অসামগী কন্নেক্তিবিতী, ইকোনোমিক এক্সপান্সন অমসুং গ্লোবেল এঙ্গেজমেন্তদা অহোংবা পুরকপা মাইলস্তোন অমা ওইনা, প্রধান মন্ত্রী শ্রী নরেন্দ্র মোদীনা ঙসি গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী অনৌবা তর্মিনেল বিলদিং শঙ্গাখ্রে। থৌরম অদুদা মীয়াম তিনখিবা অদুদা ৱা ঙাংলদুনা শ্রী মোদীনা হায়খি মদুদি ঙসি অসি অসাম অমসুং অৱাং-নোংপোক্কী চাউখৎ-থৌরাং অমসুং খুমাং চাউশিনবগী কুম্মৈনি। মহাক্না ফোংদোকখি মদুদি চাউখৎপগী মঙালনা মীওইবদা য়ৌরকপা মতমদা, পুন্সিগী লম্বী খুদিংমক অনৌবা অৱাংবা থাক্তা য়ৌরকই। প্রধান মন্ত্রীনা মখা তারদুনা হায়খি মদুদি অসামগী লমদমগা মহাক্কী নক্নবা মরী, মসিগী মীয়ামগী নুংশিবা অমসুং মীনুংশি, অমসুং মরু ওইনা অসাম অমসুং অৱাং নোংপোক্কী মমা অমসুং ইচে-ইচলশিংগী নুংশিবা অমসুং মরী লৈনবগী ৱাখল্লোন অসিনা মহাকপু লেপ্পা লৈতনা পুক্নিং থৌগৎলি অমসুং লমদম অসিগী চাউখৎ-থৌরাংগীদমক অপুনবা ৱারেপ অদু মপাঙ্গল কনখৎহল্লি। মহাক্না হায়খি মদুদি ঙসি অসামগী চাউখৎ-থৌরাংদা অনৌবা পন্দুপ অমা হাপচিল্লে। ভারত রত্ন ভুপেন হাজরিকাগা মরী লৈনবা ৱাহৈশিং পল্লদুনা শ্রী মোদীনা হায়খি মদুদি মসিগী ৱাহন্থোক্তি শক্তি লৈরবা ব্রহ্মপুত্রা তুরেলগী তোর্বান্না মঙাল ফংগনি, অমম্বা ফক্লাং খুদিংমক কায়থরগনি, অমসুং মসি তশেংনা থোক্লগনি মরমদি মসি লৈবাক অসিগী ৱারেপ অমসুং শেংলবা ৱাশক অমনি।

ভুপেন হাজারিকাগী ৱাহৈশিং অসি ঈশৈ খক্তমক নত্তে, মসি অসামবু নুংশিজবা অচৌবা মীওই খুদিংমক্কী অচেৎপা ৱারেপ অমনি অমসুং ঙসিদি ৱারেপ অসি মপুং ফানা পাংথোক্লি হায়না পল্লদুনা শ্রী মোদীনা হায়খি মদুদি ব্রহ্মপুত্রাগী শিংথানীংঙাই ওইরবা ঈচেল অসি কৈদৌঙৈদসু লেপখিদে। মহাক্না হায়খি মদুদি লোকপ্রিয়া গোপিনাথ বরদোলোই এয়রপোর্ত্তা অনৌবা তর্মিনেল শঙ্গাবা অসি মসিগী অচেৎপা ফিরেপ অসিগী খুদম অমনি। অনৌবা তর্মিনেল বিলদিং অসিগীদমক্তা অসামগী মীয়াম অমসুং লৈবাক অসিদা নুংঙাইবা ফোংদোকখি।

প্রধান মন্ত্রীনা মখা তারদুনা হায়খি মদুদি মতম খরগী মমাংদা মহাক্না অসামগী অহানবা মুখ্য মন্ত্রী অমসুং রাজ্য অসিগী চাউথোকচবগী মরম অমা ওইরিবা গোপিনাথ বরদোলোইগী মীতম অমা মাইখুম হাংদোকপগী খুদোংচাবা ফংখি। শ্রী বরদোলোইনা অসামগী শক্তম, তুংলমচৎ অমসুং কান্নবশিংগীদমক কৈদৌঙৈদসু কমপ্রোমাইজ তৌখিদে হায়না মহাক্না অকনবা ৱাফম থমখি। মহাক্কী মীতম অসিনা তুংলমচৎকী মীরোলশিংদা অসামগীদমক চাউথোকচবগী ইথিল পীরগনি।

প্রধান মন্ত্রীনা হায়খি, "মোদর্ন এয়রপোর্ত ফেসিলিতীশিং অমসুং এদভান্স কন্নেক্তিবিতী ইনফ্রাস্ত্রকচরনা রাজ্য খুদিংমক্কী অনৌবা ওইথোকপা য়াবশিং অমসুং খুদোংচাবশিংগী থোঙ ওইরি, অমসুং মীয়ামগী মরক্তা কনফিদেন্স অমসুং থাজবা হেনগৎলকপগী য়ুম্বী ওইরি।" মহাক্না হায়খি মদুদি অসামদা অচৌবা হায়ৱে অমসুং এয়রপোর্ত শাবগী থবকশিং মীয়াম্না উরকপা মতমদা, অসামগীদমক অচুম্বা ৱায়েল হৌরে হায়না মখোয় মশানা খঙবা ঙমগনি। মমাংগী সরকারশিংগীদমক্তদি, অসাম অমসুং অৱাং-নোংপোক্কী চাউখৎপা অসি মখোয়গী এজেন্দাদা লৈখিদে হায়না মহাক্না হায়খি। মহাক্না হায়খি মদুদি সরকারশিং অদুগী লুচিংবশিংনা হায়নরম্মি, "অসাম অমসুং অৱাং নোংপোক লমদমদা কনানা চৎকদগে?" অমসুং লমদম অসিদা মোদর্ন এয়রপোর্তশিং, হায়ৱেশিং, অমসুং হেন্না ফবা রেলৱেজশিং মথৌ তাবগী মতাংদা ৱাহং হংখি। প্রধান মন্ত্রীনা অকনবা ৱাফম থমখি মদুদি ৱাখল্লোন অসিনা ওপোজিসনবু চহি তরাগী খুজিং কয়া লমদম পুম্বা অসিদা মীৎয়েং চংবিদনা লাকখি।

চহী তরাগী খুজিং তরুক্তা ওপোজিসনশিংনা তৌখিবা অশোয়বা অদু মহাক্কী লুচিং মখাদা অমমম চুমথোক্লি হায়না পল্লদুনা শ্রী মোদীনা হায়খি মদুদি ওপোজিসনগী লুচিংবশিংনা অৱাং নোংপোক লমদমদা চৎলুবা নৎত্রগা চৎতবা তারবসু, মহাক মশামক্না অসাম অমসুং লমদম অসিদা লাকপা খুদিংদা মহাক্কী মীয়ামগা লোয়নবগী ৱাখল্লোন অমা ফাওই। অসামগী চাউখৎ-থৌরাং অসি তঙাইফদবা অমা ওইবতা নত্তনা মহাক্কীদমক্তদি থৌদাং অমসুং পাউখুম পীবগী থৌদাং অমসু ওইরি হায়না মহাক্না অকনবা ৱাফম থমখি। হৌখিবা চহি 11 অসিদা অসাম অমসুং অৱাং-নোংপোক লমদমগীদমক লুপা করোর লাখ কয়াগী দিবেলপমেন্ত প্রোজেক্তশিং পায়খৎলে হায়না প্রধান মন্ত্রীনা ফোংদোকখি। অসামনা হেন্না খুমাং চাউশিল্লক্লি অমসুং অনৌবা মাইলস্তোনশিং শেমগৎলি হায়না মহাক্না পনখি। অসামনা ভারতিয়া ন্যায় সনহিতা ইমপ্লিমেন্ত তৌবদা লৈবাক অসিগী নম্বর ৱান স্তেৎ ওইরকপদা মহাক্না নুংঙাইবা ফোংদোকখি। অসামদা স্মার্ত প্রিপেদ মিতর লাখ 50 হেন্না ইনস্তোল তৌদুনা রেকোর্দ অমা শেমখ্রে হায়না মহাক্না মখা তাখি। মহাক্না মসি মমাংগী দিসপেন্সন ইরাগা চাংদমনখি, মতম অদুদা ব্রাইব নৎত্রগা রিকমেন্দেসন য়াওদনা সরকারগী থবক অমা ফংবা ঙম্লমদে, অমসুং ঙসিদি নহা লিশিং কয়া অসি অসিগুম্বা থৌওংশিং য়াওদনা থবক ফংলি হায়না মহাক্না ফোংদোকখি। শ্রী মোদীনা মখা তারদুনা হায়খি মদুদি মখোয়গী সরকারগী মখাদা, অসামগী কলচর অসি প্লেৎফোর্ম খুদিংমক্তা প্রমোৎ তৌরি। মহাক্না 2023গী এপ্রিল 13গী পুৱারী ওইরবা থৌদোক অদু নীংশিংখি, মতম অদুদা আর্টিস্ত 11,000 হেনবনা গুৱাহাতি স্তেদিয়মদা পুন্না বিহু জগোয় শাখি। মসি গিনিস ৱার্ল্দ রেকোর্দসতা রেকোর্দ তৌখি। অসিগুম্বা অনৌবা রেকোর্দশিং শেমদুনা অসামনা খোঙজেল য়াংনা মাংলোমদা চংশিল্লি হায়না মহাক্না ফোংদোকখি।

অনৌবা তর্মিনেল বিল্দিং অসিগা লোয়ননা গুৱাহাতি অমসুং অসামগী কেপাসিতী অসি য়াম্না হেনগৎলগনি, মসিনা চহি খুদিংগী পেসেঞ্জর করোর 1.25 হেন্না চৎপা ঙম্লগনি হায়না পল্লদুনা শ্রী মোদীনা হায়খি মদুদি মসিনা অসামদা তুরিস্ত মশিং য়াম্না লাকপা ঙম্লগনি অমসুং ভক্তশিংনা মা কামাখ্যাগী দর্শন ফংবদা লাইথোক্লগনি। মহাক্না হায়খি মদুদি অনৌবা এয়রপোর্ত তর্মিনেল অসিদা চঙশিনবা অসিনা হেরিতেজকা লোয়ননা দিবেলপমেন্তকী মন্ত্রগী অশেংবা ৱাহন্থোক অদু ময়েক শেংনা উৎলি। প্রধান মন্ত্রীনা অকনবা ৱাফম থমখি মদুদি এয়রপোর্ত অসি অসামগী মওং-মতৌ অমসুং চৎনবীগা চুনবা মওংদা দিজাইন তৌখ্রে। মসিগী মনুংদা গ্রীনরী লৈরি অমসুং ইনদোর ফোরেস্তকা মান্ননা শেম-শারি। মহাক্না হায়খি মদুদি দিজাইন অসি অকোইবদা লৈরিবা মহৌশাগী ফিভমগা মরী লৈনৈ মরম অদুনা পেসেঞ্জর খুদিংমক্না শান্তি অমসুং কমফোর্ৎ ফাওই। মহাক্না মখা তারদুনা কন্সত্রক্সনদা ৱাগী অখন্নবা শীজিন্নবগী মতাংদা পনখি। ৱা অসি অসামগী পুন্সিগী শরুক অমনি হায়না মহাক্না ফোংদোকখি। মসিনা মপাঙ্গল অমসুং ফজবগী খুদম্নি। শ্রী মোদীনা নৌনা নিংশিংখি মদুদি 2017তা মহাক্কী সরকারনা মরুওইবা খোঙথাং অমা লৌখৎতুনা, ইন্দিয়ন ফোরেস্ত এক্ত, 1927বু শেমদোকখি। মসিনা মরম ওইদুনা উমং নত্তবা মফমশিংদা থারিবা পাম্বীশিংবু "নাপী" অমা ওইনা লৌবগী মহুত্তা "উ পাম্বী" অমা ওইনা লৌখি। মহাক্না হায়খি, খোঙথাং অসিনা ঙসি অনৌবা তর্মিনেলগী মওংদা অঙকপা স্ত্রকচর অমা শেমগৎলক্লি।

ইনফ্রাস্ত্রকচরগী চাউখৎপা অসিনা য়াম্না মরু ওইবা পাউজেল অমা পীরি হায়না পল্লদুনা প্রধান মন্ত্রীনা হায়খি মদুদি মসিনা ইন্দস্ত্রীশিংবু হেনগৎহল্লি, কন্নেক্তিবিতীদা ইনভেস্তরশিংদা থাজবা পীরি অমসুং লোকেল প্রদক্তশিংনা মালেমগী কৈথেলশিংদা য়ৌনবা লম্বী হাংহল্লি। মহাক্না মরুওইনা ফোংদোকখি মদুদি অনৌবা খুদোংচাবশিং শেম্লিবা নহারোলশিংদা খ্বাইদগী চাউবা থাজবা পীরি। প্রধান মন্ত্রীনা হায়খি, "ঙসিদি অসাম অসি ঙমখৈ লৈতবা ওইথোকপা য়াবশিংগী ফ্লাইৎ অসিদা খুমাং চাউশিল্লি।"

শ্রী মোদীনা হায়খি মদুদি ঙসিদি ভারতকী মায়কৈদা মালেমগী মীৎয়েং হোংখ্রে অমসুং ভারতকী থৌদাংসু হোংখ্রে। ভারতনা হৌজিক মালেমগী খ্বাইদগী চাউবা অহুমশুবা ইকোনোমী ওইবগী লম্বীদা চংশিল্লি হায়না মহাক্না ফোংদোকখি। চহি 11 খক্তগী মনুংদা মসি করম্না ফংখিবগে হায়না মহাক্না ৱাহং হংখি অমসুং মোদর্ন ইনফ্রাস্ত্রকচর শেমগৎপদা অচৌবা থৌদাং অমা লৌরি হায়না মহাক্না ফোংদোকখি। প্রধান মন্ত্রীনা হায়খি মদুদি ভারতনা 2047কীদমক শেম-শারি, চাউখৎলবা লৈবাক অমা ওইবগী ৱারেপ অদু মপুং ফাহন্নবগীদমক ইনফ্রাস্ত্রকচরদা মীৎয়েং থম্লি। চাউখৎ-থৌরাংগী অচৌবা খোংজং অসিগী খ্বাইদগী মরুওইবা মওংদি রাজ্য খুদিংমক্কী অমসুং মফম খুদিংমক্কী শরুক য়াবনি হায়না মহাক্না ফোংদোকখি। মহাক্না হায়খি মদুদি সরকারনা শোত্থরবা মীওইশিংবু মরুওইনা লৌরি। রাজ্য খুদিংমক্না পুন্না চাউখৎপা ঙমহন্নবা অমসুং চাউখৎলবা ভারত অমগী মিসনদা মতেং পাংনবা মহাক্না থাজবা পীখি। অসাম অমসুং অৱাং-নোংপোক লমদম্না মিসন অসিগী লুচিংবা ওইরিবা অসিদা মহাক্না নুংঙাইবা ফোংদোকখি। শ্রী মোদীনা হায়খি এক্ত ইস্ত পোলিসীগী খুত্থাংদা অৱাং-নোংপোক লমদমদা অহেনবা মীৎয়েং থম্লি অমসুং ঙসি আসাম অসি ভারতকী নোংপোক থংবা থোঙনাং অমা ওইনা থোরক্লি। অসামনা ভারতপু আসিয়ান লৈবাকশিংগা শম্নহল্লিবা থোং অমগী থৌদাং লৌরি হায়না মহাক্না ফোংদোকখি। মহাক্না হায়খি মদুদি মসিগী অহৌবা অসি মখা চত্থখিগনি অমসুং অসাম অসি সেক্তর কয়াদা চাউখৎলবা ভারতকী ইঞ্জিন অমা ওইরক্লগনি।

“অসাম অমসুং অৱাং নোংপোক পুম্নমক ভারতকী চাউখৎপগী অনৌবা থোং ওইরক্লি”, হায়না শ্রী মোদীনা অকনবা ৱাফম থমখি। মল্তি-মোদেল কন্নেক্তিবিতীগী ভিজন অসিনা লমদম অসিগী ফিভম অমসুং মায়কৈ অনিমক হোংদোক্লে হায়না মহাক্না ফোংদোকখি। অসামদা অনৌবা থোংশিং শেমগৎপগী খোঙজেল, অনৌবা মোবাইল তাৱরশিং হাপচিনবগী খোঙজেল, অমসুং চাউখৎ-থৌরাংগী প্রোজেক্ত খুদিংমক্কী খোঙজেল অসিনা মঙলানশিং অদু তশেং তশেং ওইহল্লি হায়না মহাক্না ফোংদোকখি। মহাক্না অকনবা ৱাফম থমখি মদুদি ব্রহ্মপুত্রাগী মথক্তা শাখিবা থোংশিং অসিনা আসামদা অনৌবা শক্তি অমসুং কন্নেক্তিবিতীদা থাজবা পীরি। প্রধান মন্ত্রীনা ফোংদোকখি মদুদি নীংতম্লবা মতুং চহি তরাগী খুজিং তরাদগী তরেৎ ফাওবগী মনুংদা, মফম অসিদা মরুওইবা থোং অহুমখক্তমক শাখি, অদুবু হৌখিবা চহি তরা অসিদা পুৱারী ওইরবা প্রোজেক্ত কয়ামরুমগা লোয়ননা অনৌবা মেগা থোং মরি শাবা লোইশিনখ্রে। বোগিবিল অমসুং ধোলা-সাদিয়াগুম্বা খ্বাইদগী শাংবা থোংশিংনা অসামবু স্ত্রেতেজিক ওইনা হেন্না মপাঙ্গল কনখৎহল্লে হায়না মহাক্না পনখি। মহাক্না হায়খি মদুদি রেলৱে কন্নেক্তিবিতীদসু অহোংবা অমা লাক্লে। বোগিবিল ব্রিজ অসিনা অপ্পর অসাম অমসুং লৈবাক অসিগী অতৈ মফমশিংগী মরক্তা লৈরিবা অরাপ্পা অদু হন্থহল্লে। গুৱাহাতিদগী ন্যু জলপাইগুরি ফাওবা চৎপা বন্দে ভারত এক্সপ্রেসনা চৎপগী মতম হন্থহনখ্রে হায়না মহাক্না ফোংদোকখি। শ্রী মোদীনা মখা তানা হায়খি মদুদি ব্রহ্মপুত্র অসি তুরেল খক্তা নত্তে অদুবু ইকোনোমিক পাৱরগী ফ্লো অমনি হায়বা উৎতুনা কার্গো ত্রাফিক চাদা 140 হেনগৎতুনা অসামসু ৱাতরৱেজ শেমগৎলকপদগী কান্নবা ফংলি। মহাক্না হায়খি মদুদি পান্দুদা অহানবা শিপ রিপেয়রিং ফেসিলিতী শেমগৎলি। বরানসীদগী দিব্রুগর ফাওবদা গঙ্গা ভিলাস ক্রুজগীদমক মীৎয়েং চংনরক্লিবা অসিনা অৱাং নোংপোক লমদম অসি গ্লোবেল ক্রুজ তুরিজম মেপতা মপুং ফানা থম্লে।

অসাম অমসুং অৱাং-নোংপোক লমদম অসি চাউখৎপা ঙমহন্দুনা থমখিবগীদমক মমাংগী সরকারশিংবু কুপ্না য়েৎলদুনা শ্রী মোদীনা হায়খি মদুদি লৈবাক অসিনা সেক্যুরিতী, য়ুনিতী অমসুং ইন্তিগ্রিতীগী মতাংদদি অচৌবা খোঙথাং অমা চংগদবনি। মহাক্না হায়খি মদুদি ওপোজিসনগী লৈঙাক্কী মখাদা চহী তরাগী খুজিং কয়া হিংসা অসি লৈরকখি, অদুবু হৌখিবা চহি 10-11 অসিদা হিংশা অসি লোইশিন্নবা হোৎনরি। মহাক্না হায়খি মদুদি অৱাং নোংপোক লমদমদা হিংসা অমসুং ঈগী ঈচাউ লৈরম্বা অদুগা ঙসিদি 4G অমসুং 5G তেক্নোলোজীগী খুত্থাংদা দিজিতেল কন্নেক্তিবিতী অসি মফমশিং অসিদা য়ৌরে। প্রধান মন্ত্রীনা অকনবা ৱাফম থমখি মদুদি মতম অমদা হিংসাগী মায়োক্তা লৈরম্বা জিলাশিং অসি হৌজিক এস্পিরেস্নেল জিলাশিং ওইনা শেমগৎলি, অমসুং লাক্কদৌরিবা মতমশিংদা হায়রিবা মফমশিং অসি ইন্দস্ত্রীএল কোরিদোরশিং ওইগনি। অৱাং-নোংপোক লমদমগী মতাংদা অনৌবা থাজবা অমা লাক্লে হায়না মহাক্না ফোংদোকখি অমসুং মসি মখা তানা মপাঙ্গল কনখৎহনবগী তঙাই ফদবা অদুসু পনখি।

প্রধান মন্ত্রীনা হায়খি মদুদি আসাম অমসুং অৱাং-নোংপোক্কী চাউখৎ-থৌরাংগী মায় পাকপা অসি সরকার অসিনা লমদম অসিগী আইদেন্তিতী অমসুং চৎনবীবু ঙাক-শেন্দুনা থম্বদগী ওইরি। মহাক্না হায়খি মদুদি ওপোজিসন্না মসিগী আইদেন্তিতী অসি মুত্থৎনবা কন্সপিরেসী তৌখি, অমসুং মসিগী কন্সপিরেসী অসি চহি খরখক্তদা অকক্নবা ওইখিদে। মহাক্না হায়খি মদুদি অরানবা থবকশিং অসিগী হৌরকফম অসি নিংতম্বা ফংদ্রিঙৈগী মতমদগীনি, মতম অদুদা মুস্লিম লীগ অমসুং ব্রিতিশ সরকারনা ভারত খায়দোক্নবগীদমক লম শেমগৎলম্মি অমসুং মতম অদুদা অসামবু তোঙান-তোঙানবা বেঙ্গলগী শরুক অমা ওইহন্নবা থৌরাং অমসু লৈরম্মি, হায়বদি নোংপোক পাকিস্তান।  শ্রী মোদীনা হায়খি মদুদি কংগ্রেস অসি মসিগী থৌওং অসিদা শরুক য়াগদৌরি, অদুবু শ্রী বরদোলোই জীনা মহাক্কী পার্তীগী মায়োক্তা লেপখি, অসামগী শক্তম কাইহন্নবা থৌওং অসি য়ানীংদবা ফোংদোকখি, অমসুং অসাম অসি লৈবাক অসিদগী তোঙান্না তাহন্দনা ঙাক্তুন থমখি। মহাক্না মরুওইনা ফোংদোকখি মদুদি মখোয়গী পার্তী অসি লৈবাকনীংবা খুদিংমকপু ইকায় খুম্নবা উৎনবা পার্তীগী কাংলোনগী ৱাংমদা লেপ্লি। শ্রী অতল বিহারী বাজপেয়ী জীগী লুচিং মখাদা, মখোয়গী সরকারনা লৈঙাক পায়রকপা মতমদা, বরদোলোইজীদা ভারত রত্ন পীখি।

প্রধান মন্ত্রীনা হায়খি মদুদি শ্রী বরদোলোইজীনা নীংতম্বা ফংদ্রিঙৈদা অসামবু কল্লমখি অদুবু নীংতম্বা ফংলবা মতুংদা অহানবা লৈঙাকপা কাঙলূপ অসিনা অমুক হন্না এন্তি-অসামগী অমসুং এন্তি-নেস্নেলগী থবক পায়খৎপা হৌরকখি। মহাক্না হায়খি মদুদি মখোয়না রিলিজন এপিজমেন্তগী খুত্থাংদা মখোয়গী ভোৎ বেঙ্ক পাকথোক চাউথোকহন্নবা থৌরাং তৌখি, মসিনা বেঙ্গল অমসুং অসামদা চঙশিল্লকপা মীওইশিংদা অয়াবা পীখি। মহাক্না হায়খি মদুদি লমদম অসিগী দেমোগ্রাফী অসি হোংহনখ্রে, অমসুং হায়রিবা ইনফিলত্রেসনশিং অসিনা উমং অমসুং লমশিংদা লান্দারক্লি। মসিনা মরম ওইদুনা, আসাম রাজ্য পুম্নমক্কী সেক্যুরিতী অমসুং আইদেন্তিতী অসি খুদোংথীবা মায়োক্নখি হায়না প্রধান মন্ত্রীনা অকনবা ৱাফম থমখি।

শ্রী মোদীনা হায়খি মদুদি শ্রী হিমন্ত বিশ্ব শর্ম্মাগী লুচিং মখাদা সরকারনা অসামগী রিসোর্সশিং অসি ইলিগেল অমসুং এন্তি-নেস্নেল এনক্রোচমেন্তশিংদগী ঙাকথোক্নবা কন্না হোৎনরি। অসামগী রিসোর্সশিং অসি অসামগী মীয়ামদা কান্নবা ফংহন্নবা থাক খুদিংমক্তা হোৎনরি হায়না মহাক্না ফোংদোকখি। মহাক্না হায়খি মদুদি কেন্দ্র সরকারনা ইনফিলত্রেসন থিংনবা অকনবা থৌরাং লৌখৎলি। আইন্না য়াদবা ইনফিলত্রেসনশিং লৌথোক্নবা মশক খঙদোকপগী থৌওং চত্থরি।

প্রধান মন্ত্রীনা অকনবা ৱাফম থমখি মদুদি ওপোজিসন অমসুং মখোয়গী এল্লাইন্সনা লৈবাক অসিগী মায়োক্তা ময়েক শেংনা এজেন্দাশিং লৌখৎলি, সুপ্রিম কোর্তনা ইনফিলত্রেতরশিং লৌথোক্নবা ৱা ঙাংলি। মহাক্না হায়খি মদুদি পার্তীশিং অসিনা ইনফিলত্রেসনশিংবু ঙাক শেনবগীদমক্তা স্তেতমেন্তশিং থাগৎলি, অমসুং মখোয়গী উকিলশিংনা মখোয়শিং অদুগী মরক্তা ৱারোইশিন পুরক্নবা কোর্ত্তা ৱাকৎলি। মহাক্না হায়খি মদুদি ইলেক্সন কম্মিসন্না অচুম্বা মীখল অমা পাংথোক্নবা SIR প্রোসেস পাংথোক্লি অদুবু কাংলুপ অসিনা য়ানীংদ্রি। প্রধান মন্ত্রীনা হায়খি মদুদি অসিগুম্বা মীওইশিং অসিনা অসামীজ ইচিল-ইনাওশিংগী কান্নবশিং ঙাক্লোই, অমসুং অতোপ্পা মীওইশিংনা মখোয়গী লম অমসুং উমংশিং লৌশিনবা য়াহল্লগনি। মখোয়গী এন্তি-নেস্নেল মাইন্দসেৎনা মমাংগী মতমগী হিংসা অমসুং অৱা-অনাশিং অমুক হন্না থোকহল্লকপা য়াই হায়না মহাক্না পনখি। অসামগী চাউখৎ-থৌরাং অসি তপথহন্দনবা ওপোজিসনগী থৌওংশিং অসামগী মীয়াম্না পুন্না হোৎনমিন্নবা অমসুং মায়থিবা পীনবা তঙাইফদবা অমনি হায়না মহাক্না অকনবা ৱাফম থমখি।

“ঙসিদি মালেমনা ভারতকী মায়কৈদা আশাগা লোয়ননা য়েংলি, অমসুং ভারতকী তুংলমচৎকী অনৌবা নুমিৎকী মঙাল অসি অৱাং-নোংপোক্তগী হৌগদৌরিবনি" হায়না প্রধান মন্ত্রীনা ফোংদোকখি। মসিগীদমক্তা, অসামগী চাউখৎ-থৌরাংবু মাংদা থমদুনা, অপুনবা মঙলানগী মায়কৈদা থবক তৌনবা পুন্না হোৎনমিন্নবা মথৌ তাই হায়না মহাক্না পনখি। অসিগুম্বা পুন্না হোৎনমিন্নবা অসিনা অসামবু অনৌবা থাক্তা পুখৎকনি অমসুং চাউখৎলবা ভারত অমগী মঙলান অদু মপুং ফাহনগনি হায়না মহাক্না থাজবা থমখি। মহাক্কী ৱারোল লোইশিল্লকপদা, প্রধান মন্ত্রীনা অনৌবা তর্মিনেল শঙ্গাবগী থৌরম অসিদা হন্না হন্না নুংঙাইবা ফোংদোকখি।

থৌরম অদুদা অসামগী গবর্নর শ্রী লক্ষ্মন প্রসাদ আচার্য়, অসামগী মুখ্য মন্ত্রী শ্রী হিমন্ত বিশ্ব শর্ম্মা, কেন্দ্রগী মন্ত্রীশিং শ্রী সর্বানন্দ সোনোৱাল, শ্রী কে রামমোহন নাইদু, শ্রী মুরলিধর মোহল, শ্রী পবিত্রা মার্গেরেতা অমসুং অতৈ মকোক থোংবশিংসু শরুক য়াখি।

বেকগ্রাউন্দ

গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী নৌনা লোইশিনখিবা ইন্তিগ্রেতেদ ন্যু তর্মিনেল বিল্দিং অসি চাউরাক্না স্ক্বার মিতর লাখ 1.4 পাক-চাউই। রনৱে, এয়রফিল্দ সিস্তেমশিং, এপ্রোনশিং অমসুং তেক্সিৱেশিংদা অচৌবা অপগ্রেদশিং তৌদুনা চহি খুদিংগী পেসেঞ্জর করোর 1.3 ফাওবা হেন্দল তৌবা ঙম্নবা দিজাইন তৌখ্রে।

ভারতকী অহানবা নেচর-থিম ওইবা এয়রপোর্ত তর্মিনেল, এয়রপোর্ত অসিগী দিজাইন অসি অসামগী বাইওদাইভর্সিতী অমসুং কলচরেল হেরিতেজদগী ইথিল লৌদুনা "বেম্বু ওর্কিদস" হায়বা থিমদা শেমখি। তর্মিনেল অসিনা কাজিরঙ্গাদা ইথিল পীরবা গ্রীন লেন্দস্কেপশিং, জাপি মোতিফশিং, আইকোনিক রাইনো সিম্বোল অমসুং কোপৌগী লৈ উৎলিব ওর্কিদনা ইথিল পীরবা কলম 57না মগুন হাপতুনা অৱাং নোংপোক্তগী লৌবা ৱা মেত্রিক তন 140 রোম শিজিন্নরি। অখন্নবা "স্কাই ফোরেস্ত" অসিদা লমদমসিগী পাম্বী মখল লাখ অমা উৎলি, মসিদা লাকপা পেসেঞ্জরশিংদা ইম্মরসিব ওইবা অমসুং উমংগা মান্নবা এক্সপরিয়েন্স অমা ফংহল্লি।

তর্মিনেল অসিনা পেসেঞ্জরশিংগী খুদোংচাবশিং অমসুং দিজিতেল ইন্নোবেসনগী মতাংদা অনৌবা থাকশিং শেম্লে। খোঙজেল য়াংবা ফুল-বোদী স্কেন্নরশিং, নন-ইনত্রুসিব সেক্যুরিতী স্ক্রীনিং, দিজিয়াত্রাগী খুত্থাংদা কন্তেক্তলেস ত্রেভেল, ওতোমেতেদ বেগেজ হেন্দলিং, ফাস্ত ত্রেক ইমিগ্রেশন অমসুং এ.আই. দ্রিভেন এয়রপোর্ত ওপরেসনশিং অসিগুম্বা ফিচরশিং অসিনা খোঙচৎশিংবু খুদোংচাদবা লৈতবা, সেক্যুরিতী অমসুং ইফিসিএন্ত ওইবা ওইহল্লগনি।

The new terminal building of Lokapriya Gopinath Bardoloi International Airport will boost connectivity, commerce and tourism across Assam and entire Northeast.
https://t.co/jRJdcJIOSB

— Narendra Modi (@narendramodi) December 20, 2025

Modern airports and advanced connectivity infrastructure serve as gateways to new possibilities and new opportunities for any state. pic.twitter.com/E7fs1kgCQK

— PMO India (@PMOIndia) December 20, 2025

Today, Assam and the entire North East are emerging as the new gateway to India's development. pic.twitter.com/6IR2FaTi5x

— PMO India (@PMOIndia) December 20, 2025

The North East will lead India's future growth. pic.twitter.com/1uURYScmQc

— PMO India (@PMOIndia) December 20, 2025

***