প্রধান মন্ত্রি শ্রী নরেন্দ্র মোদীনা ঙসি পার্লিয়ামেন্ততা ইং কুমজা লিশিং অনিগা কুন তরুক্কীকী বজেৎ সেসন হৌদ্রিঙৈগী মমাংদা মীদিয়াদা ৱা ঙাংখি। প্রধানমন্ত্রী ৱাফম অসি ফোংদোকখি মদুদি রাস্ত্রপতিগী ৱারোল অসি নাগরিক কোতি চামগা নিফুগী থাজবা উৎপা অমনি, মখোয়গী কন্না হোৎনবগী একাওন্ত অমনি অমসুং নহাশিংগী অপাম্বশিংগী অকক্নবা মমী অমনি। মহাক্না ফোংদোকখি মদুদি রাস্ত্রপতিনা পার্লিয়ামেন্তকী মেম্বর পুম্নমক্কি মমাংদা সেসন অসি য়াম্না হৌরকপদা অমসুং চহি লিশিং অনিগা কুন তরুক্কী গাইদলাইন পোইন্ত কয়া অমা থমখি, শ্রী মোদীনা হায়খি মদুদি রাস্ত্রপতিনা ইচম চম্বা ৱাহৈশিংদা ফোংদোকখিবা এস্পিরেসনশিং অদু, রাজ্যগী লুচিংবা অমা ওইনা, শোইদনা এম.পি. মহাক্না অকনবা ৱাফম থমখি মদুদি মসি বজেৎ সেসন্নি, মসিনা কুনমাথোইশুবা চহিচাগী অহানবা মশুং লোইশিনবা অমসুং অনিশুবা মশুং হৌরকপগী খুদমনি। লিশিং অনিগা নিফু তরেৎফাওবদা চাওখৎলবা ভারতকী পান্দম অদু ফংনবা মথংগী চহি কুনমঙা অসি য়াম্না মরু ওই হায়না মহাক্না ফোংদোকখি, অমসুং মসিগী বজেৎ অসি চহিচা অসিগী অনিশুবা চয়োলগী অহানবা চহিনি। প্রধানমন্ত্রী নোৎ তৌখি মদুদি লৈবাক অসিগী অহানবা নুপী ফাইনান্স মীনিস্তর নির্মলা সিতারমন্না থংন-থংননা অনিশুবা ওইনা বজেৎ অসি ভারতকী পার্লিয়ামেন্তরি হিস্ত্রিদা রেজিস্তর তৌরি ।

চহি অসি য়াম্না পোজিতিব ওইবা ইনোৎ অমদা হৌরকপনি, থাজবা য়াবা ভারত অমনা মালেমগীদমক আশাগী রেই অমা ওইনা অমসুং পুক্ণিং চিংশিনবগী সেন্তর অমা ওইনা থোরক্লে হায়না ফোংদোক্লদুনা শ্রী মোদীনা ৱাফম অসি ফোংদোকখি মদুদি থা তরুক্কি হৌরকপদা ভারত অমসুং য়ুরোপিয়ন য়ুনিয়নগী মরক্তা ফ্রি ত্রেদ এগ্রিমেন্ত অসিনা ভারতকী নহাশিংগী মঙাল নাইরবা তুংলমচৎ অমসুং মাংদা লৈরিবা থাজনিংঙাই ওইবা মায়কৈশিং অদু উৎলি। মহাক্না অকনবা ৱাফম থমখি মদুদি মসিগী য়ানচে অসি অপাম্বা ভারত অমগীদমক, অপাম্বা নহাশিংগীদমক, অমসুং আত্মনিরভর ভারত অমগীদমক ফ্রি ত্রেদনি। প্রধানমন্ত্রী অচেৎপা থাজবা ফোংদোকখি মদুদি ভারতকী মেন্যুফেকচররশিংনা মখোয়গী কেপাসিতী হেঙ্গৎহন্নবা খুদোংচাবা অসি লৌশিনগনি। মহাক্না প্রদ্যুসর পুম্নমক্তা তকশিনখি মদুদি ভারত অমসুং য়ুরোপিয়ন য়ুনিয়নগী মরক্তা “মাদর ওফ ওল দিল” হায়না কৌরিবা অসিগা লোয়ননা হৌজিক অচৌবা মার্কেৎ অমা হাংদোক্লে, অমসুং ভারতকী পোৎলমশিং মফম অদুদা হেন্না ণেম্বা মমলদা য়ৌরগনি। মহাক্না চেকশিনৱা হায়খি মদুদি ইন্দস্তরিগী লুচিংবশিং অমসুং মেন্যুফেকচররশিংনা ৱাখল নুংঙাইনা লৈরোইদবনি, মদুগী মহুত্তা ক্বালিতিদা মীৎযেং থমগদবনি। মহাক্না অকনবা ৱাফম থমখি মদুদি খ্বাইদগী ফবা মগুন লৈবা পোত্থোকশিংগা লোয়ননা ওপন মার্কেৎ অসিদা চংলকপনা ই.য়ু.গী লৈবাক কুনতরেত্তগী পোৎ অরৈবশিংদগী শেন্দোং ফংবতা নত্তনা মখোয়গী থম্মোয়সু শুমহত্তুনা চহি তরাগী খুজিং কয়াদগী মতম শাংনা চৎনগদবা ইম্পেক্তা অমা পিগনি। মহাক্না নোৎ তৌখি মদুদি জাতিগী ব্রান্দগা লোয়ননা কম্পেনিশিংগী ব্রান্দশিংনা অনৌবা মিংচৎ অমা শেমগৎলগনি। শ্রী মোদীনা অকনবা ৱাফম থমখি মদুদি লৈবাক কুন তরেৎকা লোয়ননা য়ানখিবা অসিনা ভারতকী ঙামীশিং, লৌমীশিং, নহাশিং, অমসুং মালেমগী ওইবা লম্বিশিং থিজিন্নবা ৱাশক লৌরিবা সর্ভিশ সেক্তরদা লৈরিবা মীওইশিংগীদমক অচৌবা খুদোংচাবা কয়া অমা পুরকই। মহাক্না থাজবা ফোংদোকখি মদুদি মসিনা থাজবা য়াবা, চাংদম্নবা ঙম্বা, অমসুং পোত্থোক লৈবা ভারতকী মায়কৈদা মরুওইবা খোঙথাং অমা ওইরি।

প্রধানমন্ত্রী পনখি মদুদি জাতিগী পুক্ণিং অসি মহৌছানা বজেৎকী মায়কৈদা ওন্ঠোক্লবছু, সরকার অসিগী মশক তাকপা অসি রিফোর্ম, পরফোর্ম, অমসুং ত্রান্সফোর্ম ওইদুনা লাকলি। মহাক্না ফোংদোকখি মদুদি জাতি অসিনা হৌজিক রিফোর্ম এক্সপ্রেসতা খোংজেল য়াংনা চংশিল্লি, অমসুং রিফোর্মগী খোংচৎ অসি খোংজেল য়াংখৎহন্নবা মখোয়গী পোজিতিব ইইনর্জী কন্ত্রিব্যুৎ তৌবগীদমক পার্লিয়ামেন্তকী মেম্বর পুম্নমকপু থাগৎপা ফোংদোকখি। মহাক্না ফোংদোকখি মদুদি লৈবাক অসিনা মতম শাংনা লেপ্লিবা সমছ্যাশিংদগী লাপ্ণা লৈদুনা মতম শাংনা চৎকদবা সোলুসনশিংগী মায়কৈদা চংশিল্লি, মদুনা প্রিদিক্তােবিলিতি শেমগৎলি অমসুং মালেমগী থাজবা হেনগৎহল্লি। শ্রী মোদীনা অকনবা ৱাফম থমখি মদুদি ণেছ্ণেল প্রোগ্রেসতা পান্দম থম্লিবা ৱারেপ খুদিংমক মীওইবা কেন্দ্র ওইনা লৈরি। মহাক্না অন্দরলাইন তৌখি মদুদি ভারতনা তেক্নোলোজিগা চাংদম্নবা, এবজোর্ব তৌবা, অমসুং মসিগী শক্তি অসি য়াবা মতমদা, সরকারনা কৈদৌঙৈদসু মীওইবদা য়ুম্ফম ওইবা সিস্তেমশিংদা কম্প্রোমায়জ তৌরোই, তেক্নোলোজি অমসুং সেন্সিতিবিতীগা বেলেন্স তৌবা মীৎযেং অমগা লোয়ননা মাংলোমদা চংশিল্লি। মহাক্না নোৎ তৌখি মদুদি ক্রিতিকেলশিং ফাওবা সরকারনা লাস্ত মাইল দেলিবরিদা মীৎযেং থম্লিবা অসি য়াজৈ, স্কীমশিং অসি ফাইল খক্তদা নত্তনা পুন্সীদা য়ৌহনবা ঙমহল্লি। মহাক্না অকনবা ৱাফম থমখি মদুদি মসিগী চৎনবি অসি রিফোর্ম এক্সপ্রেসতা মথংগী মীরোলগী রিফোর্মশিংগা লোয়ননা মখা চত্থগনি। প্রধানমন্ত্রী ফোংদোকখি মদুদি ভারতকী গনতন্ত্র অমসুং দেমোগ্রাফি অসি ঙসি মালেমগীদমক অচৌবা আশা অমা ওইরে, অমসুং গনতন্ত্রগী মন্দির অসিদা ভারতনা পাঙ্গল, গনতন্ত্রদা ৱাশক চেৎপা, অমসুং গনতন্ত্রগী থৌওংশিংগী খুত্থাংদা লৌখিবা ৱারেপশিংবু ইকায় খুম্নবগী পাওজেল অমা পিনবগী খুদোংচাবা অমা ফংলে- মালেম শিনবা থুংনা তরাম্না ওকপা অমসুং য়ানবা পাওজেলশিং। শ্রী মোদীনা অকনবা ৱাফম থমখি মদুদি হৌজিক্কি মতম অসি অথিংবা থম্নবগীদমক নত্তে অদুবু সোলুসনগীদমক্তনি, অথিংবশিংগীদমক নত্তে অদুবু ৱারোইশিন পুরক্নবগীদমক্তনি। মহাক্না সংসদকী মেম্বর খুদিংমক্তা সোলুসনশিংগী মতম অসি খোংজেল য়াংশিলহন্নবা, ৱারেপশিংদা শক্তি পিনবা, অমসুং লাস্ত মাইল দেলিবরি মায় পাক্না মাংলোমদা পুখৎপদা শরুক য়ানবা কৌখি। মহাক্না পুম্নমকপু থম্মোয় শেংনা থাগৎপা অমসুং য়াইফ-পাওজেল পিদুনা লোইশিনখি।

Speaking at the start of the Budget Session of Parliament. May both Houses witness meaningful discussions on empowering citizens and accelerating India’s development journey. https://t.co/tGqFvc4gup

— Narendra Modi (@narendramodi) January 29, 2026

***