نیشنل کیڈٹ کور (این سی سی) یوم جمہوریہ کیمپ (آر ڈی سی) 2026 کا آغاز 30 دسمبر 2025 کو کریپا پریڈ گراؤنڈ ، دہلی کینٹ میں "سرو دھرم پوجا" کے ساتھ ہوا ۔  ایک ماہ تک جاری رہنے والے اس کیمپ میں مختلف ڈائریکٹوریٹس کے درمیان مقابلے اور تقریبات جیسے بہترین کیڈٹ مقابلہ ، اسمال آرمز فائرنگ ، کرتویہ  پتھ پر یوم جمہوریہ کی پریڈ کے دوران مارچنگ دستہ ، اور فلیگ ایریا ڈیزائننگ شامل ہیں ۔

اس سال 28 ریاستوں اور مرکز کے زیر انتظام 8 علاقوں سے 898 لڑکیوں سمیت کل 2406 کیڈٹس حصہ لے رہے ہیں ، جو اب تک کی سب سے زیادہ تعداد ہے ۔  25 دوستانہ غیر ملکی ممالک (ایف ایف سی) کے کیڈٹس اور افسران بھی اس سال یوتھ ایکسچینج پروگرام (وائی ای پی) کے تحت تقریبات میں حصہ لیں گے ۔

اس موقع پر خطاب کرتے ہوئے ، لیفٹیننٹ جنرل وریندر وتس ، ڈائریکٹر جنرل این سی سی نے کیڈٹس کا خیرمقدم کیا اور یوم جمہوریہ کے باوقار کیمپ کے لیے ان کے انتخاب پر انہیں مبارکباد دی ۔  انہوں نے کیڈٹس پر زور دیا کہ وہ کردار ، دیانتداری ، بے لوث خدمت ، کامریڈشپ اور ٹیم ورک کی اعلی ترین خصوصیات کا مظاہرہ کریں،  جو مذہب ، زبان اور ذات پات کی رکاوٹوں کو عبور کرتے ہوئے 'ملک مقدم ' کے حقیقی جذبے سے کام لیں ۔

اپنے مقصد 'اتحاد اور نظم و ضبط' کو برقرار رکھتے ہوئے یوم جمہوریہ کیمپ ملک بھر سے این سی سی کیڈٹس کو یکجا کرتا ہے اور انہیں تربیت اور ثقافتی تبادلے کے مواقع فراہم کرتا ہے ، نیز کیڈٹس میں حب الوطنی ، نظم و ضبط اور قیادت کا گہرا احساس پیدا کرتا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ش ب۔ ق ر)

U. No.4035