প্রধানমন্ত্রীগী লোইশঙ
অষ্ট্রেলিয়াদা তেরোরিষ্টশিংনা খুৎ থারকপদা প্রধান মন্ত্রীনা য়ানিংদবা ফোঙদোকখ্রে
তমথিরবা থৌদোক্ত মীওই কয়া লৈখিদবদা প্রধান মন্ত্রীনা অৱাবা ফোঙদোকখ্রে
থাগৎখিবা:
14 DEC 2025 5:23PM by PIB Imphal
ঙসি অষ্ট্রেলিয়াগী বোন্দি বিচতা জিয়ুশিংগী হনুক্কা কুহ্মৈগী অহানবা নুমিত্ত থৌরম পাংথোক্লিবা মীয়ামদা তেরোরিষ্টশিংনা খুৎ থারকপগী থৌদোক প্রধান মন্ত্রী শ্রী নরেন্দ্র মোদীনা য়াম্না কন্না য়ানিংদবা ফোঙদোকখ্রে।
তমথিরবা থৌদোক অদুদা অৱাবা ফোঙদোক্লদুনা, মখোয়গী নুংশিরবা মীওইশিং লৈখিদ্রবা ইমুংশিংগী অৱাবদা ভারতকী মীয়ামগী মহুৎ শীন্দুনা প্রধান মন্ত্রীনা অৱাবা ফোঙদোকখ্রে। অৱাবা তানফম অসিদা অষ্ট্রেলিয়াগী মীয়ামগীদমক ভারতনা মপুংফানা লেপ্লি হায়না প্রধান মন্ত্রীনা ফোঙদোকখি।
তেরোরিজমগী মতাংদা ভারতকী লেংদ্রবা ফিরেপ অমুক নিংশিংলদুনা, প্রধান মন্ত্রীনা হায়খি তেরোরিজম থবক্ত ভারতনা তুমিন্না খাংদুনা লৈথোক্লোই অমসুং তেরোরিজমগী মখল খুদিংমক অমসুং থবকশিংগী মায়োক্ত মালেম্না লান্থেংনরিবা অসিদা মপুংফানা শৌগৎলি।
এক্সতা পোষ্ট অমদা, প্রধান মন্ত্রীনা হায়খি;
“ঙসি অষ্ট্রেলিয়াগী বোন্দি বিচতা জিয়ুশিংগী হনুক্কা কুহ্মৈগী অহানবা নুমিত্ত থৌরম পাংথোক্লিবা মীয়ামদা তেরোরিষ্টশিংনা খুৎ থারকপগী থৌদোক য়াম্না কন্না য়ানিংদবা ফোঙদোক্লি। ভারত মীয়ামগী মহুৎশীন্দুনা, মখোয়গী নুংশিরবা মীওইশিং লৈখিদ্রবা ইমুংশিংগী অৱাবদা ঐনা শরুক য়াজরি। অৱাবা তানফম অসিদা অষ্ট্রেলিয়াগী মীয়ামগীদমক ভারতনা মপুংফানা লেপ্লি। তেরোরিজম থবক্ত ভারতনা তুমিন্না খাংদুনা লৈথোক্লোই অমসুং তেরোরিজমগী মখল খুদিংমক অমসুং থবকশিংগী মায়োক্ত মালেম্না লান্থেংনরিবা অসিদা মপুংফানা শৌগৎলি”।
***
(রিলিজ আই.দি.: 2203822)
ভিজিতর কাউন্তর : 31
রিলিজ অসি মসিদা পাবীয়ু:
Malayalam
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada