হিজ মজেস্তি নিংথৌ অবদুল্লা,

ক্রাউন প্রিন্স,

লৈবাক অনিমক্তগী লেঙবীরক্লিবা দেলিগেতশিং,

বিজিনেস কম্ম্যুনিতীগী লুচিংবশিং,

খুরমজরি,

মরুপশিং,

মালেমদা লৈরিবা লৈবাক কয়া অসি ঙমখৈ লোন্ননা লৈমিন্নৈ অদুগা কৈথেলসু লান্নৈ। অদুম ওইনমক, ভারত অমসুং জোর্দানগী মরক্তা লৈনরিবা মরী অসি পুৱারীগী ওইবা থাজবা অমসুং তুংলমচৎকী শেন্মিৎলোনগী খুদোংচাবশিংগা লোয়ননা শাগৎলকখি।

ঙরাং ঐহাক্না হিস মজেস্তীগা লোয়ননা খন্ন-নৈনখিবা অদুগী মরুওইবা ৱাফম অসিসু মসিনি। ঐখোয়না জিওগ্রাফীবু খুদোংচাবা অমসুং চাউখৎপা ওইহন্নবগী মতাংদা কুপ্না খন্ন-নৈনখি।

য়োর মজেস্তী,

অদোমগী লুচিং মখাদা জোর্দান অসি তোঙান তোঙানবা লমদমশিংগী মরক্তা তেংবাং পীনবা অমসুং পুনশিন্নবা ঙমহল্লিবা থোং অমা ওইরক্লি। ঙরাং ঐখোয়গী মীফম অদুদা, অদোম্না জোর্দানগী খুত্থাংদা ভারতকী কম্পেনীশিংনা য়ুনাইতেদ স্তেৎস, কেনাদা অমসুং অতোপ্পা লৈবাকশিংগী কৈথেলশিংদা করম্না এক্সেস তৌবা য়াবগে হায়বদু শন্দোক্না তাকখি। মফম অসিদা লৈরিবা ভারতকী কম্পেনীশিংদা ঐনা হায়জনীংবদি খুদোংচাবশিং অসি মপুং ফানা শিজিন্ননবা হায়বসিনি।

মরুপশিং,

ঙসিদি, জোর্দানগী খ্বাইদগী চাউবা ত্রেদ পার্তনরশিংগী মনুংদা ভারতনা অহুমশুবা ওইরি। বিজিনেসকী লমদা নম্বরশিং অসি মরুওইনা লৌই হায়বা ঐ খঙই। অদুম ওইনমক, ঐখোয়না মফম অসিদা মশীং থিবগীদমক্তা নত্তে, ঐখোয়না অশাংবা মতমগী ওইবা মরী অমা শেমগৎনবা মফম অসিদা লৈরি।

মতম অমদা গুজরাততকী ললোন-ইতিক্কী পোৎলমশিং পেত্রাগী খুত্থাংদা য়ুরোপ য়ৌখি। ঐখোয়গী তুংলমচৎকী য়াইফ-থৌরাংগীদমক, ঐখোয়না হায়রিবা মরীশিং অসি অমুক হন্না নৌহৌননা শেমগৎকদবনি অমসুং পুম্নমক্না ভিজন অসিবু তশেং তশেংনা ওইহন্নবগীদমক মরু ওইবা থৌদাং অমা লৌগনি।

মরুপশিং,

পুম্নমক্না খঙনরবা মতুং ইন্না, ভারত অসি মালেমগী খ্বাইদগী চাউবা ইকোনোমীগী অহুমশুবা মফম ওইবগী মায়কৈদা খোঙজেল য়াংনা চংশিল্লি। ভারতকী গ্রোথ রেৎ অসি চাদা ৮ হেনখ্রে। হেনগৎলক্লিবা অসি প্রদক্তিবিতীনা পুরকপা অমসুং ইনোবেসননা পুরকপা পোলিসীশিংগী মহৈনি।

ঙসি জোর্দানগী ললোন-ইতিক অমসুং ইনভেস্তর খুদিংমক্কীদমক ভারত্তা অনৌবা খুদোংচাবা কয়া অমা হাংলি। অদোম্না ভারতকী খোঙজেল য়াংনা চাউখৎলকপদা শরুক য়াবা য়াগনি অমসুং অদোমগী ইনভেস্তমেন্তশিংদা মপাঙ্গল কনবা রিতর্ন ফংলগনি।

মরুপশিং,

ঙসিদি, মালেম অসিদা চাউখৎপগী অনৌবা ইঞ্জিনশিং মথৌ তাই। মসিদা থাজবা য়াবা অমসুং রেসিলেন্ত সপ্লাই চেনশিং মথৌ তাই। মালেমগী শেন্মিৎলোনগী মথৌ তাবশিং ফংহনবদা ভারত অমসুং জোর্দাননা পুন্না অচৌবা থৌদাং লৌবা ঙমগনি।

ঐহাক্না অদোমগা লোইননা ম্যুচেল কোওপরেসনগী মরুওইবা সেক্তর খরা পনবীরমগনি। সেক্তরশিং অসিদা ভিজন, ভায়েবলিতী অমসুং ভেলোসিতি পুম্নমক লৈ।

অহানবদা, দিজিতেল পব্লিক ইনফ্রাস্ত্রকচর অমসুং আই.তি. হীরম অসিদা ভারতকী এক্সপরিয়েন্স অসি জোর্দানদসু য়াম্না কান্নবা ওইগনি। ভারতনা দিজিতেল তেক্নোলোজীবু ইনক্লুজন অমসুং ইফিসিএন্সীগী মোদেল অমদা ওন্থোকখ্রে। য়ু.পি.আই., আধার, অমসুং দিজি লোকরগুম্বা ফ্রেমৱার্কশিং অসি ঙসি মালেমগী বেঞ্চমার্কশিং ওইরে। ঐহাক অমসুং মহারাজনা জোর্দানগী সিস্তেমশিংগা ফ্রেমৱার্কশিং অসি মান্নহন্নবগী ওইথোকপা য়াবশিং অদু খন্নখি। ঐখোয়গী লৈবাক অনিমক্না পুন্না, ফিনতেক, হেল্থ-তেক অমসুং এগ্রিকলচর-তেকগুম্বা সেক্তরশিংদা স্তার্ত-অপশিং হকথেংননা শম্নহনবা ঙমগনি। ঐখোয়না শেয়র তৌরবা ইকোসিস্তেম অমা শেম্বা য়াই, ৱাখল্লোনশিংগা কেপিতেলগা, অমসুং ইন্নোবেসনগা স্কেলগা শম্নহল্লিবা অমনি।

মরুপশিং,

ফার্মা অমসুং মেদিকেল দিভাইস সেক্তরদসু অচৌবা খুদোংচাবশিং লৈরি। ঙসিদি, হেল্থকেয়র অসি সেক্তর অমখক্তমক নত্তে, মসি স্ত্রেতেজিক প্রাইওরিতি অমনি।

ভারতকী কম্পেনীশিংনা জোর্দানদা হিদাক-লাংথকশিং অমসুং মেদিকেল দিভাইসশিং পুথোকপা ঙম্লবদি, মসিনা জোর্দানগী মীয়ামদা কান্নবা ফংহল্লগনি। মসিনা লৈবাক অসি নোংচুপ এসিয়া অমসুং আফ্রিকাগী থাজবা য়াবা হাব অমা ওইহনগনি। জেনেরিক ওইগেরা, ভেক্সিন ওইগেরা, আয়ুর্বেদা ওইগেরা, ৱেলনেস ওইগেরা, ভারতনা থাজবা পুরকই, জোর্দাননা য়ৌহল্লকই।

মরুপশিং,

মথংগী সেক্তর অসি লৌউ-শিংউনি। ভারতনা অরুবা ক্লাইমেৎকী ফিভমদা লৌউ-শিংউবদা চাউনা এক্সপরিয়েন্স লৈ, অমসুং মসিগী এক্সপরিয়েন্স অসিনা জোর্দানদা অচৌবা অহোংবা অমা পুরকপা ঙমগনি। ঐখোয়না প্রিসিজন ফার্মিং অমসুং মাইক্রো-ইরিগেসনগুম্বা সোলুসনশিংদা পুন্না থবক তৌমিন্নবা য়াই। ঐখোয়না কোল্দ চেন, ফুদ পার্ক অমসুং স্তোরেজ ফেসিলিতীশিং শেমগৎনবা পুন্না থবক তৌমিন্নবসু য়াই। ঐখোয়না ফর্তিলাইজরদা জোইন্ত ভেঞ্চরশিং পায়খৎলিবা অদুগুম্না, ঐখোয়না অতোপ্পা লমশিংদসু পুন্না মাংলোমদা চংশিনবা য়াই।

মরুপশিং,

ইনফ্রাস্ত্রকচর অমসুং কন্সত্রক্সন অসি য়াম্না থুনা চাউখৎহনবা তঙাইফদে। হীরমশিং অসিদা পুন্না থবক তৌমিন্নবনা ঐখোয়দা খোঙজেল য়াংবা অমসুং পাক চাউবা ওইহল্লগনি।

জোর্দানদা রেলৱেজ অমসুং ইনফ্রাস্ত্রকচর শেমগৎনবগীদমক হিজ মেজেস্তিনা মহাক্কী মিৎয়েং অদু শেয়র তৌখি। ঐহাক্না মহাকপু থাজবা পীবা পাম্মি মদুদি ঐখোয়গী কম্পেনী অনিমক্না ভিজন অসিবু তশেং তশেংনা ওন্থোকপদা পার্তনর ওইবা ঙম্মি অমসুং পাম্মি।

ঙরাং ঐখোয়গী মীফম অদুদা, মহারাজনা সিরিয়াদা ইনফ্রাস্ত্রকচর শেমগৎপগী মথৌ তাবশিং অদুসু পনখি। ভারত অমসুং জোর্দানগী কম্পেনীশিংনা হায়রিবা মথৌ তাবশিং অসি পুন্না কোকহন্নবা পুন্না থবক তৌমিন্নবা য়াই।

মরুপশিং,

ঙসি মালেম অসিনা গ্রীন গ্রোথ য়াওদনা চাওখৎপা ঙম্লোই। ক্লিন ইনর্জী অসি হৌজিক্তি ওপশন অমা খক্তা নত্তে, মসি মথৌ তাবা অমা ওইরে। ভারতনা সোলর, ৱিন্দ, গ্রীন হাইদ্রোজেন অমসুং ইনর্জী স্তোরেজদা ইনভেস্তর অমা ওইনা য়াম্না মরু ওইবা থৌদাং অমা লৌরি। জোর্দান অসিদসু লমদম অসিদা চাউনা পোতেন্সিএল লৈরি, মসি ঐখোয়না পুন্না থবক তৌমিন্নদুনা ফংহনবা ঙমগনি।

অসিগুম্বা মওংদা, ওতোমোবাইল অমসুং মোবিলিতী সেক্তরদসু অচৌবা পোতেন্সিএল লৈ। ঙসিদি, ভারত অসি ই.ভি.শিং, চাকা অনিগী গাড়ীশিং, অমসুং সি.এন.জি. সেক্তর অসিদাসু, ঐখোয়না পাক চাউনা তেংবাং পীনগদবনি।

মরুপশিং,

ভারত অমসুং জোর্দান অনিমক্না মখোয়গী চৎনবী অমসুং হেরিতেজদা চাউথোকচরি। ঐখোয়গী লৈবাকশিং অসিগী মরক্তা হেরিতেজ অমসুং কলচরেল তুরিজমগীদমক চাউনা খুদোংচাবা লৈ। ঐনা থাজৈ মদুদি লৈবাক অনিমক্কী ইনভেস্তরশিংনা মসিগী লম অসিদা খুদোংচাবশিং অসি এক্তিব ওইনা থিজিনগদবনি।

ভারত্তা চহি খুদিংগী ফিল্ম কয়া অমা পুথোকই। জোর্দানদা হায়রিবা ফিল্মশিং অসি শুটিং তৌনবগী খুদোংচাবশিং শেম্বা য়াই, অমসুং মখোয়বু সপোর্ত তৌনবা তঙাইফদবা পুক্নিং থৌগৎপগা লোয়ননা পুন্না ফিল্ম ফেস্তিবেলশিং পাংথোক্নবা ভারত্তা পাংথোক্কদৌরিবা ৱেবস সম্মিৎতা জোর্দানগী মীহুৎ কাংবু অমা শরুক য়ারনবগীদমক ঐখোয়না আসা তৌজরি।

মরুপশিং,

জিওগ্রাফি অসি জোর্দানগী পাঙ্গলনি। ভারত্‌তা হৈ-শিংবা অমসুং চাওখৎপা অনিমক লৈ। হায়রিবা মপাঙ্গলশিং অসি পুন্সিনবা মতমদা, মখোয়না লৈবাক অনি অসিগী নহারোলশিংগীদমক অনৌবা খুদোংচাবশিং শেমগনি।

ঐখোয়গী সরকার অনিমক্কী ভিজন অসি ময়েক শেংলে। বিজিনেস কম্ম্যুনিতীদা লৈরিবা ময়াম পুম্নমক্না মসিগী ভিজন অসিবু অদোমগী ৱাখল্লোন, ইনোবেসন অমসুং এন্ত্রিপ্রেন্যুওরশিপকী খুত্থাংদা রিএলিতিদা ওন্থোকপা অসি হৌজিক অদোমগী থৌদাংনি।

অরোইবদা, ঐহাক্না অমুক্কা হন্না হায়জনীংবদি:

লাক্কদৌরি...

ঐখোয় পুন্না শেল থাদসি

পুন্না ইনোভেৎ তৌসি

অমসুং পুন্না চাউখৎপা পুরকমিন্নসি

য়োর মজেস্তী,

অমুক্কা হন্না, ঐহাক্না অদোম, জোর্দান সরকার অমসুং থৌরম অসিদা শরুক য়াবীরিবা ইকাই খুম্নরবা মীওই পুম্নমক্তা ঐহাক্কী থম্মোয়দগী নুংঙাইবা ফোংদোকচরি।

শুক্রান

থাগৎচরি।

খঙহঞ্জবাঃ মসি প্রধান মন্ত্রীগী ৱারোলগী শম্লপ্না হন্দোকপনি। অশেংবা ৱারোলদি হিন্দিদা পীখি।

***