প্রধান মন্ত্রী শ্রী নরেন্দ্র মোদীনা ঙসি নই দিল্লীদা হিন্দুস্তান তাইম্স লীদরশিপ সম্মিৎ 2025দা ৱা ঙাংখ্রে। থৌরম অদুদা ৱা ঙাংলদুনা মহাক্না সম্মিৎ অসিদা ভারত অমসুং মপাল লৈবাক্কী শক্নাইরবা মীথুংলেন কয়া শরুক য়াখিবা অদু পনখি। মহাক্না ওর্গানাইজরশিং অমসুং মখোয়গী ৱাখল্লোনশিং পীখিবা পুম্নমক্তা নুংঙাইবা ফোংদোকখি। শ্রী মোদীনা হায়খি মদুদি শোভানা জীনা মহাক্না মুন্না তাখিবা ৱাফম অনি পনখি। অহানবদা, মহাক্না মিদিয়া হাউসশিংদা তোইনা তৌদবা, মহাক্না সজেসন অমা পীখিবা মহাক্কী মমাংগী খোঙচৎকী মতাংদা মহাক্না পনখি। শোভানা জী অমসুং মহাক্কী তীমনা থৌনা লৈনা থবক অসি পায়খৎলকপদা মহাক্না নুংঙাইবা ফোংদোকখি। মহাক্না হায়খি মদুদি মহাক্না একজিবিসন অসি য়েংবদা, ফোতোগ্রাফরশিংনা অমর ওইদুনা নমখিবা মীকুপশিং অদু উখি অমসুং মহাক্না মীপুম খুদিংমকপু মসি য়েংনবা হায়খি। শ্রী মোদীনা শোভানা জীগী অনিশুবা ৱাফমদা মখা তানা পনখি। মহাক্না মসি লৈবাক অসিদা মখা তানা সেবা তৌবীনবা হায়জবা অমা ওইনা লৌখি, অদুবু হিন্দুস্তান তাইম্স মশামক্না হায় মদুদি মহাক্না চপ মান্নবা মওংদা মখা তানা সেবা তৌগদবনি, মসিগীদমক মহাক্না অখন্নবা থাগৎপা ফোংদোকখি।

শ্রী মোদীনা হায়খি মদুদি চহি অসিগী সম্মিৎ অসিগী থিমদি ত্রান্সফোর্মিং তুমোরোনি। মহাক্না হায়খি মদুদি হিন্দুস্তান তাইম্সকী চহি 101গী পুৱারী লৈরি অমসুং মহাত্মা গান্ধী, মদন মোহন মালবিয়া অমসুং ঘনশ্যামদাস বির্লাগুম্বা শক্নাইরবা লুচিংবশিংগী য়াইফ-মঙ্গোল ফংলি। মহাক্না পনখি মদুদি হায়রিবা পাউচে অসিনা ত্রান্সফোর্মিং তুমোরোগী মতাংদা খন্ন-নৈনরকপা মতমদা, মসিনা লৈবাক অসিদা থাজবা পীরি মদুদি ভারত্তা ওইরক্লিবা ত্রান্সফোর্মেসন অসি ওইথোকপা য়াবশিং খক্তা নত্তে অদুবু মসি পুন্সিদা অহোংবা, ৱাখল্লোনদা অহোংবা অমসুং মায়কৈদা অহোংবা পুরকপগী অশেংবা ৱারীনি।

ঙসি অসিসু ভারতকী সংবিধান শেলম্বা চীফ আর্কিতেক্ত, দোক্তর বাবাসাহেব অম্বরদকরগী মহাপরিনিরবন দিবসনি হায়না পল্লদুনা, শ্রী মোদীনা ভারত মচা পুম্নমক্কী মায়কৈদগী মহাকপু ইকায় খুম্নবা উৎখি। মহাক্না হায়খি মদুদি ঐখোয়না 21শুবা চহিচাগী শরুক মরি থোকপগী অমা মপুং ফারক্লবা মতম অসিদা লেপ্লি। মহাক্না হায়খি মদুদি চহি 25 অসিদা মালেম অসিনা শেল-থুমগী অৱাবা, মালেমগী লাইচৎ অমা, তেক্নোলোজীগী অৱাবা, মালেমগী তোখাই-তোখাই তাবা অমসুং লানগী থৌওং য়াওনা অৱাবা কয়া থেংনখি। প্রধান মন্ত্রীনা অকনবা ৱাফম থমখি মদুদি অসিগুম্বা ফীভম খুদিংমক্না মালেম অসিদা মওং খরদা শিংনরক্লি। শ্রী মোদীনা হায়খি, "তম্বা ঙমদবা মতম অসিদা, ভারতনা মশাবু তোঙানবা লিগ অমদা মশক তাক্লি, মশানা মশাদা থাজবা থম্মি।" মহাক্না মখা তারদুনা হায়খি মদুদি মালেমনা খোঙজেল তপথরকপগী ৱারী শারবদি, ভারতনা চাউখৎপগী ৱারী শারগনি। মালেমনা থাজবগী অৱাবা মায়োক্নরকপা মতমদা, ভারতনা থাজবগী য়ুম্বী অমা ওইরক্লি। অমসুং মালেমনা তোখাই-তোখাই তাবগী মায়কৈদা চংশিল্লকপা মতমদা, ভারতনা ব্রিদজ-বিল্দর অমা ওইনা থোরক্লি।

নুমিৎ খরনিগী মমাংদা ভারতকী ক্বার্তর-2 GDPগী মশিং থাদোরকপদা, চাউখৎপগী অনৌবা খোঙজং অদু উৎলিবা, চাদা 8 হেনবগী গ্রোথ রেৎ অমা উৎলি হায়না পল্লদুনা প্রধান মন্ত্রীনা হায়খি মদুদি মসি মশিং খক্তা নত্তে অদুবু মসি মপাঙ্গল কনবা মেক্রো-ইকোনোমিক সিগ্নেল অমনি, ভারতনা ঙসি মালেমগী শেন্মিৎলোনগী গ্রোথ দ্রাইবর অমা ওইরক্লি হায়বা মেসেজ অমনি। মহাক্না হায়খি মদুদি হায়রিবা মশিংশিং অসি মালেমগী ওইনা চাদা অহুমগী চাংদা হেনগৎলকপা অমসুং G-7গী ইকোনোমীশিংনা চাদা অমা মখাইগী চাংদা হেনগৎলকপা মতম অসিদা লাক্লি। মহাক্না হায়খি মদুদি অসিগুম্বা ফিভম অসিদা ভারত অসি অৱাংবা গ্রোথ অমসুং অনেম্বা ইনফ্লেসনগী মোদেল অমা ওইনা থোরক্লি। শ্রী মোদীনা হায়খি মদুদি মতম অমদা শেন্মিৎলোনগী অখঙ-অহৈশিংনা অৱাংবা ইনফ্লেসনগী মতাংদা খন্নরম্মি, অদুবু ঙসিদি শেন্মিৎলোনগী অখঙ-অহৈশিং অদুনা অৱাংবা ইনফ্লেসনগী মতাংদা ঙাংলি।

ভারতকী মায়পাকপশিং অসি মহৌশাগা মান্নবা নত্তে, স্তেতিস্তিক্স খক্তদা নত্তে, অদুবু হৌখিবা চহি তরা অসিদা লৈবাক অসিনা পুরকখিবা মরুওইবা অহোংবা অমনি হায়না পল্লদুনা প্রধান মন্ত্রীনা হায়খি মদুদি মরুওইবা অহোংবা অসি রেসিলিয়েন্সকী মরমদা, প্রোব্লেমশিংগী সোলুসন পুথোকপগী ত্রেন্দগী মরমদা, শিংনবশিং মুত্থৎপা অমসুং এস্পিরেসনশিং পাকথোক চাউথোকহনবগী মরমদা ওইরি। মহাক্না মখা তাখি মদুদি মরম অসিনা ঙসিগী ভারত অসি মশামক্না অহোংবা পুরক্লি অমসুং তুংলমচৎকীদমকসু অহোংবা পুরক্লি।

প্রধান মন্ত্রী মোদীনা ফোংদোকখি মদুদি ত্রান্সফোর্মিং তুমোরোগী মতাংদা খন্ন-নৈনরকপা মতমদা, ত্রান্সফোর্মেসনদা থাজবা অসি ঙসি পায়খৎলিবা থবকশিংগী মপাঙ্গল কনবা ফাউন্দেসনদা য়ুম্ফম ওই হায়বা খঙগদবনি। মহাক্না অকনবা ৱাফম থমখি মদুদি ঙসিগী রিফোর্মশিং অমসুং ঙসিগী পর্ফোমেন্সনা হয়েংগী ত্রান্সফোর্মেসনগী লম্বী য়াৎলি।

সরকারনা থবক পায়খৎলিবা এপ্রোচ অদু পল্লদুনা শ্রী মোদীনা হায়খি মদুদি ভারতকী ওইথোকপা য়াবা শরুক অয়াম্বা মতম শাংনা শিজিন্নখিদে। মহাক্না ফোংদোকখি মদুদি করিগুম্বা শীজিন্নদ্রবা পোতেন্সিএল অসিনা হেন্না চাউবা খুদোংচাবশিং ফংলবদি, মসিনা মপুং ফানা অমসুং অথিংবা লৈতনা লৈবাক অসিগী চাউখৎ থৌরাংদা শরুক য়াবা ঙম্লবদি, লৈবাক অসিগী ত্রান্সফোর্মেসন অসি থোইদোক হেন্দোক্না ওইগনি। নোংপোক ভারত, অৱাং-নোংপোক, খুঙ্গংশিং, তায়র-2 অমসুং তায়র-3 শহরশিং, নুপীগী শক্তি, ইন্নোবেতিব য়ুথ, মেরিতাইম পাৱর অমসুং ব্লু ইকোনোমী, অমসুং স্পেস সেক্তরগী মতাংদা খন্ননবা প্রধান মন্ত্রীনা তকশিনখি। মমাংগী দিকেদশিংদা মখোয়গী মপাঙ্গল মপুং ফানা শীজিন্নখিদে হায়না মহাক্না ফোংদোকখি।  মহাক্না হায়খি মদুদি ঙসিদি ভারতনা মসিগী শিজিন্নদ্রিবা পোতেন্সিএল অসি শীজিন্ননবা মীৎয়েংগা লোয়ননা থবক তৌরি। শ্রী মোদীনা মখা তারদুনা হায়খি মদুদি নোংপোক থংবা ভারত্তা মোদর্ন ইনফ্রাস্ত্রকচর, কনেক্তিবিতী অমসুং ইন্দস্ত্রীদা মমাংদা অমুক্তা ওইখিদ্রিবা মওংদা ইনবেস্তমেন্ত তৌরি। মহাক্না হায়খি মদুদি খুঙ্গংশিং অমসুং অপীকপা শহরশিং অসি মোদর্ন ফেসিলিতীশিংগা লোয়ননা খুৎশিন্নরি। অপীকপা শহরশিং অসি স্তার্তঅপশিং অমসুং MSMEশিংগী অনৌবা সেন্তরশিং ওইরক্লি। অমসুং খুঙ্গংশিংদা লৈরিবা লৌমীশিংনা মালেমগী কৈথেলশিংগা হকথেংননা শম্ননবা FPOশিং শেমগৎলি।

প্রধান মন্ত্রীনা হায়খি, "ভারতকী নারী শক্তিনা মশক থোকপা মায় পাকপশিং ফংলি অমসুং লৈবাক অসিগী মচানুপীশিংনা হীরম খুদিংমক্তা মগুন লৈরি।" প্রধান মন্ত্রীনা হায়, অহোংবা অসি নুপীগী শক্তি খক্তদা য়ুম্ফম ওইদ্রে, অদুবু মসিনা খুন্নাইগী ৱাখল্লোন অমসুং মপাঙ্গল অনিমক হোংহল্লি।

অনৌবা খুদোংচাবশিং শেমগৎলকপা অমসুং খুদোংচাদবশিং লৌথোকপা মতমদা, অতিয়াদা পাইখৎনবা  অনৌবা মশাশিং হাপচিল্লকই হায়না প্রধান মন্ত্রীনা ফোংদোকখি। ভারতকী স্পেস সেক্তরগী খুদম পীরদুনা, মদু মমাংদা সরকারগী মখাদা লৈরম্মি, শ্রী মোদীনা হায়খি মদুদি স্পেস সেক্তর অসি প্রাইবেৎ সেক্তরগীদমক হাংদোক্নবগীদমক রিফোর্মশিং হৌদোকখি অমসুং মসিগী মহৈ হৌজিক লৈবাক অসিনা উবা ফংলে। মহাক্না হায়খি মদুদি নুমিৎ 10-11নিগী মমাংদা মহাক্না হায়দ্রাবাদতা স্কাইরুৎকী ইনফিনিতি কেম্পস শঙ্গাখি। মহাক্না হায়খি মদুদি স্কাইরুৎ, ভারতকী প্রাইবেৎ স্পেস কম্পেনী অমনা থা খুদিংগী রোকেত অমা শাবা ঙম্নবা হোৎনরি অমসুং ফ্লাইৎ-রেদি বিক্রম-1 শেমগৎলি। প্রধান মন্ত্রীনা হায়খি মদুদি সরকারনা প্লেৎফোর্ম অসি পীরি অমসুং ভারতকী নহারোলশিংনা মসিগী মথক্তা অনৌবা তুংলমচৎ অমা শেমগৎলি। মসিনা অশেংবা অহোংবা অমনি হায়না মহাক্না ফোংদোকখি।

ভারত্তা অতোপ্পা অহোংবা অমা লাকপদা খন্ন-নৈনবগী মথৌ তারে হায়না পল্লদুনা শ্রী মোদীনা হায়খি মদুদি মতম অমদা রিফোর্মশিং অসি রাজনিতীগী ওইবা ইন্তরেস্ত নৎত্রগা অৱাবা অমা লাকশিন্নবগী মথৌ তাবনা মরম ওইদুনা রিএক্সনরি ওইরম্মি। মহাক্না অকনবা ৱাফম থমখি মদুদি ঙসিদি রিফোর্মশিং অসি নেস্নেলগী পান্দমগা লোয়ননা পায়খৎলি। প্রধান মন্ত্রীনা হায়খি মদুদি সেক্তর খুদিংমক্তা ফগৎলকপা উবা ফংলে। ভারতকী খোঙজেল অসি লেপ্পা লৈতনা, মসিগী মাইকৈ অসি হোংবা লৈতনা, অমসুং মসিগী পান্দম অসি নেসন ফার্স্ততা মপুং ফানা য়ুম্ফম ওইরি। মহাক্না মখা তাখি মদুদি ২০২৫ অসি অসিগুম্বা রিফোর্মশিংগী চহি অমা ওইরে। মসিগী মনুংদা খ্বাইদগী মরুওইবা অসি মথংগী জেনরেসনগী জি.এস.তি.নি। প্রধান মন্ত্রীনা হায়খি মদুদি রিফোর্মশিং অসিগী ইম্পেক্ত অসি লৈবাক শিনবা থুংনা উবা ফংলে। মহাক্না মখা তারদুনা হায়খি মদুদি চহি অসিদা দাইরেক্ত তেক্স সিস্তেমদা অচৌবা রিফোর্ম অমা হৌদোক্লে। লুপা লাখ 12 ফাওবগী ইনকমদা তেক্স অমত্তা লৌরোই, মসিদি চহi তরাগী মমাংদা ৱাখলনা লাম্বা ফংদবা খোঙথাং অমনি।

রিফোর্মশিংগী পরিং মখা চত্থখি হায়না পল্লদুনা শ্রী মোদীনা হায়খি মদুদি নুমিৎ অহুম নৎত্রগা মরিগী মমাংদা স্মোল কম্পনীগী দিফিনিসন অদু শেমদোকখ্রে। মসিনা মরম ওইদুনা, কম্পনী লিশিং কয়া অমা হৌজিক্তি সিম্পল ওইবা কাংলোনশিং, হেন্না থুনা চৎনগদবা থৌওংশিং অমসুং হেন্না ফবা ফেসিলিতীশিংগী মখাদা লাক্লে হায়না মহাক্না ফোংদোকখি। প্রধান মন্ত্রীনা মখা তানা হায়খি মদুদি পোৎথোক কাংলুপ 200 রোম অসিসু মেন্দতরী ক্বালিতী কন্ত্রোল ওর্দরদগী লৌথোকখ্রে।

প্রধান মন্ত্রীনা হায়খি, “ঙসিগী ভারতকী খোঙচৎ অসি চাউখৎ-থৌরাং খক্তগী নত্তে, ৱাখল্লোনগী অহোংবা, সাইকোলোজিকেল রিনাসান্সকী মতাংদসু ওইরি”। মহাক্না অকনবা ৱাফম থমখি মদুদি মশাগী থাজবা লৈতনা লৈবাক অমত্তনা চাউখৎপা ঙম্লোই। নুংঙাইতবা ৱাফমদি, মতম শাংনা লৈঙাক পায়দুনা লাকপনা ভারতকী থাজবা অসি কোলোনিএলগী ৱাখল্লোননা মরম ওইদুনা মাংখি। প্রধান মন্ত্রীনা হায়খি মদুদি কোলোনিএলগী ৱাখল্লোন অসিনা চাউখৎলবা ভারত অমগী পান্দম ফংবদা অচৌবা অৱাবা অমা ওইরি, অমসুং মরম অদুনা ঙসিদি ভারতনা মসিদগী নীংতম্বা ফংনবা হোৎনরি।

মতম শাংনা ভারতপু লৈঙাক্লমদাই ব্রিতিশশিংনা ভারত মচাশিংগী থাজবশিং মাঙহন্দুনা অমসুং মখোয়দা মশাগী হন্থবা থাক্কী ৱাখল্লোন অমা পোকহল্লম্মি, মদু মখোয়না মতম অদুদা করিগীদমক তৌখি হায়না পল্লদুনা শ্রী মোদীনা হায়খি মদুদি ভারতকী ইমুংগী মওং-মতৌ অসি মতমগা চুনদ্রে হায়না লেবেল তৌখি, ভারতকী পোৎশক অসি প্রোফেস্নেল ওইদে হায়না লৌখি, ভারতকী কুমহৈশিং অমসুং কলচরবু ৱাখল লৈতে হায়না লৌখি, য়োগ অমসুং আয়ুর্বেদপু সাইন্তিফিক ওইদে হায়না লৌখি, অমসুং ভারতকী ইনভেন্সনশিংবু কান্নখিদে হায়না লৌখি। মহাক্না হায়খি মদুদি হায়রিবা ৱাখল্লোনশিং অসি দিকেদ কয়াগী মমাংদগী হন্না-হন্না শন্দোক্লি, তম্বীরি অমসুং মপাঙ্গল কনখৎহল্লি, মসিনা ভারতকী মশানা মশাদা থাজবা মাংহনখি।

কোলোনিএল মাইন্দসেৎকী পাক শন্না ইথিল পীরকপগী মতাংদা পল্লদুনা শ্রী মোদীনা হায়খি মদুদি মহাক্না মসি তাক্নবগীদমক্তা খুদমশিং পীরগনি। ঙসিদি ভারত অসি মালেমগী খ্বাইদগী য়াঙনা চাউখৎলক্লিবা মরুওইবা ইকোনোমী অমা ওইরে, মালেমগী গ্রোথ ইঞ্জিন অমা অমসুং মালেমগী পাৱরহাউস অমা ওইনা শন্দোক্না তাক্লি, অমগী মথংদা অমা মথং-মথং মায় পাক্লি হায়না মহাক্না হায়খি। ঙসি ভারতনা য়াম্না থুনা চাউখৎলবসু, কনাগুম্বা অমত্তনা মসিবু "হিন্দুগী চাউখৎপগী চাং" হায়না কৌদে হায়না মহাক্না অকনবা ৱাফম থমখি। মহাক্না নিংশিংখি মদুদি ভারতনা চাদা অনিদগী অহুম ফাওবগী গ্রোথ রেৎকীদমক হোৎনরিঙৈদা হায়রিবা ৱাহৈ অসি শীজিন্নখি। লৈবাক অমগী শেন্মিৎলোন চাউখৎলকপা অসি মসিগী মীয়ামগী ধর্ম নত্ত্রগা মশক মওংগা মরী লৈনহনবা অসি খঙহৌদনা থোকপা ঙমগদ্রা হায়না প্রধান মন্ত্রীনা ৱাহং হংখি। মসিনা কোলোনিএলগী ৱাখল্লোনগী মমি তারি হায়না মহাক্না ফোংদোকখি। মহাক্না হায়খি মদুদি খুন্নাই অমসুং চৎনবী পুম্নমক অসি পোত্থোক পুথোক্তবা অমসুং লাইরবগী চাং মান্নহল্লি। ভারতকী খোংজেল তপথবা অসি হিন্দু সিভিলাইজেসন অমসুং কলচরনা মরম ওইবনি হায়বা প্রমান পীনবা হোৎনখি। শ্রী মোদীনা হায়খি মদুদি পুম্নমক্তা কম্ম্যুনেলিজম ফংলবা বুদ্ধিলেকচুএলশিংনা হিন্দুগী গ্রোথ রেৎ হায়বা ৱাহৈ অসিদা কম্ম্যুনেলিজম উবা ঙমখিদে, মসি মখোয়গী মতমগী লাইরিক অমসুং রিসর্চ পেপরশিংগী শরুক অমা ওইখি।

কোলোনিএল মাইন্দসেৎনা ভারতকী মেন্যুফেকচরিং ইকোসিস্তেম মাংহনখি হায়না প্রধান মন্ত্রীনা ফোংদোকখি। মহাক্না লৈবাক অসিনা মদুবু মতৌ করম্না অমুক হন্না হিংগৎহনবগে হায়বদু শন্দোক্না তাকখি। মহাক্না হায়খি মদুদি কোলোনিএল পেরিয়দকী মতমদসু ভারত অসি খুৎলাই অমসুং এম্যুনিসন পুথোকপা মরুওইবা লৈবাক অমা ওইরম্মি, মপাঙ্গল কনবা ওর্দিনান্স ফেক্তরীশিং লৈরম্মি, খুৎলাইশিং এক্সপোর্ত তৌরম্মি অমসুং মালেমগী লানশিংদা পাক শন্না শীজিন্নরম্মি। প্রধান মন্ত্রীনা হায়খি মদুদি নীংতম্লবা মতুংদা, দিফেন্স মেন্যুফেকচরিং ইকোসিস্তেম অসি কাইথখি, মরমদি কোলোনিএল মাইন্দসেৎনা সরকারদা লৈরিবা মীওইশিংবু ভারত্তা শাবা খুৎলাইশিংবু অন্দরভেল্যু ওইহনখি, মসিনা লৈবাক অসিবু মালেমগী খ্বাইদগী চাউবা দিফেন্স ইম্পোর্তর অমা ওইহনখি।

চহি চা কয়াদগী ভারত্তা মরুওইবা মফম অমা ওইদুনা লাক্লবা শিপ বিল্দিং ইন্দস্ত্রীদা মান্নবা ৱাখল্লোন অসিনা শোকহল্লি হায়না পল্লদুনা প্রধান মন্ত্রীনা হায়খি মদুদি চহি তরাগী খুজিং মঙাদগী তরুক্কী মমাংদা ফাওবদা ভারতকী ললোন-ইতিক্কী চাদা 40দি ভারতকী জহাজশিংনা পুখি, অদুবু কোলোনিএলগী ৱাখল্লোন অসিনা মপানগী জহাজশিংদা হেন্না পাম্বৈ পীখি। মহাক্না ফোংদোকখি মদুদি মতম অমদা সমুদ্রগী শক্তিগীদমক শকখঙনরম্বা লৈবাক অমা অসি মাগী ললোন-ইতিক্কী চাদা 95দি মপানগী জহাজশিংগী মখা পোল্লি। মসিনা মরম ওইদুনা ঙসিদি ভারতনা চহি খুদিংগী ফোরেন শিপ্পিং কম্পনীশিংদা চাউরাক্না দোল্লর বিলিয়ন 75 নত্ত্রগা লুপা করোর লাখ তরুক পীরি।

প্রধান মন্ত্রীনা হায়খি, "শিপ বিল্দিং ওইগেরা নত্ত্রগা দিফেন্স মেনুফেকচরিং ওইগেরা, ঙসি সেক্তর খুদিংমক কোলোনিএল মাইন্দসেৎ অদু থাদোক্তুনা অনৌবা মগুন অমা ফংনবা হোৎনরি।"

 শ্রী মোদীনা হায়খি মদুদি কোলোনিএলগী ৱাখল্লোন অসিনা ভারতকী গবর্নান্স এপ্রোচতা চাউনা শোকহল্লি, মরমদি মতম কয়াগী মমাংদগী লৈঙাক্কী সিস্তেম অসি মশাগী নাগরিকশিংগী মরক্তা থাজবা লৈতবনা মশক তাক্লি। মহাক্না নিংশিংখি মদুদি মমাংদা মীওইশিংনা মখোয়গী দোকুমেন্তশিং অদু সরকারগী ওফিসর অমনা ওথেন্তিফাই তৌগদবনি, অদুবু মসিগী থাজদবা অসি থুগাইখি অমসুং সেল্ফ-ওথেন্তিফিকেসন অসি মতিক চাই হায়না লৌখি।

লৈবাক অসিদা অপীকপা অশোয়বা অমবুসু শাথীবা ক্রাইম অমা ওইনা লৌনবা প্রোভিজনশিং লৈ হায়না পল্লদুনা, শ্রী মোদীনা হায়খি মদুদি মসি হোংদোক্নবগীদমক জন-বিশ্বস লো হৌদোকখি, মদুগী খুত্থাংদা অসিগুম্বা প্রোভিজনশিং অসি দিক্রাইমিনেলাইজ তৌখি। মহাক্না মখা তানা হায়খি মদুদি মমাংদা লুপা লিশিং অমগী লোনগীদমক্তা, বেঙ্কশিংনা কা হেন্না থাজদবা লৈবনা মরম ওইদুনা গেরেন্তীশিং মথৌ তাখি। প্রধান মন্ত্রীনা অকনবা ৱাফম থমখি মদুদি মুদ্রা য়োজনাগী খুত্থাংদা থাজদবা অসিগী মরাল অসি কোকহনখ্রে। মসিগী মখাদা হৌজিক ফাওবদা লুপা কোতি লাখ 37গী গরেন্তী য়াওদবা লোন পীখ্রে। মহাক্না হায়খি মদুদি শেনফম অসিনা গেরেন্তী ওইনা পীবা য়াবা করিগুম্বা অমত্তা লৈতবা ইমুংশিংগী নহাশিংদা থাজবা পীরক্লি। মসিনা মখোয়বু ওন্তপ্রিনোর ওইহনবদা মতেং পাংলি।

লৈবাক অসিদা মতম পুম্নমক্তা সরকারদা করিগুম্বা অমা পীরবদি, মদু অমুক্তং চৎলগা অমুক হন্না হল্লক্লোইদবা ৱান-ৱে ত্রাফিকনি হায়না থাজরম্মি হায়না পল্লদুনা শ্রী মোদীনা হায়খি মদুদি সরকার অমসুং মীয়ামগী মরক্তা থাজবা মপাঙ্গল কনখৎলকপা মতমদা, মহৈ অদু অতোপ্পা কেম্পেন অমগী খুত্থাংদা উবা ফংই। প্রধান মন্ত্রীনা হায়খি মদুদি বেঙ্কশিংদা লুপা করোর 78, ইন্সুরেন্স কম্পনীশিংদা লুপা করোর 14, ম্যুচ্যুএল ফন্দ কম্পনীশিংদা লুপা করোর 3 অমসুং দিভিদেন্দদা লুপা করোর 9, পুম্নমক ক্লেম তৌদনা লৈরি হায়বসি খঙবদা য়াম্না নুংঙাইগনি। মহাক্না হায়খি মদুদি শেল অসি লাইরবশিং অমসুং মিদল ক্লাসকী ইমুংশিংগীনি, অমসুং মরম অদুনা সরকারনা শেল অসি মপু ওইরিবা মীওইশিংদা অমুক হন্না পীনবা হোৎনরি। শ্রী মোদীনা মখা তারদুনা হায়খি মদুদি মসিগীদমক্তা অখন্নবা কেম্পশিং হৌদোকখ্রে অমসুং হৌজিক ফাওবদা জিলা 500রোমদা অসিগুম্বা কেম্পশিং অসিনা লুপা করোর লিশিং কয়া অমা হকথেংননা বেনিফিসরীশিংদা ফংহনখ্রে।

মসি এসেৎশিং হল্লকপদা নত্তে, মসি থাজবা অমসুং মীয়ামগী থাজবা লেপ্তনা ফংনবা হোৎনবদা য়াওরি হায়বা ৱাফম থম্লদুনা শ্রী মোদীনা হায়খি মদুদি মীয়ামগী থাজবা অসি লৈবাক অসিগী অশেংবা কেপিতেলনি অমসুং অসিগুম্বা কেম্পেনশিং অসি কোলোনিএলগী ৱাখল্লোনগী মখাদা ওইথোকপা ঙম্লোই।

প্রধান মন্ত্রীনা হায়খি মদুদি লৈবাক অসি লম খুদিংমক্তা কোলোনিএল মাইন্দসেৎতগী মপুং ফানা লৌথোক্কদবনি। মহাক্না হায়খি মদুদি নুমিৎ খরনিগী মমাংদা মহাক্না লৈবাক অসিদা আপিল অমা তৌখি। মহাক্না মীপুম খুদিংমকপু চহি 10গী মতমগী ফ্রেমৱার্ক অমগা লোয়ননা থবক তৌনবা হায়খি। শ্রী মোদীনা মখা তারদুনা হায়খি মদুদি ভারত্তা মেন্তেল স্লেভরীগী মৈ থাখিবা মেকোইলেগী পোলিসী অসিনা 2035দা চহি 200 মপুং ফারগনি, হায়বদি চহি 10 লৈরি। মহাক্না অকনবা ৱাফম থমখি মদুদি চহি 10 অসিগী মনুংদা, নাগরিক পুম্নমক্না লৈবাক অসি কোলোনিএল মাইন্দসেৎতগী নীংতম্বা ফংহনগদবনি।

প্রধান মন্ত্রীনা হায়খি, "ভারত অসি শেমদোক্লবা লম্বীদা চঙশিল্লিবা লৈবাক অমা নত্তে, অমসুং হেন্না ফবা তুংলমচৎ অমগীদমক মসিনা মাগী লমজেল পাকথোক চাউথোকহনগদবনি।" মহাক্না লৈবাক অসিগী তুংগী মথৌ তাবশিং খঙবা অমসুং হৌজিক্কী ওইনা সোলুসন পুথোকপগী তঙাইফদবা অদুদা অকনবা ৱাফম থমখি। মহাক্না হায়খি মদুদি মসিনা মরম ওইদুনা মহাক্না মেক ইন ইন্দিয়া অমসুং আত্মনির্ভর ভারত কেম্পেনগী মতাংদা তোয়না ঙাংলি। করিগুম্বা অসিগুম্বা খোংথাংশিং অসি দিকেদ মরিদগী মঙাগী মমাংদা হৌখ্রবদি, ঙসি ভারতকী ফিভম অসি য়াম্না খেন্নরমগনি। শ্রী মোদীনা সেমিকন্দক্তর সেক্তরগী খুদম পল্লদুনা হায়খি মদুদি চহি তরাদগী তরা ফাওবগী মমাংদা কম্পনী অমনা ভারত্তা সেমিকন্দক্তর প্লান্ত অমা লিংখৎনবা মাংজিল থাখি। অদুবু মদুদা মতিক চাবা মীৎয়েং চংখিদে, মসিনা মরম ওইদুনা ভারতনা সেমিকন্দক্তর মেন্যুফেকচরিংদা মাংজিল থাখি।

প্রধান মন্ত্রীনা মখা তানা হায়খি মদুদি ইনর্জী সেক্তর অসিগা মান্নবা ফীভম অমা মায়োক্নরি। ভারতনা হৌজিক্কী ওইনা চহি খুদিংগী লুপা করোর লাখ 125 রোমগী পেট্রোল, দিজল অমসুং গ্যাস ইম্পোর্ত তৌরি। মহাক্না হায়খি মদুদি লৈবাক অসিনা মরাং কায়না নুমিৎ মঙালনা নুংঙাইবা ফংলবসু, 2014 ফাওবদা ভারতকী সোলর ইনর্জী পুথোকপগী কেপাসিতি অসি গিগাৱাৎ 3 খক্তনি। হৌখিবা চহি 10 অসিদা মসিগী কেপাসিতি অসি গিগাৱাৎ 130দা হেনগৎলে, মসিদা গিগাৱাৎ 22দি রুফতোপ সোলরগী খুত্থাংদা হাপচিল্লে হায়না মহাক্না হায়খি।

শ্রী মোদীনা হায়খি মদুদি পি.এম. সুর্য়া ঘর মুফ্ত বিজলী য়োজনা অসিনা ইনর্জী সেক্যুরিতীগী কেম্পেন অসিদা নাগরিকশিংদা হকথেংননা শরুক য়াবা ফংহল্লে। মহাক্না হায়খি মদুদি বরানসীদগী পার্লিয়ামেন্তকী মেম্বর অমা ওইনা মহাক্না লোকেলগী মশিংশিং পনবা য়াই। বারানসীদা ইমুং 26,000 হেনবনা স্কিম অসিগী মখাদা সোলর প্লান্তশিং ইনস্তোল তৌখ্রে। ইন্সতোলেসনশিং অসিনা নোংমদা ইলেক্ত্রিসিতী য়ুনিৎ লাখ অহুম হেন্না পুথোক্লি, মসিনা মীওইশিংদা থা খুদিংগী লুপা করোর মঙা কনবা ঙমহল্লি হায়না মহাক্না অকনবা ৱাফম থমখি। হায়রিবা সোলর পাৱর জেনরেসন অসিনা চহিগী ওইনা কার্বন থাদোকপা মেট্রিক তন 90,000গী চাংদা হন্থহল্লি হায়না পল্লদুনা, মদুগী মহুৎ শিন্দোক্নবগীদমক উ পাম্বী লাখ 40 হেন্না থাবগী মথৌ তাগনি হায়না প্রধান মন্ত্রীনা হায়খি। মহাক্না বারানসীদগী ফংবা মশিংশিং অদু খক্তমক উৎলি হায়না পল্লদুনা স্কিম অসিগী চাউরবা নেস্নেল বেনিফিৎ অদুগী মতাংদা খন্ননবা তকশিনখি। মহাক্না হায়খি মদুদি মসিনা মতৌ করম্না সিঙ্গল ইনিসিয়েতিব অমনা তুংলমচৎকী অহোংবা পুরকপগী পাঙ্গল লৈবগে হায়বগী খুদম অমনি।

শ্রী মোদীনা হায়খি মদুদি 2014গী মমাংদা ভারতনা মোবাইল ফোনগী চাদা 75দি মপানদগী পুশিল্লম্মি, অদুগা ঙসিদি মোবাইল ফোন পুশিল্লকপা অসি শুপ্নগী চাদা অমা ওইখ্রে অমসুং লৈবাক অসি মরুওইবা এক্সপোর্তর অমা ওইরে। মহাক্না অকনবা ৱাফম থমখি মদুদি 2014গী মতুংদা রিফোর্ম অমা হৌদোকখি, লৈবাক অসিনা থবক পাংথোকখি, অমসুং অহোংবা পুরকপগী মহৈ অদু মালেম অসিনা হৌজিক উবা ফংলি।

তুংলমচৎকী অহোংবা পুরক্নবা খোঙচৎ অসি মশিং য়াম্লবা স্কিমশিং, পোলিসীশিং, ৱারেপশিং, মীয়ামগী অপাম্বশিং অমসুং মীয়ামগী শরুক য়াবগী খোঙচৎ অমনি হায়না পল্লদুনা শ্রী মোদীনা হায়খি মদুদি মসি তুংলমচৎকী খোঙচৎনি, মীফম অমদা খন্ন-নৈনবদা লোইবা নত্তে, অদুবু ভারতকী ওইনা লৈবাক অসিগী ফিরেপ অমনি। ৱারেপ অসিদা মীপুম খুদিংমক্না মতেং পাংনবা অমসুং পুন্না হোৎনমিন্নবা অসি য়াম্না মরু ওই হায়না প্রধান মন্ত্রীনা ফোংদোকখি। মহাক্না অমুক্কা হন্না ময়াম পুম্নমক্তা থাগৎপা ফোংদোকখি।

***