প্রধানমন্ত্রীগী লোইশঙ
প্রধান মন্ত্রীনা রানী ভেলু নাচিয়ারবু মহাক্কী মপোক কুমওন্না লাকপদা ইকাই খুম্নবা উৎখ্রে
प्रविष्टि तिथि:
03 JAN 2026 8:16AM by PIB Imphal
রানী ভেলু নাচিয়ারগী মপোক কুমওন্না লাকপদা, প্রধান মন্ত্রী শ্রী নরেন্দ্র মোদীনা ঙসি ভারতকী খ্বাইদগী থৌনা ফরবা লান্মীশিংগী মরক্তগী অমনি হায়না নীংশিংনরিবা, থৌনা অমসুং শরিৎ-শারা য়াম্না হৈনবগী মশক তাক্লিবা, শক্নাইরবা রানী অসিগী মফমদা থম্মোয় শেংনা ইকাই খুম্নবা উৎখ্রে।
প্রধান মন্ত্রীনা হায়খি মদুদি রানী ভেলু নাচিয়ারনা লোইলম লৈঙাক্কী মীওৎ-মীনৈগী মায়োক্তা লান হৌখি অমসুং ভারত মচাশিংনা মশানা লৈঙাকচনবগী হক লৈ হায়না ফোংদোকখি। অফবা লৈঙাক্লোন অমসুং কলচরেল প্রাইদকী মায়কৈদা মহাক্কী অচেৎপা ফিরেপ্না লৈবাক অসিবু ইথিল পীরি
শ্রী মোদীনা হায়খি মদুদি মহাক্কী কত্থোকপা অমসুং মীৎয়েং শানবা লুচিংবা অসিনা ভারতকী চাউখৎপগী খোঙচৎতা থৌনা অমসুং লৈবাকনীংবগী মঙাল অমা ওইনা থবক তৌদুনা মীরোল ইথিল পীরগনি।
Xতা তোঙানবা পোস্তশিংদা পি.এম.না হায়খি:
“রানী ভেলু নাচিয়ারগী মপোক কুমওন্না লাকপদা মহাক্কী মফমদা ইকায় খুম্নবা উৎচরি। মহাকপু ভারতকী খ্বাইদগী থৌনা ফরবা লান্মীশিংগী মরক্তগী অমনি হায়না নীংশিংনরি। মহাক্না থৌনা অমসুং শারিৎ-শারাগী হৈশিংববু মশক তাকখি। মহাক্না লোইলম লৈঙাক্কী মীওৎ-মীনৈ মায়োক্নখি অমসুং ভারত মচাশিংনা মশানা মশাবু লৈঙাকপগী হক লৈ হায়না ফোংদোকখি। অফবা লৈঙাক্লোন অমসুং চৎনবীগী ইকাই খুম্নবগীদমক মহাক্না কত্থোকখিবা অসিসু শিংথানীংঙাইন ওই। মহাক্কী কত্থোকপা অমসুং মীৎয়েং শানবা লুচিংবগী থৌওংনা মীরোন কয়াবু মখা তানা ইথিল পীদুনা লৈহৌরগনি।”
***
(रिलीज़ आईडी: 2211071)
आगंतुक पटल : 20
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam