কলচর মন্ত্রালয়না রাই পিথোরা কলচরেল কমপ্লেক্সতা হন্দক্তা ভারত্তা অমুক হন্না পুরকখ্রবা পিপরহৱা রেলিকশিং, রেলিক্বেরীশিং অমসুং জেম রেলিকশিং উৎলিবা অচৌবা এক্সপোজিসন অমা পাংথোক্কনি। এক্সপোজিসন অসি প্রধান মন্ত্রী, শ্রী নরেন্দ্র মোদীনা জনুৱারী 3, 2026কী অয়ুক পুং 11:00দা হৌদোক্কনি।

পুৱারী ওইরবা থৌরম অসিনা পিপরহৱা সাইৎতা 1898 অমসুং মদুগী মতুং 1971-1975কী এক্সকাভেসনদগী ফংখিবা রেলিকশিং, জেম রেলিকশিং অমসুং রেলিক্বেরীশিংগা লোয়ননা চহি 127গী মতুংদা অমুক হন্না পুরক্লবা ভগবান বুদ্ধগী পিপরহৱা জেম রেলিকশিংগী রেয়ুনিফিকেসন ওইরি।

“মঙাল অমসুং থম্বাল: মঙাল ফংলবা মীশক অমগী রেলিকশিং” হায়না মীংথোনবা এক্সপোজিসন অসিনা থিমেতিক ওইনা কলচর মন্ত্রালয়গী মখাদা লৈরিবা কলচরেল ইন্সতিত্যুসন কয়ামরুমদগী মরী লৈনবা অরিবা পোৎলমশিং অমসুং আর্তকী ৱার্ক উৎলি। রেলিকশিং অসিনা বুদ্ধগা মরী লৈনবা খ্বাইদগী পাক চাউরাবা এসেমব্লেজ ওইরি, মসিনা নুংগী ওইবা ৱাহন্থোক, খুৎশা হৈবা অমসুং গ্লোবেল স্পিরিচুএলগী মরু ওইবা অদু উৎলি। একজিবিসন অসিদা স্কল্পচরশিং, মেন্যুস্ক্রিপ্তশিং, থাংকাশিং অমসুং রিচুএলগী পোৎলমশিং য়াওনা 6শুবা চহিচাদগী হৌজিক ফাওবগী পোৎলম 80 হেনবা উৎলি।

মমাংদা অমুক্তা পাংথোকখিদ্রিবা মীফম অসিনা হোং কোংগী সোথেবাই’সতা লিলাম লাউথোকপগী থৌওং অমা লেপহন্দুনা পব্লিক-প্রাইবেৎ পার্তনরশিপ অমগী খুত্থাংদা জুলাই 2025দা কলচর মন্ত্রালয়না রেলিকশিং মায় পাক্না অমুক হন্না পুরকখিবগী পালন তৌরি। 1898 এক্সকাভেসনগী মতুংদা অহানবা ওইনা এক্সপোজিসন অসিনা পীরিবশিং অসি অমত্তা ওইনা পুনশিল্লি:

• 1898 কাপিলাভস্তু এক্সকাভেসনদগী রেলিকশিং
• 1972 এক্সকাভেসনদগী ত্রেজরশিং
• ইন্দিয়ন ম্যুজিয়ম, কোলকাতাদগী রেলিক্বেরীশিং অমসুং সনা-লিক কোনশিং
• পেপ্পে ফেমিলী কল্লেক্সনদগী হন্দক্তা অমুক হন্না পুরকখিবা রেলিকশিং
• জেম রেলিকশিং অমসুং রেলিক্বেরীশিং য়াওরমখিবা মোনোলিথিক স্তোন কোফর

শেংলবা বুদ্ধগী রেলিকশিং অসি কাপিলাভস্তুগী অরিবা মতমগী স্তুপাদা ৱিলিয়ম ক্লেক্সতন পেপ্পেনা 1898দা দিস্কোভর তৌখি। মখোয়গী দিস্কোভরীগী মতুংদা শরুকশুং অসু মালেমদা য়েন্থোকখি, শরুক অমা সিয়ম নীংথৌদা খুদোল তমখি, অতোপ্পা অমা ইংলেন্দদা পুখি অমসুং অহুমশুবা অদুনা ইন্দিয়ন ম্যুজিয়ম কোলকাতাদা থমখি। 2025দা পেপ্পে ফেমিলী পোর্সন অসি মালেম শিনবা থুংবদগী বুদ্ধিস্ত কম্ম্যুনিতীশিংনা সপ্পোর্ত তৌদুনা কলচর মন্ত্রালয়গী হৈশিংলবা খোঙথাংগী খুত্থাংদা অমুক হন্না পুরকপা ঙমখি।

এক্সপোজিসন অসিনা বুদ্ধিজমগী পোক্নফম ওইনা ভারতকী থৌদাং অমসুং গ্লোবেল স্পিরিচুএল অমসুং কলচরেল লীদর ওইনা মাগী মফম অদু মপাঙ্গল কনখৎহল্লি। প্রধান মন্ত্রী নরেন্দ্র মোদীগী লুচিং মখাদা ভারতকী গ্লোবেল এঙ্গেজমেন্তনা মাগী সভ্যতা অমসুং স্পিরিচুএলগী পুকৈশিংদা মীৎয়েং চীংশিনবা হেনগৎলক্লি, ভারত্তা অরিবা পোৎলম 642 অমুক হন্না পুরকখ্রে, মসিদা পিপরহৱা রেলিকশিং পুরকপা অসিনা খ্বাইদগী চাউবা মাইপাকপা ওইরি।

হৌদোকপা অসিদা কেন্দ্রগী মন্ত্রীশিং, এম্বেসেদরশিং অমসুং দিপ্লোমেতিক কোর্পসকী মেম্বরশিং, ইকাই খুম্নরবা বুদ্ধিস্তকী লম্বোইবশীং, মকোক থোংবা সরকারগী ওফিসিএলশিং, স্কোলরশিং, হেরিতেজ এক্সপর্তশিং, আর্তকী লমগী ইকাই খুম্নরবা মেম্বরশিং, আর্ত পামজবশিং, বুদ্ধিজম চৎপা মীওইশিং অমসুং মহৈরোয়শিংনা শরুক য়াবা উবা ফংগনি।

এক্সপোজিসন অসি ভারতকী স্পিরিচুএল লিগেসী অমসুং বুদ্ধ দর্মগী পোক্নফম ওইবগী মাগী মরু ওইবা পালন তৌবগা লোয়ননা হেরিতেজ ঙাকশেনবা অমসুং কলচরেল লীদরশিপতা মন্ত্রালয়গী ফিরেপ অদু অমুক হন্না ফোংদোকখি, মসিনা ভারতনা মালেমগা লোয়ননা মাগী সভ্যতাগী হেরিতেজ অদুবু ঙাকশেন্নবা অমসুং শেয়র তৌনবা লেংদ্রবা ফিরেপ অদু উৎলি।

****