مغربی بنگال کے گورنر سی وی آنند بوس جی، مرکزی کابینہ میں میرے ساتھی سربانند سونووال جی، سکانتا مجمدار جی، شانتنو ٹھاکر جی، پارلیمنٹ میں میرے ساتھی شومک بھٹاچاریہ جی، سومترخان جی، مغربی بنگال قانون ساز اسمبلی میں قائد حزب اختلاف سویندو ادھیکاری جی، دیگر عوامی نمائندے، خواتین و حضرات!

کل میں مالدہ میں تھا، اور آج مجھے یہاں ہگلی میں آپ سب کے درمیان ہونے کا شرف حاصل ہوا ہے۔ مرکزی حکومت ایک ترقی یافتہ ہندوستان، مشرقی ہندوستان کی ترقی کے لیے مسلسل کام کر رہی ہے۔ کل اور آج کے پروگرام  اسی  عزم کو مزید مضبوط کرنے والے ہیں۔ اس عرصے کے دوران مجھے مغربی بنگال سے متعلق سینکڑوں کروڑ روپے کے ترقیاتی منصوبوں کا سنگ بنیاد رکھنے اور افتتاح کرنے کا موقع ملا ہے۔ کل، ملک کی پہلی وندے بھارت سلیپر  ٹرین مغربی بنگال سے روانہ ہوئی۔ بنگال کو بھی تقریباً نصف درجن نئی امرت بھارت ایکسپریس ٹرینیں  بھی ملی ہیں۔ آج مزید  تین  امرت بھارت ایکسپریس ٹرینیں شروع کی گئی ہیں۔ ان میں سے ایک ٹرین تو میرے پارلیمانی حلقے کاشی  بنارس کے  بنگال کے ساتھ رابطے کو مزید مضبوط کرے گی۔ اس کے علاوہ دہلی اور تمل ناڈو کے لیے امرت بھارت ایکسپریس ٹرینیں بھی شروع کی گئی ہیں۔ یعنی مغربی بنگال کے ریل رابطے کے لیے  پچھلے 24 گھنٹے بے مثال رہے ہیں۔ شاید پچھلے 100 سالوں میں 24 گھنٹے میں اتنا کام نہیں ہوا ہوگا۔

ساتھیو،

بنگال میں آبی گزرگاہوں کی بے پناہ  امکانات ہے، اور مرکزی حکومت اس پر کام کر رہی ہے۔ بندرگاہ کی قیادت میں ترقی کے لیے ضروری بنیادی ڈھانچے کی تعمیر میں بھی مدد فراہم کی جا رہی ہے۔ کچھ عرصہ قبل بندرگاہ اور دریائی آبی گزرگاہوں کے منصوبوں کا سنگ بنیاد رکھا اور افتتاح کیا گیا۔ یہ مغربی بنگال اور ہندوستان کی ترقی کے لیے اہم ہیں۔ یہ وہ ستون ہیں جن پر مغربی بنگال کو مینوفیکچرنگ، تجارت اور لاجسٹکس کا ایک بڑا مرکز بنایا جا سکتا ہے۔ میں آپ سب کو ان منصوبوں پر مبارکباد دیتا ہوں۔

ساتھیو،

جتنا ہم بندرگاہ اور اس کے ماحولیاتی نظام پر زور دیں گے، اتنا ہی زیادہ روزگار یہاں پیدا ہوگا۔ مرکزی حکومت نے گزشتہ 11 سالوں میں شیاما پرساد مکھرجی بندرگاہ کی صلاحیت کو بڑھانے میں کافی سرمایہ کاری کی ہے۔ بندرگاہ سے رابطے کو بہتر بنانے کے لیے ساگرمالا اسکیم کے تحت سڑکیں بھی بنائی گئی ہیں۔ ہم سب آج نتائج دیکھ سکتے ہیں۔ پچھلے سال کولکتہ پورٹ نے کارگو ہینڈلنگ کے نئے ریکارڈ بنائے ہیں۔

ساتھیو،

بالاگڑھ میں تعمیر کیے جانے والے توسیعی بندرگاہ گیٹ سسٹم سے ہگلی اور آس پاس کے علاقوں کے لیے نئے مواقع کھلیں گے۔ اس سے کولکتہ میں ٹریفک اور لاجسٹکس کے دباؤ میں کمی آئے گی۔ گنگا پر نئی تعمیر شدہ آبی گزرگاہ کارگو کی نقل و حرکت میں مزید اضافہ کرے گی۔ یہ پورا انفراسٹرکچر ہوگلی کو گودام اور تجارتی مرکز میں تبدیل کرنے میں مدد کرے گا۔ اس سے یہاں سینکڑوں کروڑ روپے کی نئی سرمایہ کاری ہوگی، ہزاروں نوجوانوں کو روزگار ملے گا، چھوٹے تاجروں اور ٹرانسپورٹ سے وابستہ لوگوں کو فائدہ ہوگا اور کسانوں اور پیداواری کرنے والوں  کو بھی نئے بازار ملیں گے۔  

ساتھیو،

آج ہندوستان میں، ہم ملٹی ماڈل کنیکٹیویٹی اور گرین موبلٹی پر بہت زور دے رہے ہیں۔ بندرگاہوں، دریائی آبی گزرگاہوں، شاہراہوں اور ہوائی اڈوں کو جوڑا جا رہا ہے تاکہ بغیر کسی رکاوٹ کے نقل و حمل کو ممکن بنایا جا سکے۔ اس سے رسد کے اخراجات اور نقل و حمل کا وقت دونوں میں کمی  آرہی ہے۔

ساتھیو،

ہم اس بات کو یقینی بنانے کی بھی کوشش کر رہے ہیں کہ ہمارے ٹرانسپورٹ کے طریقے فطرت کے موافق ہوں۔ ہائبرڈ برقی کشتیاں دریا کی نقل و حمل اور سبز نقل و حرکت دونوں کو فروغ دیں گی۔ اس سے دریائے ہگلی پر سفر میں آسانی ہوگی، آلودگی کم ہوگی اور دریا پر مبنی سیاحت کو فروغ ملے گا۔

ساتھیو،

ہندوستان ماہی پروری اور سمندری غذا کی پیداوار اور برآمد میں تیزی سے ترقی کر رہا ہے۔ میرا خواب ہے کہ مغربی بنگال اس میں ملک کی قیادت کرے۔ مرکزی حکومت دریائی آبی گزرگاہوں کے لیے اپنے وژن میں بنگال کی نمایاں مدد کر رہی ہے۔ اس کا فائد ہ یہاں کے کسانوں کے ساتھ ساتھ ، ہمارے ماہی گیر ساتھیوں کو بھی ملنے لگا  ہے ۔

ساتھیو،

مرکزی حکومت کی طرف سے شروع کیے جانے والے یہ پروجیکٹ مغربی بنگال کی ترقی کے سفر کو تیز کریں گے۔ ایک بار پھر، میں ان منصوبوں کے لیے آپ سب کو اپنی نیک خواہشات پیش کرتا ہوں۔پڑوس میں ہزاروں لوگ کافی عرصے سے انتظار کر رہے ہیں۔ مجھے وہاں بھی کچھ  کہنا ہے، اور شاید لوگ اسے سننے کے لیے زیادہ بے چین ہیں۔ ذرا کھل کر باتیں  وہاں   کروں گا، اور اس لیے میں اپنی بات یہیں ختم کرتا ہوں۔ اور میں  اگلے پروگرام کیلئے آپ سب کی اجازت لیکر نکل رہا ہوں۔ بہت بہت شکریہ۔

******

U.No:738

ش ح۔ح ن۔س ا