राष्ट्रपती कार्यालय
लोहडी, मकर संक्रांत, पोंगल आणि माघ बिहूच्या पूर्वसंध्येला राष्ट्रपतींकडून शुभेच्छा
प्रविष्टि तिथि:
12 JAN 2026 8:33PM by PIB Mumbai
नवी दिल्ली, 12 जानेवारी 2026
राष्ट्रपती द्रौपदी मुर्मू यांनी लोहडी, मकर संक्रांत, पोंगल आणि माघ बिहू (जे अनुक्रमे 13 आणि 14 जानेवारी रोजी येतात) च्या पूर्वसंध्येला नागरिकांना शुभेच्छा दिल्या आहेत.
राष्ट्रपतींनी संदेशात म्हटले आहे की,“लोहडी, मकर संक्रांत, पोंगल आणि माघ बिहू सणांच्या शुभ प्रसंगी मी भारतात आणि परदेशात राहणाऱ्या सर्व भारतीयांना हार्दिक शुभेच्छा देते.
हे सण आपल्या समृद्ध कृषी परंपरा आणि राष्ट्रीय एकतेचे प्रतीक आहेत. ते आपल्या चैतन्यशील आणि वैविध्यपूर्ण सांस्कृतिक वारशाचे प्रतिबिंब आहेत. या सणांच्या निमित्ताने आपण आपल्या शेतकऱ्यांच्या कठोर परिश्रमांप्रति आदर व्यक्त करतो जे देशाची अन्नधान्याची गरज पूर्ण करण्यासाठी अथक परिश्रम करतात. देशभरात साजरे होणाऱ्या या सणांद्वारे, आपण निसर्गाप्रति कृतज्ञता व्यक्त करतो.
या शुभ प्रसंगी, आपल्या समाजात प्रेम आणि एकतेची भावना अधिक मजबूत व्हावी आणि आपण समृद्ध राष्ट्र निर्माण करण्यासाठी एकत्र काम करावे अशी इच्छा मी व्यक्त करते. ”.
राष्ट्रपतींचा संदेश पाहण्यासाठी कृपया येथे क्लिक करा.
निलीमा चितळे/सुषमा काणे/प्रिती मालंडकर
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2213950)
आगंतुक पटल : 15