ইন্দিয়ন ইন্সতিত্যুৎ ওফ মাস কম্ম্যুনিকেসন (য়ুনিভর্সিতী অমা ওইনা লৌনরিবা) না ইন্সতিত্যুসন অসিগী চহি ৬০গী একাদমিক খোঙচৎতা পুৱারী ওইরবা মাইলস্তোন অমা ওইরিবা ২০২৬কী জনুৱারী ১দা পি.ঐচ.দি. প্রোগ্রাম হৌদোকখ্রে। স্কলরশিংবু একাদেমিক চহি ২০২৫-২৬কী পি.ঐচ.দি. প্রোগ্রামদা এদমিসন তৌনবগীদমক্তা খনগনি।

২০২৬গী জনুৱারী ১দা হৌখিবা ফুল-তাইম অমসুং পার্ত-তাইম কেন্দিদেৎ অনিমক্কী ওনলাইন এদমিসন প্রোসেস অসি ২০২৬গী জনুৱারী ৩০ ফাওবা হাংগনি। য়ু.জি.সি.-নেৎ ইলিজিবিলিতীগা লোইননা এপ্লাই তৌরিবা কেন্দিদেৎশিংবু হকথেংননা ইন্তরেক্সনগীদমক কৌগনি, অদুগা য়ু.জি.সি.-নেৎ ক্বালিফিকেসন য়াওদবা পার্ত-তাইম কেন্দিদেৎশিংনা ২০২৬গী ফেব্রুৱারী ১৫দা পাংথোক্কদবা এন্ত্রান্স একজাম অমা পাংথোক্কনি। খনগৎলবা কেন্দিদেৎশিংগী লিস্ত অসি ২০২৬গী ফেব্রুৱারী ২৩দা ফংগনি অমসুং ইন্তর্ভিয়ু অসি ২০২৬গী মার্চ ৯দগী হৌগনি। এদমিসন প্রোসেস অসি মার্চ ২৭, ২০২৬ ফাওবদা লোইশিনগনি অমসুং কোর্সৱার্ক অসি এপ্রিল ১, ২০২৬দগী হৌগনি।

পি.ঐচ.দি. এদমিসন পোর্তেল হৌদোকপগী থৌরমদা ৱা ঙাংলদুনা আই.আই.এম.সি.গী ভাইস চান্সেলর দোক্তর প্রগতি পালিৱাল গৌরনা হায়খি মদুদি পি.ঐচ.দি. প্রোগ্রামগী পান্দমদি ভারতপু অমুক হন্না হিংগৎহন্নবগীদমক রিসর্চকী মায়কৈদা তশেংনা মতেং পাংবা হায়বসিনি। দোক্তর পালিৱাল গৌরনা রিসর্স প্রোজেক্তশিংদা পান্দম থমবগী তঙাইফদবদা অকনবা ৱাফম থমখি।

আই.আই.এম.সি. পি.ঐচ.দি. প্রোগ্রাম হৌদোকপগী থৌরমদা ভাইস চান্সেলরনা ন্যু দিল্লী কেম্পসতা “  জ্ঞান বৃক্ষ “ হায়না খঙনবা “ কোবিদারা” গী পাম্বী অমা থাখি।

আই.আই.এম.সি.দা পি.ঐচ.দি. প্রোগ্রাম অসি অরুবা একাদমিক এনভাইরনমেন্ত অমা পীবা, ইন্তরদিসিপ্লিনরী স্কোলারশিপ পুক্নিং থৌগৎপা অমসুং জর্নেলিজম, কম্ম্যুনিকেসন অমসুং মসিগা মরী লৈনবা লমশিংদা লৌশিং হেনগৎহনবদা মতেং পাংনবা পান্দম থম্লি। প্রোগ্রাম অসি মীদিয়া অমসুং কম্ম্যুনিকেসন স্তদিজকী হোংলক্লিবা লম অসিদা থিজিন হুমজিনবা অমসুং শরুক য়াবা পাম্বা স্কোলরশিংগীদমক্তা শেমগৎপনি। মসিনা রিসর্চ স্কোলরশিংদা জর্নেলিজম, মাস কম্ম্যুনিকেসন, দিজিতেল মীদিয়া, স্ত্রেতেজিক কম্ম্যুনিকেসন, মীদিয়া ইন্দস্ত্রী মেনেজমেন্ত, ফিল্ম স্তদিজ, পোলিতিকেল কম্ম্যুনিকেসন, দিবেলপমেন্ত কম্ম্যুনিকেসন, এদভর্টাইজিং অমসুং পব্লিক রিলেসন্সকী মতাংদা অকুপ্পা থিজিনবগী খুদোংচাবা পীরি। প্রোগ্রাম অসিনা ইন্তরদিসিপ্লিনরী রিসর্চ পুক্নিং থৌগৎলি অমসুং মেদিয়া রিসর্চতা ইন্নোবেসন অমসুং স্কোলারসিপ এক্সলেন্স পুক্নিং থৌগৎনবা পান্দম থম্লি।

***