প্রধানমন্ত্রীগী লোইশঙ
ৱার্ল্দ কপ মাইপাক্লবা ভারতকী ইসক্বাস তিম প্রধান মন্ত্রীনা থাগৎপা ফোঙদোকখ্রে
प्रविष्टि तिथि:
15 DEC 2025 10:16AM by PIB Imphal
এস.দি.এ.তি ইসক্বাস ৱার্ল্দ কপ ২০২৫ দা অহানবা ওইনা ৱার্ল্দ কপ ফংদুনা পুৱারি শেম্লবা ভারতকী ইসক্বাস তিম ঙসি প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে। জোসনা চিন্নাপ্পা, অভয় সিংহ, বেলাবন সেন্থিল কুমার অমসুং অনাহাত সিংহগী অখন্নবা পর্ফোমেন্স প্রধান মন্ত্রীনা থাগৎপা ফোঙদোকখি, মখোয়গী কৎথোকপা, থকশি-খাশি অমসুং অচেৎপা ফিরেপ্না লৈবাক অসিগী চাউথোকচবা পুরকপনি হায়না ফোঙদোকখি। মহাক্না হায়খি মদুদি শিংথানিঙাই ওইরবা মাইপাকপা অসিদা মালেমগী থাক্ত ভারতকী শান্নবগী থবক মপাঙ্গল কনখৎলকপগী মমি তারে।
প্রধান মন্ত্রীনা মখা তানা হায়খি মাইপাকপা অসিনা লৈবাক শীনবা থুংবগী মশিং থিঙমদ্রবা শান্নরোয় কয়া ইথিল পীগনি অমসুং ভারতকী নহারোলশিংগী মরক্ত মখা তানা ইসক্বাস পাম্নবা হেনগৎহনগনি।
প্রধান মন্ত্রীনা এক্সতা হায়খি;
“এস.দি.এ.তি ইসক্বাস ৱার্ল্দ কপ ২০২৫ দা অহানবা ওইনা ৱার্ল্দ কপ ফংদুনা পুৱারি শেম্লবা ভারতকী ইসক্বাস তিম থাগৎপা ফোঙদোকচরি। জোসনা চিন্নাপ্পা, অভয় সিংহ, বেলাবন সেন্থিল কুমার অমসুং অনাহাত সিংহনা অঙকপা কৎথোকপা অমসুং অচেৎপা ফিরেপ উৎখ্রে। মখোয়গী মাইপাকপনা লৈবাক শীনবা থুংনা চাউথোকচহল্লে। মাইপাকপা অসিনা ঐখোয়গী নহারোলশিংগী মরক্ত মখা তানা ইসক্বাস পাম্নবা হেনগৎহনগনি।
@joshnachinappa
@abhaysinghk98
@Anahat_Singh13”
***
(रिलीज़ आईडी: 2203899)
आगंतुक पटल : 20
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam