خزانہ  اورکارپوریٹ امورکی مرکزی وزیر محترمہ نرملاسیتا رمن کے  ذریعہ آج  پارلیمنٹ میں پیش کیے گئےاقتصادی جائزہ  26-2025 میں کہاگیا ہے کہ پی ایل آئی اسکیم سے بڑی اسمارٹ فون کمپنیوں کو اپنی پیداواری اکائیوں کو ہندوستان میں منتقل کرنے کی حوصلہ افزائی ہوئی ہے ۔  اس کے نتیجے میں ، ہندوستان موبائل فون مینوفیکچرنگ کا ایک بڑا مرکز بن گیا ہے۔

اقتصادی جائزے کے مطابق، ہندوستان کے ‘آتم نربھر بھارت’ کے وژن کے تحت ، پیداوار سے منسلکہ ترغیبات(پی ایل آئی)اسکیم2020 میں شروع کی گئی تھی اور اب یہ 1.97 لاکھ کروڑ روپے کے اخراجات کے ساتھ 14 اہم شعبوں میں پھیل چکی ہے ۔  ستمبر 2025 تک ، پی ایل آئی اسکیم کے تحت ، 2.0 لاکھ کروڑ روپے سے زیادہ کی سرمایہ کاری ہوئی ہے ، جس سے 18.70 لاکھ کروڑ روپے سے زیادہ کی پیداوار/فروخت میں اضافہ ہوا ہے اور 12.60 لاکھ سے زیادہ (براہ راست اور بالواسطہ) روزگار پیدا ہوئے ہیں ۔

اقتصادی جائزہ2026-2025 کے مطابق ، 12 شعبوں میں 23,946 کروڑ روپے کی مجموعی ترغیبات فراہم کی گئی ہیں ، جس میں تمام 14 شعبوں کی 806 درخواستیں منظور کی گئی ہیں ۔  جائزے میں مزید کہا گیا ہے کہ پی ایل آئی اسکیموں کے تحت برآمدات 8.20 لاکھ کروڑ روپے سے تجاوز کر گئی ہیں ، جو الیکٹرانکس ، دواسازی ، اور ٹیلی کام اور نیٹ ورکنگ مصنوعات جیسے شعبوں کی برآمدات نمایاں ہیں ۔  پی ایل آئی کی تکمیل کرتے ہوئے ، نیشنل مینوفیکچرنگ مشن (این ایم ایم) کا اعلان مرکزی بجٹ 26-2025 میں کیا گیا تھا ۔

اقتصادی جائزے کے مطابق ، ’’مرکزی بجٹ  26-2025 میں اعلان کردہ نیشنل مشن آن مینوفیکچرنگ (این ایم ایم) ، اگلی دہائی میں ہندوستان کی صنعتی ترقی اور عالمی مسابقت کو تیز کرنے کے  واسطے بنیادی پالیسی کا خاکہ پیش کرتا ہے‘‘ ۔

بڑے پیمانے پر اختراعات کی مالی اعانت کے لیے ، حکومت نے نئے ریسرچ ، ڈیولپمنٹ اینڈ انوویشن (آر ڈی آئی) فنڈ کا بھی اعلان کیا جس کے تحت چھ سالوں میں کل 1 لاکھ کروڑ روپے اور مالی سال 26 کے لیے 20,000 کروڑ روپے مختص کیے گئے ہیں ۔  اے این آر ایف ایکٹ 2023 کے تحت انوسندھان نیشنل ریسرچ فاؤنڈیشن (اے این آر ایف) کا قیام ہندوستان کی تحقیق و ترقی کو آگے بڑھانے والی بڑی ادارہ جاتی اصلاح ہے اور اس کا مقصد مذکورہ بالا چیلنجوں سے نمٹنا ہے ۔  اے این آر ایف کا مقصد صنعت ، تعلیمی اداروں اور حکومت میں اسٹریٹجک سمت سازی ، مسابقتی فنڈنگ کے مواقع اور تعاون کے راستے فراہم کرنا ہے ۔

اقتصادی جائزے 26-2025 کے مطابق ، ہندوستان کی تحقیقی اور اختراعی ماحولیاتی نظام گزشتہ برسوں میں نمایاں طور پر مضبوط ہوا ہے ۔  گلوبل انوویشن انڈیکس (جی آئی آئی) میں ملک کا درجہ2019 میں 66 ویں سے بہتر ہوکر 2025 میں38 ویں نمبر پر آگیا ہے ۔  اس سے ہندوستان نچلے درمیانی آمدنی والے ملک کے زمرے کی درجہ بندی میں سرفہرست ہے اور وسطی اور جنوبی ایشیا کے خطے میں پہلے نمبر پر ہے ۔  مزید برآں ، بنگلور ، دہلی اور ممبئی دنیا کے 50 سب سے زیادہ اختراعی کلسٹروں میں شامل ہیں اور مجموعی طور پر ملک کی اختراعی پیداوار میں نمایاں اضافہ ریکارڈ کیا گیا ہے ۔

اقتصادی جائزے میں کہا گیا ہے کہ املاک دانش(آئی پی) میں اہم عالمی مرکز کے طور پر ابھرتا ہوا ہندوستان 2024 میں عالمی فائلنگ کے لحاظ سے ٹریڈ مارک میں چوتھے ، پیٹنٹ میں چھٹے اور صنعتی ڈیزائن میں ساتویں نمبر پر ہے ۔  مالی سال 20 سے مالی سال 25 تک ، پیٹنٹ کی درخواستیں تقریباً دگنی ہو گئیں ، اور ٹریڈ مارک کے رجسٹریشن میں 1.5 گنا اضافہ ہوا ہے۔  رجسٹرڈ ڈیزائن میں 2.5 گنا اضافہ ہواہے ۔  ورلڈ انٹلیکچوئل پراپرٹی آرگنائزیشن (ڈبلیو آئی پی او)نے اپنی کاروباری پالیسیوں اور کاروباری ثقافت کے لیے ہندوستان کو عالمی سطح پر 12 ویں نمبر پر رکھا ہے ۔  2016 میں اسٹارٹ اپ انڈیا پہل شروعات سے ، ڈی پی آئی آئی ٹی سے تسلیم شدہ اسٹارٹ اپس کی تعداد 500 سے بڑھ کر 2025 تک تقریبا2 لاکھ سے زیادہ ہو گئی ہے ۔

اقتصادی جائزہ 26-2025 میں کہا گیا ہے کہ اگست 2025 تک ، 6 ریاستوں میں تقریباً 1.60 لاکھ کروڑ روپے کی مجموعی سرمایہ کاری کے ساتھ 10 سیمی کنڈکٹر مینوفیکچرنگ اور پیکیجنگ پروجیکٹس کو منظوری دی گئی ہے ۔  اس کے علاوہ ، ریاستی حکومتوں نے بھی قومی فریم ورک کی تکمیل شروع کر دی ہے ، جس میں اڈیشہ کی سیمی کنڈکٹر مینوفیکچرنگ اور فاب لیس پالیسی جیسے اقدامات سے اضافی ترغیبات اور ادارہ جاتی مدد فراہم ہوتی ہے ۔

ساختی کمزوریوں کو دور کرنے اوراستحکام پیدا کرنے کے واسطے، خود کفیل ہندوستان کے لیے انڈیا سیمی کنڈکٹر مشن کے تحت ، حکومت ہند نے اینڈ ٹو اینڈ گھریلو سیمی کنڈکٹر سسٹم تیار کرنے کے لیے مربوط اقدامات کا ایک سلسلہ شروع کیا ہے ۔

انڈیا سیمی کنڈکٹر مشن اور سیمیکان انڈیا پروگرام اس حکمت عملی کا بنیادی حصہ ہیں ، جسے 76,000 کروڑ روپے کے ترغیبی فریم ورک کی حمایت حاصل ہے جس کا مقصد ڈیزائن ، اسمبلی ، ٹیسٹنگ ، مارکنگ اور پیکیجنگ کی سہولیات میں سرمایہ کاری کو متحرک کرنا ہے ۔  ان پروگراموں کے تحت ، چار ہدف بند اسکیمیں شروع کی گئی ہیں ، جن میں سے ہر ایک کے تحت سیمی کنڈکٹر اور ڈسپلے فیب ، کمپاؤنڈ سیمی کنڈکٹر سہولیات ، اور آؤٹ سورس سیمی کنڈکٹر اسمبلی اور ٹیسٹنگ یونٹس کے لیے پروجیکٹ لاگت/کیپکس کے 50 فیصد تک مالی مدد فراہم ہوتی ہے ، اس کے ساتھ ساتھ گھریلو چپ ڈیزائن کی حوصلہ افزائی کے لیے سرشار ڈیزائن سے منسلکہ ترغیبی اسکیم بھی شامل ہے ۔

****

 (ش ح –م ش ع۔اش ق)

UR-ES- 10