تجارت و صنعت کی وزارت، صنعت اور داخلی تجارت کے فروغ کے محکمے (ڈی پی آئی آئی ٹی) کے زیر اہتمام نئی دہلی کے ونجیہ بھون میں منعقدہ ایک تقریب میں ہندوستان، صنعتی مسابقت کے برکس سینٹر (بی سی آئی سی) میں شامل ہوا ۔  اقوام متحدہ کی صنعتی ترقی کی تنظیم (یو این آئی ڈی او) کے ساتھ شراکت داری میں شروع کیا گیا بی سی آئی سی ایک ون اسٹاپ سینٹر کے طور پر کام کرتا ہے جو برکس ممالک میں مینوفیکچرنگ کمپنیوں اور بہت چھوٹی، چھوٹی اور  اوسط درجے کی صنعتی اداروں (ایم ایس ایم ای) کو مربوط معاون خدمات فراہم کرتا ہے ، جس میں صنعت 4.0 کی صلاحیتوں کو مضبوط بنانے پر توجہ دی جاتی ہے ۔

اس موقع پر ڈی پی آئی آئی ٹی اور یو این آئی ڈی او کے درمیان ٹرسٹ فنڈ معاہدے پر دستخط کیے گئے ۔  اس معاہدے پر ڈی پی آئی آئی ٹی  کے اقتصادی مشیر جناب اگرم کوشل اور یو این آئی ڈی او  کے ڈائرکٹر  ڈاکٹر کرسٹیانو پسینی نے دستخط کیے ، جس سے بی سی آئی سی فریم ورک میں ہندوستان کی شرکت کو باقاعدہ بنایا گیا ۔

قومی پیداواری کونسل (این پی سی) کو برکس صنعتی صلاحیتوں کے لیے انڈیا سینٹر کے طور پر نامزد کیا گیا ہے ۔  ڈی پی آئی آئی ٹی کی پالیسی رہنمائی کے تحت اور یو این آئی ڈی او کی تکنیکی مدد سے ، این پی سی بی سی آئی سی کے ساتھ ہندوستان کی وابستگی کی قیادت کرے گی اور صلاحیت سازی ، پیداواری صلاحیت میں اضافہ اور جدید مینوفیکچرنگ طریقوں کو اپنانے میں تعاون کرے گی ۔

اس تقریب کی صدارت ڈی پی آئی آئی ٹی کے سیکریٹری جناب امر دیپ سنگھ بھاٹیا نے کی اور اس میں این پی سی کی ڈائریکٹر جنرل محترمہ نیرجا سیکھر، کے علاوہ ڈی پی آئی آئی ٹی ، ایم ایس ایم ای کی وزارت ، وزارت خارجہ کے سینئر اہلکار، ایو این آئی ڈی او کے نمائندے اور صنعت کے شراکت دار فیڈریشن آف انڈین چیمبرز آف کامرس اینڈ انڈسٹری (فکی) کے نمائندے بھی موجود تھے۔

****

ش ح۔ ع  ح۔ ش ت

U NO:-1569