ਅੱਜ ਇਫੀ ਪ੍ਰੈੱਸ ਕਾਨਫਰੰਸ ਵਿੱਚ, ਮਰਾਠੀ ਫਿਲਮ 'ਗੋਂਧਲ' ਨੇ ਦਰਸ਼ਕਾਂ ਨੂੰ ਮਹਾਰਾਸ਼ਟਰ ਦੇ ਪ੍ਰਤੀਕ ਅੱਧੀ ਰਾਤ ਦੇ ਅਨੁਸ਼ਠਾਨ ਦੇ ਗਰਜਦੇ ਢੋਲ, ਘੁੰਮਦੇ ਸਕਰਟਾਂ ਅਤੇ ਬ੍ਰਹਮ ਜੋਸ਼ ਵਿੱਚ ਪਹੁੰਚਾ ਦਿੱਤਾ। ਨਿਰਦੇਸ਼ਕ ਸੰਤੋਸ਼ ਦਾਵਾਖਰ ਅਤੇ ਅਦਾਕਾਰ ਕਿਸ਼ੋਰ ਭਾਨੂਦਾਸ ਕਦਮ ਨੇ ਸਾਂਝਾ ਕੀਤਾ ਕਿ ਕਿਵੇਂ ਇੱਕ ਪ੍ਰਾਚੀਨ ਲੋਕ ਪ੍ਰਦਰਸ਼ਨ, ਜੋ ਆਮ ਤੌਰ 'ਤੇ ਭਗਤੀ ਦੇ ਕਾਰਜ ਵਜੋਂ ਪੇਸ਼ ਕੀਤਾ ਜਾਂਦਾ ਸੀ, ਇੱਛਾ, ਧੋਖਾ ਅਤੇ ਪਲਾਇਣ ਦੀ ਇੱਕ ਦਿਲਚਸਪ ਕਹਾਣੀ ਦੀ ਰੀੜ੍ਹ ਦੀ ਹੱਡੀ ਬਣ ਗਿਆ।

ਗੋਂਦਲ ਸਿਨੇਮਾ ਦੀ ਭਾਸ਼ਾ ਵਜੋਂ

ਗੱਲਬਾਤ ਸ਼ੁਰੂ ਕਰਦੇ ਹੋਏ, ਸੰਤੋਸ਼ ਨੇ ਸਮਝਾਇਆ ਕਿ ਇਹ ਫਿਲਮ ਸਿੱਧੇ ਤੌਰ 'ਤੇ ਗੋਂਧਲ ਲੋਕਧਾਰਾ ਵਿੱਚ ਸ਼ਾਮਲ ਹੈ, ਇੱਕ ਕਲਾ ਰੂਪ ਜਿਸ ਨੂੰ ਉਹ "ਸਾਡੀਆਂ ਅੱਖਾਂ ਦੇ ਸਾਹਮਣੇ ਹੌਲੀ-ਹੌਲੀ ਅਲੋਪ ਹੋ ਰਹੀ ਇੱਕ ਸੰਸਕ੍ਰਿਤੀ" ਵਜੋਂ ਦਰਸਾਉਂਦਾ ਹੈ। ਉਸ ਦੇ ਲਈ, ਇਹ ਫਿਲਮ ਸਿਰਫ਼ ਇੱਕ ਥ੍ਰਿਲਰ ਨਹੀਂ ਹੈ; ਇਹ ਸੱਭਿਆਚਾਰਕ ਸੰਭਾਲ ਦਾ ਇੱਕ ਕਾਰਜ ਹੈ।

ਉਨ੍ਹਾਂ ਕਿਹਾ ਕਿ, "ਅਸੀਂ ਇੱਕ ਪਰੰਪਰਾ ਨੂੰ ਫੜੀ ਰੱਖਣ ਦੀ ਕੋਸ਼ਿਸ਼ ਕੀਤੀ ਜੋ ਅਲੋਪ ਹੋ ਰਹੀ ਹੈ।" ਮਹਾਰਾਸ਼ਟਰ ਵਿੱਚ ਅਣਗਿਣਤ ਪੇਂਡੂ ਸੱਭਿਆਚਾਰਕ ਤੱਤ ਹਨ, ਅਤੇ ਗੋਂਧਲ ਇਸ ਦੇ ਸਭ ਤੋਂ ਸ਼ਕਤੀਸ਼ਾਲੀ ਪ੍ਰਗਟਾਵਿਆਂ ਵਿੱਚੋਂ ਇੱਕ ਹੈ। ਨਿਰਮਾਣ ਦੌਰਾਨ ਸਾਰੀਆਂ ਰੁਕਾਵਟਾਂ ਦੇ ਬਾਵਜੂਦ, ਸਾਡੀ ਟੀਮ ਨੇ ਉਸ ਵਿਰਾਸਤ ਦੀ ਰੱਖਿਆ ਕਰਨ ਵਿੱਚ ਵਿਸ਼ਵਾਸ ਕੀਤਾ ਹੈ।"

ਅਦਾਕਾਰ ਕਿਸ਼ੋਰ ਕਦਮ ਨੇ ਆਪਣੀਆਂ ਯਾਦਾਂ ਨੂੰ ਦਰਸਾਇਆ। ਉਨ੍ਹਾਂ ਯਾਦ ਕਰਦਿਆਂ ਕਿਹਾ, "ਮੈਂ ਆਪਣੇ ਪਿੰਡ ਦੇ ਗੋਂਧਲ ਵਿੱਚ ਹਿੱਸਾ ਲੈ ਕੇ ਵੱਡਾ ਹੋਇਆ ਹਾਂ। ਇਹ ਸਿਰਫ਼ ਇੱਕ ਨਾਚ ਨਹੀਂ ਹੈ, ਇਹ ਇੱਕ ਭਾਈਚਾਰਾ ਹੈ ਜੋ ਜ਼ਿੰਦਾ ਹੋ ਰਿਹਾ ਹੈ।" ਆਪਣੀ ਆਵਾਜ਼ ਵਿੱਚ ਪੁਰਾਣੀਆਂ ਯਾਦਾਂ ਦੇ ਨਾਲ, ਉਨ੍ਹਾਂ ਨੇ ਸਾਰੀ ਰਾਤ ਦੇ ਪ੍ਰਦਰਸ਼ਨਾਂ ਬਾਰੇ ਗੱਲ ਕੀਤੀ ਜਿੱਥੇ ਗੁਆਂਢੀ ਇਕੱਠੇ ਹੁੰਦੇ ਸਨ, ਪ੍ਰਾਰਥਨਾ ਕਰਦੇ ਸਨ ਅਤੇ ਇਕੱਠੇ ਜਸ਼ਨ ਮਨਾਉਂਦੇ ਸਨ। ਫਿਲਮ ਦੀ ਕਹਾਣੀ ਦੀ ਚੋਣ ਨੂੰ "ਇੱਕ ਡੂੰਘਾ ਸਿਨੇਮੈਟਿਕ ਵਿਚਾਰ" ਕਹਿੰਦੇ ਹੋਏ, ਉਨ੍ਹਾਂ ਨੇ ਉਜਾਗਰ ਕੀਤਾ ਕਿ ਕਿਵੇਂ ਅਨੁਸ਼ਠਾਨ ਖੁਦ ਕਹਾਣੀ ਸੁਣਾਉਣ ਦਾ ਸਾਧਨ ਬਣ ਜਾਂਦੇ ਹਨ। "ਇੱਕ ਰਵਾਇਤੀ ਗੋਂਧਲ ਵਿੱਚ, ਵਿਆਹ ਤੋਂ ਬਾਅਦ ਦਾ ਪ੍ਰਦਰਸ਼ਨ ਇੱਕ ਰੁਕਾਵਟ-ਮੁਕਤ ਜੀਵਨ ਲਈ ਪ੍ਰਾਰਥਨਾ ਹੁੰਦਾ ਹੈ। ਫਿਲਮ ਵਿੱਚ ਵੀ ਕਹਾਣੀ ਆਪਣੇ ਆਪ ਵਿੱਚ ਗੀਤਾਂ ਅਤੇ ਰਸਮਾਂ ਰਾਹੀਂ ਦੱਸੀ ਗਈ ਹੈ। ਇਹ ਇੱਕ ਸ਼ਾਨਦਾਰ ਸਿਨੇਮੈਟਿਕ ਵਿਚਾਰ ਹੈ ਅਤੇ ਇਸ ਦਾ  ਪੂਰਾ ਕ੍ਰੈਡਿਟ ਨਿਰਦੇਸ਼ਕ ਨੂੰ ਜਾਂਦਾ ਹੈ।"

ਕਿਸ਼ੋਰ ਨੇ ਅਜਿਹੇ ਜੜ੍ਹਾਂ ਨਾਲ ਜੁੜੇ ਹੀ ਕਿਰਦਾਰ ਨੂੰ ਨਿਭਾਉਣ ਪਿੱਛੇ ਕਲਾਤਮਕ ਪ੍ਰਕਿਰਿਆ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ " ਸਿੱਖੀਆਂ ਹੋਈਆਂ ਗੱਲਾਂ ਨੂੰ ਛੱਡ ਦਿੱਤਾ ਜਾਵੇ।" "ਅਦਾਕਾਰ ਹੋਣ ਦੇ ਨਾਤੇ, ਅਸੀਂ ਆਪਣੇ ਹੁਨਰ ਜਾਂ ਆਪਣੇ ਅਨੁਭਵ ਬਾਰੇ ਸੋਚਦੇ ਹੋਏ ਸੈੱਟ 'ਤੇ ਕਦਮ ਨਹੀਂ ਰੱਖ ਸਕਦੇ। ਸਕ੍ਰਿਪਟ ਤੁਹਾਨੂੰ ਸਭ ਕੁਝ ਦੱਸਦੀ ਹੈ। ਕਈ ਵਾਰ ਨਿਰਦੇਸ਼ਕ ਸਿਰਫ਼ ਇਹੀ ਚਾਹੁੰਦਾ ਹੈ ਕਿ ਤੁਸੀਂ ਲਾਈਨ ਕਹੋ, ਕਿਉਂਕਿ ਭਾਵਨਾ ਪਹਿਲਾਂ ਹੀ ਸ਼ਬਦਾਂ ਵਿੱਚ ਰਹਿੰਦੀ ਹੈ। ਤੁਹਾਨੂੰ ਹਮੇਸ਼ਾ ਅਦਾਕਾਰੀ ਕਰਨ ਦੀ ਲੋੜ ਨਹੀਂ ਪੈਂਦੀ।"

ਹਰ ਫਰੇਮ ਵਿੱਚ ਪਰੰਪਰਾ ਨੂੰ ਸੁਰੱਖਿਅਤ ਰੱਖਣਾ ਅਤੇ ਮਰਾਠੀ ਸਿਨੇਮਾ ਲਈ ਇੱਕ ਮਾਪਦੰਡ ਸਥਾਪਿਤ ਕਰਨਾ

ਸੰਤੋਸ਼ ਲਈ, 'ਗੌਂਧਲ' ਬਹੁਤ ਨਿਜੀ ਹੈ। ਉਸ ਨੂੰ ਯਾਦ ਹੈ ਕਿ ਉਹ ਆਪਣੇ ਦਾਦਾ-ਦਾਦੀ ਨਾਲ ਪ੍ਰਦਰਸ਼ਨਾਂ ਵਿੱਚ ਸ਼ਾਮਲ ਹੋਇਆ ਸੀ, ਜਦੋਂ ਭੋਜਨ ਇਕੱਠੇ ਪਕਾਇਆ ਜਾਂਦਾ ਸੀ, ਰੋਸ਼ਨੀ ਕੱਚੀ ਸੀ, ਅਤੇ ਗੀਤਾਂ ਦੇ ਨਾਲ ਸਿਰਫ਼ ਚਾਰ ਸਾਜ਼ ਸਨ। ਉਨ੍ਹਾਂ ਕਿਹਾ ਕਿ "ਅੱਜ, ਕੇਟਰਰਜ਼ ਆਉਂਦੇ ਹਨ, ਰਵਾਇਤੀ ਸਾਜ਼ਾਂ ਦੇ ਨਾਲ ਕੀਬੋਰਡ ਵਜਾਉਂਦੇ ਹਨ, ਅਤੇ ਰੌਸ਼ਨੀ ਦੀ ਵਿਵਸਥਾ ਦਾ ਮੰਚਨ ਕੀਤਾ ਜਾਂਦਾ ਹੈ।" "ਮੈਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਅਸਲੀ ਗੋਂਧਲ ਨੂੰ ਕੈਪਚਰ ਕਰਨਾ ਚਾਹੁੰਦਾ ਸੀ।"

ਉਨ੍ਹਾਂ ਨੇ ਅੱਗੇ ਕਿਹਾ, ਇੱਕ ਰਾਤ ਵਿੱਚ ਕਹਾਣੀ ਨੂੰ ਫਿਲਮਾਉਣ ਨਾਲ ਬਜਟ ਨੂੰ ਜ਼ਮੀਨੀ ਪੱਧਰ 'ਤੇ ਰੱਖਣ ਵਿੱਚ ਮਦਦ ਮਿਲੀ। "ਸਾਨੂੰ ਪਹਿਰਾਵੇ ਬਦਲਣ ਦੀ ਲੋੜ ਨਹੀਂ ਸੀ, ਅਤੇ ਇਸ ਨੇ ਮਦਦ ਕੀਤੀ। ਪਰ ਇਹ ਪ੍ਰਮਾਣਿਕ ​​ਗੋਂਧਲ ਦੇ ਅਸਲ ਅਨੁਭਵ ਲਈ ਵੀ ਸੱਚ ਰਿਹਾ।"                  

ਸੰਤੋਸ਼ ਨੇ ਭਾਰਤੀ ਦਰਸ਼ਕਾਂ ਦੇ ਵਧਦੀ ਦਿਲਚਸਪੀ ਬਾਰੇ ਵੀ ਖੁੱਲ੍ਹ ਕੇ ਗੱਲ ਕੀਤੀ। ਮਰਾਠੀ ਦਰਸ਼ਕਾਂ ਨੂੰ ਹਿੰਦੀ ਫਿਲਮਾਂ ਤੱਕ ਆਸਾਨ ਪਹੁੰਚ ਹੋਣ ਦੇ ਨਾਲ, ਉਹ ਮੰਨਦੇ ਹਨ ਕਿ ਖੇਤਰੀ ਸਿਨੇਮਾ ਨੂੰ ਲਗਾਤਾਰ ਗੁਣਵੱਤਾ ਪ੍ਰਦਾਨ ਕਰਨੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ "ਸਾਨੂੰ ਇੱਕ ਮਾਪਦੰਡ ਸਥਾਪਿਤ ਕਰਨ ਦੀ ਲੋੜ ਹੈ।" "ਜੇਕਰ ਦਰਸ਼ਕ ਟਿਕਟ ਲਈ ਭੁਗਤਾਨ ਕਰਦੇ ਹਨ, ਤਾਂ ਉਹ ਉਸ ਕੀਮਤ ਦੀ ਫਿਲਮ ਦੇ ਹੱਕਦਾਰ ਹਨ।"

ਉਨ੍ਹਾਂ ਨੇ ਫਿਲਮ ਨਿਰਮਾਤਾਵਾਂ ਦਾ ਸਮਰਥਨ ਕਰਨ ਲਈ ਮਹਾਰਾਸ਼ਟਰ ਸਰਕਾਰ ਦੀਆਂ ਪਹਿਲਕਦਮੀਆਂ ਦੀ ਪ੍ਰਸ਼ੰਸਾ ਕੀਤੀ ਪਰ ਬਜਟ ਵਿੱਚ ਰੁਕਾਵਟਾਂ ਦੀਆਂ ਸੀਮਾਵਾਂ ਨੂੰ ਉਜਾਗਰ ਕੀਤਾ। "ਵੱਧ ਬਜਟ ਤੋਂ ਬਿਨਾ, ਨਿਰਮਾਣ ਮੁੱਲ ਨੂੰ ਨੁਕਸਾਨ ਹੁੰਦਾ ਹੈ। ਕਹਾਣੀਆਂ ਨੂੰ ਚੰਗੀ ਤਰ੍ਹਾਂ ਦੱਸਣ ਲਈ, ਸਕ੍ਰਿਪਟ ਪੱਧਰ 'ਤੇ ਸਮਝੌਤਾ ਨਹੀਂ ਕੀਤਾ ਜਾਣਾ ਚਾਹੀਦਾ," ਉਨ੍ਹਾਂ ਨੇ ਦੱਖਣੀ ਭਾਰਤੀ ਸਿਨੇਮਾ ਦੀ ਸਫਲਤਾ ਨੂੰ ਪ੍ਰੇਰਨਾ ਵਜੋਂ ਦਰਸਾਉਂਦੇ ਹੋਏ ਕਿਹਾ।

ਇਸ ਗੱਲਬਾਤ ਨਾਲ ਜੋ ਉਭਰਿਆ ਉਹ ਸਪਸ਼ਟ ਸੀ: 'ਗੋਂਧਲ' ਸਿਰਫ਼ ਇੱਕ ਫਿਲਮ ਨਹੀਂ ਹੈ। ਇਹ ਅਤੀਤ ਅਤੇ ਵਰਤਮਾਨ, ਰਸਮ ਅਤੇ ਯਥਾਰਥਵਾਦ, ਯਾਦਦਾਸ਼ਤ ਅਤੇ ਆਧੁਨਿਕਤਾ ਨੂੰ ਜੋੜਨ ਵਾਲਾ ਪੁਲ ਹੈ। ਜਿਵੇਂ ਕਿ ਨਿਰਦੇਸ਼ਕ ਅਤੇ ਅਦਾਕਾਰ ਨੇ ਰਚਨਾਤਮਕ ਪ੍ਰਕਿਰਿਆ ਦੀਆਂ ਪਰਤਾਂ ਨੂੰ ਪਿੱਛੇ ਹਟਾਇਆ, ਪ੍ਰੈੱਸ ਕਾਨਫਰੰਸ ਇੱਕ ਮੀਡੀਆ ਘਟਨਾ ਵਾਂਗ ਘੱਟ ਅਤੇ ਸਾਹ ਲੈਣ ਲਈ ਲੜ ਰਹੇ ਇੱਕ ਕਲਾ ਰੂਪ ਨੂੰ ਸ਼ਰਧਾਂਜਲੀ, ਅਤੇ ਇੱਕ ਸੱਭਿਆਚਾਰ ਨੂੰ ਸ਼ਰਧਾਂਜਲੀ ਵਾਂਗ ਮਹਿਸੂਸ ਹੋਈ ਜੋ ਭੁੱਲਿਆ ਨਹੀਂ ਜਾਣਾ ਚਾਹੀਦਾ।

 ਟ੍ਰੇਲਰ:

ਪੀਸੀ ਲਿੰਕ:

ਇਫੀ ਬਾਰੇ

1952 ਵਿੱਚ ਸ਼ੁਰੂ ਹੋਇਆ, ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ਼ ਇੰਡੀਆ (IFFI) ਦੱਖਣੀ ਏਸ਼ੀਆ ਦੇ ਸਭ ਤੋਂ ਪੁਰਾਣੇ ਅਤੇ ਸਭ ਤੋਂ ਵੱਡੇ ਸਿਨੇਮਾ ਦੇ ਜਸ਼ਨ ਵਜੋਂ ਉੱਚਾ ਉੱਠਦਾ ਹੈ। ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ (NFDC), ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ, ਭਾਰਤ ਸਰਕਾਰ ਅਤੇ ਐਂਟਰਟੇਨਮੈਂਟ ਸੋਸਾਇਟੀ ਆਫ਼ ਗੋਆ (ESG), ਗੋਆ ਰਾਜ ਸਰਕਾਰ ਦੁਆਰਾ ਸਾਂਝੇ ਤੌਰ 'ਤੇ ਆਯੋਜਿਤ, ਇਹ ਫੈਸਟੀਵਲ ਇੱਕ ਗਲੋਬਲ ਸਿਨੇਮੈਟਿਕ ਪਾਵਰਹਾਊਸ ਵਿੱਚ ਵਿਕਸਿਤ ਹੋਇਆ ਹੈ - ਜਿੱਥੇ ਬਹਾਲ ਕੀਤੇ ਗਏ ਕਲਾਸਿਕ ਸਾਹਸੀ ਪ੍ਰਯੋਗਾਂ ਨੂੰ ਪੂਰਾ ਕਰਦੇ ਹਨ, ਅਤੇ ਮਹਾਨ ਨਿਡਰ ਉਸਤਾਦ ਪਹਿਲੀ ਵਾਰ ਆਉਣ ਵਾਲਿਆਂ ਨਾਲ ਜਗ੍ਹਾ ਸਾਂਝੀ ਕਰਦੇ ਹਨ। ਇਫੀ ਨੂੰ ਸੱਚਮੁੱਚ ਚਮਕਦਾਰ ਬਣਾਉਣ ਵਾਲੀ ਚੀਜ਼ ਇਸਦਾ ਇਲੈਕਟ੍ਰਿਕ ਮਿਸ਼ਰਣ ਹੈ - ਅੰਤਰਰਾਸ਼ਟਰੀ ਮੁਕਾਬਲੇ, ਸੱਭਿਆਚਾਰਕ ਪ੍ਰਦਰਸ਼ਨ, ਮਾਸਟਰ ਕਲਾਸਿਸ, ਸ਼ਰਧਾਂਜਲੀਆਂ, ਅਤੇ ਉੱਚ-ਊਰਜਾ ਵਾਲੇ ਵੇਵਸ ਫਿਲਮ ਬਜ਼ਾਰ, ਜਿੱਥੇ ਵਿਚਾਰ, ਸੌਦੇ ਅਤੇ ਸਹਿਯੋਗ ਉਡਾਣ ਭਰਦੇ ਹਨ। 20-28 ਨਵੰਬਰ ਤੱਕ ਗੋਆ ਦੇ ਸ਼ਾਨਦਾਰ ਤਟਵਰਤੀ ਪਿਛੋਕੜ ਦੇ ਵਿਰੁੱਧ ਮੰਚਿਤ, 56ਵਾਂ ਐਡੀਸ਼ਨ ਭਾਸ਼ਾਵਾਂ, ਸ਼ੈਲੀਆਂ, ਨਵੀਨਤਾਵਾਂ ਅਤੇ ਆਵਾਜ਼ਾਂ ਦੇ ਇੱਕ ਚਮਕਦਾਰ ਸਪੈਕਟ੍ਰਮ ਦਾ ਵਾਅਦਾ ਕਰਦਾ ਹੈ - ਵਿਸ਼ਵ ਮੰਚ 'ਤੇ ਭਾਰਤ ਦੀ ਰਚਨਾਤਮਕ ਪ੍ਰਤਿਭਾ ਦਾ ਇੱਕ ਇਮਰਸਿਵ ਜਸ਼ਨ ਹੈ।

ਵਧੇਰੇ ਜਾਣਕਾਰੀ ਲਈ ਕਲਿੱਕ ਕਰੋ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | ਰਿਤੂ ਸ਼ੁਕਲਾ /ਨਿਕਿਤਾ ਜੋਸ਼ੀ/ ਸ੍ਰੀਸ਼ਮਾ ਕੇ/ਦਰਸ਼ਨਾ ਰਾਣੇ/ਬਲਜੀਤ/| IFFI 56 - 094