ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਅੱਜ ਉੱਤਰਾਖੰਡ ਦੇ ਰਿਸ਼ੀਕੇਸ਼ ਵਿੱਚ ਗੀਤਾ ਪ੍ਰੈੱਸ ਦੁਆਰਾ ਪ੍ਰਕਾਸ਼ਿਤ ਮਾਸਿਕ ਪੱਤਰ ‘ਕਲਿਆਣ’ ਦੇ ਸ਼ਤਾਬਦੀ ਅੰਕ ਦੇ ਰਿਲੀਜ਼ ਸਮਾਰੋਹ ਨੂੰ ਸੰਬੋਧਨ ਕੀਤਾ। ਕੇਂਦਰੀ ਗ੍ਰਹਿ ਮੰਤਰੀ ਨੇ ਲਕਸ਼ਮੀਨਾਰਾਇਣ ਮੰਦਿਰ ਅਤੇ ਮਾਂ ਗੰਗਾ ਦੇ ਦਰਸ਼ਨ ਅਤੇ ਪੂਜਾ ਵੀ ਕੀਤੀ। ਇਸ ਮੌਕੇ ‘ਤੇ ਉੱਤਰਾਖੰਡ ਦੇ ਮੁੱਖ ਮੰਤਰੀ ਸ਼੍ਰੀ ਪੁਸ਼ਕਰ ਸਿੰਘ ਧਾਮੀ ਸਮੇਤ ਕਈ ਪਤਵੰਤੇ ਮੌਜੂਦ ਸਨ।

ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਸਨਾਤਨ ਧਰਮ ਤੋਂ ਉਮੀਦ ਰੱਖਣ ਵਾਲਾ, ਦੁਨੀਆ ਦੀਆਂ ਸਮੱਸਿਆਵਾਂ ਦੇ ਸਮਾਧਾਨ ਲਈ ਭਾਰਤੀ ਸੱਭਿਆਚਾਰ ਵੱਲ ਦੇਖ ਰਿਹਾ ਹੈ ਅਤੇ ਇਸ ਜ਼ਮੀਨ ਨਾਲ ਪਿਆਰ ਕਰਨ ਵਾਲਾ ਭਾਰਤ ਅਤੇ ਦੁਨੀਆ ਦਾ ਕੋਈ ਵੀ ਵਿਅਕਤੀ ਗੀਤਾ ਪ੍ਰੈੱਸ ਤੋਂ ਅਣਜਾਣ ਨਹੀਂ ਹੋ ਸਕਦਾ। ਉਨ੍ਹਾਂ ਨੇ ਕਿਹਾ ਕਿ ਪੂਜਯ ਭਾਈ ਜੀ ਹਨੂੰਮਾਨ ਪ੍ਰਸਾਦ ਪੋਦਾਰ ਜੀ ਨੇ ਗੀਤਾ ਪ੍ਰੈੱਸ ਰਾਹੀਂ ਲਗਭਗ 103 ਵਰ੍ਹਿਆਂ ਤੋਂ ਸਨਾਤਨ ਧਰਮ ਦੀ ਜੋਤ ਨੂੰ ਤਾਕਤ ਦੇਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਰੋੜਾਂ ਲੇਕਾਂ ਨੂੰ ਭਗਤੀ ਰਾਹੀਂ ਅਧਿਆਤਮ ਵੱਲ ਪ੍ਰੇਰਿਤ ਕੀਤਾ ਅਤੇ ਇਸ ਰਸਤੇ ‘ਤੇ ਚਲਦੇ ਹੋਏ ਮੋਕਸ਼ ਤੱਕ ਦਾ ਰਾਹ ਪੱਧਰਾ ਕੀਤਾ। 

ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਪੋਦਾਰ ਜੀ ਨੇ ਸਭ ਕੁਝ ਛੱਡ ਕੇ ਆਪਣਾ ਪੂਰਾ ਜੀਵਨ ਗੀਤਾ ਪ੍ਰੈੱਸ ਨੂੰ ਸਮਰਪਿਤ ਕੀਤਾ। ਪੋਦਾਰ ਜੀ ਨੇ ਗੀਤਾ ਪ੍ਰੈੱਸ ਰਾਹੀਂ ਹਰ ਵਿਅਕਤੀ ਅਤੇ ਪਰਿਵਾਰ ਦੇ ਦਿਲ ਵਿੱਚ ਭਾਰਤੀ ਸੱਭਿਆਚਾਰ ਦੇ ਪ੍ਰਤੀ ਅਟੁੱਟ ਸ਼ਰਧਾ ਨਿਰਮਿਤ ਕਰਨ ਦਾ ਕੰਮ ਕੀਤਾ ਹੈ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਗੀਤਾ ਪ੍ਰੈੱਸ ਮੁਨਾਫ਼ੇ ਲਈ ਨਹੀਂ ਸਗੋਂ ਪੀੜ੍ਹੀਆਂ ਦਾ ਨਿਰਮਾਣ ਕਰਨ ਲਈ ਚਲਦੀ ਹੈ। ਸਵੈ-ਨਿਰਭਰ ਢੰਗ ਨਾਲ ਮਹਾਨ ਸਾਹਿਤ ਨੂੰ ਕਰੋੜਾਂ ਲੋਕਾਂ ਤੱਕ ਪਹੁੰਚਾਉਣ ਦਾ ਕੰਮ ਗੀਤਾ ਪ੍ਰੈੱਸ ਨੇ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਲਿਆਣ ਇੱਕ ਤਰ੍ਹਾਂ ਨਾਲ ਗਿਆਨ ਦੀ ਸਨਾਤਨ ਜਯੋਤੀ ਨੂੰ ਹਰ ਪਾਠਕ ਤੱਕ ਪਹੁੰਚਾਉਣ ਦਾ ਯਤਨ ਕਰ ਰਿਹਾ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਅੱਜ ਸਨਾਤਨ ਚੇਤਨਾ ਦਾ ਉਤਸਵ ਦੇਸ਼ ਵਿੱਚ ਦਿਖਾਈ ਦੇ ਰਿਹਾ ਹੈ ਅਤੇ ਕਲਿਆਣ ਨੇ ਹਰ ਸੰਕਟ ਵਿੱਚ ਭਾਰਤੀ ਸੱਭਿਆਚਾਰ ਦੇ ਦੀਵੇ ਨੂੰ ਜਗਾਏ ਰੱਖਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਲਿਆਣ ਇੱਕ  ਪੱਤ੍ਰਿਕਾ ਮਾਤਰ ਨਹੀਂ ਹੈ ਸਗੋਂ ਭਾਰਤੀਆਂ ਲਈ ਅਧਿਆਤਮਿਕ ਜਗਤ ਦਾ ਪਥਪ੍ਰਦਰਸ਼ਕ ਹੈ। ਭਾਰਤ ਦੇ ਸੱਭਿਆਚਾਰ ਨੂੰ ਅਮਰ ਕਰਨ ਲਈ ਬਹੁਤ ਸਾਰੇ ਮਹੱਤਵਪੂਰਨ ਯਤਨਾਂ ਵਿੱਚੋਂ ਸਭ ਤੋਂ ਮਜ਼ਬੂਤ ਯਤਨ ਦਾ ਨਾਮ ਕਲਿਆਣ ਪੱਤ੍ਰਿਕਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਲਿਆਣ ਨੇ ਆਪਣੇ 100 ਵਰ੍ਹਿਆਂ ਵਿੱਚ ਸਨਾਤਨ ਧਰਮ ਦੇ ਪੈਰੋਕਾਰਾਂ ਦੀ ਸੱਜਣ ਸ਼ਕਤੀ ਨੂੰ ਸੰਗਠਿਤ ਕਰਨ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੋ ਭਾਰਤ ਨੂੰ ਜਾਣਦੇ ਹਨ ਉਹ ਗੀਤਾ ਪ੍ਰੈੱਸ ਦੇ ਬੇਮਿਸਾਲ ਯੋਗਦਾਨ ਦਾ ਮੁਲਾਂਕਣ ਨਹੀਂ ਕਰ ਸਕਦੇ।

ਕੇਂਦਰੀ ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਕਲਿਆਣ ਜਿਹੀ ਪੱਤ੍ਰਿਕਾ ਦੇ 100 ਵਰ੍ਹੇ ਪੂਰਾ ਕਰਨਾ ਇੱਕ ਬਹੁਤ ਵੱਡੀ ਉਪਲਬਧੀ ਹੈ। ਆਪਣੀ ਸ਼ੁਰੂਆਤ ਤੋਂ ਲੈ ਕੇ ਅੱਜ ਤੱਕ ਨਿਰੰਤਰ ਕਲਿਆਣ ਦਾ ਇੱਕ ਇੱਕ ਸ਼ਬਦ, ਵਾਕ ਅਤੇ ਅੰਕ, ਸਨਾਤਨ ਧਰਮ ਅਤੇ ਭਾਰਤੀ ਸੱਭਿਆਚਾਰ ਨੂੰ ਸਮਰਪਿਤ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਗੀਤਾ ਪ੍ਰੈੱਸ ਨੇ ਆਦਿ ਸ਼ੰਕਰਾਚਾਰੀਆ ਜੀ ਦੇ ਉਪਨਿਸ਼ਦਾਂ ਦੀਆਂ ਟਿੱਪਣੀਆਂ ਨੂੰ ਲੋਕਾਂ ਤੱਕ ਪਹੁੰਚਾ ਕੇ ਇੱਕ ਬਹੁਤ ਵੱਡਾ ਕੰਮ ਕੀਤਾ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਗੀਤਾ ਪ੍ਰੈੱਸ ਨੇ ਚਾਰ ਪੀੜ੍ਹੀਆਂ ਤੋਂ ਨਿਰੰਤਰ ਹਰ ਪੀੜ੍ਹੀ ਦੇ ਲਈ ਉੱਥੇ ਹੀ ਸਾਹਿਤ ਨੂੰ ਬਿਨਾ ਕਿਸੇ ਤਰ੍ਹਾਂ ਨਾਲ ਪਹੁੰਚਯੋਗ ਬਣਾਉਣ ਦਾ ਕੰਮ ਕੀਤਾ ਹੈ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਕਲਿਆਣ ਨੇ ਹੁਣ ਤੱਕ ਸਨਾਤਨ ਸਮਰਪਿਤ 100 ਵਿਸ਼ੇਸ਼  ਅੰਕ ਪ੍ਰਕਾਸ਼ਿਤ ਕੀਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ 1932 ਦੇ ਅੰਕ ਵਿੱਚ ਸ਼੍ਰੀ ਕ੍ਰਿਸ਼ਣ ਨੂੰ ਸ਼ਰਧਾ ਦੀ ਦ੍ਰਿਸ਼ਟੀ ਨਾਲ, ਰਾਜਨੀਤਕ, ਦਾਰਸ਼ਨਿਕ ਅਤੇ ਸਾਰੇ ਦੁਸ਼ਟਾਂ ਦਾ ਦਮਨ ਕਰਨ ਵਾਲੇ ਮਹਾਪੁਰਸ਼ ਦੇ ਰੂਪ ਵਿੱਚ ਇੱਕ ਹੀ ਅੰਕ ਵਿੱਚ ਕਲਿਆਣ ਨੇ ਲੋਕਾਂ ਦੇ ਸਾਹਮਣੇ ਰੱਖਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਲਿਆਣ ਨੇ ਯੋਗ ਅੰਕ 1936 ਵਿੱਚ ਪ੍ਰਕਾਸ਼ਿਤ ਕੀਤਾ ਸੀ, ਜਿਸ ਵਿੱਚ ਯੋਗ ਦੀ ਵਿਆਖਿਆ, ਸਰੂਪ ਅਤੇ ਪ੍ਰਣਾਲੀਆਂ ‘ਤੇ ਵਿਸਥਾਰ ਨਾਲ ਚਾਨਣਾ ਪਾਉਣ ਦਾ ਕੰਮ ਕੀਤਾ ਗਿਆ ਸੀ। ਸੁਤੰਤਰਤਾ ਦੇ ਬਾਅਦ ਕਲਿਆਣ ਦਾ ਪਹਿਲਾਂ ਪ੍ਰਕਾਸ਼ਿਤ ਹੋਣ ਵਾਲਾ ਅੰਕ ਨਾਰੀ ਅੰਕ ਸੀ। ਉਨ੍ਹਾਂ ਨੇ ਕਿਹਾ ਕਿ ਕਲਿਆਣ ਦਾ ਹਿੰਦੂ ਸੱਭਿਆਚਾਰ ਅੰਕ ਉਸ ਸਮੇਂ ਆਇਆ ਜਦੋਂ 1950 ਵਿੱਚ ਪੱਛਮੀ ਅਸਰ ਨਾਲ ਸਾਡੇ ਦੇਸ਼ ਦੀਆਂ ਨੀਤੀਆਂ ਘੜੀਆਂ ਜਾ ਰਹੀਆਂ ਸਨ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਇਸ ਅੰਕ ਦੇ ਪਿੱਛੇ ਵਿਚਾਰ ਰਿਹਾ ਹੋਵੇਗਾ ਕਿ ਜਦੋਂ ਦੇਸ਼ ਆਜ਼ਾਦ ਹੋ ਕੇ ਆਪਣੀਆਂ ਨੀਤੀਆਂ ਬਣਾ ਰਿਹਾ ਹੈ ਉਦੋਂ ਉਨ੍ਹਾਂ ਦੇ ਮੂਲ ਵਿੱਚ ਸਾਡੇ ਭਾਰਤੀ ਸੱਭਿਆਚਾਰ ਦੇ ਵਿਚਾਰ ਸ਼ਾਮਲ ਹੋਣੇ ਚਾਹੀਦੇ ਹਨ ਨਾ ਕਿ ਵਿਦੇਸ਼ੀ ਵਿਚਾਰ ਹੋਣੇ ਚਾਹੀਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਕਲਿਆਣ ਦੇ ਸ਼ਤਾਬਦੀ ਵਰ੍ਹੇ ਵਿੱਚ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਵਿੱਚ ਸੱਭਿਆਚਾਰਕ ਕਦਰਾਂ-ਕੀਮਤਾਂ ਨੂੰ ਨੀਤੀਆਂ ਦੇ ਮੂਲ ਵਿੱਚ ਸ਼ਾਮਲ ਕਰਕੇ, ਨੀਤੀਆਂ ਨੂੰ ਸੂਤਰਬੰਧ ਕੀਤਾ ਜਾ ਰਿਹਾ ਹੈ।

ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ ਜਦੋਂ ਅੰਗ੍ਰੇਜ਼ਾਂ ਦਾ ਸ਼ਾਸਨ ਸੀ ਉਸ ਸਮੇਂ ਧਰਮ ਨੂੰ ਅੰਧਵਿਸ਼ਵਾਸ ਕਹਿਣਾ ਇੱਕ ਤਰ੍ਹਾਂ ਦਾ ਫੈਸ਼ਨ ਜਿਹਾ ਬਣ ਚੁੱਕਾ ਸੀ, ਉਸ ਸਮੇਂ ਭਾਈ ਜੀ ਨੇ ਕਿਸੇ ਤਰ੍ਹਾਂ ਦੀ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕੀਤੇ ਬਿਨਾ, ਕਲਿਆਣ ਨਾਮ ਦਾ ਗਿਆਨ ਦਾ ਇੱਕ ਦੀਪਕ ਜਗਾਉਣ ਦਾ ਕੰਮ ਕੀਤਾ। ਇਸ ਦਾ ਉਦੇਸ਼ ਲੋਕਾਂ ਦਾ ਚੰਗਾ ਅਤੇ ਵਿਸ਼ਵ ਦੀ ਭਲਾਈ ਹੀ ਸੀ। ਉਨ੍ਹਾਂ ਨੇ ਕਿਹਾ ਕਿ ਪੂਰੇ ਵਿਸ਼ਵ ਦੀ ਭਲਾਈ ਦੀ ਭਾਵਨਾ ਨੂੰ ਕਲਿਆਣ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਤਰਕ, ਸ਼ਾਸਤਰ ਅਤੇ ਸ਼ਾਂਤੀ ਰਾਹੀਂ ਜਿੰਨਾ ਵਿਰੋਧ ਸਾਡੇ ਮੂਲ ਵਿਚਾਰਾਂ ਦਾ ਹੁੰਦਾ ਸੀ, ਪੋੱਡਾਰ ਜੀ (Poddar Ji) ਨੇ ਉਸ ਦਾ ਜਵਾਬ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਸਨਾਤਨ ਦੀ ਰੱਖਿਆ ਸ਼ੋਰ-ਸ਼ਰਾਬੇ ਨਾਲ ਨਹੀਂ ਸਗੋਂ ਸ਼ਾਸਤਰ ਅਤੇ ਤਰਕ ਨਾਲ ਹੀ ਹੋ ਸਕਦੀ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਗੀਤਾ ਪ੍ਰੈੱਸ ਨੇ ਕਦੇ ਆਪਣੇ ਪ੍ਰਚਾਰ ਅਤੇ ਪੈਸਾ ਇਕੱਠਾ ਕਰਨ ਲਈ ਕੁਝ ਨਹੀਂ ਕੀਤਾ ਕਿਉਂਕਿ ਇਸ ਦਾ ਉਦੇਸ਼ ਵਿਅਕਤੀ-ਕੇਂਦ੍ਰਿਤ ਨਹੀਂ ਸਗੋਂ ਵਿਚਾਰ-ਕੇਂਦ੍ਰਿਤ ਸੀ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਕਲਿਆਣ ਨੇ ਸਾਨੂੰ ਦੱਸਿਆ ਕਿ ਸੱਭਿਅਤਾਵਾਂ ਤਲਵਾਰ ਨਾਲ ਨਹੀਂ ਸਗੋਂ ਸ਼ਬਦਾਂ ਅਤੇ ਗਿਆਨ ਨਾਲ ਹੀ ਖੜ੍ਹੀਆਂ ਹੁੰਦੀਆਂ ਹਨ ਅਤੇ ਸ਼ਬਦ ਤਦ ਹੀ ਪ੍ਰਭਾਵਸ਼ਾਲੀ ਹੁੰਦੇ ਹਨ ਜਦੋਂ ਉਹ ਸੱਚ ਅਤੇ ਸੱਚ ਦੀ ਰੌਸ਼ਨੀ ਨਾਲ ਚਮਕਦੇ ਹੋਣ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਜਦੋਂ ਕਲਿਆਣ ਨੂੰ ਲਾਂਚ ਕੀਤਾ ਗਿਆ ਸੀ, ਤਾਂ ਮਹਾਤਮਾ ਗਾਂਧੀ ਨੇ ਕਿਹਾ ਸੀ ਕਿ ਕਲਿਆਣ ਵਿੱਚ ਕਦੇ ਇਸ਼ਤਿਹਾਰ ਨਹੀਂ ਛਾਪੇ ਜਾਣ ਅਤੇ ਅੱਜ ਤੱਕ ਕਲਿਆਣ ਨੇ ਇੱਕ ਵੀ ਇਸ਼ਤਿਹਾਰ ਨਹੀਂ ਛਾਪਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਧਿਆਤਮਿਕ ਗ੍ਰੰਥਾਂ ਅਤੇ ਪੱਤ੍ਰਿਕਾਵਾਂ ਨੂੰ ਬਜ਼ਾਰ ਦੇ ਦਬਾਅ ਤੋਂ ਮੁਕਤ ਰਹਿਣਾ ਚਾਹੀਦਾ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਗੀਤਾ ਪ੍ਰੈੱਸ ਦਾ ਉਦੇਸ਼ ਚਰਿੱਤਰ ਅਤੇ ਰਾਸ਼ਟਰ ਨਿਰਮਾਣ ਹੈ। ਗੀਤਾ ਪ੍ਰੈੱਸ ਨੇ ਕਈ ਤਰ੍ਹਾਂ ਦੇ ਸਾਹਿਤਾਂ ਦੀ ਰਚਨਾ ਕੀਤੀ ਹੈ ਅਤੇ ਜਿਸ ਨਾਲ ਰਾਸ਼ਟਰ ਵਿੱਚ ਇੱਕ ਚੇਤਨਾ ਦੀ ਜਾਗ੍ਰਿਤੀ ਹੋਈ ਹੈ। ਗੀਤਾ ਪ੍ਰੈੱਸ ਨੇ ਕਰੋੜਾਂ ਸੰਤਾਂ ਦੇ ਅਣਥੱਕ ਯਤਨਾਂ ਨੂੰ ਉਜਾਗਰ ਕਰਕੇ ਲੋਕਾਂ ਨੂੰ ਪੜ੍ਹਨ ਲਈ ਉਪਲਬਧ ਕਰਵਾਇਆ ਹੈ। ਨਤੀਜੇ ਵਜੋਂ, ਅਸੀਂ ਇੱਕ ਵਾਰ ਫਿਰ ਸਨਾਤਨ ਧਰਮ ਪ੍ਰਤੀ ਆਕਰਸ਼ਣ, ਉਮੀਦ ਅਤੇ ਭਾਰਤੀ ਸੱਭਿਆਚਾਰ ਵਿੱਚ ਵਿਸ਼ਵਾਸ ਦ੍ਰਿੜ੍ਹ ਹੁੰਦਾ ਦੇਖ ਰਹੇ ਹਾਂ।

ਕੇਂਦਰੀ ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਜੀ ਦੇ 11 ਵਰ੍ਹਿਆਂ ਦੇ ਕਾਰਜਕਾਲ ਵਿੱਚ ਸਾਡੇ ਨੌਜਵਾਨਾਂ ਵਿੱਚ ਇੱਕ ਬਹੁਤ ਵੱਡਾ ਗੁਣਾਤਮਕ ਪਰਿਵਰਤ ਆਇਆ ਹੈ। ਉਨ੍ਹਾਂ ਕਿਹਾ ਕਿ 550 ਵਰ੍ਹਿਆਂ ਬਾਅਦ ਰਾਮਲਲਾ ਨੂੰ ਸਮਰਪਿਤ ਇੱਕ ਗਗਨਚੁੰਬੀ ਇਮਾਰਤ ਬਣਾਈ ਗਈ ਹੈ। ਔਰੰਗਜ਼ੇਬ ਦੁਆਰਾ ਤਬਾਹ ਕੀਤਾ ਗਿਆ ਕਾਸ਼ੀ ਵਿਸ਼ਵਨਾਥ ਕੌਰੀਡੋਰ ਪੂਰੀ ਦੁਨੀਆ ਨੂੰ ਸੁਨੇਹਾ ਦਿੰਦਾ ਹੈ ਕਿ ਤਬਾਹ ਕਰਨ ਵਾਲਿਆਂ ਨਾਲੋਂ ਵਿਸ਼ਵਾਸ ਦੀ ਸ਼ਕਤੀ ਵੱਡੀ ਹੁੰਦੀ ਹੈ। ਹਾਲ ਹੀ ਵਿੱਚ, ਸੋਮਨਾਥ ਮੰਦਿਰ ਨੂੰ ਤਬਾਹ ਹੋਏ 1,000 ਸਾਲ ਹੋ ਗਏ ਹਨ, ਅਤੇ ਭਾਰਤ ਸਰਕਾਰ ਪੂਰਾ ਵਰ੍ਹਾ ਸੋਮਨਾਥ ਸਵਾਭਿਮਾਨ ਵਰ੍ਹੇ ਵਜੋਂ ਮਨਾਉਣ ਜਾ ਰਹੀ ਹੈ। ਸੋਮਨਾਥ ਨੂੰ 16 ਵਾਰ ਤਬਾਹ ਕੀਤਾ ਗਿਆ ਅਤੇ ਇਸ ਨੂੰ 16 ਵਾਰ ਦੁਬਾਰਾ ਬਣਾਇਆ ਗਿਆ। ਇਸ ਨੂੰ ਤੋੜਨ ਵਾਲੇ ਗਜ਼ਨੀ, ਖਿਲਜੀ ਅਤੇ ਹੋਰ ਸਾਰੇ ਕਿਤੇ ਗਾਇਬ ਹੋ ਗਏ ਪਰ ਸੋਮਨਾਥ ਵਿਖੇ ਸਨਾਤਨ ਧਰਮ ਦਾ ਝੰਡਾ ਅਜੇ ਵੀ ਉੱਚਾ ਲਹਿਰਾ ਰਿਹਾ ਹੈ। ਸ੍ਰੀ ਸ਼ਾਹ ਨੇ ਕਿਹਾ ਕਿ ਕਸ਼ਮੀਰ ਤੋਂ ਧਾਰਾ 370 ਹਟਾ ਦਿੱਤੀ ਗਈ ਹੈ, ਮਹਾਕਾਲੇਸ਼ਵਰ ਕੌਰੀਡੋਰ ਬਣਾਇਆ ਗਿਆ ਹੈ, ਕੇਦਾਰਨਾਥ ਨੂੰ ਮੁੜ ਬਹਾਲ ਕੀਤਾ ਗਿਆ ਹੈ, ਅਤੇ ਬਦ੍ਰੀਨਾਥ ਸਟ੍ਰੈੱਚ ਪੂਰਾ ਹੋ ਗਿਆ ਹੈ। ਦੇਸ਼ ਭਰ ਵਿੱਚ 35 ਤੋਂ ਵੱਧ ਤੀਰਥ ਸਥਾਨਾਂ ਦੀ ਪੁਨਰ ਸੁਰਜੀਤੀ ਅਤੇ ਮਹਿਮਾ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਮਾਤ੍ਰ ਭਾਸ਼ਾ ਵਿੱਚ ਸਿੱਖਿਆ ਦਾ ਕੋਈ ਵਿਰੋਧ ਨਹੀਂ ਹੋ ਰਿਹਾ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਦੁਨੀਆ ਭਰ ਵਿੱਚ ਹਰ ਥਾਂ ਹਿੰਦੀ ਵਿੱਚ ਬੋਲਦੇ ਹਨ, ਤਾਂ ਪੂਰੇ ਦੇਸ਼ ਦੀ ਛਾਤੀ ਮਾਣ ਨਾਲ ਚੌੜੀ ਹੋ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਤੋਂ ਚੋਰੀ ਕੀਤੀਆਂ ਗਈਆਂ ਅਤੇ ਦੁਨੀਆ ਭਰ ਵਿੱਚ ਲਿਜਾਈਆਂ ਗਈਆਂ 642 ਤੋਂ ਵੱਧ ਮੂਰਤੀਆਂ ਨੂੰ ਵਾਪਸ ਲਿਆ ਕੇ ਉਨ੍ਹਾਂ ਦੇ ਅਸਲ ਸਥਾਨਾਂ 'ਤੇ ਮੁੜ ਸਥਾਪਿਤ ਕਰਨ ਦਾ ਵੀ ਕੰਮ ਹੋਇਆ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਕਰੋੜਾਂ ਸੰਤਾਂ ਨੇ ਔਖੇ ਸਮੇਂ ਵਿੱਚ ਧਰਮ, ਸੱਚ ਅਤੇ ਸੱਭਿਆਚਾਰ ਨੂੰ ਸੁਰੱਖਿਅਤ ਰੱਖਣ, ਪ੍ਰਚਾਰ ਕਰਨ ਅਤੇ ਗੀਤਾ ਪ੍ਰੈੱਸ ਅਤੇ ਕਲਿਆਣ ਜਿਹੀਆਂ ਪੱਤ੍ਰਿਕਾਵਾਂ ਨੇ ਹਮੇਸ਼ਾ ਸਨਾਤਨ ਦੀ ਜੋਤ ਨੂੰ ਬਚਾ ਕੇ ਰੱਖਿਆ ਹੈ।

**********

ਆਰਕੇ/ਪੀਆਰ/ਪੀਐੱਸ/ਐੱਸਕੇ/ਸ਼ੀਨਮ