প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অসামগী গুৱাহাতিদা বাগুরুম্বা দহৌ থৌরমদা ৱা ঙাংখ্রে
বাগুরুম্বা দহৌনা ঐখোয়গী ফজরবা বোরোগী চৎনবীশিং ইকায়খুম্নবা উৎলি: প্রধান মন্ত্রী
২০২০ বোরো একোর্দনা চহি কয়াগী মুক্নবা লোইশিনখি, মসিগী মতুংদা, থাজবা অমুক হল্লকখি অমসুং নহারোল লিশিং কয়া অহিংশা থাদোকখি অমসুং মহৌশাগী পুন্সি ইচেলদা শরুক য়াখি: প্রধান মন্ত্রী
ঙসি হৈথোই-শিংথোইরবা বোরো নহারোলশিং অসামগী কলচরেল এম্বেসেদরশিং ওইরক্লে: প্রধান মন্ত্রী
অসামগী থাজবা, মপাঙ্গল অমসুং চাউখৎপা হেনগৎলকপগা লোয়ননা, ভারতকী চাউখৎপগী ৱারি খোঙজেল য়াংখৎলক্লি: প্রধান মন্ত্রী
प्रविष्टि तिथि:
17 JAN 2026 8:11PM by PIB Imphal
প্রধান মন্ত্রী শ্রী নরেন্দ্র মোদী গুৱাহাতিগী সারুসাজাই ষ্টদিয়মদা বোরো ফুরুপকী ইনাকখুল্লবা নাৎ অমসুং চৎনবীশিং হরাওবা ফোঙদোকপা পুৱারি ওইরবা নাৎকী থৌরম অমা, বাগুরুম্বা দহৌ ২০২৬ দা ৱা ঙাংখ্রে। থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি মদুদি অসামগী নাৎ য়েংবা অমসুং বোরো ফুরুপকী চৎনবীশিং য়াম্না নকশিন্না উবা ফংবা অসি মহাক্কী লাইবক ফবনি। মহাকগুম্না য়াম্না তোইনা প্রধান মন্ত্রী অমতা অসামদা লাক্ত্রি। মহাক্কী অপাম্বদি অসামগী কলা অমসুং নাৎগী অচৌবা মফম অমা ফংবনি অমসুং অচৌবা থৌরমশিংগী খুৎথাংদা লৈবাক অমসুং মালেম শীনবা থুংনা মশক খঙবনি।
মাইকৈ অসিদা মখা তানা লেপ্তনা থবক কয়া পায়খৎলি, চহি অমগী মমাংদা ন্যু দিল্লিদা অচৌবা বিহুগী কুহ্মৈশিং, ঝুমোইর বিনোদিনিগী এক্সপ্রেসন, অচৌবা বোরো মহোৎসব অমসুং অতোপ্পা নাৎকী থৌরমশিং পাংথোকখ্রে। মহাক্না কৈদৌঙৈদা অসামগী কলা অমসুং নাৎকী থৌরমশিং য়েংনবগী খুদোংচাবা অমতা মাঙহনখিদ্রি। অমুক হন্না বাগুরুম্বা কুহ্মৈ পাংথোক্লে, মসি বোরোগী শক্তম হরাওবা ফোঙদোকপা অমনি অমসুং অসামগী নাৎতা ইকায়খুম্নবা উৎপা অমনি। থৌরম অসিদা শরুক য়ারিবশিং, মরুওইনা কলাকারশিংদা প্রধান মন্ত্রীনা য়াইফ পাউজেল পীখি অমসুং থাগৎপা ফোঙদোকখি।
প্রধান মন্ত্রীনা হায়খি মদুদি বাগুরুম্বা দহৌ ইচম চম্বা কুহ্মৈ অমা নত্তে অদুবু ফজরবা বোরোগী চৎনবী ইকায়খুম্নবা উৎনবা অমসুং বোরো খুন্নাইগী শক্নাইরবা মীওইশিং নিংশিংনবা পাম্বৈ অমনি। বোরোফা উপেন্দ্র নাথ ব্রাহ্মা, গুরুদেব কালিচরন ব্রাহ্মা, রুপানাথ ব্রাহ্মা, সতিস চন্দ্র বাসুমাতারি, মোরাদাম ব্রাহ্মা অমসুং কনাকেশ্বর নরজারেগুম্বা মীওইশিংনা খুন্নাইগী অওনবা পুরক্নবা, নাৎকী মিকপ থোক্নবা অমসুং রাজনিতিগী মিকপ থোক্নবা থবক কয়া পায়খৎলমখি। বোরো ফুরুপকী অসিগুম্বা শক্নাইরবা মীওইশিংদা ইকায়খুম্নবা উৎচরি। অসামগী চৎনবীশিং অমসুং নাৎ লৈবাক শীনবা থুংবগী চাউথোকচবনি হায়না ঐখোয়গী দলনা খল্লি অমসুং অসামগী পুৱারি অমসুং নাৎ য়াওদনা ভারতকী পুৱারি মপুংফাদে। মখোয়গী সরকার মখাদা বাগুরুম্বা দহৌগুম্বা অচৌবা কুহ্মৈশিং পাংথোক্লে, বিহু লৈবাক অসিনা মশক খঙলে অমসুং চারাইদিও মোইদাম য়ুনেস্কোগী ৱার্ল্দ হেরিতেচ লিষ্টতা য়াওনা থবকশিং পায়খৎলে। অসামিজ লোল ক্লাসিকেলগী থাক্ত পুখৎলে অমসুং অসামগী এসোসিএত ওফিসিএল লোল অমা ওইনা বোরো লোল মশক খঙলে অমসুং বোরো লোলদা লাইরিক তম্বা ফগৎহন্নবা তোখায়বা দাইরেক্তোরেত অমা লিংখৎলে। থবক অসিনা মরম ওইদুনা, বাথৌ ধর্ম মপুংফানা ইকায়খুম্নবা ফংলে অমসুং শক খঙলে অমসুং বাথৌ পুজা রাজ্যগী ছুতি অমা ওইনা লাউথোক্লে। মখোয়গী সরকার মখাদা অথৌবা লচিত বোরফুকানগী অচৌবা মীতম অমা খিল্লে অমসুং বোরোফা উপেন্দ্রনাথ ব্রাহ্মাগী মীতম মাইখুম হাংদোক্লে। শ্রীমন্তা সঙ্করদেবগী কৎথোকপা অমসুং নুংশিন্নবা হিংমিন্নবগী চৎনবীশিং অমসুং জয়তি প্রসাদ অগরৱালাগী কলা অমসুং ৱাখল তাবা অসামগী হেরিতেচ ওইনা ইকায়খুম্নরে। ঙসি জয়তি প্রসাদ অগরৱালা লৈখিদবগী কুমওন্নি অমসুং মহাক্কী মফমদা ইকায়খুম্নবা উৎচরি। প্রধান মন্ত্রীনা হায়খি মদুদি রাজ্য অসি অসুক্কী মতিক চাউখৎলকপা উবদা মহাক অপেনবা ফাওই। মতম অমদা য়াম্না তোইনা ইমু-নাইমু তানবা থোকখি অদুবু ঙসি নাৎকী মচুশিংনা ঙান্থোইরে; মতম অমদা নোংমৈ মখোলনা নিলখি, অদুবু হৌজিক ঈশৈনা খোন্থাং য়ৈরে; মতম অমদা তংদু-লৈতাদবা লৈরমখি, অদুবু হৌজিক বাগুরুম্বগী ফজবা জগোয় পাংথোক্লে। অসিগুম্বা অচৌবা থৌরম অমা পাংথোকপা অসি অসাম খক্তগী মাইপাকপা নত্তে, মসি ভারতকী মাইপাকপনি অমসুং অসামগী অওনবা লাকপদা লৈবাক অসিগী মীওই খুদিংমক্না চাউথোকচরে।
প্রধান মন্ত্রীনা হায়খি মদুদি অসামগী মীয়াম অমসুং বোরো ইনাওশিং অমসুং ইচলশিংনা মহাক্কী মফমদা মখোয়গী থাজবা লৈরে। কেন্দ্র অমসুং রাজ্যগী মখোয়গী সরকারশিংনা শান্তি অমসুং চাউখৎপগী থৌদাং লৌরে অমসুং মীয়ামগী থৌজালশিংগা লোয়ননা পাংথোকফম থোকপা থবক পাংথোক্লে। ২০২০ বোরো পিছ একোর্দনা চহি কয়াগী মুক্নবা লোইশিনখ্রে, থাজবা হঞ্জিনহল্লে অমসুং নহারোল লিশিং কয়া অহিংশা থাদোক্লে অমসুং মহৌশাগী পুন্সিদা হল্লক্লে। একোর্দ মতুংদা, রোরো লমদমদা লাইরিক-লাইশু অমসুং চাউখৎপগী অনৌবা খুদোংচাবশিং ফংলে অমসুং মীয়ামগী থবকশিংনা মরুওইবা থৌদাং অমা লৌদুনা শান্তি অসি নুমিৎ খুদিংগী পুন্সিগী শরুক অমা ওইরে। অসামগী শান্তি, চাউখৎপা অমসুং চাউথোকচবা অসি শান্তিগী লম্বীদা চৎলিবা রাজ্য অসিগী নহারোলশিংগী মখা পোল্লি। মসি অফবা তুংলমচৎ অমগীদমক মাঙলোমদা পুখৎকদবনি। পিছ একোর্দ হেক লৈখিবদগী, বোরোলেন্দ চাউখৎনবা সরকারনা লেপ্তনা থবক পায়খৎলি, খুন্দা-লৈতাবগী থবকশিং য়াংখৎলে অমসুং অনৌবা পুন্সি অমা হৌনবা মখোয়গী মতেং পাংনবা নহারোলশিংদা লুপা করোর লিশিং কয়াগী শেন্থং পীরে।
প্রধান মন্ত্রীনা হায়খি মদুদি ঙসিদি মখোয়গী সরকারগী থবকশিং উবা ফংলে। ঙসি হৈথোই-শিংথোইরবা বোরো নহারোলশিং অসামগী কলচরেল এম্বেসেদরশিং ওইরক্লে, শান্নবদা মাঙজিল থারে, অনৌবা থাজবগা লোয়ননা মঙলানশিং মঙলে, মঙলানশিং অদু মঙফাওনরে অমসুং অসাম চাউখৎপদা মতেং পাংলে। অসামগী কলা, নাৎ অমসুং শক্তম ইকায়খুম্নবা মতমদা, মীওই খর পাখৎলে। কনানা অসামগী ইকায়খুম্নবদা থাগৎপা ফোংদোক্তবগে হায়না হংলদুনা শ্রী মোদীনা হায়খি মদুদি ভুপেন হাজারিকাদা ভারত রত্ন পীবদা ওপোজিসন দলনা অথিংবা পীখি অমসুং অসামদা সেমিকন্দক্তর য়ুনিত লিংখৎপদা মখোয়না য়েৎখি। ঙসি ফাওবদা, মহাক্না অসামগী চৎনবীগা মরী লৈনবা খর শেৎপদা, মসি ওপোজিসন্না করেম্নরি।
প্রধান মন্ত্রীনা হায়খি মদুদি ওপোজিসন্না মরম ওইদুনা চহি কয়া অসাম অমসুং বোরোলেন্দ মহৌশাগী পুন্সি ইচেলদগী নাথৈখি। মখোয়গী রাজনিতিগী খুদোংচাবশিং ফংনবা মখোয়না অসামদা তংদু-লৈতাদবা থোকহনখি অমসুং রাজ্য অসি অহিংশাগী মৈরক্ত লংশিনখি। নিংতম্লবা মতুংদা, অসাম খুদোংচাদবা কয়া মায়োক্নখি, অদুবু পাম্বৈশিং থিবগী মহুত্ত, মতম অদুগী লৈঙাক্না মখোয়গী রাজনিতিগী খুদোংচাবা ফংনবা খুদোংচাদবশিং অদু শীজিন্নখি। থাজবা লৈহনবা দরকার ওইরকপা মতমদা, মখোয়না তোখাই তাবগী মরু হুনখি; ৱারি শানবা দরকার ওইবা মতমদা, মখোয়না মদু মীরাইখি অমসুং পাউ ফাওন্নবা থোঙ লোনশিনখি। বোরোলেন্দগী খোঞ্জেল কৈদৌঙৈদা ফজনা তাখিদে। অসামগী ফিবমশিং ফগৎহনবা অমসুং থবক দরকার ওইরকপা মতমদা, মখোয়না নারোলদা চঙলকপা মীওইশিংগী থোঙ হাংদোকখি অমসুং মখোয় তরাম্না ওকপদা মীৎয়েং চঙখি।
প্রধান মন্ত্রীনা হায়খি মদুদি ওপোজিসন্না অসামগী মীয়াম মখোয়গী মীওইশিংনি হায়না খন্দে, মখোয়গী ভোৎ বেঙ্ক ওইরিবা মপান লৈবাক্তগী নারোলদা চঙলকপশিং লুম্না লৌখি। ওপোজিসনগী লৈঙাক মখাদা, নারোলদা মীওই কয়া চঙলকখি, লম বিঘা লাখ কয়া লৌশিনখি অমসুং সরকারনা মতেং পাংশিনখি। ঙসি শ্রী হিমান্তা বিশ্বা শর্মাগী লমজিং মখাদা, সরকারনা লম বিঘা লাখ কয়া নারোন্দগী চঙলকপা মীওইশিংদগী লৌশিল্লে অমসুং লম অদু অসামগী অশেংবা মপুশিংদা শীন্নখ্রে। ওপোজিসন্না মতম পুম্নমক্ত অসাম অমসুং অৱাং-নোংপোক শীনবা থুংনা মীরাইনা য়েংলি অমসুং লমদম অসি চাউখৎহনবা হায়বসি মরুওইবনি হায়বা কৈদৌঙৈদা খন্দে অমসুং অতম্ননা লমদম অসি খুদোংথিবশিংদা ইনশিনখি।
প্রধান মন্ত্রীনা হায়খি মদুদি ওপোজিসনগী পাপশিং শেংদোকপগী থবক কেন্দ্র অমসুং রাজ্যগী মখোয়গী সরকারশিংনা পাংথোক্লে অমসুং ঙসি উরিবা চাউখৎপগী খোঙজেল অসিনা খুদমনি। বোরো-কছারি ৱেলফিয়ার ওতোনোমস কাউন্সিল শেম্লে, বোরোলেন্দগী লুপা কারোর ১৫০০০ গী চাউখৎ-থৌরাংগী অখন্নবা পেকেজ অমা পীরে, কোক্রাঝারদা মেদিকেল কোলেজ অমা অমসুং হোস্পিতাল লিংখৎলে অমসুং তামুলপুরদা মেদিকেল কোলেজ অমা শাবগী থবক য়াংশিল্লে। নর্সিং কোলেজশিং অমসুং পেরামেদিকেল ইন্সতিতুসনশিংনা নহারোলশিংদা অনৌবা থবকশিং ফংনবা খুদোংচাবশিং পীবগা লোয়ননা গোবরধন, পারবাতঝোরা অমসুং হোরিশিঙ্গাদা পোলিতেক্নিক অমসুং ত্রেনিং ইন্সতিতুৎশিং লিংখৎলে।
প্রধান মন্ত্রীনা হায়খি মদুদি তোখায়বা ৱেলফিয়ার দিপার্তমেন্ত অমা অমসুং বোরোলেন্দ এদমিনিষ্ট্রেতিপ ষ্টাফ কোলেজ অমা লিংখৎলে, মসিনা বোরো মীয়ামগী য়াইফনবা অফবা থৌশিল শেম্বা ঙমহল্লগনি। মখোয়গী সরকারনা থম্মোয়শিংগী মরক্ত, অসাম অমসুং দিল্লিগী মরক্ত লৈনবা অরাপ্পশিং নকশিন্নহল্লে অমসুং ইনফ্রাষ্ট্রকচর ফগৎহন্দুনা অসাম মনুংদা লৈবা অরাপ্পা হন্থহল্লে। মতম অমদা য়ৌবদা অৱাবা ওইরম্বা মফমশিং হৌজিক হায়ৱেশিং লৈরে অমসুং অনৌবা লম্বীশিংনা অনৌবা খুদোংচাবশিং পীরে। লুপা করোর কয়া কাইথোক্তুনা বিসমুরা-সারালপারা রোদ প্রোজেক্না কোক্রাঝারদগী ভুতানগী ঙমখৈ ফাওবা লম্বী লৈরে অমসুং পায়খৎনবা থৌরাং তৌরিবা কোক্রাঝার-গেলেফু রেল প্রোজেক স্পিসিএল রেল প্রোজেক অমা ওইনা লাউথোক্লে অমসুং এক্ত ইষ্ট পোলিসিগী শরুক অমা ওইহন্দুনা মসিনা ললোন-ইতিক অমসুং তুরিজম চাউখৎহনগনি।
প্রধান মন্ত্রীনা হায়খি মদুদি খুন্নাইনা মসিগী হৌরকফমশিংগা শম্নবা মতমদা, ৱারি শানবা অমসুং থাজনবা মপাঙ্গল কনবা মতমদা অমসুং কাংলুপ খুদিংমক্ত চপ মান্নবা খুদোংচাবশিং ফংবা মতমদা, অফবা অহোংবশিং উবা ফংগনি। অসাম অমসুং বোরোলেন্দ মাইকৈ অসিদা চঙশিল্লি। অসামগী থাজবা, থবক ঙম্বা অমসুং চাউখৎপনা ভারতকী চাউখৎপগী ৱারিদা অনৌবা মপাঙ্গল হাপ্লে। অসাম অসি য়াংনা চাউখৎলক্লিবা রাজ্যশিংগী মনুংদা য়াওরে, রাজ্য অসিগী শেন্মিৎলোন ফগৎলক্লি অমসুং অওনবা অসি পুরকপদা বোরোলেন্দ অমসুং মসিগী মীয়াম্না মরুওইবা থৌদাং অমা লৌরি। নুমিৎ অসিগী অচৌবা থৌরম অসিদা মীয়ামদা প্রধান মন্ত্রীনা অমুক হন্না য়াইফ পাউজেল পীখি।
থৌরম অসিদা শরুক য়াখিবা অতোপ্পা শক্নাইরবা মীওইশিংগী মনুংদা অসামগী রাজ্যপাল শ্রী লক্ষমন প্রসাদ অর্চারয়া, অসামগী চীফ মিনিষ্টর শ্রী হিমান্ত বিশ্বা শর্মা, য়ুনিয়ন মিনিষ্টরশিং শ্রী সর্বনন্দা সোনোৱাল, শ্রী পবিত্রা মারঘেরিতা য়াওখি।
নুঙগীৱারোল
প্রধান মন্ত্রী শ্রী নরেন্দ্র মোদী গুৱাহাতিগী সারুসাজাই ষ্টদিয়মদা বোরো ফুরুপকী ইনাকখুল্লবা নাৎ অমসুং চৎনবীশিং হরাওবা ফোঙদোকপা পুৱারি ওইরবা নাৎকী থৌরম অমা “বাগুরুম্বা দহৌ ২০২৬” শরুক য়াখ্রে।
থৌরম অসিদা, বোরো ফুরপকী কলাকার ১০,০০০ হেনবনা অমতা ওইনা চপ মান্ননা বাগুরুম্বা জগোয় শাখি। রাজ্য অসিগী জিলা ২৩ গী লেজিসলেতিপ এশেমব্লি কন্সতিতুয়েন্সি ৮১ গী কলাকারশিং থৌরম অসিদা শরুক য়াখি।
বাগুরুম্বা বোরো ফুরুপকী অরিবা জগোয়শিংগী মনুংদা অমনি অমসুং মহৌশাগী অকোয়বগী ফিবমনা ইথিল পীবনি। লৈশিংনা ফুগাইনা শাৎপা জগোয় অসিদা খুদম ওইনা উৎলি অমসুং মীওইবা অমসুং মহৌশাগী অকোয়বগী ফিবম নুংশিন্না হিংমিন্নবগী মমি তারি। নুপাশিংনা যন্ত্র খোঙদুনা অমসুং নহা ওইরিবী বোরো নুপীশিংনা শাবা জগোয় অসিদা কুরাকশিং, উচেকশিং, উনাশিং অমসুং লৈশিংগী শাথেকশিং উৎলি। মহৌশানা জগোয় অসি কাংলুপ ওইনা, কোইনা নত্ত্রগা পরেং শাংনা শাবনি।
বাগুরুম্বা জগোয় অসি বোরো মীয়ামগী নাৎকী য়াম্না মরুওই। মসিনা শান্তি, খুঞ্জাউ-লৈচাওবা, হরাওবা অমসুং নুংশিন্না হিংমিন্নবা উৎলি অমসুং ৱিশাগু, বোরোগী অনৌবা চহি হৌবা অমসুং দোমাসিগুম্বা কুহ্মৈশিংগা য়াম্না নক্নবা মরী লৈনরি।
***
(रिलीज़ आईडी: 2215771)
आगंतुक पटल : 5