প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী বারানসীদা ভিদিও কনফরেন্সকী থোংদা 72শুবা নেস্নেল ভোলীবোল তোর্নামেন্ত হৌদোকখ্রে। থৌরম অদুদা তিনখিবা মীয়ামদা ৱা ঙাংলদুনা শ্রী মোদীনা হায়খি মদুদি বারানসীদগী পার্লিয়ামেন্তকী মেম্বর অমা ওইনা, শান্নরোই পুম্নমকপু তরাম্না ওকপা অমসুং থাগৎপা ফোংদোকপদা নুংঙাইবা ফাওই। মহাক্না হায়খি মদুদি ঙসিদগী বারানসীদা নেস্নেল ভোলীবোল চেম্পিয়নশিপ হৌরে। শান্নরোইশিংনা য়াম্না কন্না হোৎনদুনা নেস্নেল তোর্নামেন্তগী থাক অসি য়ৌহনখ্রে অমসুং লাক্কদৌরিবা নুমিৎশিংদা বারানসীগী লমদা মখোয়গী হোৎনরিবশিং অদু চাংয়েং তৌরগনি হায়না প্রধান মন্ত্রীনা ফোংদোকখি। মহাক্না হায়খি মদুদি লৈবাক অসিগী রাজ্য 28দগী তীমশিং লাকখ্রে। মখোয়না এক ভারত, শ্রেস্ত ভারতকী ফজরবা মওং অমা উৎখ্রে। প্রধান মন্ত্রীনা চেম্পিয়নশিপ অসিদা শরুক য়ারিবা পুম্নমক্তা মহাক্কী য়াইফ পাউজেল পীখি।

বানারসীগী পাউরৌ অমা নীংশিংলদুনা শ্রী মোদীনা হায়খি মদুদি শান্নরোয়শিং অসি হৌজিক বারানসীদা য়ৌরে অমসুং সহর অসি খঙবা ঙম্লগনি। বারানসী অসি শান্ন-খোৎনববু পামজবশিংগী শহর অমনি হায়না মহাক্না অকনবা ৱাফম থমখি। মফম অসিদা রেস্তলিং, রেস্তলিং এরেনাশিং, বোক্সিং, বোৎ রেস অমসুং কাবাদি অসি য়াম্না পাম্নৈ। মহাক্না হায়খি মদুদি বারানসীনা নেস্নেল লেভেলগী শান্নরোই কয়া পুথোকখ্রে অমসুং বনারস হিন্দু য়ুনিভর্সিতী, য়ু.পি. কোলেজ অমসুং কাশী বিদ্যাপিথকুম্বা ইন্সতিত্যুসনশিংনা মখোয়গী শান্নরোইশিংবু রাজ্য অমসুং নেস্নেল লেভেলদা মশক তাক্লি। চহি লিশিং কয়াগী মমাংদগী, বারানসীনা লৌশিং অমসুং আর্তকীদমক মফম অসিদা লাকপা মীওই খুদিংমকপু তরাম্না ওক্লি হায়না শ্রী মোদীনা ফোংদোকখি। নেস্নেল ভোলীবোল চেম্পিয়নশিপকী মনুংদা বারানসীগী হরাও-তয়াম্না য়াম্না লৈগনি হায়না মহাক্না থাজবা থমখি। শান্নরোইশিংনা মখোয়বু ভাবোকশিংনা থৌগৎপা উবা ফংলগনি অমসুং বারানসীনা পীরিবা মীয়োক মীচান ফবগী চৎনবী অসি মখোয়না থেংনগনি হায়নসু মহাক্না ফোংদোকখি।

প্রধান মন্ত্রীনা ফোঙদোকখি মদুদি ভোলীবোল অসি অচম্বা মশান্না অমা নত্তে, মরমদি মসি বেলেন্স অমসুং কোওপরেসনগী মশান্না অমনি, মসিদা পুক্নিং চংবা অমসুং বোল অদু মতম পুম্নমক্তা তাহন্দনা থম্নবা হোৎনবা অদু উৎলি। ভোলীবোলনা শান্নরোইশিংবু তীম স্পিরিতকা শম্নহল্লি, শান্নরোই খুদিংমক্না 'তীম ফর্স্ত' হায়বা মন্ত্র অসিনা লমজিংলি হায়না মহাক্না ফোংদোকখি। শান্নরোই খুদিংমক্না তোঙান তোঙানবা হৈশিংবা লৈরবসু, মখোয় পুম্নমক্না মখোয়গী তীমগী মায় পাক্নবগীদমক শান্নৈ হায়না মহাক্না অকনবা ৱাফম থমখি। শ্রী মোদীনা ভারতকী চাউখৎ-থৌরাংগী ৱারী অমসুং ভোলীবোলগী মরক্তা মান্নবা কয়া উবা ফংখি। মহাক্না হায়খি মদুদি শান্ন-খোৎনবনা তাক্লি মদুদি মায় পাকপা হায়বসি ইথন্তানা ফংবা ঙমদে, অদুবু কোওর্দিনেসন, থাজবা অমসুং তীমগী শেম-শাবা অদুগী মখা পোল্লি। মীপুম খুদিংমক্কী মশাগী থৌদাং অমসুং থৌদাং লৈ হায়না মহাক্না অকনবা ৱাফম থমখি। অমসুং মীপুম খুদিংমক্না মখোয়গী মথৌবু নীংথিনা পাংথোক্লবদি মায় পাকপা ঙমগনি হায়না মহাক্না হায়খি। প্রধান মন্ত্রীনা হায়খি মদুদি লৈবাক অসিসু অসিগুম্বা মওংদা চাউখৎলক্লি। স্বচ্ছতাদগী হৌরগা দিজিতেল পেমেন্ত ফাওবা, এক পের মা কে নামতগী হৌরগা চাউখৎলবা ভারত অমগী কেম্পেন ফাওবা, নাগরিক খুদিংমক, সেক্সন খুদিংমক অমসুং প্রোভিন্স খুদিংমক্না অপুনবা ইথিল অমসুং ইন্দিয়া ফার্স্ত হায়বা স্পিরিৎকা লোয়ননা থবক তৌরি।

ঙসি মালেম্না ভারতকী চাউখৎপা অমসুং শেন্মিৎলোনগীদমক থাগৎপা ফোংদোক্লদুনা শ্রী মোদীনা হায়খি মদুদি চাউখৎপা অসি শেন্মিৎলোনগী মায়কৈদতা নত্তনা শান্ন-খোৎনবগী লমদসু উবা ফংলি। মহাক্না হায়খি মদুদি হৌখিবা চহিশিংদা, 2014দগী হৌদুনা তোঙান তোঙানবা শান্ন-খোৎনবশিংদা ভারতকী পর্ফোমেন্স লেপ্পা লৈতনা ফগৎলক্লি। মহাক্না জেন-জেদ শান্নরোয়শিংনা ফিল্দদা মচু অহুমগী ফিরাল পাইবা উবদা চাউথোকচবা ফোংদোকখি।

সরকার অমসুং খুন্নাই অনিমক্না শান্ন-খোৎনবগী মায়কৈদা মীৎয়েং চংখিদবা মতম অমা লৈরম্মি। মসিনা শান্নরোইশিংগী মরক্তা মখোয়গী তুংলমচৎকী মতাংদা থাজদবা অমা লৈহল্লম্মি অমসুং নহা খরখক্তনা শান্ন-খোৎনববু মখোয়গী কেরিয়র অমা ওইনা লৌখি হায়না প্রধান মন্ত্রীনা নিংশিংখি। মহাক্না হায়খি মদুদি হৌখিবা চহি তরা অসিদা সরকার অমসুং খুন্নাই অনিমক্না শান্ন-খোৎনবগা মরী লৈনবা ৱাখল্লোনদা অহোংবা লাক্লি। সরকারনা স্পোর্তসকী বজেৎ য়াম্না হেনগৎহনখ্রে হায়না শ্রী মোদীনা ফোংদোকখি। ঙসিদি ভারতকী স্পোর্তসকী মোদেল অসি 'এথলেৎ-সেন্ত্রিক' ওইরে। মসিদা তেলেন্ত মশক খঙদোকপা, সাইন্তিফিক ত্রেনিং, ন্যুত্রিসন অমসুং ত্রান্সপরেন্ত সেলেক্সনদা মীৎয়েং থম্লি।

প্রধান মন্ত্রীনা হায়খি, "ঙসিদি লৈবাক অসি রিফোর্ম এক্সপ্রেসতা তোংদুনা চৎলি, সেক্তর খুদিংমক অমসুং দিবেলপমেন্তকী পান্দম খুদিংমক মসিগা শম্নরি, অমসুং স্পোর্তস অসি মসিগী মনুংদা অমনি।" নেস্নেল স্পোর্তস গবর্নান্স এক্ত অমসুং খেলো ভারত পোলিসী 2025 য়াওনা সরকারনা স্পোর্তস সেক্তরদা অচৌবা রিফোর্মশিং পায়খৎলে। মসিনা অচুম্বা তেলেন্তশিংদা খুদোংচাবা পীগনি অমসুং স্পোর্তস ওর্গনাইজেসনশিংদা ত্রান্সপরেন্সী হেনগৎহল্লগনি হায়না মহাক্না হায়খি। মহাক্না অকনবা ৱাফম থমখি মদুদি হায়রিবা প্রোভিজনশিং অসিনা নহারোলশিংবু শান্ন-খোৎনবদা অমসুং মহৈ-মশিং তম্বদা পুন্না খুমাং চাউশিলহল্লগনি।

TOPsগুম্বা থৌরাংশিং অসিনা ভারত্তা স্পোর্তস ইকোসিস্তেম অসি মপাঙ্গল কনবা ইনফ্রাস্ত্রকচর, ফন্দিং মেকানিজমশিং শেমগৎনবা অমসুং নহা ওইরিবা শান্নরোইশিংদা মালেমগী থাক্তা ময়েক শেংনা খঙহনবদা মীৎয়েং থমদুনা অহোংবা পুরক্লি হায়না পল্লদুনা শ্রী মোদীনা হায়খি মদুদি হৌখিবা চহি তরা অসিদা, ভারতনা FIFA অন্দর-17 ৱার্ল্দ কপ, হোকী ৱার্ল্দ কপ, অমসুং মেজর চেজ তোর্নামেন্তশিং য়াওনা শহর কয়াদা মরুওইবা ইন্তর্নেস্নেল ইভেন্ত 20 হেন্না পাংথোকখ্রে। 2030গী কম্মনৱেল্থ গেম্স ভারত্তা পাংথোক্কনি, অমসুং লৈবাক অসিনা 2036কী ওলিম্পিক্স পাংথোক্নবা হোৎনরি। মসিগী পান্দমদি শান্নরোই মশিং য়াম্বা শরুক য়াবা ঙম্নবনি।"

স্কুলগী থাক্তসু নহা ওইরিবা শান্নরোইশিংবু ওলিম্পিক্কী শান্ন-খোৎনবশিংগা শম্নহন্নবা হোৎনরি হায়না পল্লদুনা শ্রী মোদীনা হায়খি, খেলো ইন্দিয়া কেম্পেনগী খুত্থাংদা নহা চাম্মরোমনা নেস্নেল লেভেলদা খুমাং চাউশিল্লকপগী খুদোংচাবা ফংলে। মহাক্না মখা তাখি মদুদি নুমিৎ খরনিগী মমাংদা সন্সদ খেল মহোৎসব লোইশিনখি। মসিদা নহা কোতি অমা মশাগী হৈশিংবা উৎখি। বারানসীদগী পার্লিয়ামেন্তকী মেম্বর অমা ওইনা মহাক্না চাউথোকচবা ফাওখি মদুদি সন্সদ খেল মহোৎসবকী মনুংদা, বারানসীদগী নহা লাখ অহুমরোমনা লমদম অসিদা মখোয়গী শক্তি অমসুং হৈ-শিংবা উৎখি।

স্পোর্তস ইনফ্রাস্ত্রকচরদা অহোংবা পুরকপা অসিনা বারানসীদসু কান্নবা ফংলি হায়না পল্লদুনা শ্রী মোদীনা হায়খি মদুদি মোদর্ন স্পোর্তস ফেসিলিতীশিং শেমগৎলি অমসুং তোঙান তোঙানবা গেমশিংগীদমক স্তেদিয়মশিং শেমগৎলি। মহাক্না হায়খি মদুদি অনৌবা স্পোর্তস কমপ্লেক্সশিংনা মনাক নকপদা লৈবা জিলাশিংগী শান্নরোইশিংদা ত্রেনিংগী খুদোংচাবা পীরি। ইভেন্ত অসি পাংথোক্লিবা সিগ্রা স্তেদিয়ম অসি হৌজিক অনৌবা মচাক-মথুম কয়াগা লোয়ননা খুদোংচাবা কয়া ফংহল্লে হায়না মহাক্না ফোংদোকখি।

প্রধান মন্ত্রীনা বারানসীনা মরুওইবা থৌরমশিংগীদমক শেম-শারিবা অসিদা নুংঙাইবা ফোংদোকখি। মহাক্না হায়খি মদুদি নেস্নেল ভোলীবোল কম্পিতিসনগী খুত্থাংদা লৈবাক অসিগী স্পোর্তস মেপতা মফম অমা ফংবা অসি শহর অসিগীদমক য়াম্না মরু ওই। চেম্পিয়নশিপ অসিগী মমাংদা, বারানসীদা G-20 মীফমশিং, কাশী তামিল সঙ্গমম অমসুং কাশী তেলুগু সঙ্গমমগুম্বা কলচরেল ফেস্তিবেলশিং, প্রভাসী ভারতীয় সম্মেলন, অমসুং বারানসীবু সাংহাই কোওপরেসন ওর্গনাইজেসনগী কলচরেল কেপিতেল ওইনা মশক তাকপা য়াওনা লোকেল মীয়ামগীদমক খুদোংচাবশিং পীবা অমসুং লোকেল ইকোনোমীদা ইনোৎ পীরবা মরুওইবা থৌরম কয়া পাংথোকখ্রে হায়না মহাক্না নিংশিংখি। চেম্পিয়নশিপ অসিনা হৌজিক মসিগী এচিবমেন্তশিং অসিদা অতোপ্পা মনী অমা ওইনা শরুক য়াহল্লে হায়না মহাক্না ফোংদোকখি। অসিগুম্বা থৌরমশিং অসিনা বারানসীবু অচৌবা প্লেৎফোর্মশিংগী মরুওইবা মফম অমা ওইহল্লি হায়না মহাক্না ফোংদোকখি।

প্রধান মন্ত্রীনা হায়খি মদুদি বারানসীদা হৌজিক নুংঙাইবা অইংবা ফিভম অমা ওইরি অমসুং পন্থা অসিগী অহাওবা চিঞ্জাকশিং লৈরি অমসুং মালাইয়ো চানবগী ৱাফম থমখি। মহাক্না শরুক য়ারিবশিংদা বাবা বিশ্বনাথতা চৎপা, গঙ্গাদা হী হোন্নবা অমসুং সহর অসিগী হেরিতেজদা পুক্নিং লুপ্পা এক্সপরিয়েন্স অসিসু মখোয়গা লোয়ননা চৎমিন্নবা হায়খি। মহাক্কী ৱারোল লোইশিল্লকপদা, প্রধান মন্ত্রীনা শান্নরোইশিংদা তোর্নামেন্ত অসিদা অফবা পর্ফোমেন্স পীনবা পুক্নিং থৌগৎখি। মহাক্না আশা তৌখি মদুদি বারানসীগী লৈহাওদগী স্পাইক, ব্লোক অমসুং পোইন্ত খুদিংমক্না ভারতকী শান্ন-খোৎনবগী আশা হেনগৎহল্লগনি অমসুং য়াইফ-মঙ্গোল পীখ্রে।

থৌরম অদুদা উত্তর প্রদেশকী মুখ্য মন্ত্রী, শ্রী য়োগী অদিত্যানাথ অমসুং অতৈ দিগনিতরীশিংনা শরুক য়াখি।

নুংগী ৱারোল

জানুৱারী 4দগী 11 ফাওবা পাংথোক্কদৌরিবা তোর্নামেন্ত অসিদা ভারত শিনবা থুংবদগী শরুক য়াগনি। রাজ্য অমসুং ইন্সতিত্যুসন কয়াগী মহুৎ শিন্দুনা তীম 58গী শরুক অমা ওইনা শান্নরোয় 1,000 হেন্না শরুক য়াগনি। তোর্নামেন্ত অসিনা ভারতকী ভোল্লীবোলদা কম্পিতিসন, স্পোর্তমেনশিপ অমসুং তেলেন্তকী অৱাংবা থাকশিং উৎকনি হায়না পানরি।

বারানসীদা 72শুবা নেস্নেল ভোলীবোল তোর্নামেন্ত পাংথোকপা অসিনা শহর অসিদা স্পোর্তস ইনফ্রাস্ত্রকচর মপাঙ্গল কনখৎহনবা অমসুং এথলেতিক দিবেলপমেন্ত প্রমোৎ তৌবদা অহেনবা মীৎয়েং থম্লিবা অদু উৎলি। মসিনা মরু ওইবা কলচরেল অমসুং শান্ন-খোৎনবগী থৌওংশিং পাংথোকপদা শহর অসিগী চাউখৎলক্লিবা থৌদাংগা লোয়ননা মরু ওইবা নেস্নেল ইভেন্তশিংগী হব অমা ওইনা শহর অসিগী প্রোফাইলসু হেন্না ফগৎহল্লি।

आज पूर्वांचल समेत पूरे देश में खेलों को लेकर नया जोश है। अपने संसदीय क्षेत्र वाराणसी में राष्ट्रीय वॉलीबॉल टूर्नामेंट का उद्घाटन कर अत्यंत प्रसन्न हूं। https://t.co/AZ2Cecvttl

— Narendra Modi (@narendramodi) January 4, 2026

मैं तो भारत की development story और वॉलीबॉल में भी बहुत सी बातें common देखता हूं।

वॉलीबॉल हमें सिखाती है कि कोई भी जीत, अकेले नहीं होती।

हमारी जीत हमारे coordination, हमारे विश्वास और हमारी team की तत्परता पर निर्भर होती है: PM @narendramodi

— PMO India (@PMOIndia) January 4, 2026

मैं तो भारत की development story और वॉलीबॉल में भी बहुत सी बातें common देखता हूं।

वॉलीबॉल हमें सिखाती है कि कोई भी जीत, अकेले नहीं होती।

हमारी जीत हमारे coordination, हमारे विश्वास और हमारी team की तत्परता पर निर्भर होती है: PM @narendramodi

— PMO India (@PMOIndia) January 4, 2026

साल 2014 के बाद से अलग-अलग खेलों में भारत का प्रदर्शन लगातार बेहतर हुआ है।

हमें बहुत गर्व होता है... जब Gen-Z को...खेल के मैदान पर तिरंगा फहराते देखते हैं: PM @narendramodi

— PMO India (@PMOIndia) January 4, 2026

2030 के Commonwealth Games भी भारत में ही होने जा रहे हैं।

भारत पूरी मजबूती से 2036 ओलंपिक की मेज़बानी के लिए भी प्रयास कर रहा है: PM @narendramodi

— PMO India (@PMOIndia) January 4, 2026

***