गृह मंत्रालय
महाराष्ट्राचे उपमुख्यमंत्री अजित पवार यांच्या निधनाबद्दल केंद्रीय गृह आणि सहकार मंत्री अमित शाह यांनी तीव्र दुःख व्यक्त केले
गेल्या साडेतीन दशकांत अजित पवार यांनी महाराष्ट्रातील समाजाच्या प्रत्येक घटकाच्या कल्याणासाठी स्वतःला समर्पित केले
त्यांच्या निधनाने माझे वैयक्तिक नुकसान झाले आहे, मी पवार कुटुंबाप्रति सहवेदना व्यक्त करतो
या दुःखाच्या प्रसंगी आम्ही शोकाकुल पवार कुटुंबाबरोबर आहोत
प्रविष्टि तिथि:
28 JAN 2026 5:30PM by PIB Mumbai
नवी दिल्ली, 28 जानेवारी 2026
महाराष्ट्राचे उपमुख्यमंत्री अजित पवार यांच्या निधनाबद्दल केंद्रीय गृह आणि सहकार मंत्री अमित शाह यांनी तीव्र शोक व्यक्त केला आहे. गेल्या साडेतीन दशकांमध्ये अजित पवार यांनी ज्या पद्धतीने महाराष्ट्रात समाजाच्या प्रत्येक घटकाच्या कल्याणासाठी स्वतःला वाहून घेतले, ते शब्दात व्यक्त करता येणार नाही, असे त्यांनी म्हटले आहे.
'एक्स' वरील एका पोस्टमध्ये अमित शाह म्हणाले, "महाराष्ट्राचे उपमुख्यमंत्री आणि एनडीए मधील आमचे ज्येष्ठ सहकारी अजित पवार यांच्या आज झालेल्या अपघाती मृत्यूच्या बातमीने मी व्यथित झालो आहे. गेल्या साडेतीन दशकांमध्ये अजित पवार यांनी ज्या पद्धतीने महाराष्ट्रात समाजाच्या प्रत्येक घटकाच्या कल्याणासाठी स्वतःला वाहून घेतले, ते शब्दात व्यक्त करता येणार नाही. आम्ही जेव्हा भेटायचो तेव्हा ते महाराष्ट्रातील जनतेच्या कल्याणाशी संबंधित अनेक मुद्यांवर दीर्घ काळ चर्चा करायचे. त्यांच्या निधनाने केवळ एनडीए परिवाराचे नव्हे, तर माझे वैयक्तिक नुकसान झाले आहे. पवार कुटुंबाप्रति मी सहवेदना व्यक्त करतो. या दु:खाच्या प्रसंगी संपूर्ण एनडीए परिवार शोकाकुल पवार कुटुंबाबरोबर आहे. ईश्वर दिवंगत आत्म्याला आपल्या दिव्य चरणी स्थान देवो. ओम शांती, शांती, शांती.”
* * *
शैलेश पाटील/राजश्री आगाशे/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2219694)
आगंतुक पटल : 24