প্রধানমন্ত্রীগী লোইশঙ
প্রধান মন্ত্রীনা স্তার্তঅপ ইন্দিয়াগী চহি ১০ মপুং ফারকপগা ইরোইননা নেস্নেল স্তার্ত দেদা য়াইফ পাউজেল পীখ্রে
প্রধান মন্ত্রীনা নেসনেল স্তার্ত অপ দেদা ভারতকী নহাশিংগী থৌনা হাপকদবা সংস্কৃত সুভশিতম অমা লান্থোকখ্রে
प्रविष्टि तिथि:
16 JAN 2026 9:28AM by PIB Imphal
নেস্নেল স্তার্ত-অপ দেগী থৌরমদা, প্রধান মন্ত্রী শ্রী নরেন্দ্র মোদীনা স্তার্ত-অপশিংগী মালেমগা মরী লৈনবা মীওই খুদিংদা য়াইফ পাউজেল পীখ্রে। চহি অসিগী সেলেব্রেসন অসি অখন্নবা মরুওইবা অমা ওইরি মরমদি স্তার্ত-অপ ইন্দিয়া ইনিসিএতিব হৌদোকখিবা চহী তরা মপুং ফারকপা নুমিৎ থোক্লি।
প্রধান মন্ত্রীনা হায়খি মদুদি ঙসিগী নুমিৎ অসি মালেমগী স্তার্ত-অপ ইকোসিস্তেমদা ভারতনা হেনগৎলকপদা পাৱর পীরিবা মীয়ামগী মরুওইনা নহারোলগী থৌনা, অনৌবা পুথোকপগী ৱাখল্লোন অমসুং ওন্ত্রিপ্রিন্যুরিয়ল জিলগী থৌনাগী থৌরম অমনি।
স্তার্ত-অপশিংগী ত্রান্সফোর্মেতিব রোলদা মরুওইনা পল্লদুনা, শ্রী নরেন্দ্র মোদীনা হায়খি:
স্তার্ত-অপশিং অসি ঐখোয়গী শেন্মিৎলোন অমসুং খুন্নাইগী তুংলমচৎ শেম্লিবা অহোংবা পুরক্নবা ইঞ্জিনশিংনি। মখোয়না ঐখোয়গী গ্রহ অসিনা থেংনরিবা শিংনবশিং কোকহন্নবা অমসুং মতম অমত্তদা মীওইশিংগীদমক খুদোংচাবশিং পুথোক্নবা অখন্নবা থবকশিং পায়খৎলি। ঐহাক্না অহল ওইরিবা মীওই খুদিংমক্কীদমক চাউথোকচরি। মখোয়না অচৌবা মঙলানশিং, চৎনরিবা চৎনবীশিংবু চেলেঞ্জ তৌখি, রিস্ক লৌখি অমসুং মখোয়গী স্তার্ত-অপশিংগী খুত্থাংদা অহোংবা পুরক্নবা হোৎনখি।
স্তার্ত-অপ ইকোসিস্তেম মপাঙ্গল কনখৎহন্নবা ভারত সরকারনা স্তেকহোল্দর পুম্নমক্কা লোয়ননা থবক তৌমিন্নরি হায়না প্রধান মন্ত্রীনা মখা তানা ফোংদোকখি। মহাক্না হায়খি মদুদি ভারতনা পায়খৎলিবা রিফোর্ম এক্সপ্রেস অসিনা স্পেস অমসুং দিফেন্স য়াওনা হান্ননা খল্লুদবা লমশিংদা স্তার্ত-অপশিংনা থবক পায়খৎনবগীদমক্তা খুদোংচাবা পীরক্লি। স্তার্ত-অপশিংনা আত্মনির্ভর ভারত অমা শেমগৎপদা মরু ওইবা থৌদাং অমা লৌরি হায়না মহাক্না চাউথোকচবা ফোংদোকখি। মহাক্না মসিগা লোয়ননা রিস্ক লৌবা অমসুং প্রোব্লেম সোলভর ওইনবা পাম্লিবা নহাশিংবু মতেং পীনবা সরকারগী ফিরেপ অদু অমুক হন্না ফোংদোকখি।
শ্রী মোদীনা স্তার্ত-অপশিংদা মতেং পাংলিবা মেন্তরশিং, ইনক্যুবেতরশিং, ইনভেস্তরশিং, একাদমিক ইন্সতিত্যুসনশিং অমসুং অতোপ্পশিংগী পাক চাউরবা ইকোসিস্তেম অদুসু শকখঙখি। মখোয়গী লমজিং-লমতাক অমসুং ৱাখল্লোনশিং অসিনা নহা ওইরিবা ইন্নোবেতরশিংবু পুক্নিং থৌগৎপদা অমসুং ভারতকী চাউখৎপগী ৱারীদা মতেং পাংবদা য়াম্না কান্নগনি হায়না মহাক্না ফোংদোকখি।
প্রধান মন্ত্রীনা ভারতকী স্তার্ত-অপশিংবু ইনোবেসন, রেসিলিয়েন্স অমসুং নেস্নেল প্রোগ্রেসকী দ্রাইভরশিং ওইনা থাজবা থম্লি।
সংস্কৃতকী ৱাহৈ অমা পল্লদুনা শ্রী মোদীনা ভারতকী নহা ওইরিবা ওন্ত্রপ্রিনরশিংগী থৌনাবু থাগৎখি। মখোয়না লেপ্পা লৈতনা হোৎনরিবা অসিনা স্তার্তঅপশিংগী মালেমদা অনৌবা রেকোর্দশিং শেমগৎলি হায়না মহাক্না ফোংদোকখি। মহাক্না অকনবা ৱাফম থমখি মদুদি মখোয়গী ইনর্জী অমসুং প্যাসন অসিনা বিক্সিত ভারতকী মঙলান অসি মপুং ফাহন্নবগী খ্বাইদগী চাউবা পাঙ্গল ওইগনি।
শ্রী মোদীনা এক্সতা থ্রেদ পোস্ত অমদা ইখি:
নেস্নেল স্তার্ত-অপ দেগী থৌরম অসিদা স্তার্ত-অপশিংগী মালেমগা মরী লৈনবা মীওই পুম্নমক্তা য়াইফ-পাউজেল পীজরি। ঙসি অসি অখন্নবা নুমিৎ অমনি মরমদি ঐখোয়না স্তার্ত-অপ ইন্দিয়া হৌদোকখিবা চহি তরা মপুং ফারক্লি। ঙসিগী নুমিৎ অসি ঐখোয়গী মীয়াম, মরু ওইনা ঐখোয়গী নহারোলশিংগী থৌনা, অনৌবা পুথোকপগী ৱাখল্লোন অমসুং এন্ত্রিপ্রেন্যুওরিয়েল জিলগী থৌরম অমনি। মখোয়না মালেমগী স্তার্ত-অপ ইকোসিস্তেমদা ভারতকী মপাঙ্গল কনখৎহল্লে।
#10YearsOfStartupIndia"
https://www.pib.gov.in/PressReleseDetail.aspx? PRID=2214764®=3&lang=1 ⁇
স্তার্ত-অপশিং অসি ঐখোয়গী শেন্মিৎলোন অমসুং খুন্নাইগী তুংলমচৎ শেম্লিবা অহোংবা পুরক্নবা ইঞ্জিনশিংনি। মখোয়না ঐখোয়গী গ্রহ অসিনা থেংনরিবা শিংনবশিং কোকহন্নবা অমসুং মতম অমত্তদা মীওইশিংগীদমক খুদোংচাবশিং পুথোক্নবা অখন্নবা থবকশিং পায়খৎলি। অচৌবা মঙলান উবা, চৎনরিবা চৎন-কাঙলোনশিং চেলেঞ্জ তৌবা, রিস্ক লৌবা অমসুং মখোয়গী স্তার্ত-অপশিংগী খুত্থাংদা অহোংবা পুরকপা ঙম্বা মীওই খুদিংমক্কীদমক ঐহাক চাউথোকচৈ।
#10YearsOfStartupIndia"
ভারত সরকারনা স্তেকহোল্দর পুম্নমক্কা লোয়ননা থবক তৌমিন্নদুনা ভারতকী স্তার্ত-অপ ইকোসিস্তেমবু হেন্না মপাঙ্গল কনখৎহন্নবা হোৎনরি। ভারতনা পায়খৎলিবা রিফোর্ম এক্সপ্রেস অসিনা স্পেস, দিফেন্স অমসুং অতৈ হান্ননা খল্লোইদবা লমশিংদা স্তার্ত-অপশিংনা থবক পায়খৎনবা য়াম্না কান্নবা ফীভম অমা শেম্লে। ঐখোয়গী স্তার্ত-অপশিংনা আত্মনির্ভর ভারত অমা শেমগৎপদা মরুওইবা থৌদাং অমা লৌরিবা অসিদা ঐহাক চাউথোকচৈ। ঐখোয়না রিস্ক লৌবা অমসুং প্রোব্লেম সোলভর ওইবা পাম্লিবা ঐখোয়গী নহাশিংদা মতেং পীনবা লেপ্লি।
#10YearsOfStartupIndia"
মসি স্তার্ত-অপশিংবু সপোর্ত তৌরিবা মেন্তরশিং, ইনক্যুবেতরশিং, ইনভেস্তরশিং, একাদেমিক ইন্সতিত্যুসনশিং অমসুং অতোপ্পশিংগী ইকোসিস্তেমবু শকখঙনবগী নুমিৎ অমসুনি। মখোয়গী তেংবাং অমসুং ৱাখল্লোন অসিনা ঐখোয়গী নহারোলশিংবু মখোয়না অনৌবা পুথোকপা অমসুং চাউখৎপদা মতেং পাংবদা পুক্নিং থৌগৎপদা চাউনা মতেং পাংই।
#10YearsOfStartupIndia"
ঐখোয়গী নহা ওইরিবা মরূপশিংনা মখোয়গী পুক্নিং চিংশিনবনা মরম ওইদুনা স্তার্তঅপকী মালেমদা অনৌবা রেকোর্দ কয়া অমা শেমগৎলি। মখোয়গী থৌনা অমসুং পুক্নিং থৌগৎপা অসিনা চাউখৎলবা ভারত অমগী মঙলান অদু মংফাওনহনবদা খ্বাইদগী চাউবা শক্তি ওইগনি।
दुर्लभान्यपि कार्याणि सिद्ध्यन्ति प्रोद्यमेन हि।
शिलाऽपि तनुतां याति प्रपातेनार्णसो मुहुः॥”
***
(रिलीज़ आईडी: 2215277)
आगंतुक पटल : 9
इस विज्ञप्ति को इन भाषाओं में पढ़ें:
Bengali
,
Telugu
,
English
,
Urdu
,
हिन्दी
,
Assamese
,
Punjabi
,
Gujarati
,
Tamil
,
Kannada
,
Malayalam