ਜਿਵੇਂ ਕਿ 2025 ਦੇ ਅੰਤ ਵੱਲ ਵਧ ਰਿਹਾ ਹੈ, ਆਯੁਸ਼ ਮੰਤਰਾਲਾ ਇਸ ਸਾਲ ਨੂੰ ਸਬੂਤ-ਅਧਾਰਿਤ, ਜਨ-ਕੇਂਦ੍ਰਿਤ ਅਤੇ ਵਿਸ਼ਵ ਪੱਧਰ 'ਤੇ ਏਕੀਕ੍ਰਿਤ ਟ੍ਰੈਡੀਸ਼ਨਲ ਸਿਹਤ ਸੰਭਾਲ ਵੱਲ ਭਾਰਤ ਦੀ ਯਾਤਰਾ ਵਿੱਚ ਇੱਕ ਵਾਟਰਸ਼ੈੱਡ ਪਲ ਵਜੋਂ ਦਰਸਾਉਂਦਾ ਹੈ। ਮਹੱਤਵਪੂਰਨ ਨੀਤੀ ਪਹਿਲਕਦਮੀਆਂ ਅਤੇ ਵਿਸ਼ਵ ਪੱਧਰੀ ਬੁਨਿਆਦੀ ਢਾਂਚੇ ਦੇ ਵਿਸਥਾਰ ਤੋਂ ਲੈ ਕੇ ਇਤਿਹਾਸਿਕ ਵਿਸ਼ਵਵਿਆਪੀ ਸਹਿਯੋਗ ਅਤੇ ਜਨਤਕ ਸਿਹਤ ਪਹੁੰਚ ਤੱਕ, ਇਸ ਸਾਲ ਆਯੂਸ਼ ਪ੍ਰਣਾਲੀਆਂ ਨੂੰ ਹਾਸ਼ੀਏ ਤੋਂ ਮੁੱਖ ਧਾਰਾ ਵੱਲ ਨਿਰਣਾਇਕ ਤੌਰ 'ਤੇ ਅੱਗੇ ਵਧਦੇ ਦੇਖਿਆ ਗਿਆ। ਵਿਕਾਸਿਤ ਭਾਰਤ@2047 ਦੇ ਦ੍ਰਿਸ਼ਟੀਕੋਣ ਦੇ ਅਨੁਰੂਪ, ਮੰਤਰਾਲੇ ਨੇ ਖੋਜ, ਨਿਯਮ, ਡਿਜੀਟਲ ਏਕੀਕਰਣ ਅਤੇ ਅੰਤਰਰਾਸ਼ਟਰੀ ਭਰੋਸੇਯੋਗਤਾ ਨੂੰ ਮਜ਼ਬੂਤ ਕਰਦੇ ਹੋਏ ਟ੍ਰੈਡੀਸ਼ਨਲ ਮੈਡੀਸਿਨ ਵਿੱਚ ਭਾਰਤ ਦੀ ਅਗਵਾਈ ਨੂੰ ਇਕਜੁੱਟ ਕੀਤਾ, ਨਾਲ ਇਹ ਯਕੀਨੀ ਬਣਾਇਆ ਗਿਆ ਕਿ ਸੰਪੂਰਨ ਸਿਹਤ ਸੰਭਾਲ ਦੇ ਲਾਭ ਦੇਸ਼ ਭਰ ਅਤੇ ਇਸ ਤੋਂ ਬਾਹਰ ਲੱਖਾਂ ਲੋਕਾਂ ਤੱਕ ਪਹੁੰਚ ਜਾਣ।

ਪ੍ਰਧਾਨ ਮੰਤਰੀ ਨੇ ਦਿੱਲੀ ਵਿੱਚ CARI ਦੀ ਅਤਿ-ਆਧੁਨਿਕ ਆਯੁਰਵੇਦ ਖੋਜ ਸਹੂਲਤ ਦਾ ਨੀਂਹ ਪੱਥਰ ਰੱਖਿਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਰੋਹਿਣੀ ਵਿੱਚ ਨਵੀਂ ਕੇਂਦਰੀ ਆਯੁਰਵੇਦ ਖੋਜ ਸੰਸਥਾਨ (CARI) ਦੀ ਇਮਾਰਤ ਦਾ ਵਰਚੁਅਲੀ ਨੀਂਹ ਪੱਥਰ ਰੱਖਿਆ । ਆਉਣ ਵਾਲੇ 2.92 ਏਕੜ, ਦੇ ਕੈਂਪਸ ਵਿੱਚ 187 ਕਰੋੜ ਰੁਪਏ ਲਾਗਤ ਨਾਲ ਅਤਿ-ਆਧੁਨਿਕ 100 ਬਿਸਤਰਿਆਂ ਵਾਲਾ ਖੋਜ ਹਸਪਤਾਲ, ਵਿਸ਼ੇਸ਼ ਕਲੀਨਿਕ, ਉੱਨਤ ਪ੍ਰਯੋਗਸ਼ਾਲਾਵਾਂ ਅਤੇ ਸਿਖਲਾਈ ਸਹੂਲਤਾਂ ਹੋਣਗੀਆਂ। ਦਹਾਕਿਆਂ ਤੋਂ ਜੋ ਕਿ ਕਿਰਾਏ ਦੇ ਕੈਂਪਸ ਤੋਂ ਸੰਚਾਲਿਤ ਹੋਣ ਤੋਂ ਬਾਅਦ ਸੰਸਥਾਨ ਲਈ ਇੱਕ ਪਰਿਵਰਤਨਸ਼ੀਲ ਅਤੇ ਮਹਤਵਪੂਰਣ ਵਿਸਥਾਰ ਹੈ। ਪ੍ਰਧਾਨ ਮੰਤਰੀ ਨੇ ਟ੍ਰੈਡੀਸ਼ਨਲ ਮੈਡੀਸਿਨ ਵਿੱਚ ਭਾਰਤ ਦੀ ਵਧਦੀ ਵਿਸ਼ਵ ਲੀਡਰਸ਼ਿਪ, ਆਯੁਸ਼ ਵੀਜ਼ਾ ਦੇ ਉਭਾਰ, ਅਤੇ ਰਾਸ਼ਟਰ ਦੇ ਵਿਸ਼ਵਵਿਆਪੀ ਸਿਹਤ ਅਤੇ ਭਲਾਈ ਰਾਜਧਾਨੀ ਬਣਨ ਦੀ ਸੰਭਾਵਨਾ ਨੂੰ ਉਜਾਗਰ ਕੀਤਾ। ਕੇਂਦਰੀ ਆਯੁਸ਼ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ, ਸੰਸਦ ਮੈਂਬਰ ਸ਼੍ਰੀ ਯੋਗੇਂਦਰ ਚੰਦੋਲੀਆ, ਸਕੱਤਰ ਆਯੁਸ਼ ਵੈਦਯ ਰਾਜੇਸ਼ ਕੋਟੇਚਾ, ਅਤੇ CCRAS ਅਧਿਕਾਰੀਆਂ ਨੇ ਖੋਜ, ਮਰੀਜ਼ਾਂ ਦੀ ਦੇਖਭਾਲ ਅਤੇ ਪਹੁੰਚਯੋਗਤਾ 'ਤੇ ਪ੍ਰੋਜੈਕਟ ਦੇ ਲੰਬੇ ਸਮੇਂ ਦੇ ਪ੍ਰਭਾਵ ਨੂੰ ਰੇਖਾਂਕਿਤ ਕੀਤਾ। ਆਧੁਨਿਕ ਬੁਨਿਆਦੀ ਢਾਂਚੇ ਦੇ ਨਾਲ-ਨਾਲ ਪੰਚਕਰਮਾ, ਸ਼ਾਰ ਸੂਤਰ (Kshara Sutra), ਅਤੇ ਜਲੌਕਾਵਚਰਨ ਵਰਗੇ ਇਲਾਜਾਂ ਦੇ ਨਾਲ-ਨਾਲ  ਆਧੁਨਿਕ ਬੁਨਿਆਦੀ ਢਾਂਚੇ ਦੇ ਨਾਲ, ਨਵਾਂ CARI ਕੈਂਪਸ ਆਯੁਰਵੇਦ ਖੋਜ, ਨਵੀਨਤਾ ਅਤੇ ਹੁਨਰ ਵਿਕਾਸ ਨੂੰ ਨਵੀਆਂ ਉਚਾਈਆਂ ਤੱਕ ਲੈ ਜਾਣ ਲਈ ਤਿਆਰ ਹੈ।

https://www.pib.gov.in/PressReleasePage.aspx?PRID=2090365

ਭਾਰਤ ਦੇ ਰਾਸ਼ਟਰਪਤੀ ਨੇ ਅੰਤਰਰਾਸ਼ਟਰੀ ਯੂਨਾਨੀ ਕਾਨਫਰੰਸ ਦਾ ਉਦਘਾਟਨ ਕੀਤਾ, ਵਿਸ਼ਵਵਿਆਪੀ ਮਾਨਤਾ ਲਈ ਨਵੀਨਤਾ ਨੂੰ ਮਹਤਵਪੂਰਣ ਦੱਸਿਆ

ਰਾਸ਼ਟਰਪਤੀ ਸ਼੍ਰੀਮਤੀ ਦ੍ਰੌਪਦੀ  ਮੁਰਮੂ ਨੇ ਯੂਨਾਨੀ ਦਿਵਸ 'ਤੇ ਸੈਂਟਰਲ ਕੌਂਸਲ ਫਾਰ ਰਿਸਰਚ ਇਨ ਯੂਨਾਨੀ ਮੈਡੀਸਿਨ (CCRUM) ਦੁਆਰਾ ਆਯੋਜਿਤ ਅੰਤਰਰਾਸ਼ਟਰੀ ਕਾਨਫਰੰਸ ਦਾ ਉਦਘਾਟਨ ਕੀਤਾ, ਹਕੀਮ ਅਜਮਲ ਖਾਨ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਜਨਤਕ ਸਿਹਤ ਵਿੱਚ ਸੀਸੀਆਰਯੂਐੱਮ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ। ਵਿਗਿਆਨ ਭਵਨ ਵਿਖੇ ਡੈਲੀਗੇਟਾਂ ਨੂੰ ਸੰਬੋਧਨ ਕਰਦੇ ਹੋਏ, ਉਨ੍ਹਾਂ ਨੇ ਕਿਹਾ ਕਿ ਯੂਨਾਨੀ ਮੈਡੀਸਿਨ - ਸਦੀਆਂ ਪੁਰਾਣੇ ਗਿਆਨ ‘ਤੇ ਅਧਾਰਿਤ ਹੈ - ਜਿਸ ਨੂੰ ਆਪਣੀ ਵਿਸ਼ਵਵਿਆਪੀ ਸਵੀਕ੍ਰਿਤੀ ਨੂੰ ਵਧਾਉਣ ਲਈ ਨਵੀਨਤਾ ਨੂੰ ਅਪਣਾਉਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਨੇ ਇਹ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਭਾਰਤ ਯੂਨਾਨੀ ਸਿੱਖਿਆ, ਖੋਜ ਅਤੇ ਸਿਹਤ ਸੰਭਾਲ ਸੰਸਥਾਵਾਂ ਦਾ ਦੁਨੀਆ ਦਾ ਸਭ ਤੋਂ ਵੱਡਾ ਨੈੱਟਵਰਕ ਮੌਜੂਦ ਹੈ। ਕਾਨਫਰੰਸ ਦੇ ਥੀਮ, "ਏਕੀਕ੍ਰਿਤ ਸਿਹਤ ਹੱਲਾਂ ਲਈ ਯੂਨਾਨੀ ਮੈਡੀਸਿਨ ਵਿੱਚ ਨਵੀਨਤਾਵਾਂ - ਅੱਗੇ ਵਧਣ ਦਾ ਰਾਹ" ਦੀ ਸਾਰਥਕਤਾ ਨੂੰ ਉਜਾਗਰ ਕਰਦੇ ਹੋਏ, ਉਨ੍ਹਾਂ ਨੇ ਯੂਨਾਨੀ ਨੂੰ ਮੁੱਖ ਧਾਰਾ ਦੀ ਸਿਹਤ ਸੰਭਾਲ ਵਿੱਚ ਜੋੜਨ ਵਿੱਚ ਖੋਜ, ਸਹਿਯੋਗ ਅਤੇ ਗਿਆਨ ਦੇ ਅਦਾਨ-ਪ੍ਰਦਾਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਡਾ. ਜਿਤੇਂਦਰ ਸਿੰਘ ਨੇ ਪ੍ਰਣਾਲੀ ਦੇ ਆਧੁਨਿਕੀਕਰਣ ਵਿੱਚ ਅਣੂ ਜੀਵ ਵਿਗਿਆਨ, ਏਆਈ, ਅਤੇ ਉੱਨਤ ਖੋਜ ਦੀ ਭੂਮਿਕਾ 'ਤੇ ਜ਼ੋਰ ਦਿੱਤਾ, ਜਦੋਂ ਕਿ ਕੇਂਦਰੀ ਆਯੁਸ਼ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਇੱਕ ਸਿਹਤਮੰਦ ਅਤੇ ਟਿਕਾਊ ਭਵਿੱਖ ਲਈ ਟ੍ਰੈਡੀਸ਼ਨਲ ਗਿਆਨ ਨੂੰ ਆਧੁਨਿਕ ਵਿਗਿਆਨ ਦੇ ਨਾਲ ਏਕੀਕ੍ਰਿਤ ਕਰਨ ਦੀ ਜ਼ਰੂਰਤ ਨੂੰ ਦੁਹਰਾਇਆ। ਇਸ ਸਮਾਗਮ ਵਿੱਚ ਆਯੁਸ਼ ਲੀਡਰਸ਼ਿਪ, ਸੀਸੀਆਰਯੂਐੱਮ ਦੇ ਅਧਿਕਾਰੀਆਂ ਅਤੇ ਨੌਂ ਦੇਸ਼ਾਂ ਦੇ ਅੰਤਰਰਾਸ਼ਟਰੀ ਡੈਲੀਗੇਟਾਂ ਨੇ ਹਿੱਸਾ ਲਿਆ।

https://www.pib.gov.in/PressReleasePage.aspx?PRID=2101944

ਮਹਾਕੁੰਭ ​​ਵਿੱਚ ਆਯੁਸ਼ ਸੇਵਾਵਾਂ ਦਾ ਉਤਕ੍ਰਿਸ਼ਟ ਪ੍ਰਦਰਸ਼ਨ

ਪ੍ਰਯਾਗਰਾਜ ਵਿੱਚ ਮਹਾਕੁੰਭ ​​ਵਿੱਚ ਆਯੁਸ਼ ਸਭ ਤੋਂ ਭਰੋਸੇਮੰਦ ਅਤੇ ਵਿਆਪਕ ਤੌਰ 'ਤੇ ਪਹੁੰਚਯੋਗ ਸਿਹਤ ਸੰਭਾਲ ਥੰਮ੍ਹਾਂ ਵਿੱਚੋਂ ਇੱਕ ਵਜੋਂ ਉਭਰਿਆ ਹੈ, ਜਿਸ ਵਿੱਚ 9 ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੇ ਓਪੀਡੀ, ਮੋਬਾਈਲ ਸਿਹਤ ਇਕਾਈਆਂ, ਸਿਹਤ ਕੇਂਦਰਾਂ ਅਤੇ ਯੋਗਾ ਸੈਸ਼ਨਾਂ ਰਾਹੀਂ ਇਸ ਦੀਆਂ ਸੇਵਾਵਾਂ ਦਾ ਲਾਭ ਉਠਾਇਆ ਹੈ। 1.21 ਲੱਖ ਲਾਭਪਾਤਰੀਆਂ ਦੇ ਪਹਿਲੇ ਮੀਲ ਪੱਥਰ 'ਤੇ ਨਿਰਮਾਣ ਕਰਦੇ ਹੋਏ, ਆਯੁਸ਼ ਨੇ ਆਪਣੀ ਮੌਜੂਦਗੀ ਨੂੰ ਵਿਸ਼ੇਸ਼ ਢੰਗ ਨਾਲ ਵਧਾਇਆ - ਮੇਲੇ ਦੇ ਮੈਦਾਨਾਂ ਵਿੱਚ 20 ਓਪੀਡੀ, 90+ ਡਾਕਟਰ, 150 ਸਿਹਤ ਸੰਭਾਲ ਕਰਮਚਾਰੀ ਅਤੇ ਸਮਰਪਿਤ ਮੋਬਾਈਲ ਇਕਾਈਆਂ ਨੂੰ 24 ਘੰਟੇ ਦੇਖਭਾਲ ਪ੍ਰਦਾਨ ਕਰਨ ਲਈ ਤੈਨਾਤ ਕੀਤੇ। MDNIY ਦੁਆਰਾ ਇਲਾਜ, ਯੋਗਾ ਸੈਸ਼ਨ, ਅੰਤਰਰਾਸ਼ਟਰੀ ਅਤੇ ਘਰੇਲੂ ਸ਼ਰਧਾਲੂਆਂ ਨੂੰ ਆਕਰਸ਼ਿਤ ਕਰਦੇ ਰਹੇ, ਜਦੋਂ ਕਿ ਸੈਕਟਰ 2, 21 ਵਿੱਚ ਆਯੁਸ਼ ਕਨਵੈਨਸ਼ਨ ਹਾਲ ਅਤੇ 24 ਸ਼ਰਧਾਲੂਆਂ ਨੂੰ ਰੋਕਥਾਮ ਸਿਹਤ ਅਤੇ ਬਿਮਾਰੀ ਪ੍ਰਬੰਧਨ ਬਾਰੇ ਸਿੱਖਿਅਤ ਕੀਤਾ ਗਿਆ। ਪ੍ਰਮੁੱਖ ਅਖਾੜਿਆਂ ਵਿੱਚ ਸੰਤਾਂ ਲਈ ਵਿਸ਼ੇਸ਼ ਸਕ੍ਰੀਨਿੰਗ ਕੀਤੀ ਗਈ, ਜਿਸ ਨਾਲ  ਤਿਉਹਾਰਾਂ ਦੌਰਾਨ ਉਨ੍ਹਾਂ ਦੀ ਤੰਦਰੁਸਤੀ ਨੂੰ ਯਕੀਨੀ ਬਣਾਇਆ ਗਿਆ। ਆਲ ਇੰਡੀਆ ਇੰਸਟੀਟਿਊਟ  ਆਫ਼ ਆਯੁਰਵੇਦ ਨੇ 10,000 ਆਯੁਸ਼ ਰਕਸ਼ਾ ਕਿੱਟਾਂ ਵੰਡ ਕੇ ਅਤੇ 15,000 ਸ਼ਰਧਾਲੂਆਂ ਲਈ ਇੱਕ ਹਫ਼ਤੇ ਤੱਕ ਚੱਲਣ ਵਾਲੇ ਸਿਹਤ ਕੈਂਪ ਦਾ ਆਯੋਜਨ ਕਰਕੇ ਰੋਕਥਾਮ ਦੇਖਭਾਲ ਵਾਤਾਵਰਣ ਨੂੰ ਮਜ਼ਬੂਤ ​​ਕੀਤਾ। ਇੱਕ ਵਾਤਾਵਰਣ ਅਤੇ ਰੋਜ਼ੀ-ਰੋਟੀ ਦੇ ਪਹਿਲੂ ਨੂੰ ਜੋੜਦੇ ਹੋਏ, ਰਾਸ਼ਟਰੀ ਔਸ਼ਧੀ ਪੌਦੇ ਬੋਰਡ ਨੇ 25,000 ਔਸ਼ਧੀ ਪੌਦੇ ਵੰਡੇ, ਕੁਦਰਤੀ ਇਲਾਜ ਅਤੇ ਔਸ਼ਧੀ ਪੌਦਿਆਂ ਦੀ ਕਾਸ਼ਤ ਬਾਰੇ ਜਾਗਰੂਕਤਾ ਨੂੰ ਉਤਸ਼ਾਹਿਤ ਕੀਤਾ। ਇਹ ਇਕਜੁੱਟ ਯਤਨ ਆਯੁਸ਼ ਮੰਤਰਾਲੇ ਦੇ ਵਿਆਪਕ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦੇ ਹਨ - ਦੁਨੀਆ ਦੇ ਸਭ ਤੋਂ ਵੱਡੇ ਅਧਿਆਤਮਿਕ ਇਕੱਠ ਨੂੰ ਨਾ ਸਿਰਫ਼ ਅਰਥਪੂਰਨ ਬਣਾਉਂਦੇ ਹਨ ਸਗੋਂ ਸਿਹਤਮੰਦ, ਸੁਰੱਖਿਅਤ ਅਤੇ ਭਾਰਤ ਦੀ ਟ੍ਰੈਡੀਸ਼ਨਲ ਤੰਦਰੁਸਤੀ ਵਿਰਾਸਤ ਨਾਲ ਵਧੇਰੇ ਜੁੜੇ ਹੋਏ ਹਨ।

https://www.pib.gov.in/PressReleasePage.aspx?PRID=2101469

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਅਤੇ ਰਾਸ਼ਟਰਪਤੀ ਪ੍ਰਬੋਵੋ ਸੁਬਿਆਂਤੋ ਨੇ ਹੈਦਰਾਬਾਦ ਹਾਊਸ, ਨਵੀਂ ਦਿੱਲੀ ਵਿਖੇ ਸਮਝੌਤਿਆਂ ਦੇ ਅਦਾਨ-ਪ੍ਰਦਾਨ ਦੇ ਗਵਾਹ ਬਣੇ।

ਭਾਰਤ ਅਤੇ ਇੰਡੋਨੇਸ਼ੀਆ ਨੇ ਟ੍ਰੈਡੀਸ਼ਨਲ ਮੈਡੀਸਿਨ ਸਹਿਯੋਗ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਸਥਾਪਿਤ ਕੀਤਾ ਕਿਉਂਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਅਤੇ ਇੰਡੋਨੇਸ਼ੀਆਈ ਰਾਸ਼ਟਰਪਤੀ ਸ਼੍ਰੀ ਪ੍ਰਬੋਵੋ ਸੁਬਿਆਂਤੋ (Prabowo Subianto) ਨੇ 25 ਜਨਵਰੀ 2025 ਨੂੰ PCIM&H, ਆਯੂਸ਼ ਮੰਤਰਾਲੇ ਅਤੇ ਇੰਡੋਨੇਸ਼ੀਆਈ ਖੁਰਾਕ ਅਤੇ ਡਰੱਗ ਅਥਾਰਟੀ ਦਰਮਿਆਨ ਟ੍ਰੈਡੀਸ਼ਨਲ ਮੈਡੀਸਿਨ ਗੁਣਵੱਤਾ ਭਰੋਸਾ 'ਤੇ ਇੱਕ ਸਮਝੌਤੇ ਦੇ ਅਦਾਨ-ਪ੍ਰਦਾਨ ਨੂੰ ਦੇਖਿਆ। ਕੇਂਦਰੀ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਕਿਹਾ ਕਿ ਇਹ ਸਾਂਝੇਦਾਰੀ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਸੁਰੱਖਿਆ, ਪ੍ਰਭਾਵਸ਼ੀਲਤਾ ਅਤੇ ਗੁਣਵੱਤਾ ਨੂੰ ਯਕੀਨੀ ਬਣਾ ਕੇ ਵਿਸ਼ਵ ਪੱਧਰੀ ਮਿਆਰਾਂ ਨੂੰ ਉੱਚਾ ਚੁੱਕੇਗੀ। ਇਸ ਦੌਰਾਨ, ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਨੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਸਹਿਯੋਗ ਗਿਆਨ ਦੇ ਅਦਾਨ-ਪ੍ਰਦਾਨ, ਸਮਰੱਥਾ ਨਿਰਮਾਣ ਅਤੇ ਰੈਗੂਲੇਟਰੀ ਸਹਿਯੋਗ ਨੂੰ ਮਜ਼ਬੂਤ ​​ਕਰੇਗਾ। ਸਮਝੌਤਾ ਸੰਯੁਕਤ ਪਹਿਲਕਦਮੀਆਂ ਦੀ ਰੂਪਰੇਖਾ ਦਿੰਦਾ ਹੈ, ਜਿਸ ਵਿੱਚ ਤਕਨੀਕੀ ਅਦਾਨ-ਪ੍ਰਦਾਨ, ਸਿਖਲਾਈ ਪ੍ਰੋਗਰਾਮ, ਅੰਤਰਰਾਸ਼ਟਰੀ ਸਮਾਗਮਾਂ ਵਿੱਚ ਭਾਗੀਦਾਰੀ, ਅਤੇ ਆਪਸੀ ਸਹਿਮਤੀ ਵਾਲੇ ਖੇਤਰਾਂ ਵਿੱਚ ਵਿਸਤ੍ਰਿਤ ਸਹਿਯੋਗ ਸ਼ਾਮਲ ਹੈ - ਆਧੁਨਿਕ, ਸਬੂਤ-ਅਧਾਰਿਤ ਢਾਂਚੇ ਦੇ ਅੰਦਰ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਅੱਗੇ ਵਧਾਉਣ ਅਤੇ ਭਾਰਤ-ਇੰਡੋਨੇਸ਼ੀਆ ਦੁਵੱਲੇ ਸਬੰਧਾਂ ਨੂੰ ਡੂੰਘਾ ਕਰਨ ਲਈ ਇੱਕ ਸਾਂਝੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।

https://www.pib.gov.in/PressReleasePage.aspx?PRID=2102672

WHO ਦੇ 2025 ICD-11 ਅਪਡੇਟ ਨੇ ਆਯੁਰਵੇਦ, ਸਿੱਧਾ ਅਤੇ ਯੂਨਾਨੀ ਦੀ ਗਲੋਬਲ ਸਬੂਤ-ਅਧਾਰਿਤ ਰਿਪੋਰਟਿੰਗ ਨੂੰ ਵੱਡਾ ਹੁਲਾਰਾ ਦਿੱਤਾ ਹੈ।

ਵਿਸ਼ਵ ਸਿਹਤ ਸੰਗਠਨ ਦਾ 2025 ਵਿੱਚ ICD-11 ਦਾ ਅਪਡੇਟ ਨੇ ਆਯੁਰਵੇਦ, ਸਿੱਧਾ ਅਤੇ ਯੂਨਾਨੀ ਲਈ ਇੱਕ ਸਮਰਪਿਤ ਮੌਡਿਊਲ ਪੇਸ਼ ਕਰਕੇ ਟ੍ਰੈਡੀਸ਼ਨਲ ਮੈਡੀਸਿਨ ਲਈ ਇੱਕ ਇਤਿਹਾਸਿਕ ਕਦਮ ਉਠਾਇਆ ਹੈ, ਜੋ ਟ੍ਰੈਡੀਸ਼ਨਲ ਡਾਕਟਰੀ ਸਥਿਤੀਆਂ ਦੇ ਨਾਲ-ਨਾਲ ਉਨ੍ਹਾਂ ਦੀ ਯੋਜਨਾਬੱਧ ਗਲੋਬਲ ਰਿਪੋਰਟਿੰਗ ਨੂੰ ਸਮਰੱਥ ਬਣਾਉਂਦਾ ਹੈ। ਨਵੀਂ ਦਿੱਲੀ ਵਿੱਚ ICD-11 TM-2 ਦੇ ਲਾਂਚ ਤੋਂ ਬਾਅਦ ਇੱਕ ਸਾਲ ਦੀ ਵਿਆਪਕ ਜਾਂਚ ਤੋਂ ਬਾਅਦ, ਨਵਾਂ ਮੌਡਿਊਲ—ਹੁਣ WHO ਬਲੂ ਬ੍ਰਾਊਜ਼ਰ 'ਤੇ ਲਾਈਵ—ਦੋਹਰੀ ਕੋਡਿੰਗ ਨੂੰ ਸਮਰੱਥ ਬਣਾਉਂਦਾ ਹੈ, ਡੇਟਾ ਸੰਗ੍ਰਹਿ ਨੂੰ ਵਧਾਉਂਦਾ ਹੈ, ਅੰਤਰ-ਕਾਰਜਸ਼ੀਲਤਾ ਵਿੱਚ ਸੁਧਾਰ ਕਰਦਾ ਹੈ, ਅਤੇ ਸਬੂਤ-ਅਧਾਰਿਤ ਨੀਤੀ ਨਿਰਮਾਣ ਨੂੰ ਮਜ਼ਬੂਤ ​​ਕਰਦਾ ਹੈ। ਆਯੁਸ਼ ਮੰਤਰਾਲੇ ਦੇ ਸਕੱਤਰ, ਵੈਦਯ ਰਾਜੇਸ਼ ਕੋਟੇਚਾ ਨੇ ਇਸ ਅਪਡੇਟ ਦਾ ਸੁਆਗਤ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਗਲੋਬਲ ਏਕੀਕਰਣ ਅਤੇ ਮਾਨਤਾ ਵੱਲ ਇੱਕ ਵੱਡੀ ਤਰੱਕੀ ਵਜੋਂ ਕੀਤਾ, ਜਦੋਂ ਕਿ WHO ਨੇ ਰਾਸ਼ਟਰੀ ਸਿਹਤ ਪ੍ਰਣਾਲੀਆਂ ਲਈ ਲਾਭਾਂ 'ਤੇ ਜ਼ੋਰ ਦਿੱਤਾ। ਇਹ ਵਿਕਾਸ ਦੁਨੀਆ ਭਰ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਦਿੱਖ, ਭਰੋਸੇਯੋਗਤਾ ਅਤੇ ਕਲੀਨਿਕਲ ਸਾਰਥਕਤਾ ਨੂੰ ਵਧਾਉਂਦਾ ਹੈ, ਦੇਸ਼ਾਂ ਨੂੰ ਆਧੁਨਿਕ ਸਿਹਤ ਸੰਭਾਲ ਢਾਂਚੇ ਵਿੱਚ ਸੰਪੂਰਨ ਅਤੇ ਸਬੂਤ-ਅਧਾਰਿਤ ਅਭਿਆਸਾਂ ਨੂੰ ਏਕੀਕ੍ਰਿਤ ਕਰਨ ਦੇ ਯੋਗ ਬਣਾਉਂਦਾ ਹੈ।

https://www.pib.gov.in/PressReleasePage.aspx?PRID=2104767

'ਦੇਸ਼ ਕਾ ਪ੍ਰਕ੍ਰਿਤੀ ਪਰੀਕਸ਼ਨ ਅਭਿਆਨ' ਦੇ ਪਹਿਲੇ ਪੜਾਅ ਦੇ ਸਮਾਪਨ ਦੇ ਨਾਲ ਭਾਰਤ ਨੇ ਪੰਜ ਗਿਨੀਜ਼ ਵਰਲਡ ਰਿਕਾਰਡ ਹਾਸਲ ਕੀਤੇ

'ਦੇਸ਼ ਕਾ ਪ੍ਰਕ੍ਰਿਤੀ ਪਰੀਕਸ਼ਨ ਅਭਿਆਨ' ਦਾ ਪਹਿਲਾ ਪੜਾਅ ਇੱਕ ਇਤਿਹਾਸਿਕ ਪ੍ਰਾਪਤੀ - ਪੰਜ ਗਿਨੀਜ਼ ਵਰਲਡ ਰਿਕਾਰਡ - ਨਾਲ ਸਮਾਪਤ ਹੋਇਆ ਜੋ ਸੰਪੂਰਨ ਅਤੇ ਵਿਅਕਤੀਗਤ ਸਿਹਤ ਸੰਭਾਲ ਵਿੱਚ ਭਾਰਤ ਦੀ ਵੱਧ ਰਹੀ ਪ੍ਰਮੁੱਖਤਾ ਨੂੰ ਦਰਸਾਉਂਦਾ ਹੈ। ਆਯੂਸ਼ ਮੰਤਰਾਲੇ ਦੇ ਸਮਰਥਨ ਨਾਲ NCISM ਦੀ ਅਗਵਾਈ ਵਿੱਚ, ਮੁਹਿੰਮ ਨੇ 1.29 ਕਰੋੜ ਤੋਂ ਵੱਧ ਪ੍ਰਕ੍ਰਿਤੀ ਮੁਲਾਂਕਣ ਦਰਜ ਕੀਤੇ, ਜੋ ਕਿ ਇਸ ਦੇ 1 ਕਰੋੜ ਦੇ ਟੀਚੇ ਤੋਂ ਕਿਤੇ ਵੱਧ ਹਨ, ਅਤੇ ਸਿਹਤ ਪਹਿਲਕਦਮੀ ਨਾਲ ਸਬੰਧਿਤ ਸਭ ਤੋਂ ਵੱਧ ਵਾਅਦੇ ਅਤੇ ਸਭ ਤੋਂ ਵੱਡੇ ਔਨਲਾਈਨ ਫੋਟੋ ਅਤੇ ਵੀਡੀਓ ਐਲਬਮਾਂ ਲਈ ਵਿਸ਼ਵ ਰਿਕਾਰਡ ਕਾਇਮ ਕੀਤੇ। ਕੇਂਦਰੀ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੂੰ ਰਸਮੀ ਤੌਰ 'ਤੇ ਸਰਟੀਫਿਕੇਟ ਪ੍ਰਦਾਨ ਕੀਤੇ ਗਏ, ਜਿਨ੍ਹਾਂ ਦੇ ਨਾਲ ਮਹਾਰਾਸ਼ਟਰ ਦੇ ਸਿਹਤ ਮੰਤਰੀ ਸ਼੍ਰੀ ਪ੍ਰਕਾਸ਼ ਅਬਿਤਕਰ ਅਤੇ ਆਯੂਸ਼ ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਸ਼ਾਮਲ ਸਨ, ਜਿਨ੍ਹਾਂ ਨੇ ਦੇਸ਼ ਵਿਆਪੀ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ। 1.8 ਲੱਖ ਵਲੰਟੀਅਰਾਂ ਅਤੇ ਰਾਸ਼ਟਰਪਤੀ ਸ਼੍ਰੀਮਤੀ ਦ੍ਰੌਪਦੀ  ਮੁਰਮੂ ਦੇ ਆਪਣੇ ਮੁਲਾਂਕਣ ਤੋਂ ਪ੍ਰੇਰਿਤ ਭਾਗੀਦਾਰੀ ਦੇ ਨਾਲ, ਇਸ ਪਹਿਲਕਦਮੀ ਨੇ ਸਬੂਤ-ਅਧਾਰਿਤ ਆਯੁਰਵੇਦ ਅਤੇ ਵਿਅਕਤੀਗਤ ਸਿਹਤ ਵਿੱਚ ਭਾਰਤ ਦੀ ਅਗਵਾਈ ਨੂੰ ਮਜ਼ਬੂਤ ​​ਕੀਤਾ ਹੈ, ਜਿਸ ਨਾਲ ਆਧੁਨਿਕ ਸਿਹਤ ਸੰਭਾਲ ਪ੍ਰਣਾਲੀਆਂ ਨਾਲ ਟ੍ਰੈਡੀਸ਼ਨਲ ਗਿਆਨ ਦੇ ਡੂੰਘੇ ਏਕੀਕਰਣ ਦਾ ਰਾਹ ਪੱਧਰਾ ਹੋਇਆ ਹੈ।

https://www.pib.gov.in/PressReleasePage.aspx?PRID=2105326

ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਯੋਗ ਮਹੋਤਸਵ 2025 ਦਾ ਉਦਘਾਟਨ ਕੀਤਾ, ਅੰਤਰਰਾਸ਼ਟਰੀ ਯੋਗ ਦਿਵਸ ਲਈ 100 ਦਿਨਾਂ ਦੀ ਉਲਟੀ ਗਿਣਤੀ ਸ਼ੁਰੂ ਕੀਤੀ

ਕੇਂਦਰੀ ਰਾਜ ਮੰਤਰੀ (ਸੁਤੰਤਰ ਚਾਰਜ) ਆਯੁਸ਼ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਨਵੀਂ ਦਿੱਲੀ ਵਿੱਚ ਯੋਗ ਮਹੋਤਸਵ 2025 ਦਾ ਉਦਘਾਟਨ ਕੀਤਾ, ਜੋ ਕਿ 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ (IDY) ਦੇ ਅਧਿਕਾਰਤ 100 ਦਿਨਾਂ ਦੇ ਕਾਊਂਟਡਾਊਨ ਨੂੰ ਦਰਸਾਉਂਦਾ ਹੈ। ਇਸ ਸਮਾਗਮ ਨੇ ਯੋਗ ਸੰਗਮ ਅਤੇ ਯੋਗ ਪਾਰਕਾਂ ਤੋਂ ਲੈ ਕੇ ਹਰਿਤ ਯੋਗ ਅਤੇ ਯੋਗ ਅਨਪਲੱਗਡ ਤੱਕ 10 ਵਿਲੱਖਣ ਪਹਿਲਕਦਮੀਆਂ ਦਾ ਉਦਘਾਟਨ ਕੀਤਾ। ਜਿਸ ਦਾ ਉਦੇਸ਼ IDY 2025 ਨੂੰ ਹੁਣ ਤੱਕ ਦਾ ਸਭ ਤੋਂ ਵਿਸ਼ਾਲ ਅਤੇ ਸਮਾਵੇਸ਼ੀ ਜਸ਼ਨ ਬਣਾਉਣਾ ਹੈ। ਅੰਤਰਰਾਸ਼ਟਰੀ ਯੋਗ ਦਿਵਸ ਹੈਂਡਬੁੱਕ 2025 ਜਾਰੀ ਕਰਦੇ ਹੋਏ , ਮੰਤਰੀ ਨੇ ਮਾਨਸਿਕ ਅਤੇ ਸਰੀਰਕ ਤੰਦਰੁਸਤੀ ਵਿੱਚ ਯੋਗ ਦੀ ਮਹੱਤਵਪੂਰਨ ਭੂਮਿਕਾ ਅਤੇ ਪਿਛਲੇ ਦਹਾਕੇ ਵਿੱਚ ਇਸਦੇ ਵਿਸ਼ਵਵਿਆਪੀ ਪ੍ਰਭਾਵ ਨੂੰ ਉਜਾਗਰ ਕੀਤਾ। ਪ੍ਰਸਿੱਧ ਯੋਗ ਗੁਰੂਆਂ, ਵਿਦਵਾਨਾਂ ਅਤੇ ਸਾਂਝੇ ਯੋਗ ਪ੍ਰੋਟੋਕੋਲ ਨੂੰ ਪ੍ਰਦਰਸ਼ਿਤ ਕਰਨ ਵਾਲੇ 1,000 ਤੋਂ ਵੱਧ ਉਤਸ਼ਾਹੀ ਲੋਕਾਂ ਦੀ ਭਾਗੀਦਾਰੀ ਦੇ ਨਾਲ, ਮਹੋਤਸਵ ਨੇ ਵਿਗਿਆਨਕ ਅਤੇ ਥੀਮੈਟਿਕ ਸੈਸ਼ਨਾਂ ਦੀ ਮੇਜ਼ਬਾਨੀ ਵੀ ਕੀਤੀ ਜੋ ਯੋਗ ਦੇ ਇਲਾਜ ਸਬੰਧੀ ਮੁੱਲ ਨੂੰ ਦਰਸਾਉਂਦੇ ਸਨ। ਜਿਵੇਂ ਕਿ ਭਾਰਤ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਦ੍ਰਿਸ਼ਟੀਕੋਣ ਹੇਠ ਵਿਸ਼ਵਵਿਆਪੀ ਤੰਦਰੁਸਤੀ ਵਿੱਚ ਆਪਣੀ ਅਗਵਾਈ ਨੂੰ ਮਜ਼ਬੂਤ ​​ਕਰ ਰਿਹਾ ਹੈ, ਯੋਗ ਮਹੋਤਸਵ 2025 ਅੰਤਰਰਾਸ਼ਟਰੀ ਯੋਗ ਦਿਵਸ 2025 'ਤੇ ਸਿਹਤ, ਸਦਭਾਵਨਾ ਅਤੇ ਏਕਤਾ ਦੇ ਵਿਸ਼ਵਵਿਆਪੀ ਜਸ਼ਨ ਵੱਲ ਇੱਕ ਸ਼ਕਤੀਸ਼ਾਲੀ ਗਤੀ ਸਥਾਪਿਤ ਕਰਦਾ ਹੈ।

https://www.pib.gov.in/PressReleasePage.aspx?PRID=2119571

ਪ੍ਰਧਾਨ ਮੰਤਰੀ ਨੇ ਬਿਮਸਟੈਕ ਸੰਮੇਲਨ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ ਲਈ ਉੱਤਮਤਾ ਕੇਂਦਰ ਦਾ ਐਲਾਨ ਕੀਤਾ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਬੈਂਕਾਕ ਵਿੱਚ ਬਿਮਸਟੈਕ ਸੰਮੇਲਨ ਵਿੱਚ, ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਖੋਜ ਅਤੇ ਪ੍ਰਸਾਰ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਸੈਂਟਰ ਆਫ਼ ਐਕਸੀਲੈਂਸ ਦੀ ਸਥਾਪਨਾ ਦਾ ਐਲਾਨ ਕੀਤਾ। ਉਨ੍ਹਾਂ ਨੇ ਬਿਮਸਟੈਕ ਦੇਸ਼ਾਂ ਵਿੱਚ ਕੈਂਸਰ ਦੇਖਭਾਲ ਵਿੱਚ ਸਿਖਲਾਈ ਅਤੇ ਸਮਰੱਥਾ ਨਿਰਮਾਣ ਲਈ ਭਾਰਤ ਦੇ ਸਮਰਥਨ ਦਾ ਵੀ ਐਲਾਨ ਕੀਤਾ, ਜੋ ਕਿ ਖੇਤਰੀ ਸਹਿਯੋਗ ਦੇ ਇੱਕ ਮੁੱਖ ਥੰਮ੍ਹ ਵਜੋਂ ਜਨਤਕ ਸਿਹਤ ਨੂੰ ਮਜ਼ਬੂਤ ​​ਕਰਦਾ ਹੈ। ਇਹ ਪਹਿਲਕਦਮੀ ਭਾਰਤ-ਥਾਈਲੈਂਡ ਦੇ ਟ੍ਰੈਡੀਸ਼ਨਲ ਇਲਾਜ ਵਿੱਚ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ, ਮੌਜੂਦਾ ਅਕਾਦਮਿਕ ਭਾਈਵਾਲੀ ਅਤੇ ਆਯੁਸ਼ ਸਕੌਲਰਸ਼ਿਪ ਸਕੀਮ 'ਤੇ ਨਿਰਮਾਣ ਕਰਨ ਲਈ ਤਿਆਰ ਹੈ, ਜਿਸ ਨੇ ਪਿਛਲੇ ਪੰਜ ਵਰ੍ਹਿਆਂ ਵਿੱਚ ਬਿਮਸਟੈਕ ਦੇਸ਼ਾਂ ਦੇ 175 ਵਿਦਿਆਰਥੀਆਂ ਨੂੰ ਲਾਭ ਪਹੁੰਚਾਇਆ ਹੈ। ਨਵੇਂ ਸੈਂਟਰ ਆਫ਼ ਐਕਸੀਲੈਂਸ ਤੋਂ ਆਯੁਰਵੇਦ, ਥਾਈ ਟ੍ਰੈਡੀਸ਼ਨਲ ਮੈਡੀਸਿਨ ਅਤੇ ਹੋਰ ਟ੍ਰੈਡੀਸ਼ਨਲ ਪ੍ਰਣਾਲੀਆਂ ਵਿੱਚ ਸੰਯੁਕਤ ਖੋਜ, ਵਿਕਾਸ ਅਤੇ ਗਿਆਨ ਦੇ ਅਦਾਨ-ਪ੍ਰਦਾਨ ਨੂੰ ਤੇਜ਼ ਕਰਨ ਦੀ ਉਮੀਦ ਹੈ।

https://www.pib.gov.in/PressReleasePage.aspx?PRID=2119063

ਸ਼੍ਰੀ ਪ੍ਰਤਾਪਰਾਓ ਜਾਧਵ ਗਾਂਧੀਨਗਰ ਵਿੱਚ ਵਿਸ਼ਵ ਹੋਮਿਓਪੈਥੀ ਦਿਵਸ ਸੰਮੇਲਨ ਦਾ ਉਦਘਾਟਨ ਕਰਨਗੇ

ਕੇਂਦਰੀ ਆਯੂਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਸ਼੍ਰੀ ਪ੍ਰਤਾਪਰਾਓ ਜਾਧਵ 10 ਅਪ੍ਰੈਲ ਨੂੰ ਗਾਂਧੀਨਗਰ ਵਿੱਚ ਵਿਸ਼ਵ ਹੋਮਿਓਪੈਥੀ ਦਿਵਸ 2025 ਸੰਮੇਲਨ ਦਾ ਉਦਘਾਟਨ ਕਰਨਗੇ। 'ਸਿੱਖਿਆ, ਅਭਿਆਸ ਅਤੇ ਖੋਜ' ਥੀਮ ਵਾਲੇ ਇਸ ਦੋ-ਦਿਨਾਂ ਸਮਾਗਮ ਵਿੱਚ ਲਗਭਗ 10,000 ਡੈਲੀਗੇਟਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ - ਜੋ ਕਿ ਇਸ ਨੂੰ ਹੋਮਿਓਪੈਥੀ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਡਾ ਇਕੱਠ ਬਣਾਉਂਦਾ ਹੈ। CCRH, NCH, ਅਤੇ NIH ਦੁਆਰਾ ਆਯੋਜਿਤ, ਇਹ ਸੰਮੇਲਨ ਵਿਆਪਕ ਵਿਚਾਰ-ਵਟਾਂਦਰੇ, ਅਕਾਦਮਿਕ ਸੈਸ਼ਨਾਂ ਅਤੇ ਭਾਰਤ ਦੇ ਸਭ ਤੋਂ ਵੱਡੇ "ਲਾਈਵ ਮੈਟੀਰੀਆ ਮੈਡੀਕਾ" ਮੁਕਾਬਲੇ ਲਈ ਵਿਸ਼ਵਵਿਆਪੀ ਮਾਹਿਰਾਂ, ਖੋਜਕਰਤਾਵਾਂ, ਨੀਤੀ ਨਿਰਮਾਤਾਵਾਂ ਅਤੇ ਵਿਦਿਆਰਥੀਆਂ ਨੂੰ ਇਕੱਠਾ ਕਰੇਗਾ। ਮੁੱਖ ਸੰਸਥਾਵਾਂ ਦੀ ਭਾਗੀਦਾਰੀ ਅਤੇ ਸਿੱਖਿਆ ਖੇਤਰ ਤੋਂ ਮਜ਼ਬੂਤ ​​ਪ੍ਰਤੀਨਿਧਤਾ ਦੇ ਨਾਲ, ਇਸ ਸਮਾਗਮ ਦਾ ਉਦੇਸ਼ ਹੋਮਿਓਪੈਥਿਕ ਖੋਜ, ਸਿਖਲਾਈ ਅਤੇ ਅੰਤਰਰਾਸ਼ਟਰੀ ਸਹਿਯੋਗ ਨੂੰ ਅੱਗੇ ਵਧਾਉਣਾ ਹੈ, ਜਿਸ ਨਾਲ ਗੁਜਰਾਤ ਨੂੰ ਟ੍ਰੈਡੀਸ਼ਨਲ ਮੈਡੀਸਿਨ ਦੇ ਕੇਂਦਰ ਵਜੋਂ ਅੱਗੇ ਵਧਾਇਆ ਜਾ ਸਕੇਗਾ।

https://www.pib.gov.in/PressReleasePage.aspx?PRID=2120080

ਆਯੁਸ਼ ਮੰਤਰਾਲੇ ਨੇ ਗਾਂਧੀਨਗਰ ਵਿੱਚ ਗਲੋਬਲ ਮੈਗਾ ਕਨਵੈਨਸ਼ਨ ਦੇ ਨਾਲ ਵਿਸ਼ਵ ਹੋਮਿਓਪੈਥੀ ਦਿਵਸ 2025 ਮਨਾਇਆ

ਆਯੂਸ਼ ਮੰਤਰਾਲੇ ਨੇ ਗਾਂਧੀਨਗਰ ਵਿਖੇ ਇੱਕ ਸ਼ਾਨਦਾਰ ਦੋ-ਦਿਨਾਂ ਸੰਮੇਲਨ ਦੇ ਨਾਲ ਵਿਸ਼ਵ ਹੋਮਿਓਪੈਥੀ ਦਿਵਸ 2025 ਮਨਾਇਆ, ਜਿਸ ਵਿੱਚ ਭਾਰਤ ਅਤੇ ਵਿਦੇਸ਼ਾਂ ਤੋਂ 8,000 ਤੋਂ ਵੱਧ ਪ੍ਰਤੀਨਿਧੀਆਂ ਨੇ ਹਿੱਸਾ ਲਿਆ। CCRH, NCH, ਅਤੇ NIH ਦੁਆਰਾ ਆਯੋਜਿਤ, ਇਸ ਸਮਾਗਮ ਵਿੱਚ 'ਹੋਮਿਓਪੈਥੀ ਵਿੱਚ ਸਿੱਖਿਆ, ਅਭਿਆਸ ਅਤੇ ਖੋਜ' ਵਿਸ਼ੇ ਨੂੰ ਉਜਾਗਰ ਕੀਤਾ ਗਿਆ ਅਤੇ ਪੈਨਲ ਚਰਚਾਵਾਂ, ਪ੍ਰਦਰਸ਼ਨੀਆਂ, ਵਿਗਿਆਨਕ ਸੈਸ਼ਨਾਂ ਅਤੇ ਦੇਸ਼ ਦੇ ਸਭ ਤੋਂ ਵੱਡੇ ਉਦਯੋਗ ਪ੍ਰਦਰਸ਼ਨ ਨੂੰ ਸ਼ਾਮਲ ਕੀਤਾ ਗਿਆ। ਗੁਜਰਾਤ ਦੇ ਮੁੱਖ ਮੰਤਰੀ ਸ਼੍ਰੀ ਭੂਪੇਂਦਰ ਪਟੇਲ ਦੁਆਰਾ ਉਦਘਾਟਨ ਕੀਤਾ ਗਿਆ ਅਤੇ ਆਯੂਸ਼ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਦੀ ਮੌਜੂਦਗੀ ਵਿੱਚ, ਸੰਮੇਲਨ ਨੇ ਸਬੂਤ-ਅਧਾਰਿਤ ਖੋਜ, ਸਿੱਖਿਆ ਅਤੇ ਜਨਤਕ ਪਹੁੰਚ ਰਾਹੀਂ ਹੋਮਿਓਪੈਥੀ ਦੇ ਵਿਸਥਾਰ ਲਈ ਭਾਰਤ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ। ਮੁੱਖ ਪ੍ਰਕਾਸ਼ਨਾਂ ਵਿੱਚ ਇੱਕ ਕਨਵੈਨਸ਼ਨ ਸੋਵੀਨਰ, ਅੱਠ ਪ੍ਰਕਾਸ਼ਨ, ਨਵੇਂ CCRH ਈ-ਪੋਰਟਲ, ਅਤੇ ਡਰੱਗ ਪ੍ਰੋਵਿੰਗ 'ਤੇ ਇੱਕ ਦਸਤਾਵੇਜ਼ ਸ਼ਾਮਲ ਸੀ, ਜੋ ਹੋਮਿਓਪੈਥਿਕ ਵਿਗਿਆਨ ਅਤੇ ਵਿਸ਼ਵਵਿਆਪੀ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ ਲਈ ਮੰਤਰਾਲੇ ਦੇ ਯਤਨਾਂ ਨੂੰ ਉਜਾਗਰ ਕਰਦੇ ਹਨ।

https://www.pib.gov.in/PressReleasePage.aspx?PRID=2120741

ਵਿਸ਼ਵ ਸਿਹਤ ਸੰਵਾਦ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਮਹੱਤਵ ਦੇਣ ਲਈ WHS ਖੇਤਰੀ ਮੀਟਿੰਗ 2025 ਦਾ ਆਯੋਜਨ

ਨਵੀਂ ਦਿੱਲੀ ਵਿੱਚ ਹੋਣ ਵਾਲੀ ਵਿਸ਼ਵ ਸਿਹਤ ਸੰਮੇਲਨ ਖੇਤਰੀ ਮੀਟਿੰਗ 2025 ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਵਿਸ਼ਵ ਸਿਹਤ ਸਮਾਨਤਾ ਦੇ ਇੱਕ ਮੁੱਖ ਥੰਮ੍ਹ ਵਜੋਂ ਉਜਾਗਰ ਕਰੇਗੀ, ਜਿਸ ਵਿੱਚ ਸੰਪੂਰਨ, ਸਬੂਤ-ਅਧਾਰਿਤ ਟ੍ਰੈਡੀਸ਼ਨਲ ਅਭਿਆਸਾਂ ਤੱਕ ਪਹੁੰਚ ਨੂੰ ਵਧਾਉਣ 'ਤੇ ਇੱਕ ਪ੍ਰਮੁੱਖ ਸੈਸ਼ਨ ਹੋਵੇਗਾ। ਕੇਂਦਰੀ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਦਸੰਬਰ ਵਿੱਚ ਦੂਜੇ WHO ਟ੍ਰੈਡੀਸ਼ਨਲ ਮੈਡੀਸਿਨ ਗਲੋਬਲ ਸੰਮੇਲਨ ਤੋਂ ਪਹਿਲਾਂ ਮੀਟਿੰਗ ਨੂੰ ਇੱਕ ਸਮੇਂ ਸਿਰ ਪਲੈਟਫਾਰਮ ਵਜੋਂ ਉਜਾਗਰ ਕੀਤਾ। ਵਿਸ਼ਵ ਸਿਹਤ ਨੇਤਾਵਾਂ ਨੂੰ ਇਕੱਠੇ ਕਰਦੇ ਹੋਏ, ਇਹ ਸਮਾਗਮ ਇਹ ਪਤਾ ਲਗਾਏਗਾ ਕਿ ਟ੍ਰੈਡੀਸ਼ਨਲ ਗਿਆਨ, ਤਕਨੀਕੀ ਨਵੀਨਤਾ ਅਤੇ ਮਜ਼ਬੂਤ ​​ਰੈਗੂਲੇਟਰੀ ਢਾਂਚੇ ਵਿਸ਼ਵਵਿਆਪੀ ਸਿਹਤ ਕਵਰੇਜ ਨੂੰ ਕਿਵੇਂ ਅੱਗੇ ਵਧਾ ਸਕਦੇ ਹਨ। WHO ਗਲੋਬਲ ਸੈਂਟਰ ਫਾਰ ਟ੍ਰੈਡੀਸ਼ਨਲ ਮੈਡੀਸਿਨ ਦੇ ਸਮਰਥਨ ਨਾਲ, ਇਹ ਮੀਟਿੰਗ ਅੰਤਰਰਾਸ਼ਟਰੀ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ ਅਤੇ ਦੁਨੀਆ ਭਰ ਵਿੱਚ ਟਿਕਾਊ, ਜਨ-ਕੇਂਦ੍ਰਿਤ ਸਿਹਤ ਸੰਭਾਲ ਨੂੰ ਉਤਸ਼ਾਹਿਤ ਕਰਨ ਵਿੱਚ ਭਾਰਤ ਦੀ ਕੇਂਦਰੀ ਭੂਮਿਕਾ ਨੂੰ ਮਜ਼ਬੂਤ ​​ਕਰਨ ਦੀ ਉਮੀਦ ਹੈ।

https://www.pib.gov.in/PressReleasePage.aspx?PRID=2123865

ਛੇਵੀਂ GFTM ਮੀਟਿੰਗ ਸਬੂਤ-ਅਧਾਰਿਤ ਟ੍ਰੈਡੀਸ਼ਨਲ ਮੈਡੀਸਿਨ ਲਈ ਵਿਸ਼ਵਵਿਆਪੀ ਗਤੀ ਨੂੰ ਮਜ਼ਬੂਤ ​​ਕਰਦੀ ਹੈ

ਜਿਨੇਵਾ ਵਿੱਚ ਹੋਈ ਗਰੁੱਪ ਆਫ਼ ਫ੍ਰੈਂਡਜ਼ ਆਫ਼ ਟ੍ਰੈਡੀਸ਼ਨਲ ਮੈਡੀਸਿਨ (GFTM) ਦੀ ਛੇਵੀਂ ਮੀਟਿੰਗ ਵਿੱਚ ਕਈ ਦੇਸ਼ਾਂ ਦੇ ਪ੍ਰਤੀਨਿਧੀਆਂ ਨੂੰ ਬੁਲਾਇਆ ਗਿਆ ਤਾਂ ਜੋ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਵਿਸ਼ਵ ਸਿਹਤ ਪ੍ਰਣਾਲੀਆਂ ਵਿੱਚ ਏਕੀਕਰਣ ਨੂੰ ਅੱਗੇ ਵਧਾਇਆ ਜਾ ਸਕੇ। ਇਕੱਠ ਨੂੰ ਸੰਬੋਧਨ ਕਰਦੇ ਹੋਏ, ਆਯੂਸ਼ ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਨੇ ਰਾਸ਼ਟਰੀ ਆਯੂਸ਼ ਮਿਸ਼ਨ, ਆਯੂਸ਼ ਅਰੋਗਿਆ ਮੰਦਿਰਾਂ, ਵਿਸਤ੍ਰਿਤ ਬੀਮਾ ਕਵਰੇਜ ਅਤੇ ਖੋਜ ਸਹਿਯੋਗ ਵਰਗੀਆਂ ਪਹਿਲਕਦਮੀਆਂ ਰਾਹੀਂ ਸਬੂਤ-ਅਧਾਰਿਤ ਟ੍ਰੈਡੀਸ਼ਨਲ ਮੈਡੀਸਿਨ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ। AI ਅਤੇ ਜੀਨੋਮਿਕਸ ਵਰਗੇ ਉੱਭਰ ਰਹੇ ਖੇਤਰਾਂ ਨੂੰ ਉਜਾਗਰ ਕਰਦੇ ਹੋਏ, ਉਨ੍ਹਾਂ ਨੇ ਯੂਨੀਵਰਸਲ ਸਿਹਤ ਕਵਰੇਜ ਅਤੇ ਟਿਕਾਊ ਵਿਕਾਸ ਨੂੰ ਪ੍ਰਾਪਤ ਕਰਨ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਮਹੱਤਵਪੂਰਨ ਭੂਮਿਕਾ 'ਤੇ ਜ਼ੋਰ ਦਿੱਤਾ। ਮੀਟਿੰਗ ਨੇ 23 ਮਈ 2025 ਨੂੰ WHA78 ਵਿਖੇ ਇੱਕ ਉੱਚ-ਪੱਧਰੀ GFTM ਸਾਈਡ ਈਵੈਂਟ ਦਾ ਐਲਾਨ ਵੀ ਕੀਤਾ, ਜੋ "ਟ੍ਰੈਡੀਸ਼ਨਲ ਮੈਡੀਸਿਨ: ਟ੍ਰੈਡੀਸ਼ਨਲ ਵਿਰਾਸਤ ਤੋਂ ਸਰਹੱਦੀ ਵਿਗਿਆਨ ਤੱਕ, ਸਾਰਿਆਂ ਲਈ ਸਿਹਤ" ਵਿਸ਼ੇ 'ਤੇ ਕੇਂਦ੍ਰਿਤ ਸੀ।

https://www.pib.gov.in/PressReleasePage.aspx?PRID=2128142

ਭਾਰਤ 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਜਸ਼ਨ ਮਨਾ ਰਿਹਾ ਹੈ, ਇਸ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਰਿਕਾਰਡ ਤੋੜ ਯੋਗਾ ਇਕੱਠ ਦੀ ਅਗਵਾਈ ਕੀਤੀ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਵਿਸ਼ਾਖਾਪਟਨਮ ਵਿੱਚ 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ 'ਤੇ 3 ਲੱਖ ਭਾਗੀਦਾਰਾਂ ਦੇ ਵਿਸ਼ਵ ਦੇ ਸਭ ਤੋਂ ਵੱਡੇ ਯੋਗ ਇਕੱਠ ਦੀ ਅਗਵਾਈ ਕੀਤੀ, ਜਿਸ ਵਿੱਚ ਯੋਗ ਦੀ ਏਕਤਾ ਸ਼ਕਤੀ ਅਤੇ ਵਿਸ਼ਵਵਿਆਪੀ ਪਹੁੰਚ ਨੂੰ ਉਜਾਗਰ ਕੀਤਾ ਗਿਆ। ਮੁੱਖ ਰਾਸ਼ਟਰੀ ਅਤੇ ਰਾਜ ਨੇਤਾਵਾਂ ਦੇ ਸ਼ਾਮਲ ਹੋਣ 'ਤੇ, ਇਸ ਸਮਾਗਮ ਵਿੱਚ ਯੋਗਾਂਧਰਾ ਅਭਿਆਨ ਵਰਗੀਆਂ ਪਹਿਲਕਦਮੀਆਂ ਦਾ ਪ੍ਰਦਰਸ਼ਨ ਕੀਤਾ ਗਿਆ, ਜਿਸ ਵਿੱਚ 2 ਕਰੋੜ ਤੋਂ ਵੱਧ ਨਾਗਰਿਕ ਸ਼ਾਮਲ ਹੋਏ ਅਤੇ ਕਈ ਵਿਸ਼ਵ ਰਿਕਾਰਡ ਕਾਇਮ ਕੀਤੇ, ਜਿਸ ਵਿੱਚ ਕਬਾਇਲੀ ਵਿਦਿਆਰਥੀਆਂ ਦੁਆਰਾ ਸਮੂਹਿਕ ਸੂਰਯ ਨਮਸਕਾਰ ਪ੍ਰਦਰਸ਼ਨ ਸ਼ਾਮਲ ਹੈ। ਆਯੁਸ਼ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ 180+ ਦੇਸ਼ਾਂ ਵਿੱਚ ਮਨਾਏ ਜਾਣ ਵਾਲੇ ਇੱਕ ਵਿਸ਼ਵਵਿਆਪੀ ਜਨਤਕ ਸਿਹਤ ਅੰਦੋਲਨ ਵਿੱਚ ਯੋਗ ਦੇ ਵਿਕਾਸ 'ਤੇ ਜ਼ੋਰ ਦਿੱਤਾ ਅਤੇ 10 ਰਾਸ਼ਟਰੀ ਪ੍ਰਮੁੱਖ ਸਮਾਗਮਾਂ ਦਾ ਐਲਾਨ ਕੀਤਾ। ਭਾਰਤ ਭਰ ਦੇ ਜਸ਼ਨਾਂ ਵਿੱਚ ਰੱਖਿਆ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ, ਗ੍ਰਹਿ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਅਤੇ ਸਿਹਤ ਮੰਤਰੀ ਸ਼੍ਰੀ ਜੇਪੀ ਨੱਡਾ ਸਮੇਤ ਕੇਂਦਰੀ ਮੰਤਰੀਆਂ ਨੇ ਹਿੱਸਾ ਲਿਆ, ਜੋ ਸਰੀਰਕ, ਮਾਨਸਿਕ ਅਤੇ ਅਧਿਆਤਮਿਕ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨ ਵਿੱਚ ਯੋਗ ਦੀ ਭੂਮਿਕਾ ਨੂੰ ਮਜ਼ਬੂਤ ​​ਕਰਦੇ ਹਨ।

https://www.pib.gov.in/PressReleasePage.aspx?PRID=2138431

WHO ਨੇ ਭਾਰਤ ਦੇ AI-ਸੰਚਾਲਿਤ ਆਯੁਸ਼ ਨਵੀਨਤਾਵਾਂ ਨੂੰ ਗਲੋਬਲ ਬੈਂਚਮਾਰਕ ਵਜੋਂ ਮਾਨਤਾ ਦਿੱਤੀ

"ਟ੍ਰੈਡੀਸ਼ਨਲ ਮੈਡੀਸਿਨ ਵਿੱਚ ਏਆਈ" ਬਾਰੇ WHO ਦਾ ਇਤਿਹਾਸਿਕ ਤਕਨੀਕੀ ਸੰਖੇਪ ਆਯੁਸ਼ ਪ੍ਰਣਾਲੀਆਂ ਨਾਲ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਨੂੰ ਜੋੜਨ ਵਿੱਚ ਭਾਰਤ ਦੀ ਮੋਹਰੀ ਭੂਮਿਕਾ ਨੂੰ ਉਜਾਗਰ ਕਰਦਾ ਹੈ, ਆਯੁਸ਼ ਗਰਿੱਡ, ਆਯੁਰਜਨੋਮਿਕਸ, ਭਵਿੱਖਬਾਣੀ ਡਾਇਗਨੌਸਟਿਕ ਟੂਲਸ, ਅਤੇ SAHI, NAMASTE, ਅਤੇ ਆਯੁਸ਼ ਖੋਜ ਪੋਰਟਲ ਵਰਗੇ ਡਿਜੀਟਲ ਪਲੈਟਫਾਰਮਾਂ ਨੂੰ ਸਵੀਕਾਰ ਕਰਦਾ ਹੈ। ਇੱਕ ਟ੍ਰੈਡੀਸ਼ਨਲ ਗਿਆਨ ਡਿਜੀਟਲ ਲਾਇਬ੍ਰੇਰੀ (TKDL) ਲਾਂਚ ਕਰਨ ਵਾਲੇ ਪਹਿਲੇ ਦੇਸ਼ ਵਜੋਂ ਭਾਰਤ ਦੀ ਪ੍ਰਸ਼ੰਸਾ ਕਰਦੇ ਹੋਏ, ਇਹ ਸੰਖੇਪ ਇਸ ਗੱਲ 'ਤੇ ਜ਼ੋਰ ਦਿੰਦਾ ਹੈ ਕਿ ਕਿਵੇਂ ਏਆਈ-ਸੰਚਾਲਿਤ ਐਪਲੀਕੇਸ਼ਨਾਂ - ਪ੍ਰਕ੍ਰਿਤੀ-ਅਧਾਰਿਤ ਡਾਇਗਨੌਸਟਿਕਸ ਤੋਂ ਲੈ ਕੇ ਜੜੀ-ਬੂਟੀਆਂ ਦੇ ਫਾਰਮੂਲੇ ਦੇ ਜੀਨੋਮਿਕ ਡੀਕੋਡਿੰਗ ਤੱਕ - ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਆਧੁਨਿਕ ਬਣਾ ਰਹੀਆਂ ਹਨ ਅਤੇ ਇਸ ਦੀ ਵਿਸ਼ਵਵਿਆਪੀ ਪ੍ਰਸੰਗਿਕਤਾ ਦਾ ਵਿਸਤਾਰ ਕਰ ਰਹੀਆਂ ਹਨ। ਭਾਰਤ ਦੇ ਆਯੁਸ਼ ਬਜ਼ਾਰ ਦੀ ਕੀਮਤ US$43.4 ਬਿਲੀਅਨ ਦੇ ਨਾਲ, ਇਹ ਮਾਨਤਾ ਸਬੂਤ-ਅਧਾਰਿਤ, ਤਕਨਾਲੋਜੀ-ਸਮਰੱਥ ਟ੍ਰੈਡੀਸ਼ਨਲ ਮੈਡੀਸਿਨ ਵਿੱਚ ਦੇਸ਼ ਦੀ ਅਗਵਾਈ ਅਤੇ ਸਮਾਵੇਸ਼ੀ, ਡਿਜੀਟਲ ਤੌਰ 'ਤੇ ਸਸ਼ਕਤ ਸਿਹਤ ਸੰਭਾਲ ਨਵੀਨਤਾ ਪ੍ਰਤੀ ਇਸ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕਰਦੀ ਹੈ।

https://www.pib.gov.in/PressReleasePage.aspx?PRID=2144184

ਸੈਂਟਰਲ ਕੌਂਸਲ ਫਾਰ ਰਿਸਰਚ ਇਨ ਹੋਮਿਓਪੈਥੀ ਅਤੇ ਮਨੀਪਾਲ ਅਕੈਡਮੀ ਆਫ਼ ਹਾਇਰ ਐਜੂਕੇਸ਼ਨ ਨੇ ਬਾਇਓਸੇਫਟੀ ਟ੍ਰੇਨਿੰਗ ਅਤੇ ਰਿਸਰਚ ਪਾਰਟਨਰਸ਼ਿਪ ਰਾਹੀਂ ਜਨਤਕ ਸਿਹਤ ਤਿਆਰੀ ਨੂੰ ਮਜ਼ਬੂਤ ਕਰਨ ਲਈ ਹੱਥ ਮਿਲਾਇਆ

ਆਯੁਸ਼ ਮੰਤਰਾਲੇ ਦੇ ਸੈਂਟਰਲ ਕੌਂਸਲ ਫਾਰ ਰਿਸਰਚ ਇਨ ਹੋਮਿਓਪੈਥੀ (ਸੀਸੀਆਰਐੱਚ) ਨੇ ਮਨੀਪਾਲ ਇੰਸਟੀਟਿਊਟ  ਆਫ਼ ਵਾਇਰੋਲੋਜੀ (ਐੱਮਆਈਵੀ), ਐੱਮਏਐਚਈ, ਮਨੀਪਾਲ ਦੇ ਸਹਿਯੋਗ ਨਾਲ, 6-10 ਅਕਤੂਬਰ 2025 ਤੱਕ ਮਨੀਪਾਲ ਦੇ ਐੱਮਏਐਚਈ ਕੈਂਪਸ ਵਿਖੇ "ਬਾਇਓਸੇਫਟੀ ਐਂਡ ਆਉਟਬ੍ਰੇਕ ਸਿਮੂਲੇਸ਼ਨ ਟ੍ਰੇਨਿੰਗ 2025" ਸਿਰਲੇਖ ਵਾਲੀ ਪੰਜ ਦਿਨਾਂ ਰਿਹਾਇਸ਼ੀ ਵਰਕਸ਼ੌਪ ਦਾ ਆਯੋਜਨ ਕੀਤਾ । ਇਸ ਪ੍ਰੋਗਰਾਮ ਦਾ ਉਦੇਸ਼ ਸੀਸੀਆਰਐੱਚ ਖੋਜ ਵਿਗਿਆਨੀਆਂ ਦੀ ਬਾਇਓਸੇਫਟੀ ਜਾਗਰੂਕਤਾ, ਪ੍ਰਕੋਪ ਤੋਂ ਨਿਪਟਣ ਦੀ ਤਿਆਰੀ ਅਤੇ ਪ੍ਰਤੀਕਿਰਿਆ ਸਮਰੱਥਾਵਾਂ ਨੂੰ ਵਧਾਉਣਾ ਸੀ। 14 ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ 30 ਵਿਗਿਆਨੀਆਂ ਨੇ ਵਰਕਸ਼ੌਪ ਵਿੱਚ ਸ਼ਿਰਕਤ ਕੀਤੀ। ਵਰਕਸ਼ੌਪ ਦਾ ਉਦਘਾਟਨ ਡਾ. ਸੁਭਾਸ਼ ਕੌਸ਼ਿਕ, ਡਾਇਰੈਕਟਰ ਜਨਰਲ, ਸੀਸੀਆਰਐੱਚ ਦੁਆਰਾ ਕੀਤਾ ਗਿਆ, ਜਿਨ੍ਹਾਂ ਨੇ ਅੰਤਰ-ਸੰਸਥਾਗਤ ਸਹਿਯੋਗ ਅਤੇ ਮਹਾਮਾਰੀ ਦੇ ਪ੍ਰਬੰਧਨ ਵਿੱਚ ਹੋਮਿਓਪੈਥੀ ਦੀ ਭੂਮਿਕਾ 'ਤੇ ਜ਼ੋਰ ਦਿੱਤਾ। ਸੀਸੀਆਰਐੱਚ ਅਤੇ ਐੱਮਏਐੱਚਈ ਵਿਚਕਾਰ ਖੋਜ, ਸਿੱਖਿਆ ਅਤੇ ਸਿਖਲਾਈ ਵਿੱਚ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ ਲਈ ਇੱਕ ਸਮਝੌਤਾ ਪੱਤਰ ਦਾ ਅਦਾਨ-ਪ੍ਰਦਾਨ ਕੀਤਾ ਗਿਆ, ਜਿਸ ਵਿੱਚ ਐੱਮਏਐੱਚਈ ਲੀਡਰਸ਼ਿਪ ਅਤੇ ਮਾਹਿਰ ਫੈਕਲਟੀ ਦੇ ਸਰਗਰਮ ਸਮਰਥਨ ਨਾਲ ਸ਼ਾਮਲ ਹੋਏ।

https://www.pib.gov.in/PressReleasePage.aspx?PRID=2175775®=3&lang=2

ਨੈਸ਼ਨਲ ਹੋਮਿਓਪੈਥੀ ਰਿਸਰਚ ਇੰਸਟੀਟਿਊਟ ਇਨ ਮੈਂਟਲ ਹੈਲਥ ਨੇ ਵਿਸ਼ਵ ਮਾਨਸਿਕ ਸਿਹਤ ਦਿਵਸ 2025 ਨੂੰ ਮਨਾਉਣ ਲਈ ਦੋ-ਦਿਨਾਂ ਰਾਸ਼ਟਰੀ ਹੋਮਿਓਪੈਥੀ ਕਾਨਫਰੰਸ ਦਾ ਆਯੋਜਨ ਕੀਤਾ

ਆਯੁਸ਼ ਮੰਤਰਾਲੇ ਦੇ ਸੈਂਟਰਲ ਕੌਂਸਲ ਫਾਰ ਰਿਸਰਚ ਇਨ ਹੋਮਿਓਪੈਥੀ (CCRH) ਦੇ ਅਧੀਨ, ਕੋਟਾਯਮ ਦੇ ਨੈਸ਼ਨਲ ਹੋਮਿਓਪੈਥੀ ਰਿਸਰਚ ਇੰਸਟੀਟਿਊਟ  ਇਨ ਮੈਂਟਲ ਹੈਲਥ (NHRIMH) ਨੇ ਵਿਸ਼ਵ ਮਾਨਸਿਕ ਸਿਹਤ ਦਿਵਸ ਦੇ ਮੌਕੇ 'ਤੇ 10-11 ਅਕਤੂਬਰ 2025 ਨੂੰ ਦੋ-ਦਿਨਾਂ ਰਾਸ਼ਟਰੀ ਹੋਮਿਓਪੈਥੀ ਕਾਨਫਰੰਸ ਦਾ ਆਯੋਜਨ ਕੀਤਾ। "ਸੇਵਾਵਾਂ ਤੱਕ ਪਹੁੰਚ - ਆਫ਼ਤਾਂ ਅਤੇ ਐਮਰਜੈਂਸੀ ਵਿੱਚ ਮਾਨਸਿਕ ਸਿਹਤ" ਵਿਸ਼ੇ 'ਤੇ ਹੋਈ ਇਸ ਕਾਨਫਰੰਸ ਨੇ ਭਾਰਤ ਭਰ ਦੇ ਹੋਮਿਓਪੈਥੀ ਮਾਹਿਰਾਂ, ਮਾਨਸਿਕ ਸਿਹਤ ਪੇਸ਼ੇਵਰਾਂ ਅਤੇ ਖੋਜਕਰਤਾਵਾਂ ਨੂੰ ਇਕੱਠਾ ਕੀਤਾ। ਉਦਘਾਟਨੀ ਸੈਸ਼ਨ ਵਿੱਚ ਡਾ. ਸੁਭਾਸ਼ ਕੌਸ਼ਿਕ, ਡਾਇਰੈਕਟਰ ਜਨਰਲ, CCRH, ਅਤੇ ਸ਼੍ਰੀ ਚੇਤਨ ਕੁਮਾਰ ਮੀਨਾ, IAS, ਜ਼ਿਲ੍ਹਾ ਕਲੈਕਟਰ, ਕੋਟਾਯਮ ਸ਼ਾਮਲ ਹੋਏ। ਆਫ਼ਤ ਮਾਨਸਿਕ ਸਿਹਤ, ਮਨੋਵਿਗਿਆਨਕ ਐਮਰਜੈਂਸੀ, ਲਚਕੀਲਾਪਣ, ਖੋਜ ਢਾਂਚੇ ਅਤੇ ਵੱਖ-ਵੱਖ ਮਾਨਸਿਕ ਵਿਗਾੜਾਂ ਦੇ ਕੇਸ-ਅਧਾਰਿਤ ਹੋਮਿਓਪੈਥਿਕ ਪ੍ਰਬੰਧਨ 'ਤੇ ਕੇਂਦ੍ਰਿਤ ਵਿਗਿਆਨਕ ਵਿਚਾਰ-ਵਟਾਂਦਰੇ। ਪੋਸਟ ਗ੍ਰੈਜੂਏਟ ਖੋਜ ਪੇਸ਼ਕਾਰੀਆਂ ਨੇ ਅਕਾਦਮਿਕ ਚਰਚਾਵਾਂ ਨੂੰ ਸਮ੍ਰਿੱਧ ਬਣਾਇਆ । ਕਾਨਫਰੰਸ ਨੇ ਸਬੂਤ-ਅਧਾਰਿਤ, ਏਕੀਕ੍ਰਿਤ ਅਤੇ ਪਹੁੰਚਯੋਗ ਮਾਨਸਿਕ ਸਿਹਤ ਸੇਵਾਵਾਂ ਦੀ ਮਹੱਤਤਾ ਦੀ ਪੁਸ਼ਟੀ ਕੀਤੀ, ਆਫ਼ਤ ਅਤੇ ਐਮਰਜੈਂਸੀ ਮਾਨਸਿਕ ਸਿਹਤ ਦੇਖਭਾਲ ਵਿੱਚ ਹੋਮਿਓਪੈਥੀ ਨੂੰ ਇੱਕ ਪੂਰਕ ਹਿੱਸੇ ਵਜੋਂ ਉਜਾਗਰ ਕੀਤਾ।

https://www.pib.gov.in/PressReleasePage.aspx?PRID=2178395®=3&lang=2

ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ NIH ਕੋਲਕਾਤਾ ਵਿਖੇ 400-ਸੀਟਰ ਲੜਕੀਆਂ  ਦੇ ਹੌਸਟਲ ਦਾ ਉਦਘਾਟਨ ਕੀਤਾ

ਕੇਂਦਰੀ ਆਯੁਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਨੈਸ਼ਨਲ ਇੰਸਟੀਟਿਊਟ ਆਫ਼ ਹੋਮਿਓਪੈਥੀ (ਐਨਆਈਐਚ), ਕੋਲਕਾਤਾ ਵਿਖੇ 400 ਸੀਟਾਂ ਵਾਲੇ ਇੱਕ ਨਵੇਂ ਯੂਜੀ ਲੜਕੀਆਂ ਦੇ ਹੌਸਟਲ ਦਾ ਉਦਘਾਟਨ ਕੀਤਾ, ਜੋ ਕਿ ਸੰਸਥਾਨ ਦੇ ਗੋਲਡਨ ਜੁਬਲੀ ਮਨਾਉਣ ਦੇ ਨਾਲ-ਨਾਲ ਸੰਸਥਾ ਦੇ ਬੁਨਿਆਦੀ ਢਾਂਚੇ ਵਿੱਚ ਇੱਕ ਮਹੱਤਵਪੂਰਨ ਵਾਧਾ ਹੈ। ਇਸ ਸਮਾਗਮ ਨੂੰ ਸੰਬੋਧਨ ਕਰਦੇ ਹੋਏ, ਉਨ੍ਹਾਂ ਨੇ ਐਨਆਈਐੱਚ ਦੇ ਇੱਕ ਸੈਂਟਰ ਆਫ਼ ਐਕਸੀਲੈਂਸ ਵਿੱਚ ਵਿਕਾਸ ਨੂੰ ਉਜਾਗਰ ਕੀਤਾ ਅਤੇ ਵਧਦੀਆਂ ਅਕਾਦਮਿਕ ਅਤੇ ਮਰੀਜ਼ਾਂ ਦੀ ਦੇਖਭਾਲ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਚੱਲ ਰਹੇ ਪ੍ਰੋਜੈਕਟਾਂ ਨੂੰ ਸਮੇਂ ਸਿਰ ਪੂਰਾ ਕਰਨ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਸੰਸਥਾਗਤ ਸ਼ਮੂਲੀਅਤ ਨੂੰ ਮਜ਼ਬੂਤ ​​ਕਰਨ ਲਈ ਇੱਕ ਸਾਬਕਾ ਵਿਦਿਆਰਥੀ ਕਮਰੇ ਦੀ ਸਿਰਜਣਾ ਨੂੰ ਉਤਸ਼ਾਹਿਤ ਕੀਤਾ ਅਤੇ ਵਿਦਿਆਰਥੀਆਂ ਅਤੇ ਫੈਕਲਟੀ ਨੂੰ ਸਿਹਤ ਸੰਭਾਲ ਵਿੱਚ ਨਵੀਨਤਾ ਅਤੇ ਹਮਦਰਦੀ ਲਈ ਯਤਨ ਕਰਨ ਦੀ ਅਪੀਲ ਕੀਤੀ। ਸਿੱਖਿਆ ਰਾਜ ਮੰਤਰੀ ਡਾ. ਸੁਕਾਂਤਾ ਮਜੂਮਦਾਰ ਨੇ ਐੱਨਆਈਐੱਚ ਦੀ ਭਾਰਤ ਦੀ ਸਿਹਤ ਸੰਭਾਲ ਉੱਤਮਤਾ ਦੇ ਪ੍ਰਤੀਕ ਵਜੋਂ ਪ੍ਰਸ਼ੰਸਾ ਕੀਤੀ, "ਏਕ ਭਾਰਤ, ਸ਼੍ਰੇਸ਼ਠ ਭਾਰਤ" ਵਿੱਚ ਇਸਦੀ ਭੂਮਿਕਾ ਦਾ ਜ਼ਿਕਰ ਕੀਤਾ ਅਤੇ ਪਹੁੰਚਯੋਗ ਅਤੇ ਸੰਪੂਰਨ ਦੇਖਭਾਲ ਵਿੱਚ ਇਸਦੇ ਯੋਗਦਾਨ 'ਤੇ ਜ਼ੋਰ ਦਿੱਤਾ। ਸੰਸਦ ਮੈਂਬਰ ਸ਼੍ਰੀ ਜਯੋਤਿਰਮਯ ਸਿੰਘ ਮਹਾਤੋ ਸਮੇਤ ਹੋਰ ਪਤਵੰਤਿਆਂ ਨੇ ਐੱਨਆਈਐੱਚ ਦੇ ਪ੍ਰਭਾਵ ਦੀ ਪ੍ਰਸ਼ੰਸਾ ਕੀਤੀ, ਜਦੋਂ ਕਿ ਡਾਇਰੈਕਟਰ ਨੇ ਰੋਜ਼ਾਨਾ ਲਗਭਗ 3,000 ਮਰੀਜ਼ਾਂ ਨੂੰ ਇਸਦੀ ਸੇਵਾ ਅਤੇ ਸੈਂਟਰ ਆਫ਼ ਐਕਸੀਲੈਂਸ ਵਜੋਂ ਵਿਸ਼ਵਵਿਆਪੀ ਮਾਨਤਾ ਪ੍ਰਤੀ ਇਸ ਦੀ ਅਕਾਂਖਾ 'ਤੇ ਚਾਨਣਾ ਪਾਇਆ।

https://www.pib.gov.in/PressReleasePage.aspx?PRID=2145373

WHO-IRCH ਹਰਬਲ ਮੈਡੀਸਿਨ ਵਰਕਸ਼ੌਪ ਮਜ਼ਬੂਤ ​​ਗਲੋਬਲ ਸਹਿਯੋਗ ਨਾਲ ਸਮਾਪਤ ਹੋਈ

ਆਯੂਸ਼ ਮੰਤਰਾਲੇ ਅਤੇ PCIM&H ਵੱਲੋਂ ਗਾਜ਼ੀਆਬਾਦ ਵਿੱਚ ਆਯੋਜਿਤ ਤਿੰਨ ਦਿਨਾਂ WHO-IRCH ਵਰਕਸ਼ੌਪ 17 ਦੇਸ਼ਾਂ ਦੀ ਸਰਗਰਮ ਭਾਗੀਦਾਰੀ ਨਾਲ ਸਮਾਪਤ ਹੋਈ, ਜਿਸ ਵਿੱਚ ਤਕਨੀਕੀ ਸੈਸ਼ਨ, ਵਿਵਹਾਰਿਕ ਸਿਖਲਾਈ ਅਤੇ ਸੱਭਿਆਚਾਰਕ ਅਦਾਨ-ਪ੍ਰਦਾਨ ਸ਼ਾਮਲ ਸਨ ਜੋ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਦੀ ਸੁਰੱਖਿਆ, ਨਿਯਮ ਅਤੇ ਪ੍ਰਭਾਵਸ਼ੀਲਤਾ 'ਤੇ ਕੇਂਦ੍ਰਿਤ ਸਨ। ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਅਤੇ WHO-IRCH ਦੇ ਚੇਅਰਪਰਸਨ ਡਾ. ਕਿਮ ਸੁੰਗਚੋਲ ਦੁਆਰਾ ਉਦਘਾਟਨ ਕੀਤਾ ਗਿਆ, ਵਰਕਸ਼ੌਪ ਨੇ WHO-IRCH ਕਾਰਜ ਸਮੂਹਾਂ ਵਿੱਚ ਭਾਰਤ ਦੀ ਅਗਵਾਈ ਨੂੰ ਉਜਾਗਰ ਕੀਤਾ ਅਤੇ ਆਯੂਸ਼ ਸੁਰੱਖਿਆ ਪੋਰਟਲ ਅਤੇ ਈ-ਔਸ਼ਧੀ ਵਰਗੇ ਮੁੱਖ ਡਿਜੀਟਲ ਰੈਗੂਲੇਟਰੀ ਟੂਲਸ ਦਾ ਪ੍ਰਦਰਸ਼ਨ ਕੀਤਾ। ਭਾਗੀਦਾਰਾਂ ਨੇ PCIM&H ਲੈਬਾਂ ਵਿੱਚ ਵਿਵਹਾਰਿਕ ਐਕਸਪੋਜ਼ਰ ਅਤੇ ਆਯੂਸ਼ ਸੰਸਥਾਵਾਂ ਦੇ ਦੌਰੇ ਦੇ ਨਾਲ-ਨਾਲ ਮਾਨਕੀਕਰਨ, ਫਾਰਮਾਕੋਵਿਜੀਲੈਂਸ, ਕਲੀਨਿਕਲ ਟ੍ਰਾਇਲ ਅਤੇ WHO ਦੀ TM ਰਣਨੀਤੀ 2025-2034 'ਤੇ ਮਾਹਿਰ ਭਾਸ਼ਣ ਦਿੱਤੇ। ਇਹ ਪ੍ਰੋਗਰਾਮ ਮੈਂਬਰ ਦੇਸ਼ਾਂ ਵੱਲੋਂ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਦੇ ਨਿਯਮ ਲਈ ਵਿਸ਼ਵਵਿਆਪੀ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ ਦੀ ਵਚਨਬੱਧਤਾ ਨਾਲ ਸਮਾਪਤ ਹੋਇਆ।

https://www.pib.gov.in/PressReleasePage.aspx?PRID=2154348

ਆਯੁਸ਼ ਮੰਤਰਾਲੇ ਨੇ ਸੁਤੰਤਰਤਾ ਦਿਵਸ 2025 ਲਈ ਯੋਗ ਮਾਹਿਰਾਂ ਅਤੇ ਔਸ਼ਧੀ ਪੌਦਿਆਂ ਦੇ ਕਿਸਾਨਾਂ ਨੂੰ ਸਨਮਾਨਿਤ ਕੀਤਾ

ਆਯੂਸ਼ ਮੰਤਰਾਲੇ ਨੇ ਲਾਲ ਕਿਲ੍ਹੇ ਵਿਖੇ 79ਵੇਂ ਆਜ਼ਾਦੀ ਦਿਵਸ ਸਮਾਰੋਹ ਵਿੱਚ ਹਿੱਸਾ ਲੈਣ ਵਾਲੇ 200 ਵਿਸ਼ੇਸ਼ ਮਹਿਮਾਨਾਂ - 100 ਯੋਗਾ ਵਲੰਟੀਅਰਾਂ ਅਤੇ 100 ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਔਸ਼ਧੀ ਪੌਦਿਆਂ ਦੇ ਕਿਸਾਨਾਂ ਦਾ ਵਿਸ਼ੇਸ਼ ਸੁਆਗਤ ਕੀਤਾ। ਕੇਂਦਰੀ ਮੰਤਰੀ ਪ੍ਰਤਾਪਰਾਓ ਜਾਧਵ ਅਤੇ ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਨੇ ਯੋਗਾ ਪ੍ਰੋਤਸਾਹਨ ਅਤੇ ਟਿਕਾਊ ਔਸ਼ਧੀ ਪੌਦਿਆਂ ਦੀ ਕਾਸ਼ਤ ਵਿੱਚ ਉਨ੍ਹਾਂ ਦੇ ਮਹੱਤਵਪੂਰਨ ਯੋਗਦਾਨ ਦੀ ਸ਼ਲਾਘਾ ਕੀਤੀ, ਇੱਕ ਸਿਹਤਮੰਦ, ਸਵੈ-ਨਿਰਭਰ ਭਾਰਤ ਨੂੰ ਅੱਗੇ ਵਧਾਉਣ ਵਿੱਚ ਉਨ੍ਹਾਂ ਦੀ ਭੂਮਿਕਾ ਨੂੰ ਉਜਾਗਰ ਕੀਤਾ।  ਆਯੂਸ਼ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ ਇਸ ਸਮਾਗਮ ਵਿੱਚ ਇਨ੍ਹਾਂ ਵਿਅਕਤੀਆਂ ਨੂੰ ਰਾਸ਼ਟਰੀ ਮਾਣ ਦੇ ਪ੍ਰਤੀਕ ਅਤੇ ਟ੍ਰੈਡੀਸ਼ਨਲ ਸਿਹਤ ਪ੍ਰਣਾਲੀਆਂ ਅਤੇ ਸੰਪੂਰਨ ਵਿਕਾਸ ਨੂੰ ਮਜ਼ਬੂਤ ​​ਕਰਨ ਵਿੱਚ ਜ਼ਰੂਰੀ ਭਾਈਵਾਲਾਂ ਵਜੋਂ ਸਨਮਾਨਿਤ ਕੀਤਾ।

https://www.pib.gov.in/PressReleasePage.aspx?PRID=2156460

ਖੇਤਰੀ WHO-CCRAS ਵਰਕਸ਼ੌਪ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਲਈ GMP ਮਿਆਰਾਂ ਨੂੰ ਮਜ਼ਬੂਤ ​​ਕਰਦੀ ਹੈ

ਆਯੂਸ਼ ਮੰਤਰਾਲੇ ਅਤੇ WHO-SEARO ਨੇ ਸਾਂਝੇ ਤੌਰ 'ਤੇ ਮੁੰਬਈ ਵਿੱਚ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਲਈ ਚੰਗੇ ਨਿਰਮਾਣ ਅਭਿਆਸਾਂ (GMP) ਲਈ ਇੱਕ ਚਾਰ-ਦਿਨਾਂ ਖੇਤਰੀ ਵਰਕਸ਼ੌਪ ਸ਼ੁਰੂ ਕੀਤੀ, ਜਿਸ ਵਿੱਚ ਭੂਟਾਨ, ਥਾਈਲੈਂਡ, ਸ਼੍ਰੀਲੰਕਾ, ਨੇਪਾਲ ਅਤੇ ਭਾਰਤ ਦੇ ਡੈਲੀਗੇਟ ਇਕੱਠੇ ਹੋਏ। CCRAS ਦੁਆਰਾ ਆਯੋਜਿਤ, ਪ੍ਰੋਗਰਾਮ ਵਿੱਚ ਮਾਹਿਰਾਂ ਦੀ ਅਗਵਾਈ ਵਾਲੇ ਤਕਨੀਕੀ ਸੈਸ਼ਨ ਅਤੇ WHO-GMP-ਪ੍ਰਮਾਣਿਤ ਸਹੂਲਤਾਂ ਦੇ ਖੇਤਰੀ ਦੌਰੇ ਸ਼ਾਮਲ ਹਨ, ਜੋ ਉੱਚ-ਗੁਣਵੱਤਾ, ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਦੇ ਉਤਪਾਦਨ ਵਿੱਚ ਭਾਰਤ ਦੀਆਂ ਮਜ਼ਬੂਤ ​​ਸਮਰੱਥਾਵਾਂ ਨੂੰ ਉਜਾਗਰ ਕਰਦੇ ਹਨ। WHO ਦੇ ਅਧਿਕਾਰੀਆਂ ਨੇ ਗੁਣਵੱਤਾ ਦੇ ਮਿਆਰਾਂ ਨੂੰ ਅੱਗੇ ਵਧਾਉਣ ਵਿੱਚ ਭਾਰਤ ਦੀ ਅਗਵਾਈ ਦੀ ਸ਼ਲਾਘਾ ਕੀਤੀ, ਜਦੋਂ ਕਿ ਇਹ ਵਰਕਸ਼ੌਪ ਆਯੂਸ਼ ਮੰਤਰਾਲੇ ਦੇ ਜੜੀ-ਬੂਟੀਆਂ ਦੀਆਂ ਮੈਡੀਸਿਨ ਦੇ ਵਿਕਾਸ ਨੂੰ ਆਧੁਨਿਕ ਬਣਾਉਣ ਅਤੇ ਮਜ਼ਬੂਤ ​​ਕਰਨ ਦੇ ਵਿਆਪਕ ਯਤਨਾਂ ਦੇ ਅਨੁਰੂਪ ਹੈ।

https://www.pib.gov.in/PressReleasePage.aspx?PRID=2158141

ਆਯੂਸ਼ ਸੰਮੇਲਨ ਨੇ NAM ਨੂੰ ਮਜ਼ਬੂਤੀ ਨਾਲ ਲਾਗੂ ਕਰਨ ਅਤੇ ਸੈਕਟਰ-ਵਿਆਪੀ ਸਮਰੱਥਾ ਨਿਰਮਾਣ ਲਈ ਰੋਡਮੈਪ ਤਿਆਰ ਕੀਤਾ

ਨਵੀਂ ਦਿੱਲੀ ਵਿੱਚ ਦੋ-ਦਿਨਾਂ ਰਾਸ਼ਟਰੀ ਆਯੂਸ਼ ਮਿਸ਼ਨ ਅਤੇ ਸਮਰੱਥਾ ਨਿਰਮਾਣ ਸੰਮੇਲਨ ਨੇ ਨੀਤੀ ਨਿਰਮਾਤਾਵਾਂ, ਮਾਹਿਰਾਂ ਅਤੇ ਰਾਜ ਦੇ ਪ੍ਰਤੀਨਿਧੀਆਂ ਨੂੰ ਆਯੂਸ਼ ਖੇਤਰ ਵਿੱਚ ਏਕੀਕਰਣ, ਨਵੀਨਤਾ ਅਤੇ ਸੰਸਥਾਗਤ ਮਜ਼ਬੂਤੀ ਨੂੰ ਅੱਗੇ ਵਧਾਉਣ ਲਈ ਇਕਜੁੱਟ ਕੀਤਾ। ਕੇਂਦਰੀ ਮੰਤਰੀ ਪ੍ਰਤਾਪਰਾਓ ਜਾਧਵ ਦੀ ਅਗਵਾਈ ਵਿੱਚ, ਸੰਮੇਲਨ ਵਿੱਚ ਵਿੱਤੀ ਪ੍ਰਬੰਧਨ ਅਤੇ ਸੇਵਾ ਪ੍ਰਦਾਨ ਕਰਨ ਤੋਂ ਲੈ ਕੇ ਡਿਜੀਟਲ ਸਿਹਤ, ਗੁਣਵੱਤਾ ਭਰੋਸਾ, ਅਤੇ ਆਧੁਨਿਕ ਸਿਹਤ ਸੰਭਾਲ ਨਾਲ ਏਕੀਕਰਣ ਤੱਕ ਛੇ ਮੁੱਖ ਥੀਮੈਟਿਕ ਖੇਤਰਾਂ 'ਤੇ ਚਰਚਾ ਕੀਤੀ ਗਈ। ਡਾ. ਵੀ.ਕੇ. ਪਾਲ ਅਤੇ ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਸਮੇਤ ਸੀਨੀਅਰ ਨੇਤਾਵਾਂ ਨੇ ਰਾਸ਼ਟਰੀ ਮਿਸ਼ਨਾਂ ਦਰਮਿਆਨ ਤਾਲਮੇਲ, ਵੱਡੇ ਪੱਧਰ 'ਤੇ ਵਿਵਹਾਰ ਤਬਦੀਲੀ, ਵਧੇ ਹੋਏ ਬੁਨਿਆਦੀ ਢਾਂਚੇ ਅਤੇ ਵਿਕਸਿਤ ਭਾਰਤ@2047 ਨਾਲ ਜੁੜੇ ਭਵਿੱਖ ਦੇ ਪ੍ਰਸਤਾਵਾਂ 'ਤੇ ਜ਼ੋਰ ਦਿੱਤਾ। ਸੰਮੇਲਨ ਦੇਸ਼ ਭਰ ਵਿੱਚ ਆਯੂਸ਼ ਸੇਵਾਵਾਂ ਦੇ ਵਿਕਾਸ, ਗੁਣਵੱਤਾ ਅਤੇ ਪਹੁੰਚਯੋਗਤਾ ਨੂੰ ਤੇਜ਼ ਕਰਨ ਲਈ ਇੱਕ ਸੰਯੁਕਤ ਵਚਨਬੱਧਤਾ ਨਾਲ ਸਮਾਪਤ ਹੋਇਆ।

https://www.pib.gov.in/PressReleasePage.aspx?PRID=2162389

10ਵਾਂ ਰਾਸ਼ਟਰੀ ਆਯੁਰਵੇਦ ਦਿਵਸ ਪ੍ਰਮੁੱਖ ਪਹਿਲਕਦਮੀਆਂ, ਵਿਸ਼ਵਵਿਆਪੀ ਭਾਗੀਦਾਰੀ, ਅਤੇ ਮਾਨਵ -  ਪ੍ਰਿਥਵੀ ਭਲਾਈ 'ਤੇ ਨਵੇਂ ਸਿਰ੍ਹੇ ਤੋਂ ਧਿਆਨ ਕੇਂਦ੍ਰਿਤ ਕਰਕੇ ਮਨਾਇਆ ਗਿਆ

ਆਯੁਸ਼ ਮੰਤਰਾਲੇ ਨੇ ਏਆਈਆਈਏ ਗੋਆ ਵਿਖੇ 10ਵਾਂ ਰਾਸ਼ਟਰੀ ਆਯੁਰਵੇਦ ਦਿਵਸ "ਮਾਨਵ ਅਤੇ ਪ੍ਰਿਥਵੀ ਲਈ ਆਯੁਰਵੇਦ" ਥੀਮ ਨਾਲ ਮਨਾਇਆ, ਜਿਸ ਵਿੱਚ ਆਯੁਰਵੇਦ ਦੇ ਵਧ ਰਹੇ ਵਿਸ਼ਵ ਪੱਧਰੀ ਪ੍ਰਭਾਵ ਅਤੇ ਆਧੁਨਿਕ ਸਿਹਤ ਅਤੇ ਵਾਤਾਵਰਣ ਚੁਣੌਤੀਆਂ ਲਈ ਇਸਦੀ ਸਾਰਥਕਤਾ ਨੂੰ ਉਜਾਗਰ ਕੀਤਾ ਗਿਆ। ਗੋਆ ਦੇ ਰਾਜਪਾਲ ਅਤੇ ਮੁੱਖ ਮੰਤਰੀ, ਕੇਂਦਰੀ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਅਤੇ ਸ਼੍ਰੀ ਸ਼੍ਰੀਪਦ ਨਾਇਕ ਸਮੇਤ ਪਤਵੰਤਿਆਂ ਨੇ ਰੋਕਥਾਮ ਸਿਹਤ ਸੰਭਾਲ, ਤੰਦਰੁਸਤੀ ਸੈਰ-ਸਪਾਟਾ, ਜੈਵ ਵਿਭਿੰਨਤਾ ਸੰਭਾਲ ਅਤੇ ਏਕੀਕ੍ਰਿਤ ਮੈਡੀਸਿਨ ਵਿੱਚ ਆਯੁਰਵੇਦ ਦੀ ਭੂਮਿਕਾ 'ਤੇ ਜ਼ੋਰ ਦਿੱਤਾ। ਮੁੱਖ ਘੋਸ਼ਣਾਵਾਂ ਵਿੱਚ ਦ੍ਰਵਯ ਪੋਰਟਲ, ਦੇਸ਼ ਕਾ ਸਵਾਸਥਯ ਪ੍ਰੀਖਿਆ ਅਭਿਆਨ ਦਾ ਵਿਸਥਾਰ, ਇੱਕ ਏਕੀਕ੍ਰਿਤ ਓਨਕੋਲੋਜੀ ਯੂਨਿਟ ਖੋਲ੍ਹਣਾ, ਅਤੇ ਕਈ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਸਹਿਯੋਗ ਵਰਗੀਆਂ ਨਵੀਆਂ ਪਹਿਲਕਦਮੀਆਂ ਸ਼ਾਮਲ ਸਨ। ਇਸ ਸਮਾਗਮ ਨੇ ਰਾਸ਼ਟਰੀ ਧਨਵੰਤਰੀ ਆਯੁਰਵੇਦ ਪੁਰਸਕਾਰ 2025 ਵੀ ਪ੍ਰਦਾਨ ਕੀਤੇ, ਜੋ ਕਿ ਸਥਿਰਤਾ, ਖੋਜ ਅਤੇ ਸੰਪੂਰਨ ਕਲਿਆਣ ‘ਤੇ  ਅਧਾਰਿਤ ਇੱਕ ਵਿਸ਼ਵਵਿਆਪੀ ਲਹਿਰ ਵਿੱਚ ਆਯੁਰਵੇਦ ਦੇ ਵਿਕਾਸ ਨੂੰ ਉਜਾਗਰ ਕਰਦੇ ਹਨ।

https://www.pib.gov.in/PressReleasePage.aspx?PRID=2170053

ਆਯੂਸ਼-ਡਬਲਿਊਐੱਚਓ ਸਮਝੌਤਾ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਦੂਜੇ ਗਲੋਬਲ ਸੰਮੇਲਨ ਲਈ ਮੰਚ ਤਿਆਰ ਕਰਦਾ ਹੈ

ਆਯੂਸ਼ ਮੰਤਰਾਲੇ ਨੇ ਵਿਸ਼ਵ ਸਿਹਤ ਸੰਗਠਨ ਨਾਲ 17-19 ਦਸੰਬਰ 2025 ਨੂੰ ਨਵੀਂ ਦਿੱਲੀ ਵਿੱਚ ਹੋਣ ਵਾਲੇ ਦੂਜੇ WHO ਗਲੋਬਲ ਸੰਮੇਲਨ ਔਨ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਸਹਿ-ਮੇਜ਼ਬਾਨੀ ਲਈ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ ਹਨ। ਕੇਂਦਰੀ ਆਯੂਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਸ਼੍ਰੀ ਪ੍ਰਤਾਪਰਾਓ ਜਾਧਵ ਅਤੇ ਆਯੂਸ਼ ਸਕੱਤਰ ਦੀ ਮੌਜੂਦਗੀ ਵਿੱਚ ਰਸਮੀ ਤੌਰ 'ਤੇ ਇਹ ਸਮਝੌਤਾ ਦੂਜੇ ਸੰਮੇਲਨ ਯੋਜਨਾ ਸਮੂਹ ਮੀਟਿੰਗ ਦੌਰਾਨ ਹਸਤਾਖਰ ਕੀਤਾ ਗਿਆ। ਇਹ ਸੰਮੇਲਨ ਸਬੂਤ-ਅਧਾਰਿਤ ਟ੍ਰੈਡੀਸ਼ਨਲ ਮੈਡੀਸਿਨ ਅਤੇ ਮਾਨਵ ਅਤੇ ਪ੍ਰਿਥਵੀ ਭਲਾਈ ਦੋਵਾਂ ਵਿੱਚ ਇਸ ਦੇ ਯੋਗਦਾਨ ਨੂੰ ਅੱਗੇ ਵਧਾਉਣ ਲਈ ਵਿਸ਼ਵਵਿਆਪੀ ਮਾਹਿਰਾਂ, ਨੀਤੀ ਨਿਰਮਾਤਾਵਾਂ ਅਤੇ ਹਿੱਸੇਦਾਰਾਂ ਨੂੰ ਇਕੱਠੇ ਕਰੇਗਾ।

https://www.pib.gov.in/PressReleasePage.aspx?PRID=2171378

ਬ੍ਰਾਜ਼ੀਲ ਦੇ ਉਪ ਰਾਸ਼ਟਰਪਤੀ ਨੇ ਏਆਈਆਈਏ ਦੇ ਦੌਰੇ ਦੌਰਾਨ ਆਯੁਰਵੇਦ ਦੀ ਪ੍ਰਸ਼ੰਸਾ ਕੀਤੀ

ਬ੍ਰਾਜ਼ੀਲ ਦੇ ਉਪ-ਰਾਸ਼ਟਰਪਤੀ, ਸ਼੍ਰੀ ਗੇਰਾਲਡੋ ਅਲਕਮਿਨ, ਨੇ ਨਵੀਂ ਦਿੱਲੀ ਵਿੱਚ ਆਲ ਇੰਡੀਆ ਇੰਸਟੀਟਿਊਟ ਆਫ਼ ਆਯੁਰਵੇਦ (AIIA) ਦਾ ਦੌਰਾ ਕੀਤਾ ਅਤੇ ਆਯੁਰਵੇਦ ਦੀ ਸ਼ਲਾਘਾ 5,000 ਸਾਲ ਪੁਰਾਣੇ ਖਜ਼ਾਨੇ ਵਜੋਂ ਕੀਤੀ ਜੋ ਸੰਪੂਰਨ, ਰੋਕਥਾਮ ਅਤੇ ਟਿਕਾਊ ਸਿਹਤ ਸੰਭਾਲ ਦੀ ਪੇਸ਼ਕਸ਼ ਕਰਦਾ ਹੈ। ਸਿੱਖਿਆ, ਖੋਜ ਅਤੇ ਕਲੀਨਿਕਲ ਉੱਤਮਤਾ ਵਿੱਚ AIIA ਦੇ ਯੋਗਦਾਨ ਦੀ ਸ਼ਲਾਘਾ ਕਰਦੇ ਹੋਏ, ਉਨ੍ਹਾਂ ਨੇ ਕੁਦਰਤੀ ਸਿਹਤ ਪ੍ਰਣਾਲੀਆਂ ਦੀ ਵੱਧ ਰਹੀ ਵਿਸ਼ਵਵਿਆਪੀ ਮੰਗ ਨੂੰ ਉਜਾਗਰ ਕੀਤਾ ਅਤੇ ਮਖੌਲ ਵਿੱਚ ਕਿਹਾ ਕਿ ਜੇਕਰ ਉਨ੍ਹਾਂ ਦਾ ਦੌਰਾ ਲੰਬਾ ਹੁੰਦਾ ਤਾਂ ਉਹ ਆਪਣੀ ਪਿੱਠ ਦਰਦ ਦਾ ਇਲਾਜ ਕਰਵਾਉਣ ਦੀ ਮੰਗ ਕਰਦੇ। ਉੱਚ-ਪੱਧਰੀ ਬ੍ਰਾਜ਼ੀਲ ਦੇ ਵਫ਼ਦ ਨੇ AIIA ਦੇ ਏਕੀਕ੍ਰਿਤ ਸਿਹਤ ਪਹਿਲਕਦਮੀਆਂ, ਚੱਲ ਰਹੇ ਸਹਿਯੋਗਾਂ ਅਤੇ ਬ੍ਰਾਜ਼ੀਲ ਦੀਆਂ ਸੰਸਥਾਵਾਂ ਨਾਲ ਸਮਝੌਤਿਆਂ ਦੀ ਸਮੀਖਿਆ ਕੀਤੀ, ਟ੍ਰੈਡੀਸ਼ਨਲ ਮੈਡੀਸਿਨ, ਸੰਯੁਕਤ ਖੋਜ ਅਤੇ ਸਬੂਤ-ਅਧਾਰਿਤ ਵਿਸ਼ਵਵਿਆਪੀ ਸਿਹਤ ਵਿਕਾਸ ਨੂੰ ਅੱਗੇ ਵਧਾਉਣ ਵਿੱਚ ਭਾਰਤ-ਬ੍ਰਾਜ਼ੀਲ ਸਹਿਯੋਗ ਦੀ ਪੁਸ਼ਟੀ ਕੀਤੀ।

https://www.pib.gov.in/PressReleasePage.aspx?PRID=2180089

ਰਾਜਦੂਤਾਂ ਦੇ ਸੁਆਗਤ ਨੇ ਦੂਜੇ WHO ਟ੍ਰੈਡੀਸ਼ਨਲ ਮੈਡੀਸਿਨ ਸੰਮੇਲਨ ਲਈ ਗਤੀ ਸਥਾਪਿਤ ਕੀਤੀ

ਆਯੂਸ਼ ਮੰਤਰਾਲੇ ਨੇ, WHO ਨਾਲ ਸਾਂਝੇਦਾਰੀ ਵਿੱਚ, ਦਸੰਬਰ 2025 ਵਿੱਚ ਹੋਣ ਵਾਲੇ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਆਉਣ ਵਾਲੇ ਦੂਜੇ WHO ਗਲੋਬਲ ਸੰਮੇਲਨ ਦੇ ਦ੍ਰਿਸ਼ਟੀਕੋਣ, ਤਰਜੀਹਾਂ ਅਤੇ ਵਿਸ਼ਵਵਿਆਪੀ ਮਹੱਤਵ ਨੂੰ ਦਰਸਾਉਣ ਲਈ ਨਵੀਂ ਦਿੱਲੀ ਵਿੱਚ ਇੱਕ ਰਾਜਦੂਤ ਸੁਆਗਤ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ। ਕੇਂਦਰੀ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ, ਸਕੱਤਰ ਆਯੂਸ਼ ਵੈਦਯ ਰਾਜੇਸ਼ ਕੋਟੇਚਾ, ਸਕੱਤਰ (ਪੱਛਮੀ) ਸਿਬੀ ਜੌਰਜ, ਅਤੇ WHO ਦੇ ਉੱਚ ਅਧਿਕਾਰੀਆਂ ਸਮੇਤ ਸੀਨੀਅਰ ਨੇਤਾਵਾਂ ਨੇ ਖੋਜ, ਵਿਸ਼ਵਵਿਆਪੀ ਸਹਿਯੋਗ, ਅਤੇ ਮਜ਼ਬੂਤ ​​ਗੁਣਵੱਤਾ ਅਤੇ ਸੁਰੱਖਿਆ ਢਾਂਚੇ ਰਾਹੀਂ ਸਬੂਤ-ਅਧਾਰਿਤ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਅੱਗੇ ਵਧਾਉਣ ਵਿੱਚ ਭਾਰਤ ਦੀ ਵਧਦੀ ਭੂਮਿਕਾ 'ਤੇ ਜ਼ੋਰ ਦਿੱਤਾ। ਇਸ ਸਮਾਗਮ ਨੇ ਬਰਾਬਰ, ਪਹੁੰਚਯੋਗ ਅਤੇ ਲੋਕ-ਕੇਂਦ੍ਰਿਤ ਸਿਹਤ ਪ੍ਰਣਾਲੀਆਂ ਲਈ ਟ੍ਰੈਡੀਸ਼ਨਲ ਗਿਆਨ ਨੂੰ ਆਧੁਨਿਕ ਵਿਗਿਆਨ ਨਾਲ ਜੋੜਨ ਦੀ ਅੰਤਰਰਾਸ਼ਟਰੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ, ਦੇਸ਼ਾਂ ਨੂੰ ਸੰਮੇਲਨ ਵਿੱਚ ਉੱਚ-ਪੱਧਰੀ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਦੀ ਅਪੀਲ ਕੀਤੀ।

https://www.pib.gov.in/PressReleasePage.aspx?PRID=2188383

ਭਾਰਤ ਕੁਦਰਤੀ ਜੀਵਨ ਅਤੇ ਗਾਂਧੀਵਾਦੀ ਆਦਰਸ਼ਾਂ 'ਤੇ ਕੇਂਦ੍ਰਿਤ 8ਵਾਂ ਕੁਦਰਤੀ ਇਲਾਜ ਦਿਵਸ ਮਨਾਉਂਦਾ ਹੈ

ਭਾਰਤ ਨੇ ਪੁਣੇ ਦੇ ਨਿਸਰਗ ਗ੍ਰਾਮ ਵਿਖੇ 8ਵਾਂ ਕੁਦਰਤੀ ਇਲਾਜ ਦਿਵਸ ਮਨਾਇਆ, ਜਿਸ ਵਿੱਚ ਕੁਦਰਤੀ ਇਲਾਜ ਨੂੰ ਇੱਕ ਸੰਪੂਰਨ ਜੀਵਨ ਸ਼ੈਲੀ ਵਜੋਂ ਉਜਾਗਰ ਕੀਤਾ ਗਿਆ ਜੋ ਕੁਦਰਤ ਅਤੇ ਗਾਂਧੀਵਾਦੀ ਕਦਰਾਂ-ਕੀਮਤਾਂ ਨਾਲ ਮੇਲ ਖਾਂਦੀ ਹੈ। ਮਹਾਰਾਸ਼ਟਰ ਦੇ ਰਾਜਪਾਲ ਸ਼੍ਰੀ ਆਚਾਰੀਆ ਦੇਵਵ੍ਰਤ ਨੇ ਕੁਦਰਤੀ ਇਲਾਜ ਨੂੰ ਜੀਵਨ ਦੇ ਇੱਕ ਢੰਗ ਵਜੋਂ ਜ਼ੋਰ ਦਿੱਤਾ ਜੋ ਸਵੈ-ਇਲਾਜ ਨੂੰ ਸਮਰੱਥ ਬਣਾਉਂਦਾ ਹੈ ਅਤੇ ਰਾਸ਼ਟਰੀ ਸਿਹਤ ਟੀਚਿਆਂ ਦਾ ਸਮਰਥਨ ਕਰਦਾ ਹੈ। ਕੇਂਦਰੀ ਆਯੁਸ਼ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਸਿਹਤ ਕੁਦਰਤ-ਅਧਾਰਿਤ ਜੀਵਨ ਦੁਆਰਾ ਪ੍ਰਾਪਤ ਕੀਤੀ ਜਾਂਦੀ ਹੈ, ਖਰੀਦੀ ਨਹੀਂ ਜਾਂਦੀ। ਨੈਸ਼ਨਲ ਇੰਸਟੀਟਿਊਟ  ਆਫ਼ ਨੈਚਰੋਪੈਥੀ ਦੁਆਰਾ ਆਯੋਜਿਤ, ਤਿੰਨ ਦਿਨਾਂ ਕੁਦਰਤੀ ਭੋਜਨ ਉਤਸਵ ਵਿੱਚ ਵਿਆਪਕ ਭਾਗੀਦਾਰੀ ਦੇਖਣ ਨੂੰ ਮਿਲੀ ਅਤੇ ਇਸ ਵਿੱਚ ਕਿਤਾਬਾਂ ਦੇ ਰਿਲੀਜ਼, ਇੱਕ ਯਾਦਗਾਰੀ ਡਾਕ ਟਿਕਟ, ਪੁਰਸਕਾਰ ਅਤੇ ਮਹਾਤਮਾ ਗਾਂਧੀ ਦੀ ਕੁਦਰਤੀ ਸਿਹਤ ਅਤੇ ਸਵੈ-ਨਿਰਭਰਤਾ ਦੀ ਵਿਰਾਸਤ ਨੂੰ ਸ਼ਰਧਾਂਜਲੀਆਂ ਦਿੱਤੀਆਂ ਗਈਆਂ।

https://www.pib.gov.in/PressReleasePage.aspx?PRID=2191471®=3&lang=1

ਬਰਲਿਨ ਵਿੱਚ ਭਾਰਤ-ਜਰਮਨੀ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਸਹਿਯੋਗ ਨੂੰ ਮਜ਼ਬੂਤ ​​ਕਰਦੇ ਹਨ

ਭਾਰਤ ਅਤੇ ਜਰਮਨੀ ਨੇ ਬਰਲਿਨ ਵਿੱਚ ਹੋਈ ਵਿਕਲਪਕ ਮੈਡੀਸਿਨ 'ਤੇ ਤੀਜੀ ਸਾਂਝੀ ਕਾਰਜ ਸਮੂਹ ਦੀ ਮੀਟਿੰਗ ਵਿੱਚ ਟ੍ਰੈਡੀਸ਼ਨਲ ਅਤੇ ਏਕੀਕ੍ਰਿਤ ਮੈਡੀਸਿਨ 'ਤੇ ਦੁਵੱਲੇ ਸਹਿਯੋਗ ਨੂੰ ਅੱਗੇ ਵਧਾਇਆ। ਮੀਟਿੰਗ ਵਿੱਚ ਜਨਤਕ ਸਿਹਤ ਪ੍ਰਣਾਲੀਆਂ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਏਕੀਕ੍ਰਿਤ ਕਰਨ, ਅਦਾਇਗੀ ਮਾਰਗ ਵਿਕਸਿਤ ਕਰਨ ਅਤੇ ਰੈਗੂਲੇਟਰੀ ਢਾਂਚੇ ਨੂੰ ਮਜ਼ਬੂਤ ​​ਕਰਨ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਗਿਆ। ਆਯੂਸ਼ ਮੰਤਰਾਲੇ ਅਤੇ ਜਰਮਨੀ ਦੇ ਸੰਘੀ ਸਿਹਤ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਦੀ ਅਗਵਾਈ ਵਿੱਚ, ਵਿਚਾਰ-ਵਟਾਂਦਰੇ ਸਬੂਤ-ਅਧਾਰਿਤ, ਲੋਕ-ਕੇਂਦ੍ਰਿਤ ਸਿਹਤ ਸੰਭਾਲ ਪ੍ਰਤੀ ਸਾਂਝੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹਨ। ਭਾਰਤੀ ਵਫ਼ਦ ਨੇ ਖੋਜ ਸਹਿਯੋਗ ਅਤੇ ਨੀਤੀਗਤ ਇਕਸਾਰਤਾ ਦੀ ਪੜਚੋਲ ਕਰਨ ਲਈ ਪ੍ਰਮੁੱਖ ਜਰਮਨ ਸੰਸਥਾਵਾਂ, ਹਸਪਤਾਲਾਂ ਅਤੇ ਰੈਗੂਲੇਟਰੀ ਸੰਸਥਾਵਾਂ ਨਾਲ ਜੁੜਿਆ। ਇਸ ਸ਼ਮੂਲੀਅਤ ਨੇ ਆਯੂਸ਼ ਪ੍ਰਣਾਲੀਆਂ ਨੂੰ ਵਿਸ਼ਵੀਕਰਣ ਕਰਨ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਏਕੀਕ੍ਰਿਤ ਸਿਹਤ ਸੰਭਾਲ ਤੱਕ ਸੁਰੱਖਿਅਤ, ਨਿਯੰਤ੍ਰਿਤ ਪਹੁੰਚ ਦਾ ਵਿਸਤਾਰ ਕਰਨ ਦੇ ਭਾਰਤ ਦੇ ਯਤਨਾਂ ਨੂੰ ਹੋਰ ਮਜ਼ਬੂਤ ​​ਕੀਤਾ।

https://www.pib.gov.in/PressReleasePage.aspx?PRID=2192305®=3&lang=1

ਆਯੁਸ਼ ਪਵੇਲੀਅਨ ਨੇ IITF 2025 ਵਿੱਚ ਭਾਰੀ ਗਿਣਤੀ ਵਿੱਚ ਲੋਕਾਂ ਨੂੰ ਆਕਰਸ਼ਿਤ ਕੀਤਾ

ਆਯੁਸ਼ ਪੈਵੇਲੀਅਨ ਭਾਰਤ ਅੰਤਰਰਾਸ਼ਟਰੀ ਵਪਾਰ ਮੇਲਾ 2025 ਵਿੱਚ ਇੱਕ ਪ੍ਰਮੁੱਖ ਆਕਰਸ਼ਣ ਵਜੋਂ ਉਭਰਿਆ ਹੈ, ਜੋ "आयुष के साथ - स्वस्थ भारत, श्रेष्ठ भारत" ਥੀਮ ਦੇ ਤਹਿਤ ਭਾਰਤ ਦੀਆਂ ਅਮੀਰ ਪਰੰਪਰਾਗਤ ਸਿਹਤ ਸੰਭਾਲ ਪ੍ਰਣਾਲੀਆਂ ਨੂੰ ਪ੍ਰਦਰਸ਼ਿਤ ਕਰਦਾ ਹੈ। ਸੈਲਾਨੀ ਮੁਫ਼ਤ ਸਲਾਹ-ਮਸ਼ਵਰੇ, ਮੈਡੀਸਿਨ, ਲਾਈਵ ਪ੍ਰਦਰਸ਼ਨਾਂ ਅਤੇ ਇੰਟਰਐਕਟਿਵ ਗਤੀਵਿਧੀਆਂ ਰਾਹੀਂ ਆਯੁਰਵੇਦ, ਯੋਗਾ, ਕੁਦਰਤੀ ਇਲਾਜ, ਯੂਨਾਨੀ, ਸਿੱਧ, ਸੋਵਾ-ਰਿਗਪਾ ਅਤੇ ਹੋਮਿਓਪੈਥੀ ਨਾਲ ਜੁੜ ਰਹੇ ਹਨ। ਸੰਸਥਾਵਾਂ ਨੇ ਆਯੁਸ਼-ਅਧਾਰਿਤ ਪੋਸ਼ਣ, ਸਾਤਵਿਕ ਖੁਰਾਕ, ਰੋਕਥਾਮ ਸਿਹਤ ਭੋਜਨ, ਯੋਗਾ ਸੈਸ਼ਨਾਂ ਅਤੇ ਡਿਜੀਟਲ ਮੁਲਾਂਕਣਾਂ ਨੂੰ ਉਜਾਗਰ ਕੀਤਾ। ਔਸ਼ਧੀ ਬੂਟੇ, ਤੰਦਰੁਸਤੀ ਸਟਾਰਟ-ਅੱਪ ਅਤੇ ਬਾਲ-ਅਨੁਕੂਲ ਗਤੀਵਿਧੀਆਂ ਨੇ ਅਪੀਲ ਨੂੰ ਹੋਰ ਵਧਾਇਆ। ਇਹ ਪੈਵੇਲੀਅਨ ਆਯੁਸ਼ ਮੰਤਰਾਲੇ ਦੀ ਸੰਪੂਰਨ, ਰੋਕਥਾਮ ਅਤੇ ਲੋਕ-ਕੇਂਦ੍ਰਿਤ ਸਿਹਤ ਸੰਭਾਲ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।

https://www.pib.gov.in/PressReleasePage.aspx?PRID=2192428®=3&lang=1

ਨਵੀਂ ਦਿੱਲੀ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਦੂਜਾ WHO ਗਲੋਬਲ ਸੰਮੇਲਨ ਸ਼ੁਰੂ ਹੋਇਆ

ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਦੂਜਾ WHO ਗਲੋਬਲ ਸੰਮੇਲਨ ਨਵੀਂ ਦਿੱਲੀ ਦੇ ਭਾਰਤ ਮੰਡਪਮ ਵਿਖੇ ਸ਼ੁਰੂ ਹੋਇਆ, ਜਿਸ ਵਿੱਚ ਸੰਤੁਲਿਤ ਅਤੇ ਸਮਾਵੇਸ਼ੀ ਸਿਹਤ ਪ੍ਰਣਾਲੀਆਂ ਨੂੰ ਅੱਗੇ ਵਧਾਉਣ ਲਈ ਵਿਸ਼ਵ ਨੀਤੀ ਨਿਰਮਾਤਾਵਾਂ, ਵਿਗਿਆਨੀਆਂ ਅਤੇ ਪ੍ਰੈਕਟੀਸ਼ਨਰਾਂ ਨੂੰ ਇਕੱਠਾ ਕੀਤਾ ਗਿਆ। ਕੇਂਦਰੀ ਸਿਹਤ ਮੰਤਰੀ ਸ਼੍ਰੀ ਜੇਪੀ ਨੱਡਾ ਦੁਆਰਾ ਕੇਂਦਰੀ ਆਯੂਸ਼ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਦੀ ਮੌਜੂਦਗੀ ਵਿੱਚ ਉਦਘਾਟਨ ਕੀਤਾ ਗਿਆ, ਇਹ ਸੰਮੇਲਨ ਵਿਗਿਆਨ ਅਤੇ ਮਿਆਰਾਂ ਰਾਹੀਂ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਮੁੱਖ ਧਾਰਾ ਵਿੱਚ ਲਿਆਉਣ ਵਿੱਚ ਭਾਰਤ-WHO ਸਹਿਯੋਗ ਨੂੰ ਉਜਾਗਰ ਕਰਦਾ ਹੈ। WHO ਦੇ ਡਾਇਰੈਕਟਰ-ਜਨਰਲ ਡਾ. ਟੇਡਰੋਸ ਅਦਨੋਮ ਘੇਬਰੇਅਸਸ (Tedros Adhanom Ghebreyesus) ਨੇ ਭਾਰਤ ਦੀ ਅਗਵਾਈ ਅਤੇ ਨਵੀਂ ਗਲੋਬਲ ਟ੍ਰੈਡੀਸ਼ਨਲ ਮੈਡੀਸਿਨ ਰਣਨੀਤੀ 2025-2034 ਦੀ ਪ੍ਰਸ਼ੰਸਾ ਕੀਤੀ। ਅਸ਼ਵਗੰਧਾ ਸਮੇਤ ਪੂਰੇ ਸੈਸ਼ਨਾਂ ਅਤੇ ਮਾਹਿਰ ਚਰਚਾਵਾਂ ਨੇ ਵਿਸ਼ਵ ਸਿਹਤ ਪ੍ਰਣਾਲੀਆਂ ਵਿੱਚ ਸਬੂਤ-ਅਧਾਰਿਤ ਏਕੀਕਰਣ, ਨਿਯਮ ਅਤੇ ਸਥਿਰਤਾ ਨੂੰ ਉਜਾਗਰ ਕੀਤਾ।

https://www.pib.gov.in/PressReleasePage.aspx?PRID=2205535®=3&lang=1

ਨਵੀਂ ਦਿੱਲੀ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ WHO ਗਲੋਬਲ ਸੰਮੇਲਨ ਦੇ ਦੂਜੇ ਦਿਨ, ਭਾਰਤ ਨੇ ਉੱਚ-ਪੱਧਰੀ ਸ਼ਮੂਲੀਅਤਾਂ ਅਤੇ ਭਾਗੀਦਾਰ ਦੇਸ਼ਾਂ ਨਾਲ 16 ਦੁਵੱਲੀਆਂ ਮੀਟਿੰਗਾਂ ਰਾਹੀਂ ਆਪਣੀ ਗਲੋਬਲ ਲੀਡਰਸ਼ਿਪ ਨੂੰ ਮਜ਼ਬੂਤ ​​ਕੀਤਾ। ਕੇਂਦਰੀ ਆਯੁਸ਼ ਮੰਤਰੀ ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ WHO ਦੇ ਡਾਇਰੈਕਟਰ-ਜਨਰਲ ਡਾ. ਟੇਡਰੋਸ ਅਦਨੋਮ ਘੇਬਰੇਅਸਸ ਨਾਲ ਮੁਲਾਕਾਤ ਕੀਤੀ, ਟ੍ਰੈਡੀਸ਼ਨਲ, ਪੂਰਕ ਅਤੇ ਏਕੀਕ੍ਰਿਤ ਮੈਡੀਸਿਨ ਲਈ WHO ਦੇ ਸਮਰਥਨ ਲਈ ਧੰਨਵਾਦ ਪ੍ਰਗਟ ਕੀਤਾ। ਪੂਰਨ ਅਤੇ ਸਮਾਨਾਂਤਰ ਸੈਸ਼ਨਾਂ ਨੇ WHO ਗਲੋਬਲ ਟ੍ਰੈਡੀਸ਼ਨਲ ਮੈਡੀਸਿਨ ਰਣਨੀਤੀ 2025-2034 ਦੇ ਨਾਲ ਜੁੜੇ ਖੋਜ, ਨਿਯਮ, ਨਿਵੇਸ਼ ਅਤੇ ਸਿਹਤ ਪ੍ਰਣਾਲੀ ਦੇ ਏਕੀਕਰਣ ਨੂੰ ਉਜਾਗਰ ਕੀਤਾ। ਭਾਰਤ ਅਤੇ ਕਿਊਬਾ ਨੇ ਆਯੁਰਵੇਦ 'ਤੇ ਇੱਕ ਸਮਝੌਤੇ ਰਾਹੀਂ ਸਹਿਯੋਗ ਨੂੰ ਵੀ ਵਧਾਇਆ, ਅੰਤਰਰਾਸ਼ਟਰੀ ਸਹਿਯੋਗ, ਸਬੂਤ-ਅਧਾਰਿਤ ਅਭਿਆਸਾਂ ਅਤੇ ਲਚਕੀਲੇ ਸਿਹਤ ਪ੍ਰਣਾਲੀਆਂ ਨੂੰ ਮਜ਼ਬੂਤ ​​ਕੀਤਾ।

https://www.pib.gov.in/PressReleasePage.aspx?PRID=2206253®=3&lang=1

WHO ਟ੍ਰੈਡੀਸ਼ਨਲ ਮੈਡੀਸਿਨ ਸੰਮੇਲਨ ਦੇ ਸਮਾਪਤ ਹੋਣ 'ਤੇ ਪ੍ਰਧਾਨ ਮੰਤਰੀ ਮੋਦੀ ਨੇ ਸਬੂਤ-ਅਧਾਰਿਤ ਗਲੋਬਲ ਕਾਰਵਾਈ ਦਾ ਸੱਦਾ ਦਿੱਤਾ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਨਵੀਂ ਦਿੱਲੀ ਵਿੱਚ ਟ੍ਰੈਡੀਸ਼ਨਲ ਮੈਡੀਸਿਨ 'ਤੇ ਦੂਜੇ WHO ਗਲੋਬਲ ਸੰਮੇਲਨ ਦੇ ਸਮਾਪਤੀ ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ, ਸਬੂਤ-ਅਧਾਰਿਤ, ਸੁਰੱਖਿਅਤ ਅਤੇ ਭਰੋਸੇਮੰਦ ਟ੍ਰੈਡੀਸ਼ਨਲ ਮੈਡੀਸਿਨ ਰਾਹੀਂ ਸਿਹਤ ਅਤੇ ਤੰਦਰੁਸਤੀ ਵਿੱਚ ਸੰਤੁਲਨ ਬਹਾਲ ਕਰਨ ਲਈ ਤੇਜ਼ੀ ਨਾਲ ਵਿਸ਼ਵਵਿਆਪੀ ਕਾਰਵਾਈ ਕਰਨ ਦਾ ਸੱਦਾ ਦਿੱਤਾ। ਭਾਰਤ ਦੀ ਅਗਵਾਈ ਨੂੰ ਉਜਾਗਰ ਕਰਦੇ ਹੋਏ, ਉਨ੍ਹਾਂ ਨੇ ਵਿਗਿਆਨ, ਤਕਨਾਲੋਜੀ ਅਤੇ ਪ੍ਰਾਚੀਨ ਗਿਆਨ ਦੇ ਸੰਗਮ 'ਤੇ ਜ਼ੋਰ ਦਿੱਤਾ, ਇਹ ਨੋਟ ਕਰਦੇ ਹੋਏ ਕਿ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਖੋਜ, ਨਿਯਮ ਅਤੇ ਭਰੋਸੇਯੋਗਤਾ ਦੇ ਵਿਸ਼ਵਵਿਆਪੀ ਮਾਪਦੰਡਾਂ ਨੂੰ ਪੂਰਾ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਨੇ ਅਸ਼ਵਗੰਧਾ ਨੂੰ ਇੱਕ ਸਮੇਂ-ਪਰਖਿਆ ਹੋਇਆ ਜੜੀ-ਬੂਟੀ ਵਜੋਂ ਦਰਸਾਇਆ ਜੋ ਵਿਗਿਆਨਕ ਪ੍ਰਮਾਣਿਕਤਾ ਦੁਆਰਾ ਵਿਸ਼ਵਵਿਆਪੀ ਸਵੀਕ੍ਰਿਤੀ ਪ੍ਰਾਪਤ ਕਰ ਰਹੀ ਹੈ।

ਪ੍ਰਧਾਨ ਮੰਤਰੀ ਨੇ ਜਾਮਨਗਰ ਵਿੱਚ WHO ਗਲੋਬਲ ਸੈਂਟਰ ਫਾਰ ਟ੍ਰੈਡੀਸ਼ਨਲ ਮੈਡੀਸਿਨ ਦੀ ਮੇਜ਼ਬਾਨੀ ਕਰਨ 'ਤੇ ਮਾਣ ਪ੍ਰਗਟ ਕੀਤਾ, ਜੋ ਕਿ ਖੋਜ, ਨਿਯਮ ਅਤੇ ਸਮਰੱਥਾ ਨਿਰਮਾਣ ਲਈ ਇੱਕ ਗਲੋਬਲ ਹੱਬ ਵਜੋਂ ਉੱਭਰਿਆ ਹੈ। ਉਨ੍ਹਾਂ ਨੇ ਪ੍ਰਮਾਣਿਤ ਗਿਆਨ ਅਤੇ ਨੀਤੀ ਸਰੋਤਾਂ ਤੱਕ ਬਰਾਬਰ ਵਿਸ਼ਵਵਿਆਪੀ ਪਹੁੰਚ ਨੂੰ ਯਕੀਨੀ ਬਣਾਉਣ ਲਈ ਟ੍ਰੈਡੀਸ਼ਨਲ ਮੈਡੀਸਿਨ ਗਲੋਬਲ ਲਾਇਬ੍ਰੇਰੀ ਦੀ ਸ਼ੁਰੂਆਤ ਵਰਗੀਆਂ ਪਹਿਲਕਦਮੀਆਂ 'ਤੇ ਜ਼ੋਰ ਦਿੱਤਾ।

ਸਮਾਰੋਹ ਦੌਰਾਨ, ਪ੍ਰਧਾਨ ਮੰਤਰੀ ਅਤੇ WHO ਦੇ ਡਾਇਰੈਕਟਰ-ਜਨਰਲ ਡਾ. ਟੇਡਰੋਸ ਅਦਨੋਮ ਘੇਬਰੇਅਸਸ ਨੇ ਨਵੀਂ ਦਿੱਲੀ ਵਿੱਚ WHO ਦੱਖਣ-ਪੂਰਬੀ ਏਸ਼ੀਆ ਖੇਤਰੀ ਦਫ਼ਤਰ ਦਾ ਸਾਂਝੇ ਤੌਰ 'ਤੇ ਉਦਘਾਟਨ ਕੀਤਾ। ਕਈ ਮੁੱਖ ਆਯੂਸ਼ ਪਹਿਲਕਦਮੀਆਂ ਲਾਂਚ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚ ਆਯੂਸ਼ ਗਰਿੱਡ ਦੇ ਮਾਸਟਰ ਡਿਜੀਟਲ ਪੋਰਟਲ ਵਜੋਂ ਮਾਈ ਆਯੂਸ਼ ਇੰਟੀਗ੍ਰੇਟਿਡ ਸਰਵਿਸਿਜ਼ ਪੋਰਟਲ (MAISP), ਗੁਣਵੱਤਾ ਵਾਲੇ ਆਯੂਸ਼ ਉਤਪਾਦਾਂ ਅਤੇ ਸੇਵਾਵਾਂ ਲਈ ਇੱਕ ਗਲੋਬਲ ਬੈਂਚਮਾਰਕ ਵਜੋਂ ਆਯੂਸ਼ ਮਾਰਕ, ਅਸ਼ਵਗੰਧਾ 'ਤੇ ਇੱਕ ਯਾਦਗਾਰੀ ਡਾਕ ਟਿਕਟ, ਯੋਗ ਵਿੱਚ ਸਿਖਲਾਈ 'ਤੇ WHO ਤਕਨੀਕੀ ਰਿਪੋਰਟ, ਅਤੇ "ਫ੍ਰੌਮ ਰੂਟਸ ਟੂ ਗਲੋਬਲ ਰੀਚ: 11 ਈਅਰਜ਼ ਆਫ ਟ੍ਰਾਂਸਫਾਰਮੇਸ਼ਨ ਇਨ ਆਯੂਸ਼" ਨਾਮਕ ਕਿਤਾਬ ਸ਼ਾਮਲ ਹੈ। ਪ੍ਰਧਾਨ ਮੰਤਰੀ ਨੇ ਯੋਗ ਦੇ ਪ੍ਰਚਾਰ ਅਤੇ ਵਿਕਾਸ ਵਿੱਚ ਸ਼ਾਨਦਾਰ ਯੋਗਦਾਨ ਲਈ ਪ੍ਰਧਾਨ ਮੰਤਰੀ ਪੁਰਸਕਾਰ ਵੀ ਭੇਟ ਕੀਤੇ।

ਡਾ. ਟੇਡਰੋਸ ਨੇ ਟ੍ਰੈਡੀਸ਼ਨਲ ਮੈਡੀਸਿਨ ਨੂੰ ਵਿਰਾਸਤ ਤੋਂ ਮੁੱਖ ਧਾਰਾ ਦੀ ਸਿਹਤ ਸੰਭਾਲ ਵੱਲ ਲੈ ਜਾਣ ‘ਤੇ ਭਾਰਤ ਦੀ ਪ੍ਰਸ਼ੰਸਾ ਕੀਤੀ। ਕੇਂਦਰੀ ਮੰਤਰੀ ਸ਼੍ਰੀ ਜੇਪੀ ਨੱਡਾ ਅਤੇ ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਏਕੀਕ੍ਰਿਤ, ਜਨ-ਕੇਂਦ੍ਰਿਤ ਸਿਹਤ ਸੰਭਾਲ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ। ਸ਼ਿਖਰ ਸੰਮੇਲਨ ਦਿੱਲੀ ਐਲਾਨਨਾਮੇ ਨੂੰ ਅਪਣਾਉਣ ਨਾਲ ਸਮਾਪਤ ਹੋਇਆ, ਜਿਸ ਵਿੱਚ ਸਬੂਤ, ਏਕੀਕਰਣ ਅਤੇ ਸਮਾਨਤਾ 'ਤੇ ਇੱਕ ਮਜ਼ਬੂਤ ​​ਵਿਸ਼ਵਵਿਆਪੀ ਸਹਿਮਤੀ ਬਣੀ।

https://www.pib.gov.in/PressReleasePage.aspx?PRID=2206859®=3&lang=1

MDNIY ਵਿਸ਼ਵ ਧਿਆਨ ਦਿਵਸ ਮਨਾਉਂਦਾ ਹੈ, ਧਿਆਨ ਦੇ ਵਿਗਿਆਨਕ ਲਾਭਾਂ 'ਤੇ ਜ਼ੋਰ ਦਿੰਦਾ ਹੈ

ਮੋਰਾਰਜੀ ਦੇਸਾਈ ਨੈਸ਼ਨਲ ਇੰਸਟੀਟਿਊਟ ਆਫ਼ ਯੋਗਾ (MDNIY) ਨੇ ਵਿਸ਼ਵ ਧਿਆਨ ਦਿਵਸ ਮਨਾਇਆ, ਜਿਸ ਵਿੱਚ ਧਿਆਨ ਨੂੰ ਤਣਾਅ ਪ੍ਰਬੰਧਨ ਅਤੇ ਮਾਨਸਿਕ ਤੰਦਰੁਸਤੀ ਲਈ ਇੱਕ ਵਿਗਿਆਨਕ ਅਤੇ ਪ੍ਰਭਾਵਸ਼ਾਲੀ ਸਾਧਨ ਵਜੋਂ ਉਜਾਗਰ ਕੀਤਾ ਗਿਆ। ਮਾਹਿਰਾਂ ਨੇ ਯੋਗਿਕ ਗ੍ਰੰਥਾਂ ਅਤੇ ਆਧੁਨਿਕ ਡਾਕਟਰੀ ਖੋਜ ਤੋਂ ਲੈ ਕੇ ਨਿਊਰੋਪਲਾਸਟੀਸਿਟੀ, ਭਾਵਨਾਤਮਕ ਨਿਯਮ ਅਤੇ ਤਣਾਅ-ਸਬੰਧੀ ਵਿਕਾਰਾਂ ਨੂੰ ਘਟਾਉਣ ਵਿੱਚ ਧਿਆਨ ਦੀ ਭੂਮਿਕਾ ਨੂੰ ਰੇਖਾਂਕਿਤ ਕੀਤਾ। ਉੱਘੇ ਬੁਲਾਰਿਆਂ ਨੇ ਕਿੱਤਾਮੁਖੀ ਅਤੇ ਜੀਵਨ ਸ਼ੈਲੀ ਦੇ ਤਣਾਅ ਨੂੰ ਹੱਲ ਕਰਨ ਲਈ ਪ੍ਰਾਚੀਨ ਯੋਗਿਕ ਗਿਆਨ ਨੂੰ ਸਮਕਾਲੀ ਵਿਗਿਆਨ ਨਾਲ ਜੋੜਨ 'ਤੇ ਜ਼ੋਰ ਦਿੱਤਾ। ਪ੍ਰੋਗਰਾਮ ਵਿੱਚ ਰੋਜ਼ਾਨਾ ਅਭਿਆਸ ਨੂੰ ਉਤਸ਼ਾਹਿਤ ਕਰਦੇ ਹੋਏ, ਨਿਰਦੇਸ਼ਿਤ ਧਿਆਨ ਸੈਸ਼ਨ ਅਤੇ ਵਿਹਾਰਕ ਪ੍ਰਦਰਸ਼ਨ ਪੇਸ਼ ਕੀਤੇ ਗਏ। ਇਸ ਸਮਾਗਮ ਨੇ ਸਬੂਤ-ਅਧਾਰਿਤ ਯੋਗਾ ਅਤੇ ਧਿਆਨ ਅਭਿਆਸਾਂ ਰਾਹੀਂ ਸੰਪੂਰਨ ਸਿਹਤ ਨੂੰ ਉਤਸ਼ਾਹਿਤ ਕਰਨ ਲਈ ਆਯੁਸ਼ ਮੰਤਰਾਲੇ ਦੀ ਵਚਨਬੱਧਤਾ ਨੂੰ ਹੋਰ ਮਜ਼ਬੂਤ ​​ਕੀਤਾ।

https://www.pib.gov.in/PressReleasePage.aspx?PRID=2207225®=3&lang=1

ਸ਼੍ਰੀ ਪੀਯੂਸ਼ ਗੋਇਲ ਅਤੇ ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਵਾਣਿਜਯ ਭਵਨ, ਨਵੀਂ ਦਿੱਲੀ ਵਿਖੇ ਆਯੁਸ਼-ਉਦਯੋਗ ਮੀਟਿੰਗ ਦੌਰਾਨ ਆਯੂਸ਼ ਨਿਵੇਸ਼ ਸਾਰਥੀ ਨੂੰ ਲਾਂਚ ਕੀਤਾ।

ਭਾਰਤ ਨੂੰ ਟ੍ਰੈਡੀਸ਼ਨਲ ਮੈਡੀਸਿਨ ਅਤੇ ਤੰਦਰੁਸਤੀ ਲਈ ਇੱਕ ਗਲੋਬਲ ਹੱਬ ਵਜੋਂ ਸਥਾਪਿਤ ਕਰਨ ਲਈ ਇੱਕ ਇਤਿਹਾਸਿਕ ਕਦਮ ਵਿੱਚ, ਆਯੁਸ਼ ਗ੍ਰਿਡ ਦੁਆਰਾ ਇਨਵੈਸਟ ਇੰਡੀਆ ਦੇ ਤਾਲਮੇਲ ਨਾਲ ਵਿਕਸਿਤ ਕੀਤਾ ਗਿਆ ਆਯੁਸ਼ ਨਿਵੇਸ਼ ਸਾਰਥੀ ਪੋਰਟਲ 29 ਮਈ 2025 ਨੂੰ ਨਵੀਂ ਦਿੱਲੀ ਦੇ ਵਾਣਿਜਯ ਭਵਨ ਵਿਖੇ ਆਯੁਸ਼ ਸਟੇਕਹੋਲਡਰ/ਉਦਯੋਗ ਇੰਟਰਐਕਸ਼ਨ ਮੀਟ ਦੌਰਾਨ ਸ਼੍ਰੀ ਪੀਯੂਸ਼ ਗੋਇਲ, ਕੇਂਦਰੀ ਵਣਜ ਅਤੇ ਉਦਯੋਗ ਮੰਤਰੀ, ਸ਼੍ਰੀ ਪ੍ਰਤਾਪ ਰਾਓ ਜਾਧਵ, ਕੇਂਦਰੀ ਰਾਜ ਮੰਤਰੀ (ਸੁਤੰਤਰ ਚਾਰਜ) ਦੁਆਰਾ ਲਾਂਚ ਕੀਤਾ ਗਿਆ ਸੀ। ਇਹ ਪੋਰਟਲ ਭਾਰਤ ਦੀਆਂ ਪ੍ਰਾਚੀਨ ਤੰਦਰੁਸਤੀ ਪ੍ਰਣਾਲੀਆਂ ਨੂੰ ਇੱਕ ਆਧੁਨਿਕ, ਨਿਵੇਸ਼ ਲਈ ਤਿਆਰ ਖੇਤਰ ਵਿੱਚ ਬਦਲਣ ਵੱਲ ਇੱਕ ਵੱਡਾ ਕਦਮ ਹੈ।

ਇਹ ਪਲੈਟਫਾਰਮ ਨੀਤੀਗਤ ਢਾਂਚੇ, ਪ੍ਰੋਤਸਾਹਨ, ਨਿਵੇਸ਼ ਲਈ ਤਿਆਰ ਪ੍ਰੋਜੈਕਟਾਂ ਅਤੇ ਅਸਲ-ਸਮੇਂ ਦੀ ਸਹੂਲਤ ਵਾਲੇ ਇੱਕ ਏਕੀਕ੍ਰਿਤ ਇੰਟਰਫੇਸ ਦੀ ਪੇਸ਼ਕਸ਼ ਕਰਦਾ ਹੈ। ਗਲੋਬਲ ਅਤੇ ਘਰੇਲੂ ਨਿਵੇਸ਼ਕਾਂ ਲਈ ਇੱਕ ਰਣਨੀਤਕ ਸਾਧਨ ਵਜੋਂ ਸਥਿਤ, ਇਹ ਭਾਰਤ ਦੇ ਵਧ ਰਹੇ ਆਯੂਸ਼ ਉਦਯੋਗ ਨੂੰ ਮਜ਼ਬੂਤੀ ਦਿੰਦਾ ਹੈ।

ਆਯੁਸ਼ ਨਿਵੇਸ਼ ਸਾਰਥੀ ਦੇ ਨਾਲ, ਸਰਕਾਰ ਦਾ ਉਦੇਸ਼ ਨਿਵੇਸ਼ ਨੂੰ ਹੁਲਾਰਾ ਦੇਣਾ, ਉੱਦਮੀਆਂ ਨੂੰ ਸਸ਼ਕਤ ਬਣਾਉਣਾ, ਅਤੇ ਟ੍ਰੈਡੀਸ਼ਨਲ ਮੈਡੀਸਿਨ ਅਤੇ ਤੰਦਰੁਸਤੀ ਵਿੱਚ ਭਾਰਤ ਦੀ ਅਗਵਾਈ ਨੂੰ ਪ੍ਰਦਰਸ਼ਿਤ ਕਰਨਾ ਹੈ।

https://www.pib.gov.in/PressReleasePage.aspx?PRID=2134202®=3&lang=2

***

ਐੱਸਆਰ/ਜੀਐੱਸ/ਐੱਸਜੀ