Ka Jingrakhe kaba palat ia ka Screen

Mynta u bnai Naiwieng, ka International Film Festival of India (IFFI) kam dei tang ka jingpyni ia ki phlim ha Goa; ka pynlong ia ka jinglehkmen jong ka kolshor. Da kaba bynrap ïa ka jinglong thymmai sha ka jingïalang ba pawnam ba iadei bad ki kam shna phlim jong ka ri, ki nongpynïaid ki plie paidbah ïa ka ‘IFFIESTA’, ka jingrakhe kaba iphuh iphieng jong ka put ka tem, ka kolshor, bad ki jingshad ki ban pynshitrhem ïa ka rynsan ryngkat bad ka tamasa ba kongsan.

Ka IFFIESTA 2025 kan dei ka jingrakhe ba khraw jong ka Doordarshan ia ka jingtbit ha ka rwai ka siaw bad ha ka kolshor jong ka ri India ha ka International Film Festival of India. Naduh ka 21 haduh ka 24 tarik u Naiwieng 2025, ka Shyama Prasad Mukherjee Auditorium kan kylla sha ka rynsan kaba iphuh iphieng ha kaba ki khana ki paw lyngba ka sur, ka jingsawa, bad ka jingpyni. La pynkhreh hapoh ka WAVES Culturals & Concerts, kane ka tamasa kan pynïasoh lang ïa ki nongtem, ki barikor, bad ki nongpeitkai ha ka jingsngwthuh kaba rakhe ïa ka jingïadei kaba shirta jong ka India bad ka kam saindur.

Man la ka janmiet ha ka IFFIESTA kan don la ka jong ka jong ka jinglong. Katto katne ki miet kin sdang da kaba jai jai, da ki sur kiba wanrah ia ka jingkynmaw. Kiwei pat kin pahuh ka rong bad ka jingkhih, katba ki samla nongiashim bynta kin ieng ha ka rynsan da ka jingsngewskhem jong ka pateng kaba pynkylla dur ia ka jingsaindur. Naduh ka jingsngtynnad jong ki raga ba rim haduh ka jingsawa jong ki jingrwai ba mynta, ka IFFIESTA kan khring ia ka jinglong tynrai jong ka India - kaba pher, kaba thymmai, bad kaba don ka jingsngew kaba jylliew. Katba ka dang leh kumta, ka IFFIESTA kan pynsawa ruh ïa ka “ioh ka kot kaba thymmai na ka jingsaindur” jong ka India kaba nang kiew- ka jaka kaba thymmai ha kaba ka kam saindur, ka jingpynmih jingmut, bad ka jingseng kam ki ïawan lang ban thaw ym tang ïa ki jingpyni hynrei ïa ki lad ki lynti.

Hynrei nalor ka jingrwai bad ki jingshai, ka IFFIESTA ka dei shaphang ki briew. Ka dei shaphang u paidbah uba rwai lang, ki longiing kiba iawan lang hadien ba la sep ka sngi, bad ki nongwei kiba kylla long kawei bad ka jingsawa. Ka long ka jingpynkynmaw ba ka jingrwai kam dei kaba shu iohsngew, hynrei ka dei kaba lah ban sngewthuh. Ka pyniasoh ia ki dohnud, ka pynduh ia ki pud, bad ka ai ia uwei pa uwei u nongsngap ia ka daw ban iadon lang.

Saw sngi jong ka rwai ka siaw

Ka IFFIESTA 2025 kan pyni palat saw tylli ki janmiet ki bym lah ban klet, kawei pa kawei ka don la ka jong ka jingsawa. Man la ka janmiet yn pyniaid da u nongpyniaid ba pawnam, ryngkat bad u nongrwai ba kyrpang ba la wanrah da ka Saregama. Ka resol kan long ka bor ba iai bteng, ka jingsaindur, bad ka jingrakhe kaba uno uno u lah ban iaid shapoh bad sngew ba u long ka bynta jong ka. La wanrah ha ka jingïatreilang bad ka Saregama, ka MJ Films, bad ka Dilli Gharana, kane ka tamasa kan wanrah lang ïa ki sur ba thiang tam jong ka India, ki nongtem, bad ki nongthuh khana ha kawei ka rynsan kaba iphuh iphieng — ka jingpyni ïa ka jingiar jong ka jingsaindur jong ka ri bad ka mynsiem jong ka jingïatylli kaba batai ïa ka IFFIESTA.

Jaka: Shyama Prasad Mukherjee Auditorium, Goa | Por: 6:00 Janmiet– 8:00 Janmiet

Ki prokram ba kongsan

Ka bor saindur jong ka India Bathymmai

Ha ka pdeng jong ka IFFIESTA ka don ka jingïakhih kaba pynkylla ïa ka kolshor jong ka ri India — ka jingkiew jong ka “ioh ka kot kaba thymmai na ka jingsaindur”. Lait na ka tamasa, ka IFFIESTA kan kylla long ka rynsan ha kaba ka jingsaindur ka ïakynduh ïa ka lad, kaba pynïasoh lang ïa ki barikor, ki nongpeitkai, bad ki karkhana ha ka jingrakhe lang ïa ka sap bad ka jingpynwandur thymmai.

Kane ka jingangnud ka shem ïa ka nongrim jong ka ha ka WAVES Culturals & Concerts[1], ka sienjam kaba plie lynti ïa ki rukom treikam ba thymmai jong ka jingïatreilang ha ka kam saindur bad ka kam seng kam seng jam ba iadei bad ka kolshor. Hapoh ka World Audio Visual & Entertainment Summit (WAVES)[2], ka tamasa ka kyntiew ïa ka jingmih jong ka India kum ka jaka pdeng jong ka kam saindur ha ka pyrthei — kaba pynïasoh ïa ki nongsaindur, ki karkhana, bad ki nongpeitkai ha kylleng ki pud.

Da kaba wanrah ïa ki jingïakynduh ba heh, ban kyntiew ïa ki sap naduh ki jaka nongkyndong haduh kylleng ka pyrthei, bad ban pyni ïa ka jingiar jong ka kam saindur jong ka India, ka WAVES Culturals & Concerts ka ïarap ban tei ïa ka nongrim jong ka ïoh ka kot ba thymmai jong ka India na ka jingsaindur. Naduh ki concert bad ki jingïakop haduh ki jingïatreilang bad kiwei kiwei ki ri, ka kyntiew ïa ka jingtbit ha ka kam saindur bad ka ka ioh ka kot — ka pynkhlain ïa ka jinglong kaba kyrshan ïa ki nongtem, ki nongrwai, bad ki nongpynmih jingrwai kumjuh.

Ha kane ka jingïaid lynti, ka IFFIESTA ka ieng kum ka jingpynpaw jong ki paidbah ïa kane ka jingïakhih kaba kham heh. Ka pyni kumno ka jingsaindur ka pynmih ia ka jingiadei bad kumno ki jingshem dalade ki wanrah ym tang ia ka jingiaroh, hynrei ia ki lad kamai. Ki saw miet na ka bynta ka kolshor, ka rwai ka siaw bad ki jingshad kin sa sawa bad ka jingkhih jong ka ri kaba kham heh — kawei ha kaba ka kolshor kam dei tang ba la pynneh pynsah, hynrei la kyntiew shakhmat lyngba ka jingïashim bynta, ka jingsaindur thymmai, bad ka jingrakhe lang.

Ka jingsawa kaba neh

Ka IFFIESTA 2025 ka la pynkhreh ban long kham palat ban ia ka tamasa, kan long kum ka jingpynkynmaw ia ka bor kaba mih haba ki briew, ka jingsaindur, bad ki khanatang ki iakynduh. Ha ki saw miet ha Goa, ka jingrwai kan kylla long ka jingkynmaw, ki jingshad kin kylla long ka jingïashim bynta, bad man la ka jingthap kti kan rah ïa ka jingkmen jong baroh. Kan khring ia ka jinglong tynrai jong ka jingrakhe kaba dei ia baroh- kaba kynthup lang, kaba mih hi, bad kaba jylliew bha.

Da ka jingpyniaid da ka jingiohi jngai jong ka Doordarshan bad ki lynti saindur ba la tei da ka WAVES Culturals & Concerts, kane ka tamasa kan pynkylla biang ïa ka jingmut ban mad ïa ka kolshor. Kan long kum ka jingpynkynmaw ba ka jngsaindur kam shong tang ha ki kamra pynlong concert ne ki studio - ka shong bad ka ring mynsiem ha kano kano ka jaka ba ki briew ki iawan lang ban rakhe ia ka. Naduh ka jingrwai ba nyngkong jong u samla nongrwai haduh ka jingrwai ba shirta jong u nongrwai, ka IFFIESTA kan pynsawa ïa ki jingsngew bad ka bor saindur ba shirta kaba batai ïa ka ri India.

Nion hangne ban ioh ia ka pdf file.

****