প্রধানমন্ত্রীগী লোইশঙ
অনৌবা অমৃত ভারত এক্সপ্রেস ত্রেন ৯ লাউথোকখিবদা প্রধান মন্ত্রীনা থাগৎপা ফোঙদোকখ্রে
प्रविष्टि तिथि:
14 JAN 2026 6:51PM by PIB Imphal
প্রধান মন্ত্রী শ্রী নরেন্দ্র মোদীনা হায়খি অনৌবা অমৃত ভারত এক্সপ্রেস ত্রেন ৯ অসি লৈবাক শীনবা থুংনা পেসেঞ্জরগী নুংঙাইবা অমসুং চৎথোক-চৎশিনগী খুদোংচাবা হেনগৎহন্নবা মরুওইবা খোঙথাং অমনি।
তোঙান তোঙানবা লম্বীশিংদা অনৌবা অমৃত ভারত এক্সপ্রেস ত্রেন ৯ লমথাবগী মতাংদা, য়ুনিয়ন রেলৱে মিনিষ্টর শ্রী অশ্বিনি বৈষ্ণবগী এক্সতা থ্রিদ অমগী পাউখুম পীরদুনা, প্রধান মন্ত্রীনা হায়খি মদুদি থবক অসিনা কান্নবশিং হেন্না ফংহল্লগনি।
প্রধান মন্ত্রীনা হায়খি মদুদি পেসেঞ্জরগী নুংঙাইবা অমসুং চৎথোক-চৎশিনগী খুদোংচাবা হেনগৎহন্নবগী মথক্ত, অনৌবা অমৃত ভারত ত্রেনশিংনা ললোন-ইতিক অমসুং তুরিজম চাউখৎহনবদা মতেং পাংগনি।
লৈবাক শীনবা থুংনা অনৌবা পেসেঞ্জর ত্রেনশিংগী নেতৱার্ক মখা তানা চাউথোকহল্লদুনা, অথুবা মতমদা অনৌবা অমৃত ভারত এক্সপ্রেস ত্রেন ৯ লমথারগনি হায়না এক্সতা , য়ুনিয়ন রেলৱে মিনিষ্টর শ্রী অশ্বিনি বৈষ্ণবনা লাউথোকখ্রে।
অনৌবা ত্রেনশিং অসিনা অসামগা হরিয়ানা অমসুং উত্তর প্রদেসকা শম্নগনি, তোঙান তোঙানবা লম্বীশিংনা নোংচুপ বেঙ্গলগা তামিল নাদু, কর্নাতকা, মহারাষ্ট্রা, ন্যু দিল্লি অমসুং উত্তর প্রদেসকা শম্নগনি অমসুং ভারতকী নোংপোক থংবা, অৱাং থংবা, খা থংবা অমসুং নোংচুপ থংবা লমদমশিং শীনবা থুংনা রাজ্যশিংগী মরক্ত ত্রেন চেনবা হেনগৎহনগনি।
এক্সতা থ্রিদ পোষ্টশিংগী পাউখুম পীরদুনা, প্রধান মন্ত্রীনা হায়খি;
“অনৌবা অমৃত ভারত এক্সপ্রেস ত্রেনশিং পেসেঞ্জরগী নুংঙাইবা অমসুং চৎথোক-চৎশিনগী খুদোংচাবা হেনগৎহন্নবা মরুওইবা খোঙথাং অমনি। অতোপ্পা কান্নবশিংগী মনুংদা ললোন-ইতিক অমসুং তুরিজম চাউখৎহনবা য়াওরি!”
***
(रिलीज़ आईडी: 2214793)
आगंतुक पटल : 6
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam