভারতকী চাউখৎপগীদমক হিংনবা অমসুং থবক তৌনবা ইথিল ফংলি।

প্রধান মন্ত্রী মোদীনা ফোংদোকখি মদুদি মহাক্না লৌরিবা থৌদাংশিং অদু য়েংলগা, মহাক্না লৈবাক অসিগীদমক হিংবা তমখি অমসুং নহারোলশিংগীদমক্তা অচেৎপা য়ুম্ফম শেমদুনা চাউখৎলবা ভারত অমগী য়ুম্ফম মপাঙ্গল কনখৎহন্নবা থবক তৌরি। শ্রী মোদীনা অকনবা ৱাফম থমখি মদুদি ওপোজিসন্না নুংঙাইতবা অমত্তা উৎখিদে, অমসুং রাজ্য সভাদা প্রধান মন্ত্রীনা অঙকপা ফোঙদোকখি হায়নসু হায়খি। মসিনা মখোয়না চাউখৎলকপা মগুনশিং অমসুং চৎনবীশিং অদু উৎলি। মহাক্না নিংশিংখি মদুদি ২০০২দগী হৌরগা, ওপোজিসন ওইরকপা নত্ত্রগা ২০০৪দগী লৈঙাক পায়রকপা, অমসুং ২০১৪দা মহাক্না পার্লিয়ামেন্তদা চংলকপা মতমদগী হৌরগা, চহী ২৫ অসিদা ওপোজিসন অমনা মহাকপু লান্না শীজিন্নদনা মীফম অমত্তা পাংথোকখিদে।

প্রধান মন্ত্রীনা পনখি মদুদি মহাক্কী সরকারনা আর্তিকল ৩৭০ লৌথোকখি, অৱাং নোংপোক্তা শান্তি অমসুং চাউখৎপা পুরকখি, পাকিস্তানগী তেরোরিস্তশিংদা মখোয়গী ময়ুম্মক্তদা চঙদুনা পাউখুম পীখি, ওপরেসন সিন্দুর পাংথোকখি, লৈবাক অসিবু মাওইস্ত তেরোরিস্ত তেররদগী লৌথোক্নবা থৌনা ফরবা খোঙথাং লৌখৎখি, অমসুং মতমদুগী প্রধান মন্ত্রীনা খুৎয়েক পীনখিবা অরানবা সিন্ধুজ ৱাতর ত্রিতি থিংজিনখি। শ্রী মোদীনা হায়খি মদুদি ওপোজিসনগী অশেংবা প্রোব্লেমদি মহাক্না মতৌ করম্না হায়রিবা পোজিসন অসি য়ৌরকপগে হায়বা খঙবা ঙমদবা অমসুং মহাক্না মখা তানা লৈরকপদা মখোয়না হেন্না পুক্নিং নুংঙাইতবা পোকপা অসিনি। মহাক্না হায়খি মদুদি ওপোজিসন্না দেমোক্রেসী অমসুং কন্সতিত্যুসনগী ৱাহন্থোক লৈতে হায়না থাজৈ, প্রধান মন্ত্রীগী চেয়র অসি মখোয়গী ইমুংগী হেরিতেজনি হায়না লৌই, অমসুং অতোপ্পা মীওই অমত্তনা মসিদা থবক তৌবা য়ারোই।

প্রধান মন্ত্রী মোদীনা হায়খি মদুদি লৈবাক অসিনা ওপোজিসনবু চহী তরাগী খুদোংচাবা কয়া পীখি, মীয়াম্নসু মখোয়গী তুংলমচৎপু মখোয়গী মথক্তা থম্বা ঙমখি, অদুবু মখোয়না লাইরবদগী কোকহনগনি হায়বা স্লোগানশিংগা লোয়ননা লৈবাক অসিবু লান্না লমজিংখি। মহাক্না হায়খি মদুদি ওপোজিসনগী প্রধান মন্ত্রী খুদিংমক্না রেদ ফোর্ততগী লায়রবা কোকহন্নবা ৱা ঙাংখি, অদুবু মখোয়গী স্লোগানশিং অসি থোইদোক হেন্দোক্তবনা মতীক চাবা থবক অমত্তা উৎখিদে। শ্রী মোদীনা হায়খি মদুদি মহাক্না লায়রবশিংবু মপাঙ্গল কনখৎহন্নবা লম্বী খনখি। মহাক্না ভারতকী লায়রবশিংবু সরকারগী স্কিমশিং খঙবা অমসুং লৌশিনবগীদমক থাগৎপা ফোংদোকখি। মহাক্না সরকারগী পান্দমদা লাইরবশিংগী থাজবা অদু থাগৎপা ফোংদোকখি অমসুং ইমুং করোর ২৫না লাইরবশিংবু মায়থীবা পীখ্রে অমসুং চাউখৎপগী শরুক য়ামিন্নবা, অৱাবদগী মপান্দা থোরকখ্রে হায়না পনখি। মহাক্না লৈবাক অসিগা লোয়ননা খোঙজং চংশিন্নবা হোৎনবদা থাজবা ফংলবা মীওই ক্রোর ২৫ অসিদা ইকায় খুম্নবা উৎখি।

প্রধান মন্ত্রীনা ২০১৪গী মমাংদা রেলৱে ক্রোসিংদা মীওই চাম্মরোম শিখিবগী থৌদোকশিং নীংশিংখি। মসিদা স্কুল বসশিংনা অমগা অমগা থেংনবা অমসুং অঙাংশিংনা মখোয়গী পুন্সি মাংখিবগী থৌদোকশিং য়াওখি। মহাক্না অকনবা ৱাফম থমখি মদুদি মী য়াওদবা রেলৱে ক্রোসিং অসি মায়োক্নবা ঙমদবা থবক নত্তে, অদুম ওইনমক মহাক্কী সরকারনা মখোয় পুম্নমক থিংজিল্লক্ত্রিবা ফাওবা কনা অমত্তনা থবক লৌখিদে, মসিনা পুন্সি কয়া কনবা ঙমখি।

শ্রী মোদীনা মখা তারদুনা হায়খি মদুদি ২০১৪গী মমাংদা খুঙ্গং ১৮,০০০দা মৈ ফংখিদে, বুলব নৎত্রগা মৈগী মঙাল অমত্তা লৈরমদে। ২০১৪দা মহাক্না থৌদাং লৌরকপদগী মহাক্কী সরকারনা খুঙ্গংশিং অসিদা মঙাল পুরকখি।

প্রধান মন্ত্রীনা মখা তানা হায়খি মদুদি মমাংগী হেদলাইনশিংনা ঙমখৈশিংদা এম্ম্যুনিসন, বুলেৎপ্রুফ জেকেৎ লৈতবা, লান্মীশিংনা মতিক চাবা বুৎ য়াওদনা তুজুংফমদা লেপ্লম্বা অসিনচিংবগী মতাংদা হন্না-হন্না পাউদম্লকখি। শ্রী মোদীনা হায়খি মদুদি মহাক্কী সরকারনা লান্মীশিংগীদমক্তা লৈবাক অসিগী ত্রেজরী হাংদোক্লে। মখোয়না মথৌ তারিবা পুম্নমক ফংহন্নবা মহাক্না ৱারেপ লৌখি।

প্রধান মন্ত্রীনা হায়খি মদুদি উত্তর প্রদেশকী হৌজিক্কী মুখ্য মন্ত্রীনা মমাংগী সরকারশিংনা ৱারোইশিন পুরক্নবা হোৎনখিদ্রবা ইন্সেফেলাইতিসনা মরম ওইদুনা অঙাং কয়া অমা শিহনবগী মতাংদা পার্লিয়ামেন্ততা ৱা ঙাংবদা করিগুম্বা মতমদা পুক্নিং চিংশিনখি। সাইন্তিফিক প্রোগ্রেস লৈরবসু মীশিংবু মখোয়গী মীৎ উহন্দনা থম্বগী লায়না অমা ওইরিবা ত্রাকোমাদগী মীওই কয়া কনখি হায়না মহাক্না মখা তাখি। শ্রী মোদীনা হায়খি মদুদি মহাক্কী সরকারনা এনসেফেলাইতিসতগী লৈবাক অসি লৌথোকখি অমসুং ত্রাকোমাদগী ঙাকথোকখি। মসিনা খুন্নাইগীদমক হিংনবগী অমসুং কত্থোকপগী সেন্সিতিবিতী, কম্মিতমেন্ত অমসুং ৱারেপ অদু উৎলি। মহাক্না হায়খি মদুদি মীয়ামগীদমক লেপ্পা লৈতনা হোৎনরিবা অসি মহাক্কী মায়োক্নবশিংবু নুংঙাইতবা ফাওহল্লি।

প্রধান মন্ত্রী মোদীনা হায়খি মদুদি মমাংগী সরকারশিং অসি রিমোৎ কন্ত্রোলগী খুত্থাংদা চলাইরম্মি, মহাক্কী সরকারসু রিমোৎকী খুত্থাংদা চলাইরি। অদুবু রিমোৎ অদুদি ভারতকী নাগরিক কোতি ১৪০নি, মখোয়গী মঙলানশিং, মখোয়গী অপাম্বশিং অমসুং নহারোলশিংগী ৱারেপশিংনি। মহাক্না হায়খি মদুদি শক্তি অসি নুংঙাইবা ফংনবগী লম্বী অমা নত্তে অদুবু মসি সেবা তৌনবগী লম্বী অমনি। মহাক্না মুদ্রা য়োজনাগী মতাংদা পনখি, মসিনা সেল্ফ-ইমপ্লোয়মেন্তকী খুত্থাংদা মীওই মিলিয়ন কয়াদা শক্তি পীবা ঙমহনখি। মহাক্না হায়খি মদুদি ওপোজিসন্না স্তার্ত-অপ কলচর অমত্তা প্রমোৎ তৌখিদে, স্তার্ত-অপ চাম্মরোম খক্তমক খঙখি, অদুগা মহাক্কী সরকারনা স্তার্ত-অপ লাখ ২ হেনবদা মতেং পাংখি। মহাক্না হায়খি মদুদি মাই পাকপা অসিনা মীয়ামগী থম্মোয়বু হরাউহল্লি। শ্রী মোদীনা বি.এস.এন.এল.বু ইকায় খুম্নখিবা মতমশিং অদু নীংশিংখি, অদুবু মহাক্কী সরকারগী মখাদা স্বদেশী ৪জি স্তেক অমা লিংখৎখি অমসুং ভারতনা কম্ম্যুনিকেসন তেক্নোলোজী অমসুং ইন্নোবেসনদা খুমাং চাউশিলহন্দুনা মালেমগী ওইনা খ্বাইদগী য়াঙনা ৫জি থাদোকখি।

প্রধান মন্ত্রীনা হায়খি মদুদি লায়রবশিংগী সেবা তৌবা অসি মহাক্কী খুদোংচাবা অমনি। লায়রবা ইমুং করোর ৪দা পক্কাগী য়ুম, মৈ, ঈশিং, গ্যাস সিলিন্দর অমসুং তোইলেৎশিং ফংহনবা অসিদা মহাক্না নুংঙাইবা ফোংদোকখি। মহাক্না খুঙ্গংগী নুপীশিংনা মশানা মশাবু 'লক্ষপতি দিদিস' হায়না চাউথোকচবা ফোংদোক্লিবা অমসুং হৌজিক্তি মখোয়না করোরপতি ওইনবা হোৎনরিবা অসিগী অহোংবা অদু পনখি। মহাক্না হায়খি মদুদি নাগরিক কোতি কয়াগী য়াইফ-পাউজেল অমসুং মমাশিং অমসুং ইচিল-ইনাওশিংগী ঙাক-শেনবগী থৌওংনা মরম ওইদুনা ওইরক্লি। ইমাশিং অমসুং ইচিল-ইনাওশিংগীদমক মহাক্কী ইকায়খুম্নবা ফোংদোক্লদুনা মখোয়বু কনা অমত্তনা য়েংবীরমদে অদুবু মোদীনা মখোয়বু ইকায়খুম্নবা উৎলি, মসিনা মরম ওইদুনা মায়োক্নবশিংদা খোইশাওনহনখি।

শ্রী মোদীনা ওপোজিসনবু মখোয়গী হিরাদিতরী ত্রেদ ওইরিবা, গুজরাতি মহাত্মা গান্ধীগী মিংথোল ফাওবা লৌখিবগী মতাংদা ফোংদোকখি। মহাক্না হায়খি মদুদি ভারতকী মীয়াম্না অসিগুম্বা ফত্তবা ৱাখল্লোনশিং অসি মেনশিনবা ঙম্নবগীদমক মতিক চানা খঙই। মহাক্না অকনবা ৱাফম থমখি মদুদি মহাক্কী সরকারনা চাউখৎলবা ভারত অমগী মঙলান অদু পুরি। মসি হৌজিক্তি মীয়ামগী ইনর্জীনা পাৱর পীরিবা নেস্নেল রিজোল্ব অমদা ওন্থোকখ্রে। মহাক্না ২০৪৭গী ভিজনদা ৱাহং হংলক্লিবা মেম্বর খরগী পেসিমিজম অদুদা থোইদোক হেন্দোক্না অৱাবা ফোঙদোকখি। মহাক্না মখোয়দা নীংতম লান্মীশিংনা মখোয়গী পুন্সিদা নীংতম্বা ফংলক্কদ্রা নৎত্রগা ফংলোইদ্রা হায়বা খঙদনা কত্থোকখিবা অদু নিংশিংখি। অসিগুম্বা ৱাখল্লোন অমসুং কত্থোকপা য়াওদনা, ভারতনা কৈদৌঙৈদসু নীংতম্বা ফংবা ঙম্লোই হায়না মহাক্না ফোংদোকখি।

দিজিতেল ইন্দিয়া, ফিনতেক, অমসুং য়ু.পি.আই.বু মতৌ করম্না স্কেপ্তিকশিংনা নোক্নখিবগে হায়বদু প্রধান মন্ত্রীনা নীংশিংখি। মখোয়না লাইরবশিংনা মোবাইল ফোনদা ত্রাঞ্জেক্সন তৌবা ঙম্লোই হায়খি। চহি অহুমগী মনুংদা, ভারতনা মখোয়বু অরানবা ওইরে হায়না উৎখি, অমসুং মহাক্না হায়খি মদুদি তশেংবা পাউখুম অসি মীয়ামগী খুৎতা মোবাইল ফোন লৈবনি, ৱা ঙাংবদা নত্তে। মহাক্না পনখি মদুদি ওপোজিসনগী মতমদা, "ইন্দিয়ানা বস নংহৌদ্রে" হায়বা ফ্রেজ অসি চৎনরম্মি, মসিনা মাংখিবা খুদোংচাবশিংগী খুদম ওইরম্মি। ঙসিদি, ভারতনা বস অমত্তা মাংহন্দ্রে অদুবু হৌজিক্তি মাংজৌননা লমজিংগনি হায়না মহাক্না ফোংদোকখি।

লংলবা তুংলমচৎ অমা শেমগৎপদা হৌজিক্তি ওইহন্নবা লেপ্পা লৈতনা থবক তৌবগী মথৌ তাই হায়না শ্রী মোদীনা অকনবা ৱাফম থমখি। মহাক্না হায়খি মদুদি মহাক্কী সরকারনা চহি মঙাগী চক্রদা থৌরাং তৌরি, চহিগী বজেৎ শেম্লি, অমসুং ইলেক্তোরেলগী মাইপাকপশিংগীদমক নত্তনা ২০৪৭ ফাওবদা চাউখৎলবা ভারত অমগী পান্দমগীদমক মায়কৈ অমা লেপ্লি। মহাক্না অকনবা ৱাফম থমখি মদুদি মীখলশিং লাক্কনি অমসুং চৎকনি, অদুবু লৈবাক অসিদি মতম চুপ্পগী লৈহৌগনি, অমসুং মহাক্কী মিসনদি নহারোলশিংদা চাউখৎপা ভারত অমা পীবনি। মহাক্না হায়খি মদুদি ঙসিদি মহাক্না অঙাংশিং উবা মতমদা মহাক্না মখোয়গী থবকশিংদা অপেনবা পোকহন্নবগীদমক্তা মখোয়দা মপাঙ্গল কনবা ভারত অমা শিন্নরম্বগী মঙলান লৈ।

ভারতনা স্পেস, সাইন্স, তেক্নোলোজী, সমুদ্রশিং, কংফাল, নুংশিৎ অমসুং মপানগী স্পেসকী লম খুদিংমক্তা অনৌবা ইনর্জী অমসুং মাই পাকপা কয়াগা লোয়ননা মাংলোমদা চংশিল্লি হায়না প্রধান মন্ত্রীনা ফোংদোকখি। মহাক্না গ্রীন হাইদ্রোজেন, ক্বান্তম কম্প্যুতিং অমসুং এ.আই. মিসনগী খোংথাংশিং পনখি। মালেমনা হৌজিক ভারতনা মরুওইবা থৌদাং লৌবা ঙমগনি হায়না থাজবা থম্লি। মহাক্না অকনবা ৱাফম থমখি মদুদি লৈবাক অসিনা অতোপ্পদা খুৎ থাংজিনবা তাদনবা, জিওপোলিতিকেলগী খুৎলায় ওইরবা মরুওইবা মিনরেলশিং অমসুং রেয়র অর্থশিংদা ভারতনা মীৎয়েং চংলি।

প্রধান মন্ত্রী মোদীনা হায়খি মদুদি মশীং থীঙমদ্রবা প্রোজেক্তশিংনা ফোরেন ইনভেস্তমেন্ত লাকহল্লি মরমদি মালেম অসিনা হৌজিক ভারত্তা মখোয়গী তুংলমচৎ উরি, ভারতকী তেলেন্তদা থাজবা থম্লি, অমসুং ভারতকী অঙকপা লম্বীগা লোয়ননা মাগী মশাগী থোইদোক হেন্দোকপা তুংলমচৎকা শম্নরি। মহাক্না হায়খি মদুদি ভারতনা চাউখৎলবা লৈবাক অমা ওইবগী মরমদা করিগীদমক্তা ঙাংলি হায়বসি মীওই খরনা খঙবা ঙমদ্রবসু, মালেমনা খঙলে মদুদি ভারতনা অচুম্বা মাইকৈ অমদা চঙশিল্লি, অমসুং মালেমগী ওইনা খন্ন-নৈনরিবা অসি "ইন্দিয়ানা বস নংহৌদ্রে" হায়বসিদগী "ঐখোয়না ইন্দিয়াদা য়ৌবদা থেঙথবা ফত্তে" হায়বসিদা ওন্থোরক্লি।

লাক্কদৌরিবা মতম অসি ভারতকীদমক, মরু ওইনা নহারোলশিংগীদমক খুদোংচাবশিংনা মপুং ফানা লৌবা য়ানবা পোলিসী কয়া শেম্লে হায়না শ্রী মোদীনা অকনবা ৱাফম থমখি। খুদোংচাবশিং অসি শিজিন্ননবা পোলিসীশিং শেমগৎলি। মহাক্না প্রজাশিংদা  অমসুং পার্লিয়ামেন্তকী মেম্বরশিংদা মখোয়গী কন্সতিত্যুএন্সীশিংদা লৈরিবা মীয়ামদা ক্বালিতীদা মীৎয়েং থম্নবা পুক্নিং থৌগৎনবা তকশিনখি। মহাক্না অকনবা ৱাফম থমখি মদুদি খুদোংচাবশিংগী সস্তেনেবিলিতী অসি তংদু লৈতাদবা স্তেন্দর্দশিংগী মখা পোল্লি। মহাক্না হায়খি মদুদি শেন্দোং হন্থরকপা য়াই, অদুবু ভারত অসি মালেমগী থাক্তা মগুন লৈনবগীদমক ইনোবেসন, রিসর্চ অমসুং মেতরিএল অপগ্রেদেসনগী খুত্থাংদা ক্বালিতী অসি লেপ্পা লৈতনা ফগৎহনগদবনি। মহাক্না লৈবাক মীয়ামদা নীংহন্নবা লৈতবা মগুন লৈহন্নবা মতেং পাংনবা আপিল তৌখি। মহাক্না হায়খি মদুদি মালেম্না 'মেদ ইন ইন্দিয়া, মেদ ইন ভারত'পু থাগৎপা ফোংদোক্কনি।

হৌখিবা চহী তরা অসিদা মহাক্না ৱা ঙাংবদা থিংনবা মঙা নৎত্রগা তরুকলক হোৎনখিবগীদমক প্রধান মন্ত্রীনা ওপোজিসনগী মহাক্কী মরূপশিংদা থাগৎপা ফোংদোকখি। মহাক্না ৱা ঙাঙবা হৌরকপদা থিংবা ঙমদে হায়বা মহাক্না খঙখি। মহাক্না হায়খি মদুদি হৌজিক্তি মখোয়না অসিগুম্বা চাংয়েংশিং অসিদগী কান্নবা অমত্তা ফংদে হায়বা এক্সপরিয়েন্সতগী তম্লে, অমসুং মসিগী ৱাখল্লোন অসি মখা তানা হেনগৎলকপা ওইরসনু হায়খি। শ্রী মোদীনা রাস্ত্রপতিগী ৱারোলদা শরুক য়াখিবা পার্লিয়ামেন্তকী মীহুৎ খুদিংমক্তা থাগৎপা ফোংদোকখি। মহাক্না হায়খি মদুদি শেয়র তৌখিবা মমল য়াম্লবা ৱাখল্লোনশিং অসিনা লৈবাক অসিগী চাউখৎপদা মতেং পাংগনি। মহাক্না মহাক্কী ৱারোলগীদমক ইকাই খুম্নরবা রাস্ত্রপতিদা থাগৎপা ফোংদোক্লদুনা মহাক্কী ৱারোল লোইশিনখি।

Speaking in the Rajya Sabha. https://t.co/MelS1S0NF2

— Narendra Modi (@narendramodi) February 5, 2026

Rashtrapati Ji clearly highlighted the rapid progress made over the past year in India's journey towards a Viksit Bharat. pic.twitter.com/oH6H7iDEjw

— PMO India (@PMOIndia) February 5, 2026

The second quarter of this century will be vital in building a Viksit Bharat. pic.twitter.com/ozkmR0Ux1F

— PMO India (@PMOIndia) February 5, 2026

Every citizen feels the nation has reached a crucial moment and must keep moving forward without looking back. pic.twitter.com/zZ5yxmTY83

— PMO India (@PMOIndia) February 5, 2026

India has emerged as a strong voice of the Global South. pic.twitter.com/aosT8261SQ

— PMO India (@PMOIndia) February 5, 2026

For the nation's youth, this is a time of endless opportunities. pic.twitter.com/t7y8wVDKRF

— PMO India (@PMOIndia) February 5, 2026

No matter how many challenges there are, we have 140 crore solutions. pic.twitter.com/lnECKdKvNR

— PMO India (@PMOIndia) February 5, 2026

India will no longer miss the bus, it will now lead from the front. pic.twitter.com/zjIMigJw57

— PMO India (@PMOIndia) February 5, 2026

***