28.01.2026 ರಂದು, ʻವಿಟಿ-ಎಸ್ಎಸ್‌ಕೆʼ ನೋಂದಣಿ ಹೊಂದಿರುವ ʻಮೆಸರ್ಸ್ ವಿಎಸ್ಆರ್ ವೆಂಚರ್ಸ್ ಪ್ರೈವೇಟ್ ಲಿಮಿಟೆಡ್ʼ ಸಂಸ್ಥೆಗೆ ಸೇರಿದ ʻಲಿಯರ್‌ಜೆಟ್ 45ʼ ವಿಮಾನವು ಬಾರಾಮತಿಯಲ್ಲಿ ಅಪಘಾತಕ್ಕೀಡಾಗಿದೆ. "ಮುಂಬೈ-ಬಾರಾಮತಿ" ಸೆಕ್ಟರ್‌ನಲ್ಲಿ ವಿಮಾನವನ್ನು ಕಾರ್ಯಾಚರಣೆ ಮಾಡುವಾಗ ಅದು ಪತನಗೊಂಡಿದೆ. ವಿಮಾನದಲ್ಲಿ ಇಬ್ಬರು ಸಿಬ್ಬಂದಿ ಸೇರಿದಂತೆ ಒಟ್ಟು 05 ಜನರು ಇದ್ದರು. ಪ್ರಯಾಣಿಕರಲ್ಲಿ ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ಶ್ರೀ ಅಜಿತ್ ಪವಾರ್ ಸೇರಿದ್ದಾರೆ. ವಿಮಾನದಲ್ಲಿದ್ದ ಎಲ್ಲಾ ಪ್ರಯಾಣಿಕರು ಗಂಭೀರವಾಗಿ ಗಾಯಗೊಂಡು ಮರಣಿಸಿದ್ದಾರೆ.

ಸಂಸ್ಥೆ ಮಾಹಿತಿ:

• ಮೆಸರ್ಸ್ ವಿಎಸ್ಆರ್ ವೆಂಚರ್ಸ್ ಒಂದು ಅನುಸೂಚಿತವಲ್ಲದ ಆಪರೇಟರ್ (ಎನ್ಎಸ್ಒಪಿ), ಪರವಾನಗಿ ಸಂಖ್ಯೆ 07/2014,
• ಆರಂಭಿಕ ʻಎಒಪಿʼಯನ್ನು 21.04.2014 ರಂದು ನೀಡಲಾಗಿದೆ
• ʻಎಒಪಿʼಯನ್ನು ಕೊನೆಯದಾಗಿ 03.04.2023 ರಂದು ನವೀಕರಿಸಲಾಗಿದೆ ಮತ್ತು 20.04.2028 ರವರೆಗೆ ಅದು ಮಾನ್ಯತೆ ಹೊಂದಿದೆ
• ಕಾರ್ಯಾಚರಣೆಯಲ್ಲಿರುವ ವಿಮಾನಗಳ ಸಂಖ್ಯೆ: ಹದಿನೇಳು (17).

ಕಾರ್ಯಾಚರಣೆಯಲ್ಲಿರುವ ವಿಮಾನಗಳಲ್ಲಿ ಏಳು (07) ʻಲಿಯರ್‌ಜೆಟ್ 45ʼ ವಿಮಾನಗಳು (ಒಂದು ಅಪಘಾತದಲ್ಲಿ ಭಾಗಿ), ಐದು ʻಎಂಬ್ರೇರ್ 135 ಬಿಜೆʼ ವಿಮಾನಗಳು, ನಾಲ್ಕು ʻಕಿಂಗ್ ಏರ್‌ಬಿ 200ʼ ವಿಮಾನಗಳು ಮತ್ತು ಒಂದು ʻಪಿಲಾಟಸ್ ಪಿಸಿ -12ʼ ವಿಮಾನ ಸೇರಿವೆ.

• ಡಿಜಿಸಿಎ ವತಿಯಿಂದ ನಿಯಂತ್ರಕ ಲೆಕ್ಕಪರಿಶೋಧನೆಯನ್ನು ಕೊನೆಯ ಬಾರಿಗೆ ಫೆಬ್ರವರಿ 2025ರಲ್ಲಿ ನಡೆಸಲಾಗಿದೆ ಮತ್ತು ಯಾವುದೇ ʻಹಂತ-1ʼ ಶೋಧನೆಯನ್ನು ನೀಡಲಾಗಿಲ್ಲ.
• 14.09.2023ರಂದು, ಕಂಪನಿಯ ವಿಮಾನಗಳಲ್ಲಿ ಒಂದಾದ, ʻವಿಟಿ-ಡಿಬಿಎಲ್ʼ ನೋಂದಣಿ ಹೊಂದಿರುವ ʻಲಿಯರ್‌ಜೆಟ್ 45ʼ ವಿಮಾನವು ಮುಂಬೈ ವಿಮಾನ ನಿಲ್ದಾಣದಲ್ಲಿ ಇಳಿಯುವಾಗ ಅಪಘಾತಕ್ಕೀಡಾಗಿದೆ. ಅಪಘಾತದ ಬಗ್ಗೆ ʻಎಎಐಬಿʼ ತನಿಖೆ ನಡೆಸುತ್ತಿದೆ.

26.01.2026 ರಂತೆ ವಿಮಾನದ ವಿವರ:

• ವಿಮಾನ ನೋಂದಣಿ ಸಂಖ್ಯೆ:                          ವಿಟಿ-ಎಸ್ಎಸ್‌ಕೆ-
• ತಯಾರಾದ ವರ್ಷ:                                        2010
• ನೋಂದಣಿ ಪ್ರಮಾಣಪತ್ರ ನೀಡಿದ ದಿನಾಂಕ:         27/12/2022
• ಹಾರಾಟ ಅರ್ಹತೆ ಪ್ರಮಾಣಪತ್ರ ವಿತರಣೆ ದಿನಾಂಕ:16/12/2021
• ಎಆರ್‌ಸಿ ವಿತರಿಸಿದ ದಿನಾಂಕ:                           10/09/2025 ಇದು 14/09/2026 ರವರೆಗೆ ಮಾನ್ಯ
• ಟೈಮ್‌ ಸಿನ್ಸ್‌ ನ್ಯೂ(ಟಿಎಸ್ಎನ್) / ಸೈಕಲ್ಸ್‌ ಸಿನ್ಸ್‌ ನ್ಯೂ (ಸಿಎಸ್ಎನ್): 4915:48 / 5867
• ಕೊನೆಯ ಎಆರ್‌ಸಿ(ಏರ್ ವರ್ಥಿನೆಸ್ ರಿವ್ಯೂ) ಬಳಿಕ ಆದ ಸಮಯ: 85:49 ಗಂಟೆಗಳು

ಎಂಜಿನ್ ವಿವರಗಳು

ಎಂಜಿನ್ ಪ್ರಕಾರ: ಟಿಎಫ್‌ಇ731-20ಬಿಆರ್‌ (TFE731-20BR)

ಎಲ್‌ಎಚ್‌ಎಸ್ ಎಂಜಿನ್ ಗಂಟೆಗಳು / ಸೈಕಲ್‌ಗಳು: 4915: 48 / 5965

ಆರ್‌ಎಚ್‌ಎಸ್ ಎಂಜಿನ್ ಗಂಟೆಗಳು / ಸೈಕಲ್‌ಗಳು: 4526: 44 / 5426

ಸಿಬ್ಬಂದಿ ಮಾಹಿತಿ

ಮುಖ್ಯ ಪೈಲಟ್‌(ಪಿಐಸಿ):              ಎಟಿಪಿಎಲ್ ಹೋಲ್ಡರ್

ಹಾರಾಟದ ಸಮಯ:                     15000 ಗಂಟೆಗಳಿಗಿಂತ ಹೆಚ್ಚು

ಕೊನೆಯ ವೈದ್ಯಕೀಯ ಪರೀಕ್ಷೆಯ ದಿನಾಂಕ: 19.11.2025 ಮತ್ತು 19.05.2026 ರವರೆಗೆ ಮಾನ್ಯವಾಗಿರುತ್ತದೆ

ಕೊನೆಯ ಐಆರ್/ಪಿಪಿಸಿ ದಿನಾಂಕ: 18.08.2025

ಸಹ-ಪೈಲಟ್: ಸಿಪಿಎಲ್ ಹೋಲ್ಡರ್

ಹಾರಾಟದ ಗಂಟೆಗಳು: 1500 ಗಂಟೆಗಳು (ಅಂದಾಜು)

ಕೊನೆಯ ವೈದ್ಯಕೀಯ ಪರೀಕ್ಷೆಯ ದಿನಾಂಕ: 12.07.2025, 24.07.2026 ರವರೆಗೆ ಮಾನ್ಯವಾಗಿರುತ್ತದೆ

ಕೊನೆಯ ಐಆರ್/ಪಿಪಿಸಿ ದಿನಾಂಕ 22.07.2025

ಅಪಘಾತಕ್ಕೆ ಕಾರಣವಾಗುವ ಘಟನೆಯ ಅನುಕ್ರಮ:

ಬಾರಾಮತಿ ಅನಿಯಂತ್ರಿತ ವಾಯುನೆಲೆಯಾಗಿದೆ ಮತ್ತು ಬಾರಾಮತಿಯ ಫ್ಲೈಯಿಂಗ್ ತರಬೇತಿ ಸಂಸ್ಥೆಗಳ ಬೋಧಕರು / ಪೈಲಟ್‌ಗಳು ಸಂಚಾರ ಮಾಹಿತಿಯನ್ನು ಒದಗಿಸುತ್ತಾರೆ. ʻಎಟಿಸಿʼಯನ್ನು ನಿರ್ವಹಿಸುತ್ತಿರುವ ವ್ಯಕ್ತಿಯ ಹೇಳಿಕೆಯ ಪ್ರಕಾರ, ಘಟನೆಗಳ ಅನುಕ್ರಮವು ಈ ಕೆಳಗಿನಂತಿದೆ:

• 2026ರ ಜನವರಿ 28 ರಂದು ಭಾರತೀಯ ಕಾಲಮಾನ ಬೆಳಗ್ಗೆ 08.18ಕ್ಕೆ ವಿಟಿ-ಎಸ್‌ಎಸ್‌ಕೆ ವಿಮಾನವು ಮೊದಲ ಬಾರಿಗೆ ಬಾರಾಮತಿಯೊಂದಿಗೆ ಸಂಪರ್ಕಕ್ಕೆ ಬಂದಿತು.

• ವಿಮಾನದ ಮುಂದಿನ ಕರೆಯನ್ನು ಅದು ಬಾರಾಮತಿ ಮಾರ್ಗಯತ್ತ 30 ನಾಟಿಕಲ್‌ ಮೈಲ್ಸ್‌ (ಎನ್‌ಎಂ) ದೂರದಲ್ಲಿದ್ದಾಗ ಮತ್ತು ಪುಣೆ ಮಾರ್ಗದಿಂದ ಕಳುಹಿಸಲಾಯಿತು. ಪೈಲಟ್‌ನ ವಿವೇಚನೆಗೆ ಅನುಗುಣವಾಗಿ ದೃಶ್ಯ ಹವಾಮಾನ ಪರಿಸ್ಥಿತಿಗಳಲ್ಲಿ ಇಳಿಯಲು ಅವರಿಗೆ ಸಲಹೆ ನೀಡಲಾಯಿತು.
• ವಿಮಾನದ ಸಿಬ್ಬಂದಿಯು ಗಾಳಿ ಮತ್ತು ಗೋಚರತೆಯ ಬಗ್ಗೆ ವಿಚಾರಿಸಿದರು. ಗಾಳಿ ಶಾಂತವಾಗಿದೆ ಮತ್ತು ಗೋಚರತೆ ಸುಮಾರು 3000 ಮೀಟರ್ ಎಂದು ಅವರಿಗೆ ತಿಳಿಸಲಾಯಿತು.
• ಮುಂದೆ ವಿಮಾನವು ರನ್‌ವೇ 11ರ ಸಮೀಪದಕ್ಕೆ ಬಂದಿತು ಆದರೆ, ರನ್ ವೇ ಅವರಿಗೆ ಕಾಣಲಿಲ್ಲ. ಹೀಗಾಗಿ ಮೊದಲ ಪ್ರಯತ್ನದಲ್ಲಿ ಇಳಿಯದೆ ಕೆಲಕಾಲ ಸುತ್ತಾಟ (ʻಗೋ-ಅರೌಂಡ್ʼ) ಪ್ರಾರಂಭಿಸಿದರು.
• ಕೆಲಕಾಲ ಸುತ್ತಾಟದ ನಂತರ, ವಿಮಾನದ ಸ್ಥಾನದ ಬಗ್ಗೆ ಕೇಳಲಾಯಿತು ಮತ್ತು ಸಿಬ್ಬಂದಿ ರನ್ ವೇ 11ರ ಬಳಿ ಇರುವುದಾಗಿ ವರದಿ ಮಾಡಿದರು.
• ರನ್ ವೇ ಗೋಚರತೆ ಬಗ್ಗೆ ವರದಿ ಮಾಡಲು ಅವರನ್ನು ಕೇಳಲಾಯಿತು. "ರನ್‌ವೇ ಪ್ರಸ್ತುತ ಗೋಚರವಾಗುತ್ತಿಲ್ಲ, ರನ್‌ವೇ ಗೋಚರವಾದಾಗ ಕರೆ ಮಾಡುತ್ತೇವೆ" ಎಂದು ಅವರು ಉತ್ತರಿಸಿದರು. ಕೆಲವು ಸೆಕೆಂಡುಗಳ ನಂತರ ಅವರು ರನ್‌ವೇ ಗೋಚರಿಸುತ್ತಿದೆ ಎಂದು ವರದಿ ಮಾಡಿದರು.

• ಭಾರತೀಯ ಕಾಲಮಾನ ಬೆಳಗ್ಗೆ 08.43ಕ್ಕೆ ರನ್‌ವೇ 11ರಲ್ಲಿ ಇಳಿಯಲು ವಿಮಾನಕ್ಕೆ ಅನುಮತಿಸಲಾಯಿತು. ಆದಾಗ್ಯೂ, ಅವರು ಲ್ಯಾಂಡಿಂಗ್ ಕ್ಲಿಯರೆನ್ಸ್‌ನ ʻರೀಡ್ ಬ್ಯಾಕ್ʼ ನೀಡಲಿಲ್ಲ.
• ಮುಂದೆ, ಭಾರತೀಯ ಕಾಲಮಾನ 08.44ಕ್ಕೆ ರನ್‌ವೇ 11ರ ಬಳಿ ಬೆಂಕಿಯ ಜ್ವಾಲೆಗಳನ್ನು ಎಟಿಸಿ ಗಮನಿಸಿತು. ಕೂಡಲೇ ತುರ್ತು ಸೇವಾ ಪಡೆಗಳು ಅಪಘಾತದ ಸ್ಥಳಕ್ಕೆ ಧಾವಿಸಿದವು.
• ವಿಮಾನದ ಅವಶೇಷಗಳು ರನ್‌ವೇ 11ರ ಎಡಭಾಗದಲ್ಲಿ ಪತ್ತೆಯಾಗಿವೆ.

ʻಎಎಐಬಿʼ ತನಿಖೆಯನ್ನು ವಹಿಸಿಕೊಂಡಿದೆ.  ʻಎಎಐಬಿʼನ ಮಹಾ ನಿರ್ದೇಶಕರು (ಡಿಜಿ) ತನಿಖೆಗಾಗಿ ಅಪಘಾತದ ಸ್ಥಳಕ್ಕೆ ಧಾವಿಸುತ್ತಿದ್ದಾರೆ. ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ಲಭ್ಯವಾದಾಗ ಹಂಚಿಕೊಳ್ಳಲಾಗುವುದು.

*****