തിരശ്ശീലയ്ക്കപ്പുറത്തെ ആഘോഷം

ഈ നവംബറിൽ നടക്കുന്ന അന്താരാഷ്ട്ര ചലച്ചിത്രമേള (IFFI) ഗോവയിൽ സിനിമകൾ പ്രദർശിപ്പിക്കുക മാത്രമല്ല ചെയ്യുന്നത്; ഒരു സാംസ്കാരിക കാർണിവലിന് ആതിഥേയത്വം വഹിക്കുക കൂടിയാണ്. രാജ്യത്തെ ഏറ്റവും പേരുകേട്ട ഈ ചലച്ചിത്രമേളയ്ക്ക് ഒരു പുതിയ മാനം നൽകിക്കൊണ്ട് സംഘാടകർ 'IFFIESTA' യ്ക്ക് തുടക്കം കുറിക്കുന്നു. ഇത് പ്രധാന ചലച്ചിത്രമേളയ്‌ക്കൊപ്പം വേദിയെ തീപിടിപ്പിക്കുന്ന സംഗീതം, സംസ്കാരം, തത്സമയ പ്രകടനങ്ങൾ എന്നിവയുടെ ഒരു അത്യുജ്ജ്വലമായ ആഘോഷമാണ്.

അന്താരാഷ്ട്ര ചലച്ചിത്രമേളയിൽ ഇന്ത്യയുടെ സംഗീതപരവും സാംസ്കാരികവുമായ മികവ് പ്രദർശിപ്പിക്കുന്ന IFFIESTA 2025, ദൂരദർശന്റെ പ്രൗഢഗംഭീരമായ ആഘോഷമായിരിക്കും. 2025 നവംബർ 21 മുതൽ 24 വരെ, ശ്യാമ പ്രസാദ് മുഖർജി ഓഡിറ്റോറിയം ശബ്ദം, താളം, പ്രകടനം എന്നിവയിലൂടെ കഥകൾ വിരിയുന്ന ഒരു ഊർജ്ജസ്വലമായ വേദിയായി മാറും. വേവ്‌സ് കൾച്ചറൽസ് & കൺസേർട്ട്‌സിന്റെ മേൽനോട്ടത്തിൽ നടക്കുന്ന ഈ ഉത്സവം, കലയുമായുള്ള ഇന്ത്യയുടെ കാലാതീതമായ ബന്ധത്തെ ആഘോഷിക്കുന്ന ഒരു അനുഭവത്തിൽ സംഗീതജ്ഞരെയും കലാകാരന്മാരെയും കാഴ്ചക്കാരെയും ഒന്നിച്ചുകൊണ്ടുവരും.

IFFIESTA-യിലെ ഓരോ സായാഹ്നത്തിനും അതിന്റേതായ സ്വഭാവമുണ്ടാകും. ചില രാത്രികൾ ഗൃഹാതുരത്വം ഉണർത്തുന്ന പരിചിതമായ ഈണങ്ങളോടെ മൃദുവായി ആരംഭിക്കും. മറ്റു ചിലത് വർണ്ണത്തിലേക്കും ചലനത്തിലേക്കും പൊട്ടിപ്പുറപ്പെടും, സർഗ്ഗാത്മകതയെ പുനർനിർവ്വചിക്കുന്ന ഒരു തലമുറയുടെ ആത്മവിശ്വാസത്തോടെ യുവ കലാകാരന്മാർ വേദിയിലെത്തും. ക്ലാസിക്കൽ രാഗങ്ങളുടെ ചാരുത മുതൽ സമകാലിക താളങ്ങളുടെ സ്പന്ദനം വരെ, ഇന്ത്യയുടെ വൈവിധ്യമാർന്നതും ചലനാത്മകവും ആഴത്തിൽ വൈകാരികവുമായ സത്തയെ IFFIESTA ഒപ്പിയെടുക്കും. അതോടൊപ്പം, ഇന്ത്യയുടെ വളർന്നുവരുന്ന "ക്രിയേറ്റീവ് ആൻഡ് ലൈവ് എക്കോണമി"യെ (സർഗ്ഗാത്മകവും സജീവവുമായ സമ്പദ്‌വ്യവസ്ഥ – കല, നവീകരണം, സംരംഭകത്വം എന്നിവ പ്രകടനങ്ങൾ മാത്രമല്ല, സാധ്യതകൾ സൃഷ്ടിക്കുന്ന ചലനാത്മക ഇടം)  പ്രതിധ്വനിപ്പിക്കും. ഇതിന്റെ മാറ്റൊലിയും IFFIESTA-യിൽ ഉണ്ടാകും.

എന്നാൽ സംഗീതത്തിനും വെളിച്ചത്തിനും അപ്പുറം, IFFIESTA  ആളുകളെക്കുറിച്ചുള്ളതാണ്. ഒരുമിച്ച് പാടുന്ന ജനക്കൂട്ടത്തെക്കുറിച്ചും സൂര്യാസ്തമയത്തിന് ശേഷം ഒത്തുചേരുന്ന കുടുംബങ്ങളെക്കുറിച്ചും താളത്തിൽ ഒന്നാകുന്ന അപരിചിതരെക്കുറിച്ചുമുള്ളതാണ്. സംഗീതം കേൾക്കാൻ മാത്രമുള്ളതല്ല, അനുഭവിക്കാൻ കൂടിയുള്ളതാണെന്ന് ഇത് ഓർമ്മിപ്പിക്കുന്നു. അത് ഹൃദയങ്ങളെ ബന്ധിപ്പിക്കുന്നു, അതിരുകൾ ഇല്ലാതാക്കുന്നു, ഒപ്പം ഓരോ ശ്രോതാവിനും ഉൾച്ചേരാൻ ഒരു കാരണം നൽകുന്നു.

സംഗീത മാന്ത്രികതയുടെ നാല് ദിനങ്ങൾ

IFFIESTA 2025 നാല് അവിസ്മരണീയമായ സായാഹ്നങ്ങളിലായി അരങ്ങിലെത്തും, ഓരോന്നിനും അതിന്റേതായ താളവും സ്പന്ദനവുമുണ്ട്. ഓരോ സായാഹ്നത്തിനും ഒരു സെലിബ്രിറ്റി അവതാരകൻ നേതൃത്വം നൽകും, ഒപ്പം സരിഗമ അവതരിപ്പിക്കുന്ന ഒരു പ്രത്യേക അതിഥി ഗായകനും/ഗായികയും ഉണ്ടാകും. ആർക്കും കടന്നുചെന്ന് അതിന്റെ ഭാഗമാകാൻ കഴിയുന്ന ഊർജ്ജത്തിന്റെയും കരവിരുതിന്റെയും ആഘോഷത്തിന്റെയും തുടർച്ചയായ ഒരനുഭവമായിരിക്കും. സരിഗമ, MJ ഫിലിംസ്, ഡൽഹി ഘരാന എന്നിവയുമായി സഹകരിച്ച് അവതരിപ്പിക്കുന്ന ഈ ഉത്സവം, ഇന്ത്യയിലെ മികച്ച ശബ്ദങ്ങളെയും സംഗീതജ്ഞരെയും കഥാകാരന്മാരെയും ഒരു വർണ്ണാഭമായ വേദിയിൽ ഒരുമിപ്പിക്കും - ഇത് രാജ്യത്തിന്റെ സൃഷ്ടിപരമായ വൈവിധ്യത്തിൻ്റെയും IFFIESTA -യെ നിർവചിക്കുന്ന ഒത്തുചേരലിന്റെ മനോഭാവത്തിന്റെയും പ്രതിഫലനമാണ്.

വേദി: ശ്യാമ പ്രസാദ് മുഖർജി ഓഡിറ്റോറിയം, ഗോവ | സമയം: വൈകുന്നേരം 6:00 മുതൽ രാത്രി 8:00 വരെ

പ്രധാന ആകർഷണങ്ങൾ

ഒരു പുതിയ ഇന്ത്യയുടെ സർഗ്ഗാത്മക സ്പന്ദനം

ഇന്ത്യയുടെ സാംസ്കാരിക ഭൂപ്രകൃതിയെ പരിവർത്തനം ചെയ്യുന്ന ഒരു പ്രസ്ഥാനമാണ് IFFIESTA യുടെ കാതൽ - അതാണ് "ക്രിയേറ്റീവ് ആൻഡ് ലൈവ് എക്കോണമി"യുടെ വളർച്ച. ഒരു ഉത്സവമെന്നതിലുപരി, സർഗ്ഗാത്മകത അവസരങ്ങൾ ഒത്തുചേരുന്ന ഒരു വേദിയായി IFFIESTA മാറും. ഇത് കലാകാരന്മാരെയും പ്രേക്ഷകരെയും വ്യവസായങ്ങളെയും ഒരുമിച്ച് കൊണ്ടുവന്ന് കഴിവുകളുടെയും നവീകരണത്തിന്റെയും പങ്കിട്ട ആഘോഷമാക്കി മാറ്റും.

ഈ കാഴ്ചപ്പാട് വേവ്‌സ് കൾച്ചറൽസ് & കൺസേർട്ട്‌സിൽ അടിത്തറയിടുന്നു. ഇത് കലാപരമായ സഹകരണത്തിനും സാംസ്കാരിക സംരംഭകത്വത്തിനും പുതിയ വഴിയൊരുക്കിയ ഒരു സംരംഭമാണ്. ബൃഹത്തായ വേൾഡ് ഓഡിയോ വിഷ്വൽ & എന്റർടൈൻമെന്റ് സമ്മിറ്റ് (WAVES) പ്ലാറ്റ്‌ഫോമിന് കീഴിൽ, ഈ ഉത്സവം അതിർത്തികൾക്കപ്പുറമുള്ള സ്രഷ്ടാക്കളെയും വ്യവസായങ്ങളെയും പ്രേക്ഷകരെയും ബന്ധിപ്പിച്ചുകൊണ്ട് ഇന്ത്യയുടെ ഒരു ആഗോള സർഗ്ഗാത്മക കേന്ദ്രമെന്ന വളർച്ചയെ പ്രോത്സാഹിപ്പിക്കുന്നു.

വിപുലമായ തത്സമയ അനുഭവങ്ങൾ ക്യൂറേറ്റ് ചെയ്യുന്നതിലൂടെയും താഴെത്തട്ടിൽ നിന്ന് ആഗോള തലം വരെ പ്രതിഭകളെ പരിപോഷിപ്പിക്കുന്നതിലൂടെയും ഇന്ത്യൻ കലയുടെ വൈവിധ്യം പ്രദർശിപ്പിക്കുന്നതിലൂടെയും വേവ്‌സ് കൾച്ചറൽസ് & കൺസേർട്ട്‌സ് ഇന്ത്യയുടെ വളരുന്ന സർഗ്ഗാത്മക സമ്പദ്‌വ്യവസ്ഥയുടെ ചട്ടക്കൂട് നിർമ്മിക്കാൻ സഹായിക്കുന്നു. കൺസേർട്ടുകളും മത്സരങ്ങളും മുതൽ അന്താരാഷ്ട്ര സഹകരണങ്ങൾ വരെ, ഇത് കലാപരമായ മികവിനെയും സാമ്പത്തിക മൂല്യത്തെയും പ്രോത്സാഹിപ്പിക്കുന്നു - സംഗീതജ്ഞരെയും കലാകാരന്മാരെയും നിർമ്മാണ വിദഗ്ധരെയും ഒരുപോലെ പിന്തുണയ്ക്കുന്ന ആവാസവ്യവസ്ഥയെ ശക്തിപ്പെടുത്തുന്നു.

ഈ തുടർച്ചയിൽ, IFFIESTA ഈ വലിയ പ്രസ്ഥാനത്തിന്റെ ജനകീയമായ പ്രകടനമായി നിലകൊള്ളുന്നു. സർഗ്ഗാത്മകത എങ്ങനെ ബന്ധങ്ങൾക്ക് ഉത്തേജനം നൽകുന്നുവെന്നും തത്സമയ അനുഭവങ്ങൾ കരഘോഷം മാത്രമല്ല, ഉപജീവനമാർഗ്ഗവും എങ്ങനെ സൃഷ്ടിക്കുന്നുവെന്നും ഇത് പ്രതിഫലിപ്പിക്കുന്നു. സംസ്കാരത്തിനും സംഗീതത്തിനും പ്രകടനങ്ങൾക്കുമുള്ള ഈ നാല് രാത്രികൾ വലിയ ദേശീയ മുന്നേറ്റത്തിന്റെ മാറ്റൊലിയാകും - അവിടെ സംസ്കാരം സംരക്ഷിക്കപ്പെടുക മാത്രമല്ല, പങ്കാളിത്തത്തിലൂടെയും നവീകരണത്തിലൂടെയും, പങ്കിട്ട ആഘോഷത്തിലൂടെയും മുന്നോട്ട് കൊണ്ടുപോകുകയും ചെയ്യുന്നു.

തുടരുന്ന മാറ്റൊലി

IFFIESTA 2025 വെറുമൊരു ഉത്സവം എന്നതിലുപരി, ആളുകളും കലയും കഥകളും കണ്ടുമുട്ടുമ്പോൾ അഴിച്ചുവിടുന്ന മാന്ത്രികതയുടെ ഓർമ്മപ്പെടുത്തലായി മാറും. ഗോവയിലെ നാല് രാത്രികളിൽ സംഗീതം ഓർമ്മയായി മാറും, പ്രകടനങ്ങൾ പങ്കാളിത്തമായി മാറും, ഓരോ കയ്യടിയും പങ്കിട്ട സന്തോഷത്തിന്റെ ഊഷ്മളത വഹിക്കും. എല്ലാവരെയും ഉൾക്കൊള്ളുന്നതും സ്വതസിദ്ധവും മാനുഷികവുമായ ആഘോഷത്തിന്റെ സത്ത ഇത് പകർത്തും.

ദൂരദർശന്റെ കാഴ്ചപ്പാടുകളാലും വേവ്‌സ് കൾച്ചറൽസ് & കൺസേർട്ട്‌സ് സൃഷ്ടിക്കുന്ന സർഗ്ഗാത്മക പാതകളാലും കരുത്തേകുന്ന ഈ ഉത്സവം, സംസ്കാരം അനുഭവിക്കുക എന്നതിനെ പുനർനിർവ്വചിക്കും. കല കൺസേർട്ട് ഹാളുകളിലോ സ്റ്റുഡിയോകളിലോ മാത്രമല്ല, ആളുകൾ അത് ആഘോഷിക്കാൻ ഒത്തുചേരുന്നിടത്തെല്ലാം ജീവിക്കുകയും ശ്വസിക്കുകയും ചെയ്യുന്നു എന്നതിന്റെ ഓർമ്മപ്പെടുത്തലായി ഇത് വർത്തിക്കും. ഒരു യുവ കലാകാരന്റെ ആദ്യ നോട്ട് മുതൽ ഒരു മാസ്ട്രോയുടെ കാലാതീതമായ പ്രകടനം വരെ, IFFIESTA ഇന്ത്യയെ നിർവചിക്കുന്ന വികാരങ്ങളുടെയും അതിരുകളില്ലാത്ത സർഗ്ഗാത്മക ഊർജ്ജത്തിന്റെയും മാറ്റൊലിയാകും.

Click here for pdf file.

***

SK