প্রধান মন্ত্রী শ্রী নরেন্দ্র মোদীনা ঙসি ভিদিওগী খুত্থাংদা শ্রীমদ বিজয়রত্ন সুন্দর সুরিশ্বরজী মহারাজকী ৫০০শুবা লাইরিক ফোঙবগী থৌরমদা ৱা ঙাংখ্রে। মীয়াম তিনখিবা অদুদা ৱা ঙাংলদুনা শ্রী মোদীনা হায়খি মদুদি মসিগী অশেংবা থৌরম অসিদা মহাক্না ইকাই খুম্নরবা ভুবনভনসুরিশ্বর জী মহারাজগী খুয়া খাদা খুরুমজরি অমসুং প্রসান্তমুর্তি সুভিশাল গচ্ছধিপতী পুজ্যা শ্রীমদ বিজয় রাজেন্দ্রসুরিশ্বর জী মহারাজ, পুজ্যা গচ্ছধিপতী শ্রী কাল্পতারুসুরিশ্বর জী মহারাজ, সরস্বতী ক্রিপাপাত্র পরম পুজ্যা আচার্য় ভগবান্ত শ্রীমদ বিজয়রত্নসুন্দরসুরিশ্বর জী মহারাজ অমসুং থৌরম অদুদা শরুক য়াখিবা সাধু অমসুং সাধবি পুম্নমক্তা ইকাই খুম্নবা উৎখি। মহাক্না উর্জা মহোৎসব কমিতীগী মেম্বর পুম্নমকপু থাগৎপা অমসুং নুংঙাইবা ফোংদোকখি।

প্রধান মন্ত্রীনা হায়খি মদুদি ঙসি শ্রীমদ বিজয়রত্ন সুন্দর সুরিশ্বর জী মহারাজকী ৫০০শুবা লাইরিক ফোঙবা উবা ফংবদা পুম্নমক নুংঙাইবা ফাওই, মহাক্না লৌশিং অসি শাস্ত্রাশিংদা খক্তা নত্তনা পুন্সিদা মসি উৎনবা হোৎনখি। মহাক্না অকনবা ৱাফম থমখি মদুদি মহারাজকী মগুন অসি অখাং কনবা, অচম্বা মতৌ অমসুং ময়েক শেংবগী অখন্নবা অপুনবা অমনি, মহাক্না ইবা মতমদা মহাক্কী ৱাহৈদা মনুং হুৎনা খঙবগী এক্সপরিয়েন্স অমা য়াওরি, মহাক্না ৱা ঙাংবদা মহাক্কী খোঞ্জেলদা মীনুংশি চেনবগী পাঙ্গল অমা য়াওরি, অমসুং মহাক্না ৱা ঙাংদ্রবসু মহাক্না লমজিং-লমতাক পীরি। মহাক্না মহারাজকী ৫০০শুবা লাইরিক, 'প্রেমনু বিশ্ব, বিশ্বনো প্রেম'গী হীরম অসিগী মরমদা ময়েক শেংনা পীরি হায়না পনখি অমসুং খুন্নাই, নহাশিং অমসুং মীওইবা খুন্নাইনা মসিগী থবক অসিদগী কান্নবা ফংগনি হায়না থাজবা ফোংদোকখি। মহাক্না হায়খি মদুদি অখন্নবা থৌরম অসি অমসুং উর্জা মহোৎসব অসিনা মীয়ামদা ৱাখল্লোনগী অনৌবা ইনর্জী পীরগনি অমসুং ময়াম পুম্নমকপু থাগৎপা ফোংদোকখি।

প্রধান মন্ত্রীনা হায়খি মদুদি মহারাজকী থবক ৫০০ অসি মীওইবা খুন্নাইগী অৱা-অনাশিংগী অচম্বা অমসুং স্পিরিচুএল সোলুসনশিং পীরিবা ৱাখল্লোনগী মশিং য়াম্লবা মনীশিং য়াউবা অচৌবা সমুদ্রগা পাংখকনি। মহাক্না হায়খি মদুদি মতম অমসুং ফিভমগী মতুং ইন্না হায়রিবা তোঙান তোঙানবা শাস্ত্রাশিং অসি লমজিং-লমতাকপগী মঙাল ওইনা মথৌ তৌগনি। মহাক্না হায়খি মদুদি নুংশিবা, অখাং কনবা অমসুং নুংশিনা হিংমিন্নবগা লোয়ননা অহিংসা, ইশাগী খন্দবা অমসুং গুন কয়া চেনবগী তাকপীবা হায়বা অসি তির্থানকরশিং অমসুং মমাংগী আচার্য়শিংনা তাকপীরম্বশিং অসি অরিবা মতমগী মওং অমদা হায়রিবা লাইরিকশিং অসিদা উবা ফংই। মহাক্না অকনবা ৱাফম থমখি মদুদি মরুওইনা ঙসিদি, মালেম অসিনা খেন্নবা অমসুং চয়েৎনবা কয়াগা লান্থেংনরিঙৈদা, "প্রেমনু বিশ্ব, বিশ্বনো প্রেম" অসি হান্নদগী হেন্না মথৌ তাই। মহাক্না হায়খি মদুদি মসি লাইরিক অমা খক্তা নত্তে অদুবু মসি মালেমনা পাম্লিবা শান্তি অমসুং অপুনবগী লম্বী তাক্লিবা অমসুং নুংশিবগী শক্তি তাক্লিবা মন্ত্র অমনি।

শ্রী মোদীনা হায়খি মদুদি জেন ফিলোসোফীগী লমজিং-লমতাক্লিবা ৱাখল্লোনদি পেরাসপরোপাগ্রাহো জিবনমনি, হায়বদি পুন্সি খুদিংমক অমগা অমগা মরী লৈনৈ। মহাক্না হায়খি মদুদি করিগুম্বা হায়রিবা ৱাখল্লোন অসি খঙলবদি, ঐখোয়গী মীৎয়েং অসি অমদগী অপুনবদা ওন্থোকই। মসিনা খুন্নাই, লৈবাক অমসুং মীওইবা খুন্নাইগী পান্দমগী মতাংদা খনবা ঙম্নবগীদমক ইশাগী অপাম্বদগী হেন্না ৱাংখৎলি। মহাক্না নিংশিংখি মদুদি হায়রিবা ৱাখল্লোন অসিগা লোয়ননা মহাক্না নভকর মন্ত্র দেদা শরুক য়াখি, মফম অদুদা কাঙলুপ মরিমক পুন্না লাকখি, অমসুং পুৱারী ওইরবা থৌরম অদুদা মহাক্না আপিল মাপল, ফিরেপ মাপল লৌখি। মহাক্না মখোয়শিং অসি ঙসি অমুক হন্না পনখি: অহানবা ৱারেপ অসি ঈশিং কনবা, অনিশুবা অসি এক পের মা কে নাম, অহুমশুবা অসি স্বচ্ছলগী মিসন চৎথনবা, মরিশুবা অসি ভোকেল ফোর লোকেল , মঙাশুবা অসি ভারত দর্শন তৌবা, তরুকশুবা অসি মহৌশাগী লৌউ-পথাপ শিজিন্ননবা, তরেৎশুবা অসি হকচাং ফবা পুন্সি মহিং ঙাক্না চৎপা, নিপালশুবা অসি য়োগ অমসুং শান্ন-খোৎনববু পুন্সিদা পাংথোকপা, অমসুং মাপলশুবা অসি লায়রবশিং মতেং পাংনবা হোৎননবা অসিনি।

শ্রী মোদীনা হায়খি মদুদি “ঙসি ভারত অসি মালেমগী খ্বাইদগী নহা ওইরিবা লৈবাকশিংগী মরক্তা অমা ওইরে”। মসিগী নহাশিংনা চাউখৎলবা ভারত অমা শেমগৎপগা লোয়ননা মখোয়গী নাৎকী মচাকশিং মপাঙ্গল কনখৎহল্লি। মহাক্না হায়খি মদুদি অহোংবা অসিদা মহারাজ সাহিবগুম্বা সাধুশিংগী লমজিং-লমতাকপী, মহাক্কী সাহিত্য অমসুং মহাক্কী ৱাহৈশিংনা মরুওইবা থৌদাং অমা লৌরি। প্রধান মন্ত্রীনা মহারাজ সাহিবকী ৫০০শুবা লাইরিক্কীদমক অমুক্কা হন্না থাগৎপা ফোংদোকখি। মহারাজ সাহিবকী ৱাখল্লোনশিং অসিনা ভারতকী ইন্তলেকচুএল, মোরেল অমসুং মীওইবগী খোঙচৎ মখা তানা মঙাল পীগনি হায়না মহাক্না থাজবা থমখি।

PM @narendramodi's message during the release of Shrimad Vijayaratna Sunder Surishwarji Maharaj’s 500th book. https://t.co/5QrcO8oGc6

— PMO India (@PMOIndia) January 11, 2026

***