প্রধানমন্ত্রীগী লোইশঙ
প্রধান মন্ত্রীনা প্রজাশিংদা জাতিগী ভোতরশিংগী নুমিৎনা লাকপদা য়াইফ পাউজেল পীখ্রে
পি.এম.না ভোতর অমা ওইরকপা হায়বা অসি নুংঙাইবা ফোংদোক্নীংঙাই ওইবা থৌরম অমনি হায়না মাই-ভারত ভোল্যুন্তিয়রশিংদা ইখ্রে
থাগৎখিবা:
25 JAN 2026 9:18AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি জাতিগী ভোতরশিংগী নুমিৎকী থৌরমদা প্রজাশিংদা য়াইফ-পাউজেল পীখ্রে।
প্রধান মন্ত্রীনা হায়খি মদুদি নুমিৎ অসি লৈবাক অসিগী দিমোক্রেসিগী মগুনশিংদা থাজবা হেন্না চেৎশিলহন্নবা খুদোংচাবা অমনি। মহাক্না ভারতকী ইলেক্সন কম্মিসনগা মরী লৈনবা মীওই পুম্নমকপু ভারতকী দেমোক্রেসিগী থৌওংশিং মপাঙ্গল কনখৎহন্নবা হোৎনরিবা অসিগীদমক থাগৎপা ফোংদোকখি।
ভোতর পার্তিসিপেসনগী মরুওইবা অদু পল্লদুনা প্রধান মন্ত্রীনা হায়খি মদুদি ভোতর অমা ওইবসি সংবিধান্না পীবা খুদোংচাবা অমা খক্তা নত্তে, মসি মরুওইবা থৌদাং অমসু ওইরি। মসিনা ভারতকী তুংলমচৎ শেম্বদা প্রজা খুদিংমক্তা ভোইস অমা পীরি। মহাক্না মীয়ামদা মতম পুম্নমক্তা দেমোক্রেসিগী থৌওংশিংদা শরুক য়ানবা অমসুং দেমোক্রেসিগী স্পিরিতপু ইকাই খুম্ননবা হায়খি। মসিনা বিক্সিত ভারতকী য়ুম্ফম অদু মপাঙ্গল কনখৎহনগনি।
শ্রী মোদীনা ভোতর অমা ওইরকপা অসি নুংঙাইবা থৌরম অমনি হায়না ফোংদোকখি অমসুং অহানবা ওইনা ভোতর অমা ওইরক্লিবা মীওইশিংবু পুক্নিং থৌগৎপগী মরুওইবা অদু পনখি।
জাতিগী ভোতরশিংগী নুমিৎকী থৌরমদা, প্রধান মন্ত্রীনা হায়খি মদুদি মহাক্না মাই-ভারত ভোলুন্তিয়রশিংদা চিথী অমা ইখ্রে, মহাক্না মখোয়দা মরুওইনা নহা ওইরিবা মীওই অমনা অহানবা ওইনা ভোতর অমা ওইনা এনরোল তৌবা মতমদা মখোয়না নুংঙাইবা ফোংদোক্নবা অমসুং পালন তৌনবা হায়খি।
X পোস্তকী পরিং অমদা; শ্রী মোদীনা হায়খি;
“#NationalVotersDayগী য়াইফ-পাউজেল পীজরি।
ঙসিগী নুমিৎ অসি ঐখোয়গী লৈবাক অসিগী দেমোক্রেসিগী ভেল্যুশিংদা ঐখোয়গী থাজবা হেন্না চেৎশিলহন্নবগীনি।
ঐহাক্না ইলেক্সন কম্মিসন ওফ ইন্দিয়াগা মরী লৈনবা মীওই পুম্নমকপু ঐখোয়গী দেমোক্রেসিগী থৌওং অসি মপাঙ্গল কনখৎহন্নবা হোৎনরিবা অসিগীদমক থাগৎপা ফোংদোকচরি।
ভোতর অমা ওইবসি সংবিধান্না পীবা খুদোংচাবা অমা খক্তা নত্তে, মসি ভারতকী তুংলমচৎ শেমগৎপদা প্রজা খুদিংমক্তা ভোইস অমা পীবগী মরুওইবা থৌদাং অমনি। ঐখোয়না ঐখোয়গী দেমোক্রেসিগী স্পিরিত অসি ইকাই খুম্নবা উৎতুনা দেমোক্রেসিগী থৌওংশিংদা মতম পুম্নমক্তা শরুক য়াবীয়ু, মসিনা বিক্সিত ভারতকী য়ুম্ফম মপাঙ্গল কনখৎহল্লগনি।”
“ভোতর অমা ওইরকপা হায়বসি কুহ্মৈ পাংথোক্নবা থৌরম অমনি!
ঙসি, #NationalVotersDayদা, ঐখোয়গী অকোইবদা কনাগুম্বা অমনা ভোতর অমা ওইনা এনরোল তৌবা মতমদা ঐখোয় পুম্নমক্না করম্না হরাও-তয়াম্বা ফোংদোক্কদগে হায়বগী মতাংদা ঐহাক্না মাই-ভারত ভোলুন্তিয়রশিংদা চিথী অমা ইখি।”
“ভোতর অমা ওইরকপা হায়বসি কুহ্মৈ পাংথোক্নবা থৌরম অমনি!
ঙসি, #NationalVotersDayদা, ঐখোয়গী অকোইবদা কনাগুম্বা অমনা ভোতর অমা ওইনা এনরোল তৌবা মতমদা ঐখোয় পুম্নমক্না করম্না হরাও-তয়াম্বা ফোংদোক্কদগে হায়বগী মতাংদা ঐহাক্না মাই-ভারত ভোলুন্তিয়রশিংদা চিথী অমা ইখি।”
***
(রিলিজ আই.দি.: 2223163)
ভিজিতর কাউন্তর : 28
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam