প্রধানমন্ত্রীগী লোইশঙ
পি.এম.দা ইজরেলগী প্রধান মন্ত্রীনা তেলিফোন তৌরকখ্রে
লুচিংবা অনিনা চহি হৌবগী য়াইফ-পাউজেল পীনখ্রে অমসুং মীয়ামগী শান্তি অমসুং চাউখৎপা পুরকপা ওইরসনু হায়না থৌনিখ্রে
লুচিংবা অনিমক্না ইন্দিয়া-ইজরেল স্ত্রেতেজিক পার্তনরশিপ হেন্না মপাঙ্গল কনখৎহন্নবা মান্নবা মরু ওইবা লমশিং খঙদোকখ্রে
মখোয়না মওং-মতৌ অমসুং শক্লোন পুম্নমক্তা তেরোরিজমগী মাইকৈদা জিরো-তোলরেন্স এপ্রোচ লৌখৎকনি হায়না অমুক হন্না ফোংদোকখ্রে
পি.এম. নেতন্যাহুনা পি.এম.দা গাজা পীচ প্লান থবক ওইনা পাইখৎপগী মতাংদা পাউদমখ্রে
পি.এম.না লমদম অসিদা অচুম্বা অমসুং তুংকোইনা শান্তি পুরক্নবা মাইকৈদা লৌখৎলিবা খোঙথাংশিংগীদমক ভারতকী লেংদ্রবা সপ্পোর্ত অমুক হন্না ফোংদোকখ্রে
प्रविष्टि तिथि:
07 JAN 2026 3:02PM by PIB Imphal
প্রধান মন্ত্রী শ্রী নরেন্দ্র মোদীদা ইজরেলগী প্রধান মন্ত্রী ঐচ.ই. শ্রী বেঞ্জামিন নেতন্যাহুনা ঙসি তেলিফোন তৌরকখ্রে।
লুচিংবা অনিমক্না অনৌবা চহিগী য়াইফ পাউজেল পীনখি অমসুং লৈবাক অনিগী মীয়ামদা শান্তি অমসুং চাউখৎপা ওইরসনু হায়না য়াইফ পাউজেল পীখি।
মান্নবা দেমোক্রেতিক ভেল্যুশিং, অচেৎপা অমনা অমবু থাজবা, অমসুং মীৎয়েং শানবা ভিজননা লমজিংদুনা মখোয়না ইন্দিয়া-ইজরেলগী স্ত্রেতেজিক পার্তনরশিপবু লাক্কদৌরিবা চহি অসিদা হেন্না মপাঙ্গল কনখৎহন্নবা পার্তনরশিপকী মান্নবা মরু ওইবা লমশিং মশক খঙদোকখি।
মখোয়না তেরোরিজমগী মওং অমসুং শক্লোন পুম্নমক্তা মখোয়গী জিরো-তোলরেন্স এপ্রোচ অদু অমুক হন্না ফোংদোকখি অমসুং মসিগী খুদোংথীবা অসি থেংননবা মখোয়গী ফিরেপ অদু অমুক হন্না ফোংদোকখি।
প্রধান মন্ত্রী নেতন্যাহুনা গাজা পীচ প্লানগী থবক পায়খৎপগী মতাংদা প্রধান মন্ত্রীদা পাউদমখি।
লমদম অসিদা অচুম্বা অমসুং তুং কোইনা চৎকদবা শান্তি অমা পুরক্নবা হোৎনরিবা অসিদা ভারতনা লেপ্পা লৈতনা মতেং পাংলি হায়না প্রধান মন্ত্রীনা অমুক হন্না ফোংদোকখি।
মখোয়না ম্যুচেল ইন্তরেস্তকী রিজনেল অমসুং গ্লোবেল ইসুশিংদা ৱাখল্লোনশিংসু ফোংদোক্নখি।
লুচিংবা অনিমক্না মখা তান পাউ অদুমক ফাওনদুনা লৈনবা য়ানখি।
***
(रिलीज़ आईडी: 2212088)
आगंतुक पटल : 19
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam