নমস্কার,

কেন্দ্রগী মন্ত্রীমন্দলগী ঐহাক্কী মরূপশিং, গোৱাগী মুখ্য মন্ত্রী, অতৈ মন্ত্রীগণ, এম্বেসেদর্স, সি.ই.ও.শিং, ইকাই খুম্নজবা মীথুংলেনশিং, অতৈ ময়াম পুম্নমকপু ঐহাক্না য়াইফ-পাউজেল পীজরি।

এনর্জী ৱিক্কী অনৌবা এদিসন অসিদা, মালেমগী লৈবাক ১০০ রোমগী মীহুৎশিং গোৱাদা শরুক য়ারি। অদোম্না ইনর্জী সেক্যুর অমসুং সস্তেনেবল ফ্যুচরগী মতাংদা খন্ননবা ভারত্তা লাক্লি। ঐহাক্না অদোম পুম্নমকপু তরাম্না ওকচরি, অদোমবু নুংঙাইবা ফোংদোকচরি।

মরুপশিং,

ইন্দিয়া ইনর্জী ৱিক অসি য়াম্না কুইদ্রিঙৈ মতমগী মনুংদা দাইলোগ অমসুং এক্সনগী গ্লোবেল প্লেৎফোর্ম অমা ওইদুনা থোরক্লে । ঙসি ভারত অসি ইনর্জী সেক্তরগীদমক অচৌবা খুদোংচাবশিংগী লমনি। ভারত অসি মালেমগী খ্বাইদগী খোংজেল য়াংনা চাউখৎলক্লিবা অচৌবা ইকোনোমী অমনি। হায়বদি, ঐখোয়গী মফমশিংদা ইনর্জী প্রদক্তশিংগী দিমান্দ লেপ্তনা হেনগৎলক্লি। মসিগী মথক্তা ভারতনা মালেমগী দিমান্দশিং মপুং ফাহনবগীদমক অফবা খুদোংচাবা পীরি। ঙসিদি ঐখোয়না মালেমদা পেট্রোলিয়ম পোত্থোক পুথোকপা খ্বাইদগী ৱাংবা লৈবাক মঙাগী মনুংদা অমা ওইরে। মালেমগী লৈবাক ১৫০দগী হেন্না ঐখোয়গী এক্সপোর্ত কভরেজ লৈরি। অমসুং ভারতকী অসিগুম্বা তৌবা ঙম্বশিং অসি অদোমগী য়াম্না কান্নগনি। মরম অদুনা, এনর্জী ৱিক্কী প্লেৎফোর্ম অসি ঐখোয়গী পার্তনরশিপশিং এক্সপ্লোর তৌনবগী য়াম্না ফবা মফম অমনি। ঐহাক্না অদোম পুম্নমকপু য়াইফ-পাউজেল পীজরি।

মরুপশিং,

ঐহাক্না অদোমগী ৱাফম মখা তানা পুখৎনবগীদমক চাউখৎ থৌরাংগী মতাংদা খন্ন-নৈনবগীদমক থাগৎচরি। ঙরাং ভারত অমসুং য়ুরোপিয়ন য়ুনিয়নগী মরক্তা য়াম্না চাউবা এগ্রীমেন্ত অমা তৌখি। মালেমদা মীওই কয়ানা মসিবু "মদর ওফ ওল দিল্স" হায়না খঙনরি। মসিগী এগ্রীমেন্ত অসিনা ভারতকী মীওই করোর ১৪০ অমসুং য়ুরোপিয়ন লৈবাকশিংগী মীওই করোর কয়াগীদমক অচৌবা খুদোংচাবা অমা পুরক্লি। মসিনা মালেমগী অচৌবা ইকোনোমী অনীগী মরক্তা লৈনরিবা মরী অসিগী অঙকপা খুদম অমা ওইরি। হায়রিবা এগ্রীমেন্ত অসিনা গ্লোবেল জি.দি.পি.গী চাউরাক্না ২৫% অমসুং গ্লোবেল ত্রেদকী চাউরাক্না শরুক অহুম থোকপগী শরুক অমা মহুৎ শিল্লি। য়ানচে অসিনা ত্রেদকা লোইননা দেমোক্রেসী অমসুং রুল ওফ লোগী মায়কৈদা ঐখোয়গী শেয়র তৌরিবা কম্মিৎমেন্ত অসিবুসু মপাঙ্গল কনখৎহল্লি।

মরুপশিং,

ই.য়ু.গা লোইননা ফ্রী ত্রেদ এগ্রীমেন্ত অসি য়ুনাইতেদ কিংদম অমসুং এপতাগী এগ্রীমেন্তশিংবু মপুং ফাহনগনি। মসিনা ত্রেদ অমসুং গ্লোবেল সপ্লাই চেন অনিমক মপাঙ্গল কনখৎহল্লগনি। মসিগীদমক্তা ভারতকী নহাশিং, লৈবাক মীয়াম পুম্নমকপু ঐনা থাগৎচরি। তেক্সতাইল, জেমস অমসুং জুৱেলরী, লেদর অমসুং জুতস, অসিগুম্বা সেক্তর খুদিংগা মরী লৈনবা মরুপশিংবু ঐনা থাগৎপা ফোংদোকচরি। মসিগী এগ্রীমেন্ত অসি অদোমগীদমক য়াম্না কান্নগনি।

মরুপশিং,

মসিগী ত্রেদ দেল অসিনা ভারত্তা মেনুফেকচরিংবু মপাঙ্গল কনখৎহনবতা নত্তনা সর্ভিসেসকা মরী লৈনবা সেক্তরবুসু হেন্না পাকথোক চাউথোকহনগনি। ফ্রী ত্রেদ এগ্রীমেন্ত অসিনা মালেমগী বিজিনেস অমসুং ইনভেস্তর খুদিংমক্না ভারতকীদমক থম্লিবা থাজবা অসি হেন্না মপাঙ্গল কনখৎহল্লগনি।

মরুপশিং,

ঙসি ভারতনা সেক্তর খুদিংমক্তা গ্লোবেল পার্তনরশিপকী মতাংদা থবক কয়া পায়খৎলি। ঐহাক্না ইনর্জী সেক্তরগী মতাংদা খন্নরবদি, মফম অসিদা ইনর্জী ভেল্যু চেনগা মরী লৈনবা তোঙান তোঙানবা সেক্তরশিংদা শেল থাদবগী ওইথোকপা কয়া লৈ। অদোম্না এক্সপ্লোরেসনগী লমদু লৌবিয়ু। ভারতনা এক্সপ্লোরেসন সেক্তরবু য়াম্না পাকথোক চাউথোকহনখ্রে। ঐখোয়গী দিপ-সী এক্সপ্লোরেসনগা মরী লৈনবা সমুদ্র মন্থন মিসনগী মতাংদসু অদোম্না খংলে। ঐখোয়না চহী অসিগী অরোইবা ফাওবদা ঐখোয়গী ওল এন্দ গ্যাস সেক্তরদা ইনভেস্তমেন্ত বিলিয়ন দোল্লর ১০০ য়ৌহন্নবা হোৎনরি। ঐখোয়গী পান্দমদি এক্সপ্লোরেসনগী লম অসি স্ক্বার কিলোমিতর মিলিয়ন অমা ফাওবা পাকথোক চাউথোকহনবনি। অসিগুম্বা ৱাখল্লোন অসিগা লোইননা ঐখোয়গী ব্লোক ১৭০ হেন্না এৱার্দ ফংখ্রে। অন্দমান অমসুং নিকোবরগী বেসিন অসি ঐখোয়গী মথংগী হাইদ্রোকার্বন হোপ ওইরক্লি।

মরুপশিং,

এক্সপ্লোরেশন সেক্তরদা ঐখোয়না চাউনা রিফোর্মশিংসু পায়খৎলি। নোগো এরিয়া অসি য়াম্না হন্থরকখি। ইন্দিয়া ইনর্জী ৱিক্কী মমাংগী এদিসনশিংদা অদোম্না পীরম্বা ৱাফমশিং অদুগী মতুং ইন্না ঐখোয়না ঐখোয়গী এক্তশিং অমসুং রুলশিংদসু অহোংবা পুরকখ্রে। করিগুম্বা নহাক্না এক্সপ্লোরেসন সেক্তরদা ইনভেস্ত তৌরবদি, নহাক্কী কম্পেনীগী প্রোফিতেবিলিতী হেনগৎলক্কনি।

মরুপশিং,

ভারতকী অতোপ্পা মগুন অমা হায়রগদি, মসিনা ইনর্জী সেক্তরদা শেল থাদবদা কান্নবা পী। ঐখোয়গী মফম অসিদা য়াম্না চাউবা রিফাইনিং কেপাসিতী লৈ। ঐখোয়না রিফাইনিং কেপাসিতীগী মতুং ইন্না মালেমদা অনিশুবদা লৈরি। অথুবা মতমদা ঐখোয়না মালেমদা অহানবা ওইগনি। ঙসি ভারতকী রিফাইনিং কেপাসিতী অসি এম.এম.তি.পি.এ. মসিবু এম.এম.তি.পি.এ. ৩০০গী মথক্তা পুখৎনবা লেপ্পা লৈতনা হোৎনরি। ইনভেস্তরশিংগীদমক্তা মসি অচৌবা খুদোংচাবা অমনি।

মরুপশিং,

ভারত্তা এল.এন.জি.গী দিমান্দসু লেপ্তনা হেনগৎলক্লি। ঐখোয়না ঐখোয়গী অপুনবা ইনর্জী দিমান্দগী ১৫% এল.এন.জি. মরম অসিনা ঐখোয়না এল.এন.জি.গী ভেল্যু চেন পুম্বদা থবক তৌবগী মথৌ তাই। ঙসি ভারতনা ত্রান্সপোর্তেসনগী লমদসু য়াম্না চাউনা থবক পায়খৎলি। এল.এন.জি. ত্রান্সপোর্তেসনগীদমক দরকার ওইবা ভেসেলশিং ঐখোয়না ভারত্তা শেমগৎনবা থবক পায়খৎলি। হৌখিবা মতমদা ভারত্তা শিপ বিল্দিংগীদমক লুপা করোর লিশিং তরেৎকী প্রোগ্রাম অমা হৌদোকখ্রে। লোয়ননা এল.এন.জি.গীদমক্তা লৈবাক অসিগী পোর্তশিংদা তর্মিনেলশিং শেমগৎপদা শেল থাদনবগী ওইথোকপা কয়া অমসু লৈরি। রি-গ্যাসিফিকেসনগা মরী লৈনবা প্রোজেক্তশিংদা শেল থাদনবগী অচৌবা খুদোংচাবা লৈরি।

মরুপশিং,

এল.এন.জি.গী ত্রান্সপোর্তেসনগীদমক ভারত্তা য়াম্না চাউবা পাইপলাইন অমা হৌজিক দরকার ওইরি। হৌখিবা চহিশিংদা ঐখোয়না মসিদা চাউনা শেন থাদখি। অদুম ওইনমক, অচৌবা শেন থাদনবগী খুদোংচাবা কয়া লৈরি। ঙসি ভারতকী শহর কয়াদা সিতী গ্যাস দিস্ত্রিব্যুসনগী নেৎৱার্ক য়ৌরে, অমসুং ঐখোয়না অতোপ্পা শহর কয়াদসু য়াংনা মসিগা শম্নহল্লি। সিতি গ্যাস দিস্ত্রিব্যুসন অসিসু অদোমগী ইনবেস্তমেন্তকীদমক য়াম্না নুংঙাইবা লম অমনি।

মরুপশিং,

ভারতকী মীশিং অসি য়াম্না চাওই, ঐখোয়গী ইকোনোমী অসি লেপ্তনা হেনগৎলক্লি। ভারত্তা পেত্রো কেমিকেল প্রদক্তশিংগী দিমান্দ অসি লেপ্তনা হেনগৎলক্লি। মরম অদুনা ঐখোয়না য়াম্না চাউবা ইনর্জী ইনফ্রাস্ত্রকচর মথৌ তাই। অমসুং মসিদসু অদোমগী ইনভেস্তমেন্তনা অদোমদা চাউনা চাউখৎপা পীরগনি। মসিগী খুদোংচাবশিং অসি নত্তনা ভারত্তা অদোমগী ইনভেস্তমেন্তকী খুদোংচাবা কয়া অমা লৈরি।

মরুপশিং,

ঙসিগী ভারত অসি রিফোর্মস এক্সপ্রেসতা চেনখ্রে অমসুং সেক্তর খুদিংদা খোঙজেল য়াংনা রিফোর্মশিং পাংথোক্লি। ঐখোয়না দোমেস্তিক হাইদ্রোকার্বনবু মপাঙ্গল কনখৎহন্নবা রিফোর্মশিং পাংথোক্লি, অমসুং গ্লোবেল কোলাবোরেসনগীদমক ত্রান্সপরেন্ত অমসুং ইনভেস্তর ফ্রেন্দলী এনভাইরনমেন্ত অমা শেমগৎলি। ভারতনা হৌজিক্তি ইনর্জী সিক্যুরিতিদগী হেন্দুনা ইনর্জী ইন্দিপেন্দেন্সকী মিসনদা থবক তৌরি। ভারতনা অসিগুম্বা ইনর্জী সেক্তর ইকোসিস্তেম অমা শেমগৎলি, মসিনা ভারতকী লোকেল দিমান্দ মপুং ফাহল্লগনি অমসুং অফোর্দেবল রিফাইনিং অমসুং ত্রান্সপোর্তেসন সোলুসনগী খুত্থাংদা মালেমদা এক্সপোর্ত তৌবদা য়াম্না কম্পিতিতিব ওইগনি।

মরুপশিং,

ঐখোয়গী ইনর্জী সেক্তর অসি ঐখোয়গী এস্পিরেসনশিংগী ময়াইদা লৈরি। মসিদা দোল্লর বিল্লিয়ন ৫০০গী ইনভেস্তমেন্তগী খুদোংচাবা লৈ। মরম অদুনা ঐহাক্না হায়জরি মদুদি মেক ইন ইন্দিয়া, ইনোভেৎ ইন ইন্দিয়া, স্কেল ৱিথ ইন্দিয়া, ইনভেস্ত ইন ইন্দিয়া। মসিগী অপেনবা অসিগা লোইননা ঐহাক্না অদোম পুম্নমকপু ইন্দিয়া ইনর্জী ৱিককীদমক য়াইফ-পাউজেল কয়া পীজরি।

অদোমবু হন্না হন্না থাগৎচরি।

***